Pepper Lunch (馬鞍山廣場)

營業中

休息中

早前經過 Pepper Lunch 新出了明太子系列 🍴感覺好新奇！所以決定試一試我們分別試了~~明太子黑椒牛肉飯跟明太子三文魚意粉🍝🍝明太子三文魚意粉意粉配上芝士及大量白汁😻😻整體的感覺好 match！明太子味道頗濃，亦有三文魚油的香味不會感覺太油或太濃而且明太子不會覺得辣小朋友都可以一齊食🐮明太子黑椒牛肉飯一開始其實擔心味道怪怪…但原來黑椒牛肉加明太子的味道有驚喜！！明太子的鮮味令整個牛肉飯提升了一個層次建議加配芝士有拉絲效果，味道及口感更出色😋明太子系列的味道跟其他款式價錢相差不大性價比高，有驚喜💓值得一試！

食物環境衛生都還可，只係態度非常之差🔥，食過咁多次餐廳最差係呢度呢間，一個較瘦削嘅阿姨幫我哋收銀同點餐，嗰陣時佢態度已經非常唔好，點完又聽唔到要我哋再重複咗幾次😡😡，我已經保持正常聲量，點完餐嘅時候佢已經喺度藐嘴藐舌😡。。。唔知點解可能佢睇唔起我哋呢啲學生。跟住食物質素，都算OK,衛生都可以，食完個黑椒牛肉飯再加返個甜品，一切都還可以。但態度真係非常差，唔會再喺度幫襯。

一家四口到Pepper Lunch 吃午餐，準備點餐時喜見推出了兒童餐，店員說兒童餐飯量較少而且不能免費加飯，所以都是照舊點了平時喜愛吃的。芝士奄烈牛肉飯配忌廉布朗汁(免費升級白飯)＄87：牛肉份量多，厚厚的奄烈完全覆蓋全部飯，奄列軟軟的且充滿蛋香，提一提當店員送餐時一定要立即將牛肉煮熟，加入忌廉布朗汁在鐵板上混合牛肉飯非常惹味，小孩最愛吃！(新出)黑椒鰻魚牛肉飯(免費升級白飯)＄68：牛肉和鰻魚的份量差不多，鰻魚尾部就不太厚肉，味道尚算可以，這個飯附送鰻魚汁，鰻魚汁甜甜的混合牛肉飯中很好吃！要一提的是由於這是新出的菜式，所以免費送汽水或麵豉湯。另加$23有一杯汽水和兩款小食，我們選了雜菜沙律和焦糖雪糕，兩款都很好吃，是小孩喜愛的。建議：由於很多小孩惠顧，但只有兩張小童椅供應，建議餐廳多增設小童椅子，方便小孩自己吃或大人餵食。

今日過嚟馬鞍山買啲嘢，見到呢度開咗間Pepper Lunch咁耐都未試過，就試吓喇。叫咗個牛扒餐再加三文魚，仲有薯蓉。之後先知道原來佢係跟白飯嘅，再黎個薯蓉就差啲食唔晒。拎餐果陣佢個扒係完全生嘅，我都有少少擔心佢會唔夠熟，點知過多一陣我就係擔心係會太熟喇，哈哈！因為佢係西冷嘅關係，所以我唔係太想佢太熟會太硬，好快就上去拎起Ｄ牛扒，放喺蔬菜嘅上面喇。總括來講，味道都唔錯嘅，但係可能我太貪心，加加埋埋叫得太多野啦，加加埋埋成百蚊，其實都可以夠去快餐店或者平價西餐廳食FULL SET的雜扒餐啦，所以抵唔抵左見仁見智啦。

放假沒有什麼好做的，就不如在附近商場找找有什麼東西吃 。很久沒有吃過這間Pepper Lunch，見籌號不太多應該可以不用等太久。已經好肚餓坐下即刻去點餐，點了珍寶黑椒牛肉飯、芝士奄列雞肉飯 。珍寶黑椒牛肉飯，熱辣辣牛肉好新鮮每片薄薄的，黑椒味香濃拌上粟米蔥粒味道恰當。芝士奄列雞肉飯，雞肉厚厚肉質鮮嫩，芝士奄列有拉絲，配上超多黑椒非常惹味。甜品等吃飽之後先去取，柚子雪糕質地幼滑加上酸酸甜甜嘅柚子醬，味道清新香甜。

