Pasta PaPa (已搬遷) 新店位置

上星期我吃了一星期的意粉餐😂😂 最近愛上了帶子，而黑松露又一向深得我心，所以一於一試一碟三隻大帶子， 煎至剛好熟透👏👏帶子鮮甜彈牙，切開軟腍又帶點彈性，頗岀色哦蝴蝶粉煙靭但有一點點過熟哦，拌勻黑松露醬和蘑菇，氣味濃香，但入囗味不夠濃，較啖囗味

又在上環活動，許多食肆都試過了，想試一些新的。當然， 要先上openrice的網站，搜尋一下有什麼新的食肆。在永和街 ，有一間樓上小店，不起眼的，只有小小的商業大廈入口的餐牌。要不是在openrice看到介紹，我也不會留意這間小店呢！小店，店鋪的確是｢小｣，只有十多個座位 。不過，光線充足，座位擺設也算疏落，感覺令人舒服。看看餐牌，set lunch平均由$80's至$90's，也不算便宜哦。在蘇豪區，吃一個set lunch，可能貴一點點 。這個小店收這個價錢，食物質素會如何呢？Set lunch 可選擇餐湯和沙律，我們各選其一。餐湯是粟米湯，粟米湯很濃郁，熱騰騰的！雖然是罐頭粟米，但是，非常多粟米蓉，很｢重本｣啊！沙律是沙律菜配醋汁，這個有點失色。因為，我最害怕一些連碟一起放進雪櫃的沙律菜，似快餐店的速食，由頭到尾凍冰冰的。我選擇了carbonara扁意粉 ，而Honey就選擇了拿破崙炸魚柳配意大利飯。我選的carbonara意粉，挺大碟的。一般carbonara意粉，除了白汁 、煙肉和鮮蘑菇，大致都沒有別的材料。這裏的carbonara意粉，上面有一隻剛熟的 溫泉蛋 ，一｢篤｣雞

因為公司就黎要搬離好多美食既上環... T^T所以襯剩餘時間多d出黎食晏先得...T^T今日就黎世瑛大廈試下一直都多人好評既Pasta PaPa!預左要等位~ 但係等左10分鐘左右就有位啦!會不時更換既lunch menu~最平都要$72.... 免加一, 不過一場黎到又想食好少少..HAHA所以最後揀左拿破倫軟殼蟹燴意大利飯!btw我地黎個陣C餐同特色沙律都已經無晒...所以無得揀, 要餐湯~ 係粟米蓉忌廉湯估唔到咁多粟米蓉~ 忌廉味唔太重 唔過甜 OK~主角--拿破倫軟殼蟹燴意大利飯$92 (味道:8/10, 份量:6/10)一上枱個下好驚豔XPPPP 見到半隻軟殼蟹,, 實在太靚喇!!隻軟殼蟹真係超超超好味...!!鮮甜 多汁 外面炸得脆脆地 入面好鬆軟 好回味<3<3<3risotto口感幾好, 不過個醬汁比較普通... 唔算太好味同埋 份量真係太細... 食完好快又肚餓喇..不過都算係令人回味既一餐 ;D我另一個同事叫既係拿破倫煙鴨胸扁麵$72醬汁一樣...同事有信心佢自己都整到XDD不過意粉份量大好多@@最後叫埋餐飲熱朱古力同Earl Grey Te

nice lunch with 2 young girls on Saturday afternoon. friendly staff and order to made food. soup is good too!

之前來過pasta papa幾次，但食評還是第一篇。這裡麻雀雖少但五臟俱全，外表平平無奇，但食物質素好有水準，性價比高。前菜新鮮打磨的粟米湯，每一啖都可吃到粒粒碎粟米，味道偏甜，配上香脆微咸的餅乾，味道更佳。主菜柚子豬肋骨配薯蓉 ($188)豬肋骨比較軟身，本人覺得這道菜的精髓是薯蓉，保證是用薯仔新解打製而成，絕不是用薯蓉粉加熱水開成的。口感香滑，牛油奶油比例剛好，還加上煙肉碎，更加惹味!英國豬扒配拿破倫意大利飯 ($168)源自英國的豬扒比較香口，肉質比我們一般在街市買的豬扒較彈牙，意大利飯煮得好creamy!甜品招牌焦糖燉蛋，一如以往香滑，最喜歡的是那層焦糖!另外，試了Bailey’s 咖啡奶凍，有淡淡的甜酒味，奶凍上還有柚子皮襯托，帶出清新味道，口感也非常滑嫩。雖然門面及食物相片可能未必吸引到你，但試過後，你一定會心思思再來嚐嚐其他菜式。

