P.R.C. Ristorante & Caffe (已結業)

沙田之友講過:搵食千萬唔好黎馬鞍山。今晚過開黎搵呢位朋友，朋友千挑萬篤下終於好唔願意咁去左呢間餐廳晚膳。叫左個二人餐，忌廉餐湯(無影相白色一pat有乜鬼好影)，飲落竟然好重奶味而無忌廉味，主菜香煎帶子蟹肉紅花意大利飯同埋美國安格斯肉眼扒10安士，前者飯口感一流(個人主觀地喜歡食硬飯，喜歡吃稔/濕質感既飯桶應該會覺得口感偏硬)，帶子亦煎得夠香，但食落就唔覺有蟹肉味(可能被個汁既味道遮蓋左)，紅花就更加扯不上邊。肉眼扒叫左五成熟，汁略嫌太豐富，遮蓋左本身肉味，本身塊扒亦係普通質素，始終出街食牛扒不能要求太高，都係買塊靚野響屋企自己煎至穩陣。甜品焦糖燉蛋同埋芒果奶凍，前者有驚喜 ，蛋滑得黎夠實淨(好難做到呢個效果)，後者芒果肉偏少，但勝在夠大杯，一啖咖啡一啖甜品，(咖啡質素普通，口味好個人，要品評唔該問陳豪，但咖啡配甜品就能令咖啡升class)，實在係飯後同下午茶既至高享受。埋單四舊半加一，五舊找五蚊。

一向也喜歡P.R.C 用心經營 每一個細節 值得一讚佢地的服務態度我知道佢地一向冇幫人寫生日字但他們也能為客人寫下happy birthday 感謝你們 我很喜歡這裡環境同一些細節 這是我在馬鞍山唯一最喜歡的餐廳 你們要加油呀

之前同班friend黎到呢間P.R.C ristorante & caffee食dinner,一入到餐廳店內就覺得好正,個度ge氣氛好正,好有feel,而且周圍環境清靜,檯面上ge蠟燭都增添左唔少氣氛,首先講下我食過ge英式炸魚薯條,真係好正好正,有英國ge風味,佢ge炸魚個皮好香好脆,入面ge肉都好香,配上佢香脆ge薯條真係一流,另外佢呢杯咖啡都整得好靚,真係見到就好想飲,而且真係好好味,下次有機會一定再黎

復活節假期的最後一日，到久違的PRC午餐。幸好12點15分來到，拿到最後一張枱。這裡的餐牌豐儉由人，最重要的是每一道菜都可以見到廚師的心機。服務也很好，基本上都係舉手即回，仲自己主動加水。但我最喜歡的，是這裡的音樂--這裡枱唔多，客人一般都唔大聲，飽餐後歎茶時，用優悅的音樂調劑下煩忙的生活，夫復何求？其實3期餐廳近來已增至10間，但PRC還是我在馬鞍山的心水餐廳。PS: 這裡車位充足，也有很多揸車客。

星期日晚上有點事情來到馬𩣑山，在此人生路不熟就上openrice參考下其他人既食評。難得黎到馬𩣑山就當然唔會又揀番連鎖式經營既餐廳，所以就鎖定咗呢間西餐廳。三個人但有一個係小朋友唔食得到太野，所以就只係叫咗兩款主食，再分別加咗HKD25要餐湯（可選沙律）同餐飲。餐湯先上，係青豆湯。不過放心，唔係雪藏青豆既味道，連位唔喜歡食菜既小朋友都有飲相信就係最好既證明。濃稠度都相當好，我個人最怕餐廳為省成本做到忌廉湯太稀，而呢間就冇咁做，而係折衷地碗湯偏少點兒，但都可以接受。香煎帶子蟹肉紅花意大利飯(HKD128) 這個挺有驚喜喔！帶子煎得很香而內裏很滑嫩，飯是正宗的意大利米煮成，一粒一粒很分明。汁醬濃郁而又剛好掛在每顆米上。還點了意大利辣肉腸薄餅(HKD114) 是小朋友堅持要吃的緣故，否則本想點牛排。這我沒有拍照。它是薄薄的餅底，並非很脆的那種，有點軟，難拿着吃（所以我是用刀叉切着吃的）。味道沒有特別大的的驚喜，但也不過不失，就是辣肉腸薄餅了。甜品方面點了兩款經典意大利芝士餅(HKD40) 起初都覺得不錯的，但當吃到底層既部分，手指餅/蛋糕實在浸得太溼了，這真的毀了整杯芝士餅（以我所知多數是用

