Pepperonis Pizza & Cafe

營業中

休息中

還記十年前仲係返緊學時已經來這吃，雖然有點遠，那時窮學生一枚，但求大夥人開開心心吃飽，大大盤的美式西餐絕對能填飽肚子，外加食物美味當然更是錦上添花。時移世易，變成窮L的我們突發其想，故地重游，覺得味道沒有變，價錢仍是很抵食，所以現在想補個食評今次我們一行6人+1細👶🏻，餐廳是有提供嬰兒椅的，所以小朋友也有位置吃飯，但開始時我超低能，人數數了好幾次都算錯，害讓待應來回搬了幾次枱，但他們依然很好態度，服務太讚呀然後當然要說說食物，其實一直喜歡吃這兒的豬肋骨，記得做得很好吃，但剛好叫了很多其他東西怕吃不完就沒叫了，有點可惜。我們這次要了：1. 炸魚薯條 - 很大份又酥脆，薯條熱辣辣，還有沙律醬及茄汁配非常好吃，對喜歡炸炸宴的朋友是必點之選！2. 雞翼 - 稍嫌雞翼炸得有點乾，但切成一半讓人吃得挺方便，但再選可能還是選滋味的豬肋骨3. 栗米片 - 這個是朋友仔說想吃，我開頭還想戲院的玩意會好吃嗎？最多點一下邪芝而已，出乎意料很不錯，配了三款醬料，綠色的不知是牛油果或香草之類，比外面的餐廳的奇怪味道完全不同（其實是我自己吃不慣），自己挺喜歡，煙肉醬則一般，沙律正常，但這個整體來說很好👍4. 青口

依一間逢星期一，二都有買一送一嘅優惠，真係好抵呀，平均每人100幾十，就食到幾百蚊西餐嘅質素，叫咗一個朱肋骨，一個意粉，一人一杯嘢飲，質素又有保證又好食，雖然係西貢唔係好就腳但好食就得啦係咪先

Very disappointed. Ordered from delivery menu only to find that prices had been inflated by a further $25 dollars for each (already very expensive item). Order wasn't filled correctly and burger was raw in the middle and bacon was over done to the point of it being like jerky. Calamari was okay BUT not for the now over inflated price. I think they trade off their previous reputation and need to make more effort with quality of food for the prices they're charging. It seems like they have become

入到西貢有很多選擇，今次想食pizza 就諗起佢。我們叫了3個餸，分別係Thai Beef Salad，Carbonara，及New Orleans Pizza..... New Orleans 之前是我的最愛，但今次有些失望，pizza 上的醬汁有些失準，不過幸好個pizza 底仍然好脆好味。 Thai Beef Salad & Carbonara 味道ok，但沒有驚喜。另外再叫杯Vanilla Milkshake 就麻麻，唔夠雲呢拿味。總括來説，食物的水準不穩定，不過環境服務都好好。

Pepperonis Pizza & Cafe環境：👣👣食物：😋態度：😊😊性價比：👍埋單450-500蚊（一個意粉，一份扒，一杯野飲）本來book黎同友人慶生既，不過⋯⋯環境方面，睇落有情調，但坐低就勁多蚊，有滅蚊燈唔開，結果我受左不少皮肉之苦。食物方面：肉醬意粉，佢配埋蒜蓉包比我，但蒜蓉包唔叫好食，然後肉醬意粉ok既，只係蕃茄醬太酸姐。肉眼扒，我點既時候佢話唔係肉眼，唔係西冷，我指住餐牌，佢既意思係：總之就西冷啦。我照點，5成熟，上到枱，牛肉乾硬化，又係煲湯d湯渣既口感。然後d薯條完全係未炸熟🙄。野飲叫左杯mocktail，味道唔出眾，好平凡。態度方面真係不得了！bk枱時我打去話要bk，佢話無，我問即係一向都無得bk？（因為之前weekend去係話full booking）佢恍然大悟話：哦，您要bk之後，您想bk幾時。（您覺得我夜晚7點打黎bk即晚然後5直接問今晚仲有無位？）去到既時候，有位英文女侍應招呼我地，然後我問佢杯mocktail入面有乜野時，另一個好無禮貌既男侍應走黎搭嘴，即席表演翻譯，但又譯錯🙄心諗，可唔可以一位serve我地就算⋯⋯偷聽到另一枱點白酒，問搭嘴男侍應3隻白

