Parkview (新城市廣場一期)

營業中

休息中

星期日去沙田行街，成個商場都好迫人，午飯延遲到2點幾先去搵地方食，見到呢間有lunch set就入去試試吧。落左單先知原來等多幾分鐘就有下午茶餐，但伙計完全唔會話你知。午餐揀左2款主食：蕃茄忌廉汁意大利雲吞好好食，個蕃茄汁好香濃，意大利雲吞的皮好有彈性，不會太林，口感好好。另一個主菜係黑松露汁手作意粉，一見到就覺得好奇怪，手製意粉好係鏍絲粉咁，好短好硬，好似煮唔熟咁，食一啖就已經唔想食，第一次遇到咁樣嘅食物，咁都可以叫意粉，莫名奇妙。前菜沙律係ok嘅，蔬菜好新鮮。餐湯就無乜調味，南瓜肉太多。全個餐最好食係餐包，夠軟熟。整體偏貴，味道好麻麻。食材份量少，都只係蔬菜，不是貴價東西，少菜少肉，多澱粉質，但係怪怪的，唔知想點，粉唔似粉。下次唔會入去，好伏。

今次係第二次去位於沙田的parkview食晚餐。第一次感覺都幾好 野唔錯而價錢都ok cp值都幾高。第二次去食 係上星期四（25號）食飯途中 聽到經理（粉紅色衫）同其他員工傾計 係到講其他員工壞話 又係到笑啲顧客樣貌身材。態度都頗差 我聽到好唔舒服🙏🏻對我嚟講 parkview 望落都叫一間唔低級既餐廳 但點解會有啲咁低紙咁人 仲要係經理。本身都好期待會有下一次既幫襯 但希望下次個經理唔係到 如果唔係都唔想入去。我覺得作為經理 對於下屬唔係一尾用咁既態度先 一啲都唔覺得佢係教緊人 比我感覺佢只係因為覺得自己係經理係最大 所以就橫行霸道 睇唔起人。

今日去沙田新城市見完客，放工約咗屋企預早慶祝母親節。今日大家都唔想食咁多碳水化合物，所以就揀咗Parkview，主力食肉肉。以前經過覺得佢門口好亂，今次裝修咗之後環境優美，門口仲有一堆麥田，比以前整齊咗又有美感。坐底我哋就開始我哋嘅肉肉餐烤乳豬配煙燻紅波椒蓉，薯泥，火箭菜乳豬唔係傳統嘅中式烤乳豬定係西班牙嗰種Taco Feel ，比想像中冇咁油膩，皮又夠脆，食落去有肉汁，配上煙燻紅波汁出奇地夾。美國安格斯牛肉眼去食西餐必點嘅Rib Eye，五成熟配紅酒蘑菇醬，正常發揮，以呢個價錢嚟講算係好抵食。最後少不免一個儀式感，咁要叫個全日英式早餐，英式早餐最緊要係條腸仔，佢係用Thuringer Sausage唔似出面咁用啲行貨。食完覺得環境舒適，服務良好，裝修咗同以前一樣都係好食，下次會試吓佢啲碳水化合物

經常去沙田見客都有幫襯開Parkview，主要因為好相宜價錢食到英式全日早餐與西餐。前排見佢封左重以為係轉鋪，原來係重新裝修。裝修後環境比以前更加舒服，而且有一種時尚感，門口佈置了芒草，門面比以前更整齊餐牌亦有更新。今日同４個姐妹經過見唔多人就試一試。經典美式牛肉漢堡 配 薯條我去食英式全日餐梗係叫Burger啦，上枱時熱辣辣，包有煎香同好有口感唔似嘉頓貨，原來有加入香滑薯溶製作的法式漢堡麵包，仲有陣陣芝麻油香，芝士半溶配上大牛茄，最重要牛肉漢堡唔會太dry有肉汁，再加埋煙肉夠飽。薯條就正常發揮西班牙式海鮮燴意大利飯經典傳統西班牙炒飯用Bistro方式呈現出來，意大利飯底有海鮮湯香味，適量海鮮配上開邊大蝦，淋上檸檬汁唔會太膩，份量剛剛好唔會太多，可以兩個女仔Share，男人自己一碟都可以。巴馬火腿炸紅蒜卡邦尼意粉食完紅色既菜式，一定要叫番d白色菜式，所以我地選左比較普遍既卡邦尼意粉。卡邦尼意粉汁配上高貴Parma Ham，剛好中和了咸度，另外增加了紅蒜多左幾分蒜香味，唔會太膩有fusion感覺。最尾有加多左個煙三文魚凱撒沙律，沙律正常發揮。裝修後好岩幾個人小型聚餐，下次想試下佢晚餐食下