今日一行四人一起光顧此小店，早幾日預先book位，餐廳雖然不算很大，但環境舒適，7點已坐滿客人，睇下menu有咩食先？點完餐，就先來個粟米湯，睇落好普通，飲落就有好濃郁既粟米味，同埋將新鮮粟米打磨，好好飲，好鮮甜帶子好新鮮，意粉好煙勒好有蒜味，好香口薯蓉好滑，菇同蟹肉既味道都好夾食落有少少柚子味，豬肋骨既肉好淋身，唔會好難咬，底下既薯蓉都好滑黑松露既味道好突出，十分入味好香甜酒味，奶凍好滑，但份量好似好少咁，定係個杯太大另外一杯係百爵茶奶凍，百爵茶既味道好濃郁，奶凍上有d柚子皮，好清新熱情既蘋果金寶加上冷冷既雪榚，感覺特別好濃既朱古力心太軟，好好味最後我地叫了朱古力，拉左幾款可愛既圖畫，飲得好開心呢

難得到上環，當然要一試上環有名的Cafe Pasta PaPa，聞說這裡的Lunch是很Full的。避過了Lunch Hour上去，也有一兩桌客人在。窗邊有不少男生至愛的Figure⋯⋯本來想Order餐湯的，可惜已經沒有了，只可以order沙律。沙律⋯⋯十分清新，用了沙律油醋，酸酸地夠開胃。主菜點了XO醬炒大蝦意粉意粉很彈牙⋯⋯質地不錯大蝦也很爽口將兩者用XO醬來炒，十分配合，味道是惹味的。不過可能是炒意粉的關系，用多了一點油，吃到最後有點膩。飲品點了即磨咖啡，OK WAR，在水準之上。

第一次光顧呢間餐廳，一行入餐廳店員就用手指一指遠遠嘅一張枱示意自己坐低，ok⋯⋯咁坐低之後店員埋黎放低餐牌，喺睇緊食咩途中，店員又一次行埋黎，之後45度角咁企喺枱邊用一種好兇嘅態度問：＂之前有冇黎過？！係咪第一食？！＂心諗普通上樓餐廳食餐飯啫⋯⋯以為黎過同未黎有D咩分別，但答完第一次之後，佢又用好好兇嘅口吻話：咁同你地講返聲先！個湯xxx，個沙律xxxx，呢個呢個冇得叫⋯⋯。之後終於落單，想開口叫之制，店員又用果種口吻話：＂咪住先！你諗住share食，定各有各食呢？！＂其實個態度係咪可以唔好咁爛仔呢？！所以未食已經影響心情！至於食物，個粟米湯同香蒜帶子意粉，的確唔錯，但個Angus beef叫midium依然又硬又鞋，個cheese cake係超難食！ 所以呢種待客語氣態度，我唔會考慮再幫襯⋯⋯

放假既節目，就緊係約人出黎食飯 一向都鍾意食意大利菜，所以就OPENRICE下，見到呢個小店既comments都好正面，而且又好多人去幫襯，就決定去試一下。因為提早book左位，所以就唔洗等就直接有得坐，店入面有好多好聖誕氣氛既燈飾，環境好靚一坐低，店員就介紹menu，服務一流餐牌上既選擇唔算話好多，但以小店黎講，都算唔錯我地叫左一個set menu （湯、沙律、主菜、野飲同個甜品）同散叫一個pasta同小食份量都算係多本身以為呢個粟米湯平平無奇，點知係驚喜之作，如果黑椒既份量可以自己加就會更加好呢個湯唔係叫set menu 都會有個湯飲呢個沙律個汁唔係個個人都岩食，同行者就覺得得太酸，我就覺得岩岩好，仲好開胃添呢個risotto 既size真係算多，一個食會覺得有少少'流'不過如果一早食完舊parma ham，最後就會只係得飯食松露既味係幾香，不過食既時間，松露味唔算強呢個就一般，因為無左薯條應該既脆，同埋有部份薯條都燶左一半芝士既份量如果多番少少，食既時候會更加滿足我地本身以為蝦會係大少少既個款，依家呢個size係細，但量就好多可惜既係個蝦唔係好入味，呢一點可以改善改善最後甜品就叫

一行七人的舊同學聚會 拿破崙汁係紅汁粟米湯勁有粟米味，仲有粟米蓉粒，pepper味，我自己就略嫌鹹左少少沙律好好人地落足油醋，菜同車厘茄非常新鮮我叫左羊架配拿破崙寡刁扁麵，羊架5至7成熟，冇乜羶味，麵螶係al dente 既，有咬口又未太硬，條條麵都有汁侍應生招呼非常周到，不停斟水，又十分有耐性解釋餐牌上的食品。我地19.30坐低，20.15仲未叫野食，佢地21.00 last order都冇話催我地落單，反而同我地講因為即叫即整既關係，上菜速度會有差距。佢地22.00已經冇晒客，叫左我地埋單都冇逼我地走，我地都覺得唔好意思，大概23.00就走左。順帶一提，老闆好好人咁送左一款餐前小食同兩款甜品俾我地添！如果有近港島又要搞gathering既朋友，呢個真係好好既選擇！會encore 呀！

