Outdark (飛達商業中心)

營業中

休息中

以前朋友生日食過一次Outbark，係個用餐體驗真係好令人印象深刻，裝飾佈置得好靚，有好多星星月亮吊飾，呢度嘅菜品充滿創意，味道亦不錯！我點咗幾道招牌菜，與老闆傾偈嘅時候發現菜單上食物都是自製的。他是韓國人自己煮嘅菜式。1.芝士炒雞（份量超級大）呢道雞肉炒得恰到好處，外面微微焦香，內裡保持住鮮嫩多汁，再配上融化嘅芝士令整道菜更加滑順，味道濃郁。配菜方面有香腸、紫菜飯、爐邊蛋同埋泡菜，每一樣都有自己獨特嘅風味，特別係泡菜，酸辣嘅口感完美平衡咗芝士嘅濃厚。2.海鮮煎餅（料真係多）各種海鮮都好新鮮，口感彈牙。煎餅外脆內嫩，搭配啲特製嘅醬汁，味道更加出眾。每一口都可以感受到海鮮嘅鮮味，如果再脆啲會更加好。3.乳酪奶昔同百香果梳打乳酪奶昔口感滑順，濃郁嘅乳酪香味令人感到滿足，甜度適中，唔會過於膩口。百香果梳打就帶來咗清新嘅酸甜感，解渴嘅好選擇。總括來講，Outbark嘅點既菜都好食，服務態度亦十分熱情。呢度環境輕鬆舒適，好適合朋友聚會或者家庭聚餐。 #outdarkhk

就到聖誕,間店已經好多聖誕既裝飾同擺設,門口仲有即影即有相機添,等位既時候都有野玩。任影所以我影左2張。呢度好多野我都想食,今次叫左個bbq牛,夾生菜食再點sauce,味道一流,即刻冇咁膩,同埋佢燒到即送上來,超熱呀!正!呢左個炸蝦kimbap,份量多多,仲有salad sauce添,唔錯呀!而個海鮮薄餅係必食,餡多又好食,口感好好。blueberry yougurt好濃,我最愛。之後仲叫左杯passion soda添,有d野咬下咁。

韓國釜山過江龍人氣炸雞店，經常full house要排隊等位，不過味道證明佢係值得排隊嘅。炸雞 - Signature dish，叫左甜辣同原味炸雞各半份。即叫即炸，炸粉厚薄適中，外層好脆，內裡雞肉嫩滑多汁，唔重油膩感。配菜嘅薯角一樣出色！串串魚糕湯 - 韓國街頭特色菜式～梗係要感受下。魚糕、蘿蔔、獅子狗、年糕、青口、韓式粉絲等，相當足料。配上清甜高湯，相當暖胃。烤牛肉海苔飯卷 - 飯卷中間包住香甜韓式烤牛肉，配料有蘿蔔絲/青瓜/生菜，加上少少沙律醬，口感好豐富。海鮮煎餅 - 用料非常豐富，有蝦、八爪魚、蘿蔔絲、洋蔥、大蔥等，一啲都唔吝嗇，煎到微微脆口。

🍽️Outdark朋友好想食韓國菜🇰🇷，便推薦了她們一起去了位於📍旺角的Outdark 這間餐廳很久之前吃過覺得味道不錯 所以選擇了這間👍🏻炸雞配脆薯王（香蒜蜂蜜味）🍯炸雞啖啖肉勁少骨，香蒜蜜糖醬包裹着每一舊雞勁惹味😋 醬汁的選擇亦有很多😍跟餐的薯王都好出色，炸到脆卜卜🍟烤牛肉飯卷🥩食韓餐必叫的”kimbap” 飯卷內的配菜正宗豐富，而且牛肉烤得香口，唯獨飯卷的米飯比較鬆散😢 如果實淨一點會更好韓式烤牛肉🥓牛味濃，配菜豐富🥗，吸滿牛肉的肉汁🥓年糕煙煙韌韌有咬口👍🏻蜂蜜味米酒🍯一大碗送上🥣，飲多少斟多少份量有誠意好香蜂蜜味 佢朋友覺得略甜同樣有很多不同的口味選擇🍻環境有氣氛之餘，食物質素不錯，適合朋友小聚會🎈要注意繁忙時間有時間限制🚫這次吃了人均二百左右💰/4人味道 : 🤎🤎🤎🤎🤍環境 : 🤎🤎🤎🤎🤍服務 : 🤎🤎🤎🤍🤍CP值: 🤎🤎🤎🤍🤍🍽️ Outdark (飛達商業中心)📍 旺角彌敦道613號飛達商業中心2樓

