影片
開飯介紹
坐落一棟佔地3層藍白色獨立屋的海景餐廳，天台更設有露天座位；在休閒的氣氛下享用具Cornish風味的現代英式料理，不論來約會、與朋友及一家人聚餐也很合適。
繼續閱讀
營業時間
星期一至日
10:00 - 22:00
以上資料只供參考, 請與餐廳確認詳情
相關文章
一行入嚟0服務態度 好似完全唔想做人生意咁 首先佢講嘢細聲 我問多次佢講咩佢又黑臉又唔耐煩 全程入面啲服務員個個都係黑住塊臉冇水洗臉咁 好似得罪佢咁 serve D 外國人就完全兩個態度嚟 Sorry 呢度係香港 玩咩Racists😅明明有smoked salmon Benedict 佢話佢哋餐廳冇呢樣嘢 剩係得steak sandwich 其實唔想做生意不如直接執咗佢 咁嘅服務態度搵鬼食 未試過去一間餐廳可以咁嬲 嬲到人生第一次寫評價 就要我比差評呢間餐廳 真係谷狗氣 呢間野真係唔建議去👎🏽👎🏽👎🏽
繼續閱讀
Weekend又係去街街嘅時候，放假都去d遠小小既地方遠行一下。餐廳隔離已經有咪標位，行兩步就到，多數都搵到位泊車🚗。-餐廳係一間有三層樓高既小屋，二樓有個露台。今次去到冇晒室內位得返露台位，但係露台位其實都坐得幾舒服幾有情調，望下個天望下個海，暗暗地既環境，鋸下扒，飲杯cocktail都幾relax❤️-🌟炸魚薯條正常發揮，炸魚大大條配他他醬好味粗身薯條口感好-🌟牛扒牛扒煎得岩岩好切開嚟睇好粉嫩，好有肉味另外配埋蒜頭同好多沙律菜，岩哂我-總括黎講個重點係食個環景同氣氛，食物尚可。間中遠行下，感受吓悠閒嘅氣氛都係唔錯既。-😋： Score 7/10
繼續閱讀
平日晏晝傲左個半鐘入黎西貢 驚冇露台位坐事先book左位 不過黎到餐廳都冇人😹🤡服務都幾舒服 坐低睇好食咩就差唔多埋黎落單 不過冇主動比水 呢點小扣分🍺Blue Mussels with Wheat Bear 鬼佬啤酒煮有機藍青口 $128個sauce聲稱係忌廉, 淡啤酒, 迷迭香, 紅蔥頭, 海馬齒 的確幾香 點包食好正 不過淨係食到忌廉同rosemary味；青口大大隻幾鮮甜 份量足 細食d嘅話食呢個前菜都夠飽味道：4/5口感：4/5CP值：3.5/5🥪 Steak Sandwich 牛扒三文治 $168嗌左medium 不過感覺似7成多d 牛扒幾淋幾香牛味 唔錯👍🏻個blue cheese sauce 都幾香 唔會蓋到牛扒味 不過略嫌唔夠 如果再多d可以令整體冇咁乾同再香d；homemade sourdough就係啱啱青口個包 點sauce食啱d 齋食包邊好硬 係硬到有d刮口個隻；薯條除左粗d脆d口感好d 個味係同麥記薯條一樣 重要落鹽落得太重手好鹹 要點茄汁食先食得曬；沙律mix左honey mustard 普通正常味道：4/5口感：3/5CP值：3/5黎到嘅時候係陰天 食食下出太陽🩵整體而言 食物就係普通cafe水平 不過附近冇乜人冇樓 環境寧靜空氣清新 個景都唔錯 個人都chill d 就當放假黎放鬆下啦
繼續閱讀
😍雅致的藍色小屋·享受週日的Brunch❤️每次揸車入西貢途中，也會見到這間藍色小屋餐廳，常常也想停下來，入去享受一個晚餐或者午餐。今次終於把車子停下來，與孩子們一起享受週日的Brunch。我們一共叫了6款食物，有小食、漢堡、意粉和甜品。🐟炸銀魚仔Whitebait ～ 送啤酒小食首選，一條小小的魚仔，配上自家製的他她醬，美味非常。🍔優之漢堡-prime house ground beef burger ～ 這個叫俾跑完步的老公食，他說牛肉很Juicy, 因為我不食牛肉，所以只品嚐薯條，我好鍾意這個粗粗的薯條🍟，好多薯仔肉好好味。🍻鬼佬啤酒煮有機藍青口 Blue mussels with wheat beer ～ 本身巳經好鍾意食白酒煮青口，非常喜歡這裏的啤酒煮青口，老公見到左鄰右里的枱也有叫，所以我哋都叫咗一個，果然冇令人失望😍。忌廉白汁帶有輕輕的啤酒味道，青口伴有一片麵包，那一片麵包點上這個白汁，真係不得了。講到好似好誇張，不過這個正正是我喜歡的味道。😂🥚蘇格蘭香脆肉蛋Gound Pork, Egg, Homemade ~ 免治豬肉配上雞蛋，外面脆脆的，這個豬肉有點似魚蛋，另外配上自家製的醃菜，帶有酸酸的，蠻開胃。🍝龍葵菇意粉Portobello Mushroom Pasta ～ 這個是有一個小店員推薦給我的，果然味道非常好，仲有好多菇，帶小朋友去食，must try 😋。🍎蘋果奶酥Apple Crumble ～ 熱辣辣的蘋果金寶永遠也是最好味的🤣，純粹個人喜歡金寶，特別係上面的餅碎，另外伴上暖暖的忌廉，享受著真係人生一大樂事。這間餐廳環境非常舒服，裝修也很雅致，食物質素也好，唯獨有個男的看似是經理，就令人感到不太有善，令我的感覺不太舒服。不過，幸好其他的女職員，充滿笑容，也很helpful , 如果剩係得嗰個經理，我應該以後都唔會想去🤣。
繼續閱讀
🦞性價比🦑：🟢🟢🟢🟢⚫🥞美食體驗🧇：屹立西貢多年，白沙灣藍色餐廳。過黎影相打咭的確係一流。野食偏高價，過黎前要有少少心理準備哈📸打咭體驗📸：雙層餐廳，整體風格偏歐陸式，為了配合外頭的海灘，全店用藍色色調。超級靚。樓下的滑浪板、木枱椅都好易影到靚相。推廣約朋友黎影下人像相。不過，它始終都係餐廳黎，亂影人像相係會影響其他人用餐的，閒日的下午2~3點過黎會更好，尤如包場要點影都得。必須必須帶廣角鏡，最靚的地方是二樓露台，用長焦係無法施展的。食物方面，非常精緻，要叫比較高價的食物，如果叫意粉其實唔會同出面的餐廳有太太差距。我呢張相果件野我記得係貴貴地，但真係好靚，主食同配菜都好精心處理。順帶一提，呢間餐廳隔離就係西貢另一間橙色名店「八古」，專飲咖啡的。所以你可以係呢度食lunch但唔叫野飲，然後走去八古果邊再嘆咖啡打下咭🧑🍳服務：全都係外籍人士。非常友善。好勤力咁收餐具，如果你係二樓度坐的話，店工姐姐要不停上落樓梯，佢好辛苦的，記得比小費~
繼續閱讀