今日參加完馬拉松🏃🏻‍♀️比賽結束後，就立即找地方去醫下個肚，咁今日就去馬鞍山食麥生最愛之鐵板牛肉飯，都好多人等位，足足等左一個鐘先有位，去到又係食經典之黑椒牛肉飯，識食一定要加蛋加芝士，但因呢排要減肥所以只加蛋就算啦⋯⋯黑椒牛肉飯套餐$70一出碟發現咁少牛肉，同我平時食的分量真係差好蛋多，我立即睇下張單，原來沒有幫我轉做極量，唯有食少d當減肥，呢間d牛肉真係幾肥，重要將我隻蛋黃整散左，我食咁多間分店，呢間應該係最差果間😒

馬鞍山終於開番啲人食嘅餐廳! 人氣太旺，等位是常識。店舖唔細，但今次都等左大半個鐘。呢間係餐廳形式運作，相對Food Court食物選擇會多啲，價錢貴少少亦係理所當然。 日式咖哩牛肉拉漢堡扒飯  咖哩汁偏甜微辣，但好淡口。反而漢堡扒做得唔錯，幾鬆軟，亦夠肉汁。 珍寶黑椒牛肉飯加芝士  加芝士的確味道豐富好多，仲要自行加蒜蓉汁先係最佳配搭。 點餐可加$15轉套餐，包括一款小食同飲品。薯蓉雖然漏單，但入口幾綿密，醬汁味道亦唔錯。

呢間連所店係小編讀書時既味道📚每次食都多勁多蜜糖醬同追加芝士🤤最近因為返學再次食返💁🏻‍♀️.同以往唔一樣 多左不同既配搭今次試左壽喜燒牛肉鍋🐮🍲店員利用鐵板將牛肉烤熟🥩加上蔬菜同豆腐🥦🍳淋上壽喜燒汁 理論上係crossover 鐵板餐既日式味道🇯🇵但食落牛肉偏肥 牛脂太多 滿滿咁包住所有食材同醬汁🐮😖無左壽喜燒甜甜清澈既醬油味☹️.Um... 所以 要揀都要揀返以往既鐵板飯先無死🙉.人均消費：$79推介指數：👅👅👅（3/10）Encore指數：🤙🏻🤙🏻🤙🏻（3/10）

馬鞍山係眾所周知嘅美食沙漠，喺呢度即使係連鎖食店都無比珍貴😂馬鞍山市民想食靚嘅鐵板肉真係唔容易， 向來都非常欣賞pepper lunch 嘅做法， 有信心直接將生肉上鐵板出街嘅餐廳真係唔多， 大部分都係先烤過，半熟再上鐵板， 要做鐵板生肉第一樣嘢鐵板要夠溫度， 唔能夠馬虎，所費時間冗長， 對連鎖速食店嚟講係大忌， 寧願花費時間成本都唔將就，呢份誠意加分， 除咗鐵板要夠熱之外肉嘅新鮮程度都好重要， 唔夠新鮮嘅話會有好大陣雪腥味， 就咁肉眼望落去，所有嘅新鮮生肉擺上鐵板都係未經醃製， 對肉嘅新鮮程度冇信心係絕對做唔到。今次就叫咗一份牛粒薯蓉配飯， 鐵板真係好夠好夠熱， 鐵板烤肉滋滋聲響十五分鐘都未完，搭配埋自己配搭份量嘅蒜蓉醬汁同黑椒， 外香內jucy， 珍珠米煙韌有口感有嚼勁， 將珍珠米放落鐵板上烤出嘅肉汁裏面， 口感同味道昇華，非常推介呢種食法。正評係俾用心經營嘅餐廳。

今日晚餐選擇咗 Pepper Lunch，都應該有大半年無食，所以都好奇睇下有無咩驚喜。Pepper Lunch 不經不覺已經進駐香港多年，食肆要係香港生存一啲都唔易，不過眼見 Pepper Lunch 係香港愈開愈多分店，相信食物質素要有返一定水準同口碑先可以。餐牌選擇比以往多咗好多，有 35 款鐵板餐比你選擇，最後揀左 7 號特選三拼另加 $15 配汽水同焦糖雪糕。特選三拼 ($79) : 鐵板上枱時熱辣辣，唔似有啲餐廳既鐵板上枱時只係暖既，而且未食就已經香氣撲鼻，有牛肉、雞扒、漢堡扒、粟米同西蘭花，牛肉份量頗多，漢堡扒味道亦不錯，唯獨係雞扒外皮如果稍微煎得脆口一點口感會更好，不過整體黎講都十分滿意。