又一次重溫學生時代的味覺回憶，又一所擴張不順輾轉退回原點的餐廳。記得Pepperoni’s消費不高，適合小情人約會，坐得舒服同時餐點份量大，尤其是甜品。可惜市區的分店全部給花巧吸睛的新食肆取代，只能像今天難得早起西貢郊遊樂後，順道享受遠離繁囂的大餐。與其說Pepperoni’s是意大利菜，不如說是美式意菜比較貼切，一來沙律有多款亞洲風味的選擇，二來甜品竟沒有我幾乎必吃的意大利代表Tiramisu，卻有美國甜心紅蘿蔔蛋糕，還有本地西餐廳不常見，來自英倫的牧羊人批。我們仗著剛行完山準備大吃一頓，連同伴都罕有地點了一杯雞尾酒，我也選了杯香甜順喉的氣泡酒。首先來一客泰式牛肉沙律，芽菜、花生、泰式雞醬和其他青菜蕃茄上面鋪滿西冷扒肉，沙律來説太肉感，但味道不錯。我們羊群地點了最多食家推介的新奧爾良薄餅10吋中型批，滿滿的芝士、雞肉、薯仔，每件還加上一團酸忌廉，令原本偏軟的批皮更濕塌，少了香脆帶靭的口感。最恐怖的是超鹹的牧羊人批，像忘記下過鹽又再放一次，鹹得吃不出是羊肉，配上面層的薯蓉和蒜蓉包也無補於事。至此我們知道今餐所吃會嚴重超越行山消耗的能量。看其他食客的相片，香焗蘋果派看來與以前一樣，於是我

第二日放假..所以心血來潮黎西貢食飯..平日入黎真係冇乜人..感覺好舒服好寧靜..本身諗住去食印度野..但行經呢間餐廳就比個買一送一吸引左..正價黎講一定唔捨得食..今日咁抵當然要試試..款式黎講一定要同一款..加一就收原價既加一..我地叫左ribeye..10安士其實唔知有幾多..我地又擔心唔夠飽所以叫多左個pizza..點知黎到原來好大份呀!!!女仔絕對夠飽..男仔既話只要唔係太大食都夠飽一d都唔hea!!薯條有一個薯仔既份量..好熱..好脆..仲要係粗薯!!!個ribeye我地叫左5成熟..不過出到黎比5成熟d..冇乜味..我地再灑左鹽..有個汁配..不過個汁都係冇乜味..但個牛唔un..好食!!Pizza 叫New Orleans..有雞肉有薯仔..面頭有cream同埋泰式辣醬..好特別!!新鮮出爐熱辣辣外脆內軟..好好食!!!!飽到傻!!

一連四日復活節假期，梗係要留返日用嚟行山啦，所以今日就嚟西貢行山啦，行完山都已經兩點鐘，又係搵食嘅時間🤤🤤🤤每次入親西貢都一定食呢間，因為座得舒服，又好大碟，價錢又OK，同埋好多選擇。。。。我同朋友一坐低就已經急不及待嗌嘢飲，我就嗌左lime soda，好爽呀！！然後先慢慢睇下有咩食，最後嗌咗個炸番薯條，三文魚蕃茄闊條麵，海鮮飯，芝士辣肉腸pizza🤪🤪啲嘢食都好快黎到，可能知我哋都好肚餓囉🤤🤤首先個闊條麵我係第一次喺呢間餐廳叫，但係都好好味啵，個汁同啲三文魚好夾，同埋啲麵唔會話好淋身！！至於個海鮮飯同芝士辣肉腸都係水準之中，Happy chill brunch🤤🤤🤤🤤