outdark開左咁耐都仲有好多人捧場, 而家咁多韓國餐廳佢都仲可以keep到人流同水準, 証明真係唔錯既!環境靚氣氛好, 同朋友黎飲杯野食個炸雞都開心。蜂蜜大蒜味無骨炸雞夠哂香口炸皮脆卜卜唔算厚, 啖啖肉~ 甜甜地帶點蒜香又幾惹味, 仲有好多薯條同薯格, 真係唔覺唔覺一啖接一啖咁食哂~炸蝦飯卷紫菜有麻油香~ 炸蝦脆脆的令整體口感變豐富。韓式牛肉炒粉絲牛肉幾多又炒得香, 粉絲有牛肉汁既味道, 口感煙煙韌韌我中意, 仲有唔少蔬菜絲, 唔單調~點咗藍莓乳酪同熱情果野叫左兩杯野飲, 熱情果梳打同埋藍莓乳酪, 乳酪夠杰身唔過甜, 好飲。

餐廳位於飛達商業中心2樓，要上2層電梯先可到達。門口有好萬聖節氣氛嘅裝飾。餐廳有自家調配鮮果酒精飲品，柚子同草莓口味睇落不錯，但要揸車今日就唔飲了。點左兩項食物，分別係串串魚糕湯同埋海鮮炒年糕。海鮮炒年糕上面有，芝士，泡菜，紫菜飯同埋炸魷魚等等嘅配菜，煮個炒年糕用韓式辣醬去炒，每一粒都軟糯又夠辣，煙煙韌韌。🤤 上面個海鮮係魷魚，魷魚炸完之後都仲保持到鮮味，沾上芝士一齊食，真係好邪惡。❤️串串魚糕湯將所有魚糕都變成一串串，我真係好鍾意食煙煙韌韌嘅嘢🤣 上面有啲皇帝菜同埋麵，魚糕湯個湯底好清，飲咗兩碗都唔會好口渴😋魚糕有條狀，有片狀，同埋獅子狗，滿足到我鍾意食唔同口感嘅魚糕嘅願望。

講起韓國菜，一定諗起呢間！來自釜山嘅炸雞品牌，人氣極高，係韓國有超過50間分店，而香港係品牌海外嘅第一站｜成日都要排隊😆但真係好好食！✨雙拼炸雞必點！今次揀左甜辣同原味。炸雞件啖啖肉，外層香脆，炸粉唔會好厚。我自己更喜歡食甜辣醬味～炸雞掛滿香甜微辣醬汁，調味剛剛好🙌🏻入面嘅薯格都重點！熱辣辣脆卜卜，面頭仲有啲芝士粉，勁好食！✨韓式烤牛肉海苔飯卷海苔飯卷中間包住烤牛肉，蘿蔔絲，醃蘿蔔，雞蛋，青瓜等。仲食到芝麻同紫菜香，配上特製醬汁，酸酸甜甜，其實幾開胃～✨串串魚糕湯好有韓國地道街頭風味嘅菜式～魚糕口感Q彈，鍋中仲有白蘿蔔、年糕、青口、韓式粉絲等，一路熱住嚟食，暖笠笠好好味～連啲湯都飲埋！✨海鮮煎餅配料有蝦、八爪魚、蘿蔔絲、洋蔥、大蔥等，用料好豐富。煎餅煎到好香口脆身，好食！

Outdark ，是一家來自韓國釜山的炸雞品牌，以招牌韓式炸雞、海鮮煎餅為熱門菜式；餐廳環境舒適，佈置非常有情調，亦很適合一大班朋友共聚歡樂時光。🥳 芝士炒雞 $328 — 配上Outdark 自家製的辣椒醬, 加入豐厚的芝士，味道有層次亦很搭配，份量十足。配菜有飯團、番薯球、雞蛋和泡菜；已要求少辣，但仍好辣😑🥳 香蒜蜜糖炸雞半份 $138 — 半份也有7-8大塊的炸雞，外酥內嫩，蜜糖的甜味與蒜香很搭，其他炸物調味獨特，讚👍🏻🥳 海鮮蔥煎餅 $138 — 粉漿並不多，餡料佈滿了海鮮、韭菜及蔥段，十分香口🥳 炭豚肉紫菜飯卷 $98 — 紫菜包滿多汁的豚肉, 配上spicy醬汁及多種配菜，口感層次豐富

