P.R.C. Ristorante & Caffe (已結業)

老公的呀妹係呢頭番工, 話呢間西餐廳唔錯.咁岩老公, 老爺, 老公細佬同埋老公的姐夫都係8月生日, 就book左呢間黎慶祝生日!人多有人多的好處, 1行9個大人2個小朋友, 我地差唔多將佢成個menu都叫齊了, 再share一齊食!因為佢原本冇set dinner, 只有散叫但加25蚊就可以升級為set, 有湯/沙律同埋有野飲!pizza唔錯, 厚薄適中, 叫左呢款係得芝士, 但都好正! 仲叫左一個係辣肉腸不過唔記得影相. 羊架係老爺叫, 本人唔食羊冇試, 但佢地話幾好, 唔會好so.好厚的黑毛豬脾,   呢個就麻麻, 都幾鞋, 不過個汁就唔錯, 酸酸甜甜.雞扒配大蝦, 正正常常個蝦爽口唔梅.牛扒我地叫左肉眼同西冷各1份, 7成熟果份應該係10成, 5成成熟果份又已經7成咁.但味道係唔錯!再叫左飯同意粉, 味道好ok!!!呢間鋪好細, 得10張枱左右, 如果好似我地咁多人建議一定要book台!同埋佢的情調裝潢都幾好, 加上可能都係做街坊生意, 當日我地帶左生日蛋糕都冇收我地切餅費.服務態度都唔錯! 細心有禮.  

為左慶祝家人生日，就特登揀左一間評語唔錯既西餐廳賀一賀佢。之前都去過，不過就只係食過佢地既午餐，因為平時星期六日都會爆，所以都去book左位，以防萬一。我地四個人叫左兩個Appetizer，三個Main Menu，其中兩個加$2X轉做餐，即係會有湯同餐飲。餐湯唔幾得影，得係憑記憶，幾有水準。佢地今日既餐湯係薯蓉濃湯，外觀（湯個色）有D似佢地午餐曾經推出過既青豆湯，而味道有濃濃既薯香味。炸雞係即炸，外皮香口，但係又唔會好似街外咁D外皮咁厚，讚！配上佢地自己調配既鮮橙檸檬汁，幾開胃。幾鐘意佢地個白汁，因為佢地個白汁係同洋蔥一齊煮，所以好香。蜆肉都甜！依一度菜岩素食者，因為成道菜都冇含肉類係入面，白汁同蜆肉個汁差唔多，松茸醬可以令到成道菜既味道更豐富濃郁！好鐘意個意大利飯，佢地唔係好似街外果D飯咁濕，而係好Jam既feel，所以口感滑而濃郁，帶子好大粒，肉質滑嫩。叫左六成，因為我比較鐘意食生D，所以我其實覺得叫4至5成得仲ok！不過，都係好食既，唔係好多肥膏！如果齋叫一個主菜其實就唔會好貴（睇你叫咩，一個意粉唔會過百），但如果轉餐，就要加$50幾要一個湯同餐飲就略嫌有D貴。不過環境唔錯，而且

set lunch 有4-5 樣野揀，平均$60-80 加一，有湯同一杯餐飲。勝在環境舒服，唔會同隔離枱貼到埋一埋，又冇新港城樓上的食肆咁嘈。呢個價錢黎講質素唔錯👍 會再幫襯

今日同朋友食生日飯，試過好多凱撒沙拉，呢度都算好食，而且好大盆，而最鍾意就是龍蝦湯，好好飲，帶子意大利飯亦好好味，個飯唔乾但亦唔算太多汁，啱啱好，而帶子外脆內軟，好好食，但個pizzas 就一般，可以唔試，其他都Ok，亦唔算太貴！

同Mr. Pig 難得在馬鞍山用餐，就一試這裡西餐。這裡環境氣氛浪漫，candle light 高級格調，適合情侶拍拖慶祝紀念日。價格當然不便宜，這份安格斯牛扒188元，但烹煮得過火，乾身，醃製時間短，唔入味，浪費一塊好牛扒，反而伴碟的薯仔椰菜花還入味。 煎帶子蟹肉芝士西紅花意大利飯 128元帶子煎得外香內軟，非常嫩滑新鮮，忌廉芝士味一般，意大利飯較乾身，略缺煙韌口感，唯份量比想像中多，還不錯。埋單4百多元食環境氣氛，食物味道就不好高期望了。

