Pepper Lunch (形點 II)

營業中

休息中

午餐突然之間諗起鐵板餐，其中一間就係胡椒廚房Pepper Lunch，佢嘅鐵板燒飯好多款都幾惹味，見到佢餐廳有推廣德國香腸拼盤二人套餐，裏面包括有德國香腸拼盤、珍寶黑椒牛肉併雞肉飯、小食及飲品各兩份！其實份量都幾十足兩個人食剛剛好，因為平時食得多其他餐有德國香腸拼盤都幾好，而且味道都唔錯。不過呢個餐係不定時有㗎可能而家已經冇咗啦！

首先個外賣得咗都無顯示返可以攞得已經有少少不滿，但知道佢哋忙所以呢樣算啦。一番到去見到個雙份漢堡扒感覺比堂食少太多了吧，價錢又無平到點解會咁…第一次失望到要寫評論

久違的pepper lunch。因為屋企人喺屋企等我，而且商場又冇乜特別嘢好食，所以就見到Pepper Lunch決定外賣。雖然外賣pepper lunch應該一定冇堂食咁好，可以自己落手落腳去整，但係好耐冇食過黑椒牛肉飯，所以我決定一試。我總共叫咗三個飯，第一招牌嘅黑椒牛肉飯，第二個招牌蕃茄芝士，第三黑椒雞肉飯。經過20分鐘之後，返到屋企，打開個外賣膠袋， Pepper Lunch那份熟悉的黑椒牛肉味仍然存在非常吸引。整體我覺得外賣都有八成嘅風味同水準，如果真係要，買外賣又諗唔到乜嘢，都可以一試。

自從元朗都開左pepper lunch就食多左呢間野 唔可以講佢係好好食 但係唔知食咩又想hea食一定諗起佢😂我例牌一定係食呢個我覺得佢本身上枱個味係唔夠 要自己再加汁同黑椒 以前係food court店食係唔洗自己加都夠味🤔我覺得其實味道無咩點變 都係佢獨特pepper lunch先有嘅味

突然很想吃鐵版食物！馬上就想起了Pepper Lunch的鐵板飯我每次都會點的就是招牌黑椒牛肉飯，店員會幫客人送到枱上，安心又方便，半生熟的簿切牛肉放在鐵板上由熱力變熟，自己快炒，生熟程度可自行控制，黑椒味加上牛肉，令牛肉的味道很特岀，份量又多，鍋中的栗米、黑椒、蔥花、飯再加入特色醬汁，十分惹味！發出啲咋咋的聲音，視覺，味覺，聽覺三重吸引！另一個飯就點了三拼黑椒飯 (牛肉,三文魚,雞肉)，三重享受中的極致！三文魚、雞扒及牛肉非常香口及爽滑，快炒時香氣四溢，因為朋友炒得慢，底部有少少燒烤的香焦味的飯焦，飯焦人士最愛！物超所值的一餐！

好耐冇黎 pepper lunch 度食日式鐵板燒，今次心血來潮同左朋友黎元朗形點最樓上間 pepper lunch度今次想試下新野，點知中左伏，平時食開揀左芝士奄列牛肉蛋包飯，蛋包飯同芝士都有啲失水準，蛋味好淡，芝士太咸有d 重口味，下次都係揀番普通既牛肉飯，佢地既牛肉一向就不過不失，都叫做夠嫩滑，自己中意炒幾熟就炒幾熟，所以朋友既黑椒牛肉飯反而係最平民最正常發揮，香味已經贏左，反觀我個芝士奄列牛肉蛋包飯就冇咁抵食喇

琴日行完山，已經五點，周圍好多餐廳都仲係坐滿，所以嚟咗呢度快快趣食個飯。呢度座位多，比較闊落。我哋嗌左$55嘅牛肉飯同埋$59嘅咖喱芝士牛肉飯，真係好多油，不過牛都有牛味，只係牛嘅份量比較少。唔記得落醬，所以比較乾，好多飯焦

風平浪靜嘅8號波，當然係要出街食個癲拿，慶祝一吓突如其來嘅假期啦！原本諗住食火鍋放題，但係今日打風冇開...所以過咗隔離食Pepper Lunch Express! 我諗我哋兩公婆最少已經有六年冇食呢間餐廳，由於之前食過幾次印象都幾好，所以今晚就大膽試咗個$99嘅紐西蘭肉眼扒，同埋我最鍾意嘅「壽喜燒」牛肉鍋！而家真係好少機會食到鐵板，所以見到個「紐西蘭肉眼扒」上枱嘅時候，嗰啲咋咋聲...心情真係有啲興奮，上堂嘅時候應該係兩成熟啦⋯⋯跟住我哋大約煮到半熟就食得，燒到兩面金黃，咬落又淋又有肉汁，呢個價錢真係好抵食！而另外嗰個「壽喜燒牛肉鍋」就更加喜出望外，首先壽喜燒係我嘅至愛，今次仲要係用鐵板上...侍應哥哥教燒熟啲牛肉先再落壽喜燒汁，果然好正！啲肥牛入晒味，我又煮得啱啱好唔會太熟，啲菇又唔會太淋，總之呢個壽喜燒用鐵板上～實在係太驚喜，我同老公都忍唔住撈左成碗燒汁飯食！最後捧住個肚走，減緊醣嘅我好大罪惡感，但係都覺得值得！