不停再訪這家餐廳，並不是因為馬鞍山是美食沙漠、沒有選擇才屈就來這裡而是真心覺得這家餐廳的食物不錯，服務也好，值得支持！自己已經來了這裡超過7、8次了，多數是晚上來，喜歡這裡幽暗的燈光和安靜的氛圍，重點是，食物水準很高，價錢卻不會很貴，絕對是私聚的好地方。以下的食物都不是在同一天拍的，因為去了太多次了，所以一次過寫。這是某天晚上和細佬來二人晚餐，前菜叫了一個美式雞塊配檸檬香橙蜜糖汁，雞塊新鮮炸好，卻一點都不油膩，也能鎖住肉汁。雞塊本身已經有味道，但推介必定要蘸餐廳特調的蜜糖汁，醬汁的甜酸度剛好，有點檸檬和香橙的果香，讓炸雞的風味提升了一個層次。後來我們每次去都會點這個前菜LOL然後點了一個辣肉腸PIZZA和我最愛的雜菌黑松露意粉PIZZA夠薄脆、而且不會過鹹，辣肉腸超香，個人覺得這裡的PIZZA比外面很多專賣PIZZA的地方還要好吃呢。黑松露意粉是這家餐廳吸引我一去再去的主因，黑松露味很濃郁，醬汁的稠度剛剛好，麵條彈牙，上碟時伴有香濃芝士碎，絕不欺場！後來又有一晚和朋友去吃了晚餐，叫了個卡邦拿意粉配溫泉蛋，芝士味很濃，絕不是外面又是吃到的那種白汁伏卡邦拿。再有一晚，又是二人飯局。先點了這

Have been in the RistoRante and Coffee for several times and it never disappoints me in an affordable price. Set lunch with soup, main, and coffee is around $70, free service charge during weekday.Pumpkin soup- A silky textured soup, as alwaysSmoked salmon & wild mushroom spaghetti ($66)Spaghetti well coated with light and non-sticky cream sauce. Fresh mushroom. Salty smoked salmon (I tend to eat mild food). High quality overall.Will definitely visit again. Just one thing is that I am more into

Food here was beyond expected. The beef was tender and yummy. They were out of baguette and replaced them with pasta which wasn't so nice but it had a good flavour. Soup was amazing. Truffle pizza was good but only in the middle where the truffle sauce were while the rest is quite bland. Superb atmosphere given that it is in the middle of a housing estate. Would definitely go there again. Tiramisu was pretty good too.

馬鞍山，說都說到悶，是一個沒有什麼美食的地方。不過，有心找，總會有一些小型的驚喜既。是日太太不在家，我一個人回到馬市，心目中就想起了馬鞍山的西餐廳。然而，就近就腳，亦知道這一間名叫《P.R.C. Ristorante & Caffe》的小店已經經營了多年，而這一次終於有時間自己一個人在馬鞍山食飯，於是我決定一試。 看過其他博客的評價，這一間《P.R.C. Ristorante & Caffe》，是區內少有的 Fine Dining 地點。之不過，小小的意式食店，感覺上點都有返咁上下豉油西餐廳的風采。可能是地方限制了吧，少了最傳統浪漫的四方檯。 地方雖不夠市區的西餐廳來得 grand，但食物出品的確是全西式。我點的晚市套餐，是日包的湯，雖是忌廉湯，但濃郁，豐厚的感覺，是香港式西餐廳不會做到的，而且，湯內有蘑菇的碎粒，湯味濃郁芳香。 當我一個人去食西餐，我始終都是首選牛扒。是日食西冷，是一片很大很厚很 Juicy 的牛扒，加上的，是歐陸口味的紅酒汁。牛扒，我感覺上有少少失手，因為我點的是五成熟牛扒，但出來的牛扒，起碼有七成熟。不過，肉質同肉味都不錯，除了是煎過左我要求之外，整體上都夠好。

2個 pasta 都yummy, 裏面的是蒜片, 不是蒜蓉所以覺得不夠精緻 and then 食物非常快便可上枱pasta 份量都好足, 打上忌廉汁的當然會較滯, 但唔算好杰只是沙甸魚的份量很少, 得一條pasta 再加 $25 有湯 /  salad + 1 drink 忌廉菠菜湯 :  cream 唔算好杰, 但菠菜蓉可以更豐富些便更理想, 現在是僅足夠香港地租貴, 枱與枱之間隔離close 也是常見之事, waiter services 也很勤快

今日父親節，終於輪到同晉爸慶祝喇！今晚去左呢間P.R.C食牛扒，環境有情調，座位唔多，可以預早一個月訂位，分兩個時段訂台6:30-8:00/8:00-10:00，已經黎過幾次了，一直覺得佢地牛扒好有水準，最驚喜係今次，薯蓉同配菜好味左咁多既，老闆話轉左廚師，唔怪得喇！每次黎既薯蓉同配菜都淡而無味，今次食得出花左好多心機，好驚喜有咁大改善，一定要講佢地既牛扒，有水準，肉汁甜，晉爸好鐘意食。環境有情調蒜蓉包👍🏻好香好脆口肉眼扒雖然多根筋，但肉汁較甜，我建議6成熟，岩岩好又唔會太生，好味😋配菜改善左好多，薯蓉加左芝士粒，煎得香香脆脆，好好味！西冷牛扒肉味重，夠厚身又大塊，呢個價超值👍🏻👍🏻