Outdark係一間韓國菜餐廳，店內裝潢氛圍相當獨特，環境較暗並用上精心設計嘅燈飾點綴讓整個空間充滿氣氛與情調，無論與朋友或是戀人共聚，亦非常合適，座位之間有適當的間隔，私隱度較高，用餐舒適香蒜蜜糖炸雞炸雞外層酥脆，雞肉鮮嫩多汁，炸雞配薯條、薯角、薯格，令整道菜更香口，炸物中規中矩，而面層的芝士粉，令食物增強了鹹香味及層次感豬肉炒粉絲粉絲配料豐富有青椒、菇、洋蔥、木耳等，這些蔬菜令粉絲豐富及更為健康，豬肉質中規中矩，但整體份量不大藍莓乳酪藍莓乳酪係一杯飲品，飲落有藍莓果香，乳酪飲品入口順滑，酸甜適中，非常清爽又能解油膩

朋友飯局，黎到旺角，雖然多韓國嘢食，但係個人覺得質素比較參差，但係今次嚟到呢間韓式食店，食物質素十分之高，好值得推介😍⭐️紫菜飯捲 $98炭烤豚肉嘅紫菜飯卷，經過醃製嘅豚肉，配上黃蘿蔔紅蘿蔔絲，再加埋牛蒡爽脆口感，而且份量十足，飽肚之選😋⭐️水冷麵 $138香港咁熱嘅天氣，點可以唔食水冷麵？醃製嘅烤牛肉，滿滿嘅配料再加埋白蘿蔔同埋高湯撈埋一齊食，消暑之選！⭐️半份炸雞配香腸年糕串 $176佢係無骨嘅炸雞，食落好方便，同埋炸得香脆同肉汁豐富，再加埋大量嘅薯格薯條，份量十足！另外我哋仲叫埋香腸年糕串，賣相吸引！配合埋韓式甜酸醬汁零舍開胃！⭐️辣炒豬肉 $288無論係份量同氣勢都係十足！可以選擇辣度，正常辣到大部份人都可以接受到，而且配合埋拉絲嘅芝士，同埋紫菜飯，十分惹味！⭐️海鮮蔥煎餅 $138大量嘅海鮮配合埋海量嘅蔥段，而且煎得勁香脆，配合埋佢哋特製嘅醬汁，配酒一流！⭐️串串魚糕湯 $228去韓國嘅夜市必定會食到！呢度嘅魚糕同樣係好夠份量，配合埋野菜同埋香菇，好食到連湯都飲埋🤤⭐️Honey Makgeoli $128咁多好嘢食，點少得韓國米酒！配埋蜂蜜勁易入口，一班人飲就最適合喇！

首先點左牛肉炒粉絲，呢道菜用上新鮮嘅牛肉，烤得香噴噴，肉質嫩滑，牛肉嘅醬汁味道濃郁，同粉絲一齊炒，粉絲吸滿咗醬汁，入口時彈牙又夠味，配合上面嘅蔬菜，真係色香味俱全，簡直係完美搭配。🍜🍜之後就點左芝士炒雞，用一個鐵盤來炒，將醃好嘅雞肉炒至全熟，侍應落完水牛車打芝士,會係你面前幫你撈埋，一拉起來就可以拉絲，真係好吸引。每一口都係滑嫩嘅雞肉加上濃厚嘅芝士，而且旁邊仲有小菜配搭，包括韓國雞蛋卷、泡菜、香腸仔同紫菜飯，特別係泡菜，酸酸辣辣嘅味道，正好可以平衡芝士嘅油膩感。🥘🥘最後，飲品方面我點咗藍莓乳酪同熱情果梳打，藍莓乳酪酸甜適中，口感滑順，非常清新；而熱情果梳打就帶有一點點嘅清香與微酸，十分消暑。🍹🍹