這次Pepper Lunch與鱈卵屋及其他四間日資公司聯合推出全港最大規模的明太子祭，得知店家推出了數款明太子系列，所以靜靜決定去一試🤤🤤。💥明太子黑椒三文魚飯 HKD$75，三文魚份量十足而且口感煙韌，還有三文魚油在口腔散發著🤭。再配合咸香的明太子更為鮮甜甘香😍，這個飯少少咸少少黑椒香辛味，味道挻滋味😋。💥明太子黑椒牛肉飯 HKD$65，黑椒牛肉份量很多，看到肉質紅卜卜很新鮮😍，配上咸香的明太子令到口感更豐富。牛肉肉質嫰滑腍身，黑椒味道挻香，這個組合拌飯確實不錯🤤。明太子是分開另上的，當食物全熟之後謝可以把明太子倒進食物裡，咸咸的味道拌飯很惹味🤤。而且食物可以加HKD$10升級做珍寶系列，食物份量更豐富😋。

知名連鎖餐廳 Pepper Lunch🔸，最近跟 明太子專門店 鱈卵屋✨合作，推出期間限定的三款菜式。作為明太子控，當然要吃啦! 至從銅鑼灣鱈卵屋結業後，我還以為以後都沒法吃它的明太子料理😢，沒想到如今又有機會品嚐囉~明太子三文魚意大利麵 $78三款明太子菜式💓包括: 珍寶明太子黑椒牛肉飯 、明太子黑椒雞肉飯 和 明太子三文魚意大利麵。滿滿的明太子放在意粉上🍝，忌廉芝士奶油醬令鐵板吱吱聲響😍，太吸引了! 明太子的份量很足，會令明太子控很滿意哦。

Pepper lunch 差唔多在每區大型商場或food court 都有, 相信好多人對它的印象也唔會陌生,因為可以D.I.Y 自己動手煮,可以滿足吓自己個胃之餘又有得玩極量牛肉飯身為牛魔嘅我,當然會揀極量,牛肉是半生熟的,放在鐵板上慢慢煮,生熟程度可自行控制,牛肉再跟飯混入醬汁,十分惹味。真係好多牛肉呀啱晒食肉獸鍋中仲放有栗米、黑椒、蔥花、配埋醬汁,撈飯

雖然多咗好多唔同選擇還是喜歡最初的 pepper rice 既然大家都更注重健康建議 add on vegetables 我今次加左西蘭花老公每次都點的：Combo special - Diced cut steak + beef slices + Hamburg 配碗白飯但我比較喜歡飯都鐵板上

平時自己同朋友都成日會食呢間鐵板牛肉雖然有時候會好多人排隊但係我都可以理解因為價錢真係好平今次去到元朗都食到呢間 因為質素有保證又快捷唔驚遲到～佢哋嘅檸檬茶都好好飲唔會太甜都唔會太苦啱啱好

Pepper lunch 相信係好多90後香港人學生時代既食飯之選，今日我黎到Yoho mall 既分店重拾當年回憶嘩！係日式雞肉壽喜燒呀鐵板上放左切好左既雞扒、半熟雞蛋、壽喜燒必備豆腐、菇🍄、西蘭花🥦，我急不及待淋上主角壽喜燒汁🤩，鐵板發出滋滋聲，蒸氣湧出來，餸菜馬上吸收哂濃濃既壽喜燒汁雞扒食落肉質鮮嫩多汁，雞蛋加汁後蛋黃依然保持到半熟狀態，可見鐵板溫度控制得非常之好 午餐會配上白飯一碗，我就加埋隻半熟蛋入去食，味道一流

Just having late lunch there. We order some different dishes. Omelette with beef, beef cube with mush potatoes carbonara with Salomon and shrimp. You have to order by yourself and pay first they delivery the food. Nice open kitchen. The surprise was the quality of beef. Very good quality cooked on the flat grill they delivery to u. Amazing taste, the cream cheese sauce too. Regarding carbonara I can’t say it’s original because is not. May I suggest to change name? Because the plate is good but i