今日見餐廳外等候的人不多，於是決定在Parkview吃午飯。午市套餐可選意大利麵或扒類。今日先品嚐芝士青草醬龍蝦配鮮蛋麵（$178）、追加薯角（$15）及番石榴梳打。午餐套餐配送蔬菜沙律及牛油麵包，雖然麵包不是剛剛烤好，但口感仍然非常新鮮柔熟。芝士青草醬龍蝦配鮮蛋麵，鮮蛋麵是寬扁平麵，配上蘑菇盧荀再加少許醬汁，這種清新滋味令人喜愛。而且龍蝦配上芝士青草醬，顏色鮮艷奪目，有綠有黃有啡有橙，賣相吸睛。不過龍蝦比較煙韌，失色了一點。

今日放假就出去行下街 食個brunch 經過哩間餐廳排哂隊 就入咗去試下 叫咗兩樣野食分別係巴拿馬香脆巴馬火腿卡邦尼意粉同埋經典美式漢堡 意粉軟硬適中 個火腿我就唔識欣賞 因為佢炸死咗個火腿咁 硬到擲地有聲 味道個人覺得偏淡 漢堡個度就正 惹味香口 漢堡又多肉汁 唔好整到好乾 個包又整到香脆 味度咸度岩岩好 加埋即炸薯條 真係幾好 環境都唔錯坐得都幾舒服 非常適合鍾意打卡人士 因為見到其他食物都好吸引下 唔食野飲杯野都唔錯 有機會都會再來試試其他野食

今日嚟到沙田行街 媽咪想食牛扒 見呢間都幾多人食又坐得幾舒服 就同佢坐低咗二人餐澳洲M5和牛肉眼扒$698包自家麵包、餐湯/沙律、頭盤、飯/意粉、雪糕同咖啡/茶頭盤-煙三文魚脆片睇個樣都知唔係好掂😂可能食煙肉蘆筍仲好啲😌揀咗餐湯同沙律各一 沙律就普通沙律菜加少少芝麻醬 餐湯就係椰菜花湯 喺出邊比較少餐廳有呢個 都幾好味 又唔會太稀 自家麵包都幾好食熱辣辣嘅 三文魚忌廉意粉伴明太子及三文魚籽呢個超好食😙十分推介 勁多醬 完全包住成個意粉個味又好濃 三文魚籽都比得好多🤓和牛肉眼扒無想像中咁出色 係比平時嘅牛扒淋身一啲 佢下邊有幾件焗過嘅薯仔 不過上網睇其他評論 人哋嗰啲大塊好多 可能我哋食嗰陣時就收工所以比咁細塊我地 呢點就唔係咁好個職員話本身單嗌呢個和牛扒好似都要$500 如果嗌嘅話真係唔係幾抵 二人餐有咁多嘢就可以試吓最後有兩杯雪糕

Parkview 其實已食過好多次，每次都相約友好食晏，所以都係不停講，不停食今次情人節專登走入嚟同我老細食，幸好佢都係間良心餐廳，唔會晏晝都迫你食情人節貴價餐。Set lunch 由$98-$298、跟餐有湯或沙律，自家製麵包同餐飲當日嘅湯係椰菜花忌廉湯，每啖都有濃濃嘅椰菜花味，配埋佢哋拎上手仲暖嘅餐包，又暖又軟熟。北海道帶子意瓜香草忌廉意粉帶子又新鮮又大粒，煎得面脆內軟，意粉條條掛汁。呢個青醬調較得唔錯，唔會有坊間某一啲餐廳嘅草青味，好易入口西班牙海鮮飯一上檯就唔記得相機食先，飯面舖滿成個碟、有蜆、青口，大蝦。款款都好新鮮，煮得剛剛好。唯一要彈嘅係飯偏濕難怪中午唔訂檯就未必有位啦

排左2個半鐘隊～拜完車公後梗係去新城市廣場食飯啦！行行重行行！見呢間食肆都好多人幫襯，即本試下先門面亮麗，門囗嗰姐姐又解釋下有乜食同點加套餐！員工服務態度不錯！見有嗰二人餐～前菜可三選一！next龍蝦湯配自家作軟腍麵包或凱撒沙律，可揀意大利Risotto /pasta再加一個主菜！仲有例牌的甜品和飲品，$5xx！咦？加$198就有以下澳洲M5和牛肉眼12oz, 一於試下！頭盤小食～ 蟹肉蘋果沙律配粟米片兩種不同的質感的食物放在一起，清新得嚟又脆口龍蝦湯配麵包～質感不俗辣肉腸虎蝦龍蝦汁意大利飯～一共有🦐🦐🦐🦐🦐🦐Risotto 屬水準之作主角～澳洲M5和牛肉眼12oz！夠12oz, 註明係榖飼，肉質屬M5, 肉質軟滑鮮嫩仲好 juice 唔駛講～Movenpick～yummy整杯熱啡～完美結束

多年無黎新城市廣場，很多商店都已轉換了，行下逛行覺累了，又係時候搵間Café休息下，無意間見Parkview有位唔洗等就衝入去啦。環境都幾舒服，但始終餐廳與商場沒有牆壁分隔，難免有時會比較嘈吵。下午茶時段都有好多選擇，結果被草莓丹麥酥吸引左，還配有雲尼拿雪糕。草莓丹麥酥配雲尼拿雪糕 $72賣相很不錯，丹麥酥上有兩球雲尼拿雪糕，伴有士多啤梨片﹑藍莓及杏仁片，再淋上士多啤梨醬，未食已經流晒口水。食落味道果然甜美，兩球雪糕唔怕唔夠食，每啖都可以丹麥酥配雪糕一齊食，馬上充滿力量了。熱咖啡（跟餐）跟餐配有咖啡或茶，還可以+$18升級其他非酒精飲品。