Book左台黎同朋友食晚餐, 店面比較細但環境滿舒服。個人十分喜歡食黑松露同意大利飯, 咁當然要點個巴馬火腿黑松露意大利飯啦! 套餐會包埋沙律, 甜品同飲品, 因為唔太肚餓, 所以只作單點。大愛個意大利飯既味道! 黑松露味道很濃, 而且有芝士令稠度剛剛好, 十分美味! 唯獨是飯對意大利飯來說有點林左少少, 無左個口感, 但都無傷大雅。下次一定會再來！

Pasta Papa呢日約了友人去上環食野，Pasta Papa一路係我waiting list入面，終於有機會試試😋一入到去，餐廳好細，枱與枱之間的距離很近，完全聽到隔離枱講咩，環境比較嘈吵。Parma Ham黑松露忌廉汁扁意（Lunch Set $88）講返食物，黑松露忌廉汁做得非常出色，黑松露味好香好濃，忌廉汁都好creamy好滑，Parma Ham份量亦唔少，配搭得好好，係略嫌扁意淋左少少，未到Al dente。

店名：Pasta PaPa地址：上環永樂街1-3號世瑛大廈201室好味指數：8.5／10價錢：$88巴馬火腿黑松露忌廉汁燴意大利飯 配粟米湯 （凍飲加$4）粟米湯呈糊狀，味道鮮甜，粟米磨成細粒，非常細心。意大利飯是這裡是招牌，價錢亦是午餐選擇中最貴的一款。份量適中，十分入味，黑松露味道濃郁。值得一提，這裡位置不多，只接受晚上訂位，而午市時間非常多人，通常也要等候。好味指數：8／10價錢：$68香蒜雞肉蘑菇炒意粉 配粟米湯 （凍飲加$4）粟米湯呈糊狀，味道鮮甜，粟米磨成細粒，非常細心。炒意粉味道很香，蒜蓉味道尤為突出，用料新鮮，意粉質感很好，是我喜愛的那種。值得一提，這裡位置不多，只接受晚上訂位，而午市時間非常多人，通常也要等候。

我地係今日有台好趕好趕係咁叫你地跟單又轉外賣杯又早埋單既五位OFFICE LADIES!雖然好趕冇影相都想黎寫下食評讚下!今日LUNCH本身諗住去第二間食但後來同事們一致否決，於是就12:45 9秒9去左OPENRICE SEARCH下有冇咩好野食!見到PASTA PAPA有好多好評就決定係一試!黎到門口見到個MENU都覺得好岩食, 有五個餐, 仲有跟沙津或湯, 同埋一杯餐飲我地五個人食左4個餐! 都好FULL 份量好足夠 不過如果大食既食客當然就要叫返一人一個啦我地叫左 (D名唔係咁架, 好吸引, 但我已經唔記得啦SORRY!) 加上我本人既評分!雞肉意粉 4/5廣島蠔意粉 4.5/5帶子意粉 4/5黑松露意大利飯 5/5以呢個價錢有呢個質素仲有頭盤同野飲, 我覺得性價比相當唔錯!同事話個薑茶好夠味~我個東子蜜拎返公司飲左成個下午!重點就係因為我地差唔多搭七先入坐, 趕住兩點鐘要返返公司, 不斷催佢地要跟單快D佢地都冇黑我地面!仲不斷同我地講已經跟緊, 好快就到~態度可算是相當唔錯!!可惜既係冇試到呢道既COFFEE!!我下次再黎食一定會試既!!!

換了新的工作環境，先是眼睛出了毛病，感冒隨至，上天好像還覺得未滿意，就再在我和朋友打War Game時扭傷了腳踝，禍不單行福無雙至，不夠聰明的人總要自己經歷過才懂教誨，包括我，但有些經歷，我總希望可免則免。雖說「天降大任於斯人也，必先苦其心志，勞其筋骨...」云云，可是我看不出要休養在家，對一個廿十多歲的男生有什麼大任可言。好吧，近來是懶散了，必須承認，那麼，還是趕一下食評進度吧。最近消沉隳志，工作上不受重用其實是挺困擾人的，泛黃的往事、似煙的回憶又再湧上心頭，要用回憶來當作燃料來生存的人很悲哀，特別是還算年輕的時份，但往往，有時我也禁不住從它們裹頭擷取快樂，以彌補一些無可控制的無奈和無力感。很高興，Q小姐終於回歸童年逢開天窗的群組裹頭，那張w-inds Journey的CD和兒時照片，終於有歸還的日子，雖然說執筆這天還在約，但能聚首就已經很夠，那天松鼠小姐生日，兩位F小姐就提議來到Pasta Papa。那夜來到上環的小巷裹，踟躕良久，這間在樓上的普通Cafe有什麼值得F小姐從屯門來到這裹一嘗呢？而且又是在這毫不起眼的小小巷子裹，然而，的確是我太過孤陋寡聞，實要為我的無知道歉。甫入店舖