Pan House (已結業)

之前好多人都話時新好好味,不過我食完覺得普通喇,今次試依間,食左個100% 純牛肉漢堡, 仲加左個奇異果特飲(total$22)!個burger好多汁,好好味,料都幾多!!!漢堡好有牛肉味,食完又唔覺膩!!!即叫即做,熱辣辣~~~~而且我自己好鍾意有生菜絲同蕃茄既BURGER!!!!好好味!!!杯野飲好色素架,就好似飲汽水咁,都幾好味既~~

見人地話幾好食咁就跟下風去食叫左個牛肉burger+奇異果特飲阿廚師話d特飲似日期限定...不過都算...等佢整左陣個burger冇想像中咁好味而且d醬汁超少..仲係用cheap cheap牌子茄汁真係除左塊肉之外冇樣好食個特飲更加難飲...送都唔想飲...都係幫襯番時新好d

一間響大路邊但又好容易行過都唔知美味外賣小店。經過貪得意買個牛肉芝士飽($18)，價錢比一般貴。就算唔同老麥比都比附近時新貴幾多，所以要有番D要求。個飽係即叫即做，牛肉係將一個牛肉球再煎成漢堡扒狀，將近完成時再加D秘製醬汁、蕃茄、生菜，連個飽都番熱過，熱辣辣時好好食，但如果拎番屋企攤凍可能就大打折扣。如果要同時新比，用料方面係勝一籌，因為得新只係用一般漢堡扒，但醬汁方面個人就鍾意得新多D。雖然係貴D但成個製作過程要10分鐘，每個細節都一絲不苟，淨係呢點誠意都值回票價。

今次買了烤雞卷烤雞卷外層全部都是油十分油膩,買時附有的吸油paper更恐怖烤雞卷外層用普通薄皮,只有油味內層用料還好,有充足的生菜,salad醬&烤雞其實烤雞味道不差,但係俾佢外層的油膩破壞sai應該叫"烤油雞卷"

Wait for about 5 minsand then rush to home to try this 中東包!!very good taste and delicious~~~~~~~~~~佢d汁甜甜酸酸,我食刑d汁有蜜糖!!!STRONGLY REOMMENDED!!!!!!!!!!!!!!!!!!!!!

剛巧路經這兒，抱著一試心態買下100%牛肉漢堡包餐\，$20連一杯氣水。服務不俗呀，有禮貌的。之前未食過時新漢堡包的我，抱著不少期望看待這即叫即整，要等約5分鐘的漢堡包。接過包後，找個好位置進食。一淡咬落去，先是嘗到Salad Dressing，後有蕃茄味，然後就到牛肉漢堡，最後到包底。初步感覺：都幾清淡。吃落不油膩，不錯呀！不過，這塊牛肉漢堡吃不出牛肉味，也沒有很多肉汁，我覺得煎得也不夠香，吃落覺得和免治牛肉差不多。較可取是的確有不少蔬菜在內。可能下次食會再好一點吧？加油！

兩個多月前，主人與奴隸獸已閱讀過此店的食評。所以今天專程來試此店的漢堡包。買了一件100% 純牛肉漢堡（HK$18），餡料除了漢堡，還有厚切蕃茄、芝士及生菜。牛肉富有洋蔥味，使牛肉味道更濃。蔬菜新鮮，加上醬汁，使漢堡包食落Very Juicy。味道的確『正』。唯一可惜，此店沒有進食的地方。

時新繼續成為網友大熱。自己食過N咁多次，開始失去興趣。於是轉而去附近呢間外賣小店，試一下佢哋嘅cheese burger...同樣即叫即做，但只需等六至七分鐘左右，值得...size比時新嘅大，料亦較多，有生菜絲及一大片蕃茄。價錢亦貴時新嘅接近一倍...時新做嘅係傳统港式burger，呢度嘅就比較"西化"少少，各擅勝場...熱辣辣，味道不俗--- 麵包用平底爐熱過，面微脆；牛肉夾有洋葱粒，有肉汁，不錯，配合特製salad dressing及生菜絲蕃茄，食得相當愜意...食得時新多，轉吓口味行遠少少嚟試下都無妨...