路過好多次都冇入去，以為係食扒的餐廳。前幾日仔細睇左餐牌先知其實係鐵板飯同意粉。於是趁住放假過去試。11點9到餐廳，冇乜人，可以揀返個自己鐘意坐的位置。但坐低便睇到張枱抹得好求其，仲有迹在上面。先到收銀處點餐付款，然後坐低等食。可以加15元轉套餐，有一杯飲料同一份小食。小食可以揀薯蓉、餐湯、沙律。單點一份餐飲則收10元。我哋對d小食都冇乜興趣，所以只是單點餐飲。所有都係鐵板呈上，所以上來時都係熱辣辣，吱吱聲，小朋友們見到特別興奮。珍寶牛肉的調味相對較濃郁，拌飯幾香口。反而我自己個意粉就太干身，不過d海鮮都幾足料。總體而言，鐵板上始終太油，間中食吓就冇所謂。

在等位期間，身邊企住既全部都係附近國際學校的學生，仲以為自己踩左入佢地既飯堂添，幸好店內仲有其他香港食客揀左珍寶黑椒牛肉飯同咖喱芝士奄列牛肉飯，各加$15，就有汽水或果汁一杯，同一杯細雪糕，俾錢嗰一刻先見到有學生餐優惠，怪不得咁得國際學校學生黎開飯，但因為仔女冇學生證喺手，又冇著校服，有優惠，最終兩個餐加埋，要$17X，都幾貴，因為牛肉唔太多，就算其中一個餐叫做珍寶，即係多啲飯，但啲飯都唔見得多好多，所以食量大的人未必夠飽。不過要讚既係，個鐵板真係超熱，倒咖喱汁上去時，啲汁不斷滾起，食嗰時仲要好小心添。雪糕係麥記的新地，但係迷係版，過口癮的話，也不錯。

唔知點解今日特別想食咖喱同埋蛋包飯，喺馬鞍山呢個美食沙漠仲要有咁嘅要求真係有啲難度，不過又真係好好彩俾我搵到，佢就係大家都好熟悉嘅♥Pepper Lunch♥啦！入到去咁岩已經Last order (21:30)，好彩佢地都肯做埋我生意。餐廳環境寬敞，感覺都令人輕鬆坐得舒服。芝士奄列一口牛柳飯 配 咖哩汁呢間野最初個個都會食黑椒牛肉飯呀、雞肉飯，無黎一排佢已經多左好多唔同款式同配搭，唔再係得普通牛肉或者漢堡扒。比完錢拎住張單埋位坐低，店員會親自上前送餐比你，畢竟鐵板好重同好熱，擔心客人拎唔穩，呢樣係做得好貼心，服務已經要大大加分👍🏻重點講返個餐先，佢個奄列係包住啲飯既，所以完全符合我想食既蛋包飯同埋咖哩汁～送到埋黎個鐵板已經炸炸聲，睇見都覺得緊張。而佢既咖哩汁係另外分開上，而鐵板上既牛柳粒仲係生。送餐既時候店員會溫馨提示先將牛肉煮熟，再倒啲咖哩汁上去，一倒落去啲炸炸聲就更加起勁💥💥講下佢個芝士，相信唔少人都喜歡食芝士，而且更喜歡拉絲既芝士。當我畢起一啖飯，就可以好輕易拉到芝士絲，配埋咖哩汁真係好Match😍佢既咖哩係日本咖哩，一啲都唔辣仲帶有甜味，你會忍唔住再想畢下一啖！而佢既牛柳都好

好耐都無食pepper lunch啦。咁岩見到馬鞍山有就入去食啦。係美式快餐店黎講pepper lunch算係每間分店既水準都唔差既一間。所以味道都唔會差好遠。每次都會點「煎蛋雙份漢堡扒」。呢度既漢堡扒唔算話大件，不過兩份加埋飯就一定夠飽既。而且好鐘意呢度既醬汁，配上仲係鐵板上煎緊既漢堡扒真係一流。每次食都唔會失望。男友就點左「蒜香黑椒牛肉飯」貪佢呢個套餐多杯野飲。不過佢發現呢個所謂既套餐份量比單點既牛肉少好多。睇落又真係飯多牛肉好多。大家黎食就記得唔好點呢個餐啦⋯⋯

已經有一段很長的日子沒有光顧pepper lunch 啦！晚飯時段經過就心血來潮入去回味一番，因為曾經是我讀書時的最愛呢！！每次到pepper lunch ，我都是會選擇同一款的飯，想不到現在pepper lunch 還有沙律及雪糕等食物選擇，可想而知，我有多久沒有吃了！黑椒牛肉鐵板飯熱辣辣的鐵板為你送上，生的牛肉在鐵板上滋嗞響，你要快速加點醬汁與牛肉一起攪拌！否則牛肉會過老或可能不夠入味！牛肉份量不多，牛味亦不濃，但在鐵板上燒得微微焦香！可惜吃到底的時候發現有很多油！有點太油膩！凍檸檸茶只是汽水機的飲品，沒有驚喜！食物質素一般，份量也不多，怪不得他們有多種不同的份量給客人選擇！