#mochicouple_hk旺角搵食團 Miss mochi想食呢間韓國餐廳好耐🥹，之前去釜山都冇食到🥲，今次終於試到🤓！間店好有氣氛😆，夠dark😎，入面好多星星月亮燈飾串🌟🌙，仲播住K-pop🎶。呢間餐廳唔收切餅費👍🏼，好啱同朋友慶生🎂。門口仲有部影相機📸，大家可以影相留念！而且，食物係由韓國人烹調，所以非常正宗😏，所有食物都係自家制，好有家庭式feel😍！1️⃣ 辣炒豬肉($288)好大一鍋！🥰 有泡菜、香腸、紫菜飯、芝士😏 鍋中間有一大堆辣炒豬肉包括芽菜、韭菜同洋蔥🙌🏻 加埋用咗韓式辣醬調味🤤超級入味，微辣的味道不會過於猛烈，反而能夠讓人一口接一口😙 旁邊仲有芝士粟米🌽 用個爐煮熱少少，即刻變成拉絲芝士🤤🤤 如果覺得太辣可以撈埋啲芝士中和返😇好味指數：🍡🍡🍡🍡🍡2️⃣ 甜辣+香蒜蜜糖炸雞(雙拼)($208)標榜用韓國雞肉🐓一盤有10件炸雞🍗件件都無骨勁厚🤤炸雞的外皮金黃酥脆✨肉質非常嫩滑😍雞肉juicy入哂味😙甜辣口味比較偏向泰式甜辣醬的味道，所以唔會話好辣，易入口。香蒜蜜糖味有微微的香蒜味再加上甜甜的蜜糖！仲有波浪薯條、薯角、薯格非常香脆惹味🤪好味指數：🍡🍡🍡🍡🍡3️⃣Cassy啤酒🍺

呢間韓式餐廳位於旺角，喺彌敦道好易搵到。喺ig見過唔少人推介呢間餐廳，又聽過下呢間餐廳係韓國過江龍、韓國人主理，所有食物都係自家製，所以今個禮拜日就試下佢哋嘅食物質素啦！🍖🍗一去到門口就見到佢哋嘅免費 photo box！呢個photo box好得意，佢用帳單打印方式印張相比你。喺餐廳食完飯之後，可以影張相留念！好有心思<3主菜🐷 Butter flavored pork bulgogi with ssam (korean lettuce)呢個豬肉bulgogi真係好香！醬油醃料滲晒入豬肉度，食落好香口同入味。呢個dish唔單止有豬肉，面頭仲有外皮脆脆嘅韓式年糕，最底有牛油金菇同洋葱，仲有自家製酸青瓜同酸紅綠色辣。樣樣少少，夾清甜爽口嘅韓式生菜包住食，加埋佢哋落左麻油嘅 ssam醬同蒜片，層次感爆炸！真係比佢個豐富嘅 texture同味道驚艷左！有餐廳嘅水準同時又好有homemade 嘅感覺，真係jap jap jap唔停口！🥬🐷🍗 Two flavours chicken (boneless 450g) - soy sauce & honey garlic sauce呢個炸雞

其實唔少喺香港嘅韓國菜，整落嘅味道大家都差唔多，因為都知道有啲會邀請韓國人，駐港去料理-所以真係有返咁上下高質而呢一間亦都係我一個100%韓國人嘅朋友推薦-咁佢所有嘅食物都大大份但係調味呢，我覺得適合香港人嘅口味-例如炸雞部份，我揀咗甜辣雞食落真係唔會太過辣，會上癮Keep住食幾舊-之後大大份豬手肉質亦都肥瘦均勻當然有幾舊可能特別肥膩但係唔會影響整體嘅感覺-同埋因為佢喺樓上舖頭嘅關係所以真係要搵吓先至會上嚟食咁都希望佢多啲人認識，多啲人嚟食啦

同朋友慶祝生日，我地揀咗去旺角一間韓國餐廳食lunch，呢間餐廳嘅環境好有韓國浪漫情調，掛滿星星裝飾燈好似置身星空咁，裝潢得幾靚，感覺好舒服。-首先，我地叫咗佢哋必叫嘅芝士炒雞，一鍋咁上菜，份量十足，有齊年糕、芝士粟米、蛋、紫菜飯、泡菜，真係好正！雞肉炒得剛好，份量好多，外脆內嫩，仲有啲香辣味，食落去非常過癮。最吸引嘅係上面覆蓋住一層濃郁嘅芝士，拉絲效果超級吸引，令人忍唔住想多食幾口！配搭埋啲韓式泡菜，味道更加豐富～-我地仲叫咗水冷麵，呢碗麵好清新，特別適合夏天食，剛好可以中和油膩嘅炒雞。麵條爽滑，配上冰涼嘅湯底，味道清淡卻又不失韓式風味。麵上仲有青瓜絲同雞蛋，清清地食起黎非常舒服。-總括來講，呢間餐廳嘅芝士炒雞同水冷麵都非常好味，值得一試！服務態度都幾好，價錢亦都合理，絕對係韓國菜嘅好選擇～