想不到一間小小的店鋪, 服務如此無微不至話說有晚約朋友係紅磡食飯, 時間尚早, 又餓餓地, 記得呢到有食友介紹過, 就去試下;時間係六點幾, 點左一份燒雞中東包, 18蚊份, 都算貴, 不過呢頭沒有呢種野食, 一次半次都可以接受; 佢地係即叫即整, 熱辣辣都好新鮮啊...等左5分鐘到, 食物整好, 住一小袋, 去家維村個公園坐住食打開發覺, 原來佢地無將d餡料放入包到, 而係另外放係個盒仔到, 好貼心, 唔怕搞到個包比d蒸氣整濕, 另外又將個中東包開兩份, 裡面有少少生菜, 分別用一個已經剪開既紙袋袋起, 好方便食啊雖然呢d係周邊野黎, 不過見到心情都大好, 值得加分...當然最重要係味道啦, 食落去熱辣辣, 已經起皮既雞肉好香, 好多汁, 甜甜的, 配上中東包味道岩岩好, 好好味未有機會再試其他產品, 下次可以再黎

近期時新人氣直上,其實在隔數百米之遙,有間在陰陽路外圍的小店,其漢堡包水準也不賴.名字近某國際成人雜誌名稱相近,叫做"Pan House".外賣小店形式,連位也沒有一個.所有漢堡即叫即整,漢堡扒即煎不特止,連番茄也是即叫即切.當漢堡扒反轉再反轉,番茄,麵包也要在鐵板上煎一煎,可見誠意度十足.一拿上手,果然熱辣辣,包身鬆軟,肉味濃的漢堡扒很厚,吃落肉質juicy,而且混合上洋荵,添多一份爽口質感.番茄生菜也新鮮,係人工味的茄汁下得多一點,如果換成其他醬汁,效果更佳.單吃$17一個,比時新貴,但風格迴異.如果覺得時新的懷舊港式漢堡不對口味的話,可走多幾步,到這間小店一試.

今日同朋友行過呢間店舖,見佢\\\細細間,但又傳出陣陣香味,一時食指大動..就買咗條熱狗同純牛肉芝士漢堡包試一試佢\\\啦!熱狗係先放入醬料同醬汁先,再放入煎一煎的熱狗腸上去,咁樣d醬汁就唔會流到周圍都係,算係體貼! 熱狗腸好好味,大大條,有些少芝士味,加埋自選醬汁,正!純牛肉芝士漢堡包,一打開大大個,牛肉係店主自制的,不是像出面的買現成,所以十分足料,厚厚的,再配合芝士同醬汁同埋其他的生菜絲等等的配料,感覺不會太膩,又係好好味!飲品超過三十款,我在選擇食品同飲品的時候,由於依依哦哦講咗好耐都講唔出,耐咗少少,但店主都無不滿,值得一讚!!店鋪細細間,無坐位,只做外賣或者買完即刻一路行一路食,但係鋪頭乾乾淨淨,亦將食品好好包好,仲有埋幾款午餐\\\配答(意粉都有呀),全部食品都係即叫即做,要等一陣,但見到係新鮮即做,等下都ok,店主服務細心!下次會再去!