除安格斯肉眼食得過之外其他全部唔點，蒜香大蜆意粉用忌廉煮攪到D蜆冇蜆味得忌廉味失敗，帶子蟹肉紅花意大利飯太熟唔al denta 帶子太熟over cook 有紅花又落忌廉唔知想點，個廚係唔係淨係識用忌廉煮野😓，羊架賣$178 味道ok 但晚餐main course 擺餐仲用椰菜花真係同茶記冇分別，caeser 好肉酸，pizza 正常,野菌湯罐頭都不如，7個人食$1200蚊唔係貴，食材冇問題係d廚唔得！

長假期, 人家在說著怎樣去玩, 我就要到會展, 真掃興. 未出發前, 先跟文迪吃個午餐吧. 未在這裡吃過午餐, 不知水準如果呢?是日餐湯: 7分, 午餐包括是日餐湯, 這天供應的是南瓜湯, 南瓜味不算太濃郁, 不過就勝在不會太杰身, 加上熱度對辦, 先喝口熱湯, 也好.香煎帶子意大利飯 $68: 7分, 我的主菜選擇是香煎帶子意大利飯, 帶子有兩隻, 煎得幾香口, 肉質嫩滑. 意大利飯質感一般, 不夠咬口, 加上個汁是相當杰身及濃味, 多吃點已經覺得相當滯了.香煎肉眼扒配紅酒汁 $78: 8分, 對, 文迪的選擇又是肉眼扒, 說的就是香煎肉眼扒配紅酒汁, 小吉愛吃嘛. 我也分吃了半塊肉眼扒, 煎得火候幾對辦, 肉質不會太實, 配上紅酒汁同吃, 幾惹味的. 而薯條炸得熱辣辣, 很香脆, 令人愛上.凍檸茶: 我的餐茶就要了凍檸茶, 以凍飲的標準來講, 還算幾有茶味的.這裡的午餐價位還算合理, 而水準亦不俗, 值得一試. 吃完午餐, 我也是時候到會展了.

新港城附近少有西餐廳，前幾年終於開了一家不過一直沒有機會去食。由於門面玻璃將室內遮得嚴嚴實實，一直無法目睹芳容。是日於樓下遊蕩，忽然覺得一陣肚餓，又想食牛扒，於是便走進這家西餐廳。燈光昏暗，座椅舒適，氣氛挺好，不過居民區附近，食客大都是一家老小，一家親feel多過約會feel.午市餐牌都有六七八樣選擇，披薩，意粉，海鮮飯，牛扒，沙律，甜品，各式酒，都有。我自然是叫左牛扒。來的先是餐湯，奶油蘑菇，暖暖的，味道也算濃郁，還有胡椒和鹽，可以自行添加。牛扒來了，除了牛扒本身，還有一些時蔬，比如西蘭花，番茄，土豆，還有薯條。配菜也好味，因為source夠濃夠多，還有自取的茄汁。說到牛扒，本身薄身，所以很入味，比美式牛扒的味道吸收醃汁更重，肉質更肥，也更油，是我喜歡的口感，牛扒似乎是100克，加上那麼多配菜，完全飽足。套餐有野飲送，不過似乎如果不主動提出，店員並不會主動告知，由於食多油膩，便叫左一杯熱檸水，所以都算有個清爽的ending.午市價格親民，就算最高的牛扒套餐，加一之後都不過百，店員一般熱情，不過還算快手腳又乾淨。想食牛扒會再來~

今天是慶祝爸媽結婚週年紀念,才來這家餐廳。餐廳給我的第一印象是很有氣氛的餐廳,燈光暗暗的,枱上有個小蠟燭,挺浪漫今晚菜單如下：沙律沒特別,只有蔬菜餐湯幾'結',有料,有海鮮味意粉足料,最好同人share ,食太多會好腻意粉麻麻地,可能我不喜歡食墨汁肉眼扒叫6成熟,來的像七成熟,醬汁夠濃,配上肉扒就太咸整體上不錯,食物好吃,賣相吸引,服務員服務周到,如可以再臉帶多點笑容就更好.

今日同媽咪2個人去屋企附近既意大利餐廳-p.r.c. ristorante & caffe食lunch. 餐廳店面較細,所以都等左一陣. 店內環境唔錯,都幾有西式味道.我地叫左2個set lunch: 我叫左卡邦尼意粉, 媽咪就叫左青瓜銀雪魚pizza配沙律. 野食都好快就到是日餐湯係seafood cream soup. 都幾rich架! 唔會太咸. pizza幾脆, 料亦好足, 但唔係好覺銀雪魚味, 但係味道都算rich, 唔錯! 個沙律對於我黎講就酸左d, 但係媽咪就特別鍾意醋味, 所以因人而異啦!卡邦尼意粉大讚! 我未試過咁重芝士味,咁creamy既意粉!! 鍾意芝士既朋友一定要試, 保證大家流哂口水.跟餐既coffe + milk tea, 味道都okay!