馬鞍山★P.R.C. Ristorante & Caffe*fb: followfooddiary之前生日一家人黎食過番尋味，今日係馬鞍山幫朋友慶祝生日又介紹左佢地黎。上次無嘜影到相偷懶無打食評，今次仲keep到水準大家都食得好滿足，都係要happy sharing下室內環境嘛，漆黑梳化白雲石枱配特色玻璃罩鎢絲燈，燈光昏暗有情調空間唔算好大，估計大約容納到20-30位客人。搵食時間- 英式炸魚薯條（$72）：估唔到ｄ薯條係粗到成舊薯角咁正呀外面薄薄一層脆皮，食落好有volume好粉～英式炸魚一條條咁上，炸皮脆而不油，入面ｄ魚肉勁嫩滑- 凱撒沙律加煙三文魚（$68+$25=$93）：極速被分屍相都影唔到成個salad bowl咁上，面頭有兩大塊外加既煙三文魚。沙律菜夠新鮮，最抵讚係果ｄ小粒狀既蒜蓉包，勁香脆惹味！- 香煎帶子蟹肉紅花意大利飯（$128）：三粒肥美香煎帶子再加ｄ芝士碎係面，見到都流口水。意大利飯脹卜卜，食落creamy有嚼勁不過食果時無嘜細心留意，宜家睇番menu先知原來有蟹肉～- 意大利辣肉腸薄餅（$114）：pizza面頭鋪滿可以拉得起既芝士，邪惡得黎好吸引蕃茄醬辣肉腸

之前已幫襯過一次，覺得都ok 決定再黎白酒煮大蜆食到有白酒味 但個味岩岩好果然隻隻都係大蜆喎！起碼有十隻 ，全部無沙 Good~食蜆最怕有沙了士多啤利乳酪沙冰 + 芒果熱情果乳酪沙冰賣相幾好，飲落就淡口左啲囉紅花帶子蟹肉飯都算幾多蟹肉係個飯入面味道又吾錯 做到個飯少少creamy 帶子唔算大粒 但都爽口份量唔算好細碟 肉眼 10安士呢個令我完全驚訝～出奇地好食塊扒比起好多食過既餐廳好食好多價錢仲要平好多 呢到只係$200外脆內軟 真係做到medium! 仲要啖啖肉都好juicy成塊扒都無筋  ，咁既價錢真係好驚喜！伴菜都有心思，隔離兩條炸薯皮都好味熱辣辣仲灑左啲幼鹽調味 焦糖布丁事關人地準備關門, 所以預先整好左俾我地不過到上枱時已凍晒 ! 呢到要扣少少分熱熱地既焦糖布丁先好食 唯有凍食 ，都ok啦 不過焦糖太少又不夠脆！2個人都食到好飽小妹覺得呢間可以翻啅比我想像中 平同食物份量都吾算太細份Around $570

其實我經過哩間鋪頭幾好多次，不過都無入去食， 諗緊食咩個陣諗起佢，所以決心試下openrice見佢可以打電話book位,為免要等所以打去book左今晚8:00煙三文魚意粉(全名唔記得)， 雖然佢個汁唔係好 creamy, 但係食落口種味會令你覺得唔錯，覺得個汁有啲講唔出既滿足，不過煙三文魚比較咸，整體ok 牛扒 有得揀幾成熟， 哩個係middle , 肉食落唔"un" ，男朋友話滿意炸魚薯條， 薯條幾好味， 炸魚就麻麻地， 食落口遮左魚味，(啲炸粉有陣奶味) 食落好似茶樓炸鮮奶 兩杯野飲唔錯係馬鞍山嚟講哩間餐廳真係算係咁 難怪有時經過見到有人排緊隊

中秋節團聚一行6大3小訂了晚上8：00不用等，非常好第一印象，雖然是小店，但裝飾環境非常舒適，座位好正，距離適中，桌子寬闊食物order了以下：煙三文魚沙沙（有2件）：一上枱就比媽媽姊姊各取了一件，應該好食。炸魚薯條（有大4件魚4大條薯件）：小朋友的fever，1分鐘唔夠，清晒。西班牙炒蝦（有8隻）：我皮膚唔好，其他人每人一隻，個個都話鮮甜好食。卡邦拿意粉：多汁好味，最合我食。鷄扒意粉：鷄扒皮脆肉鬆化，意粉炒得弓牙清香。帶子蟹肉意大利飯：4隻香煎大帶子好快冇晒，d飯清甜多汁軟硬適中，我好欣賞．黑松露醬燒春鷄扒大蝦：大蝦弓牙好味，鷄扒juice多汁鬆化, 另一番風味。黑毛豬柳扒：非常好食，好juice, 好鬆化，物超所值。辣肉腸pizza：厚薄適中，pizza質感好好食，食完一個再order多一個，照樣清晒。共5個主菜，所以叫了5個set: 是日餐湯／沙律 ，及啡茶，是日餐湯羅宋湯好味，是日沙律，沙律汁黑醋清甜少少酸好正。3個小朋友叫了汽水，有跟檸檬冰底超低。5個set再跟了5個是日甜品，蕉糖布甸，3個小朋友食得津津樂道。。。。。。9個人一共食了一千五百多，真是物超所值，一定再回品嚐。。