清晨起身好早，又很有胃口，實在唔想食水果湊合，於是跑出去行少耐買左Pan House既早餐——板燒雞扒包+凍咖啡。板燒雞扒包聞起來好似麥記出品啊，不過味道就差不少。首先系麵包，pan house既雖唔及麥記鬆軟，卻更有嚼頭，我喜歡。沙律醬更是落得足，就算知其熱量恐怖，但好在系早餐嘛，唔緊要咯。另外可喜可賀是這次未等太久，不錯既早餐，但亦只是耐唔耐食個為好，畢竟要18蚊一個餐呢。

雖然住在紅磡一年多，都是通過openrice才知道這裏的。Pan House，名字就起得很合宜，只是一間居家式廚房（麻雀雖小，但五臟俱全，並且很乾淨），不可堂食，是故要想吃到最美味、即制的包，就不能顧及形象啦。我的中東包（全稱：泰汁烤雞釀純麥中東包）還好，比較迷你，邊走邊食亦不會太失禮，不過看到前面男仔叫的漢堡包，就傻眼了，很大件，好多菜，厚厚一片牛肉，四周熱芝士和沙律醬欲滴個樣，知下次點咩好啦！講番我個泰汁xx包，名字太長，不過“泰汁”乃重點，集甜酸辣於一身，yummy!喜食泰味，除了因為咖喱（其實印度咖喱更出色），更因為勁愛泰式辣醬（雖然講真根本算不得辣,太辣我都唔得）。至於此包其他elements，烤雞：不錯，外身少少焦，幾o岩食；純麥包：真貨色，麥香又有嚼頭；椰菜絲：分量足，有生有熟，兩種口感。不過，如果沒有Tai-sauce，那其他一切定會無味。我個中東包似乎細過漢堡，但加埋一杯凍奶茶，對於胃口很小的我亦足夠分量啦！店家服務態度很好，笑容親切全無討好之感，不過問題就在於——他們兩人大概都是慢性子……當然慢功出細活嘛，食到好味又抵的野，等都值晒！

昨天,要乘火車去大學站, on the way. 有一間外賣小店. 單看名字與外面.已經知道是賣各式西包的地方. 走上前面看看,有熱狗.漢堡包.雞排包,豬排包.中東包.........特別的是: 每一款有寫上成分(如醬汁),製作時間,(如4分鐘,5分鐘) 醬汁,配料可以更改. 一問之下, 原來所有醬汁,配料.肉類均自製..所有包是即叫即製..非常有誠意..^.^ 我要了個墨西哥烤雞卷, 是百分百的即製, 煎雞, 包上配料..熱辣辣的...放爐裡烤.. 金黃色的卷裡, 有生菜絲,蕃茄,自製醬汁,溶掉的芝士加上香香的煎雞..$16 有兩個..抵! 加$4 連特飲(有超過30款)我要芒果蘇打,好好飲,有芒果肉,有汽..特別..滿足 老板話可以打電話叫定先(老板very nice)...... 因為無位坐, 要站著等...等待都值得... I'll be back !!

當大家也在吃時新的港式漢堡時，其實幾條街之隔的這裡，出品也相當不錯，兩者相差的，可能只是飲食傳謀的報導而已。「Pan」者，麵包也，看店名已經知道是賣各式麵包三文治的地方。除了漢堡包及三文治，也有熱狗、法包、墨西哥卷及中東包等等等等。店子是外賣店，沒有位子供應。第一次幫襯，就要了個「百分百牛肉漢堡」。漢堡包是即叫即製，還是是百分百的即製：煎牛肉，烘麵包，切洋蔥，切蕃茄等等，當拿成品上手時，是真的熱辣辣的，夠誠意。而亦真的很夠份量，除了有煎漢堡扒，還有芝士、生菜絲、洋蔥、沙律醬汁，厚厚的一個，也要點技巧才可以吃得不那麼狼狽。漢堡牛肉果然是「百分百」，實實的，厚厚的，非常夠份量。其實如果可以多加一點洋蔥，做得鬆軟一點，就算不用這般厚，也會好味道；沙律醬汁加上溶掉的芝士，味道很不錯。厚厚的蕃茄及不少的生菜絲正好減低醬汁及牛肉的膩滯感覺，十分好。21蚊，連特飲一杯，雖然所謂的特飲只是味道幾「人工」的青蘋果疏打，但這個漢堡又真的幾有誠意及份量的。係就係因為無位坐，就難在要一路行，一路食咁囉！