禮拜六晚七點左右到, 好好彩不用等位先講裝修, 簡單整齊無諗過舖仔細細, 可以擺放得有寬闊的感覺食物方面, 有pasta, pizza, risotto, 約$100 左右另外仲有生蠔, steak加$20, 有湯/salad 和tea我地2人點了海鮮意大利飯, 呢個一般, 個飯不太夠硬仲點了香蒜蜆pasta, 呢個最好味, 尤其個sauce, 蜆夠新鮮無沙, 係個paste 可以再硬番少少daily soup 係大蒜薯蓉湯, 呢個內子話好味最後lemon tea的茶, ok, 不是茶餐廳的有時會澀服務方面, waiter 好私文, 有禮貌overall, 有少少似西貢d 小店, 但價錢比西貢平呢間係馬鞍山區, 可以番炒幫襯 ^^

最近出名冇啖好食既馬鞍山多左幾間價位比較高既食店~住左係度廿年~終於唔駛食大公司連鎖店跟家人星期日會外出晚飯~無意中在openrice見到~就打來訂位~餐牌選擇不多, 不過也足夠了~另外有牛排羊排跟生蠔~叫了兩隻生蠔~不錯~忘了拍照~什麼什麼野菌黑松露湯~普普通通跟在外面喝的也差不多香煎帶子什麼蟹肉意大利飯~原諒我~名字都很長很難記~這個飯味道不錯~飯的軟硬度個人也很滿意~普通的餐湯+20$就有了, 反而這個比我想像中好喝!肉眼排要了五成熟~很滿意!值得一提的是薯菜的薯lol開初看了看見炸過的沒有太大好感~咬下去卻不錯~原來不是普通的炸薯條薯蓉~很creamy很好吃~忌廉白酒煮大蜆, 雖然來到看到蜆根本不大lol不過汁的味道很好, 蜆很清甜, 這個反而最滿意!

價錢及食物質素不成正比。$78 白酒忌廉煮硯，用的是一般街市入口的硯，只有8隻，而且6隻有沙!!$178是日精款，安格斯牛，牛扒薄，七成變8成，味道還可，伴菜炸茄子超油！黑松露薯蓉還可。$98白汁意大利飯，OK$88煎帶子pasta , OK餐湯，甘筍薑汁湯，幾好

前往原因：見佢新店開，抱住試新野的心態。本身馬鞍山西餐廳不多，見到佢ｌｕｎｃｈ斤都近百蚊，都期望會較有水準。南瓜湯　－　有煲”痴”底的”火羅”味。同個侍應講，佢話係我地一行六行咁覺得，佢話唔覺有問題。算！心諗主菜好食就算數。海鮮意大利飯　－　沒有驚喜，飯無ｃｒｅａｍｙ的口感，味道較淡，帶子色夠但無味。當食物進食係無問題，不是難食，只係唔太好食。ｐｉｚｚａ　＆　ｓａｌａｄ　－　個ｐｉｚｚａ普通，ｓａｌａｄ無醋無油咩都無，同食草無分別。整體唔係好差，但價錢反應不到食物質素。可以一試，但試完無回頭。

家住馬𩣑山，常為咗假期天姐姐休息日而周圍去找食飯地方而苦惱。馬𩣑山食店不算多，食物質數又一般一般，難得見到有新食店開張，立時衝入去試一試。星期天午市食客剛滿，眼見地方不大，等了約十五分鐘本想離開，小兒已嚷著要找麥老叔叔去。狀似負責人到門口叫我們等等，客人已埋單清潔枱面中，算吧等多一會。約兩分鐘后入內枱面巳清潔，刀叉放好，整體店內清潔乾淨。店內燈光較暗，裝飾簡約，個人感覺舒適。看完食譜后，內子巳急不及待叫了烤羊架，小兒隨口叫了鴨胸沙律套餐，而我就叫了蜆肉牛肝箘意大利飯。上菜算快，意大利飯先上，食物夠熱味道適中，挑剔的小兒及內子嚐了一口后，沒哼一聲。即是已過一關。烤羊架上枱后，香味不錯，肉質鮮䭃，肉邊位不硬身有一種特別的味道。內子即時叫好。小兒的鴨胸我嚐一口后也覺可以。餐飲叫凍檸茶，原本沒有什麼期望。入口后發覺不是一般荼餐廳的那種，有深紅色的荼葉味，有點喜出望外。整體感覺不錯，希望新店能保持水準加多些特式美食。我想小兒內子短期內會再嚷到此店再吃一次。