用餐時間係聖誕節，職員係門口落力推介，聽落幾吸引就入去試下啦。因為係聖誕節就限左一定要加Set同埋每個主菜Menu價錢加$10。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 餐包非常非常之硬，要咬著扯開先食到一啖。♥️ 椰菜花忌廉湯諗著試下酥皮龍蝦湯，點知早早賣哂，餐湯味道中規中矩。♥️ 芝士波菜雲吞 $128雲吞咬開入面有種粉粉地口感，醬汁偏甜，食得多會有膩感。♥️ 芝士焗龍蝦蘆筍配鮮蛋麵 $178龍蝦配香草芝士焗，爽口多肉，鮮蛋麵有嚼勁，整體唔錯。- - - - - - - - - - - - - - - - - - - - - - - - - - - - - - - - - - - -——————————————♥———————————————

正值下午茶時段, 餐廳除了提供下午茶套餐, 還有提供午市套餐, 如何決擇要視乎自己想吃甜品還是正餐, 如選正餐, 要不要配餐湯和麵包。Lunch Set $128 + 10%1) 是日餐湯: 甘筍湯2) 自家製麵包3) 主菜: 烤雞肉茄子意粉配蕃茄羊奶芝士汁4) 飲品: 熱檸檬茶甘筍湯甘筍味濃, 質感稠密, 有粒粒口感。隨自家製麵包奉上香軟牛油, 麵包鬆軟, 唯只是室溫, 如奉上熱的麵包會更佳。烤雞肉茄子意粉配蕃茄羊奶芝士汁味道甚濃, 雞扒以香草醃製, 肉質嫩滑, 雞皮煎得焦香, 面有少量芝士碎, 入口偏鹹。配料方面, 有茄子, 車厘茄和蘑菇。茄子不會煮得過腍, 蘑菇爽口。意粉掛上濃厚的蕃茄羊奶芝士汁, 啖啖濃香蕃茄味, 略嫌意粉軟腍, 直接扣分。熱檸檬茶有2片檸檬, 酸味適中, 茶底略為混濁。

👭🏻孖妹今日一家去拜祭先人，喺沙田行完街食埋飯先，本來想試下泰國過江龍 Nara，6點去到都已經fullhouse，加上大家下晝食左燒味比較飽只係想飲野多，尋覓下就去左Parkview食西餐一共叫左一份2️⃣人套餐+單點主食+$49升級為套餐🥢餐湯✨野菌忌廉湯有好多菇菌，加入淡忌廉煮成，唯一係溫度爭粉少少🥹👭🏻孖妹評分：🌕🌕🌕🌕🌑🥢自選餐包✨一般甜餐包，餐廳有整熱比客人值得一賺🫶🏻 亦都鬆家唔錯👭🏻孖妹評分：🌕🌕🌕🌑🌑🥢煙三文魚忌廉法包片✨一共4件，法包偏薄同乾身，煙三魚魚唔會太鹹，夠食成塊法包👭🏻孖妹評分：🌕🌕🌗🌑🌑🥢 香煎蟹餅·比目魚配番紅花茄忌廉汁✨比目魚本身油脂較重，幸好廚師都落少左油煎，所以唔會太油，仲要煎到脆邊😍✨蟹餅主要由薯蓉，蟹肉加入調味煮成，外形圓圓地幾工整，食到一絲絲蟹肉，點埋忌廉汁一齊食唔係幾夠喉🥹👭🏻孖妹評分：🌕🌕🌕🌕🌗🥢辣肉腸虎蝦蕃茄意大利飯✨👷🏻‍♀️細孖平時多數只喺pizza食到脆脆辣肉腸，呢碟飯既辣肉腸係腍身，唔係好食得慣😂，虎蝦就有4隻，肉質新鮮彈牙✨蕃茄醬汁偏酸，啱哂👭🏻孖妹胃口😜，意粉都好爽口👍🏻✨重點有松子仁‼️唔好睇少佢，除左係好有益堅果之外，每啖飯都

因公事同外藉同事喺新城市，收工順利食埋嘢。Nachos嘅sauce三大pat撻咗喺上面, 而醬太水好快啲nachos就冧晒。同事叫咗tortellini, 但原來出黎係ravioli, 連餐牌嘅英文都寫錯，味道醎但個pumpkin dressing 係甜加埋芝士嘅奶味，真係好麻麻。Truffle risotto 係全晩最正常嘅，不過不失。認真，冇下次。

倆個女學校放早，近近地去沙田食lunch，佢哋又想食意粉、餐湯+包，於是揀咗呢間，其實好多年前食過dinner，lunch 都係第一次食，價錢都算抵食，又湯、又餐飲。