每次入西貢都山長水遠，但總會為了這餐廳而特意揸車進去，至少吃過七、八次。家人飲食吃得一向濃味，但都一致認同菜式偏重口味，特別是有芝士的pizza和意粉，都毫不吝嗇地滿滿放入菜品中，愛重口的朋友可以一試。環境開揚，近馬路，夜晚有氣氛蠟蠋，坐位闊，有別於一般商場內的餐廳，加上外藉客人常見，有些侍應為南亞裔，須英語下單，有種離開香港的感覺。拍照當晚只有兩人用餐，但筆者覺得它還是適合和一伙朋友或家人共聚，因菜品份量大，多人去可以多吃幾道菜。圖中雖為牛扒和香辣蜆肉意粉，私心推薦carbonara和新奧爾良pizza最為好吃，前者芝士忌廉用料足，後者以薯仔、芝士、蕃茄、甜酸醬等用料，味道在其他餐廳暫時未吃過，挺特別。唯一缺點是14吋的話，吃兩塊已經很飽肚。

星期日做完義工，男朋友來接我兼即慶入西貢😆在小巴上，已經拿拿聲search 定食乜好，好多西貢食評都熱推fish and chips, 可惜我身邊嗰位唔好炸野，所以就target 揾下意大利野！結果，小巴經過望到呢個店即招牌，我地就落車決定食呢間😂因為太肚餓，我地兩個人叫咗個 蕃茄芝士pizza仲有雜菌意粉 and 芒果沙冰先講pizza 不過不失， 芝士有拉芝效果不過餅底介乎薄同厚中間，個人不太喜歡意粉方面醬汁杰但味淡，幸好本身菇有咸味可以平衡番少少，芒果沙冰不是用芒果打成的，一飲就知用咗芒果糖漿2個人食咗3百幾蚊，性價比低😣

喺沙田諗食乜，同老公心靈相通，大家諗不如入西貢食Pizza，一諗到食pizza自自然然就會諗食新奧爾良pizza，還記得第一次離食係慶祝生日，這次是我第一次食新奧爾良pizza，真心第一次食嘅Pizza味道新口味超喜歡，今次舊地重遊已相隔八、九年，食物依舊好味雞翼一開兩，方便入口，個汁特別此泰式又非泰式，你哋自己試吓啦！焗薯皮除咗有煙肉內裏讓了一些特製醬汁皮脆內軟,推介新奧爾良Pizza味道可以，不過有點失望，是他的餅底比以前厚，不知是否醬汁過多，整個Pizza的中心位置過濕，令到餅底濕淋最後整體其實係good，下次會再試其他pizza

西貢...一個好熱鬧又人多既地方, 由其星期六,日~ 所以我都去熱鬧吓先~ 去到唔算多人, 有好多位, 叫咗個招牌PIZZA~好多料呀, 個底唔算好厚, 好香麵粉味~熱辣辣~ 另外海鮮意大利燴飯, 有蝦, 青口, 鮮尤~ 海鮮都好新鮮唔會話好似平時個D冇味~ 焗薯皮同出面食既有少少唔同~出面食既多數真係得薯皮俾你, 呢到佢係有D薯仔肉係到~加埋芝士肉醬好好味呀~ 煙三文魚意粉佢用咗熟既三文魚粒嚟煮之後再加上幾片煙三文魚, 所以好香三文魚味, 仲要有2種口感, 有生同熟唔同既分別~

好開心好浪漫呀！晚上黎慶祝，本來黎係想食個細，但係大pizza 又只係差幾十蚊，就叫左大！Friday night 有steak 優惠，買任何steak送左一杯紅酒🍷，嘻。周圍啲人都唔係好嘈，兩個人慢慢食環境相當不錯。好多人揸車去門口叫外賣pizza食，一晚都有成四五個咁嘅客，證明啲Pizza🍕🍕🍕都真係新鮮焗就多人食。個牛叫咗Medium rare，都好不錯，好好入口。結果都係食唔晒，打包左兩塊Pizza同少少牛肉第日朝早做早餐添

是日老闆生日，平時我地生日老闆都會好有心機揀地方食飯。今日佢生日，我地就為佢揀左一間喺西貢嘅餐廳。全程唔話俾佢知食咩，只係做人肉GPS😂但去到尾段老闆話都估到去邊喎😂餐廳附近有個大嘅泊車區，方便揸車人士。特別一提，餐廳員工十分友善，好好服務仲為我地落力影合照！☺️返工可以去到西貢食個lunch, 不亦樂乎☺️☺️☺️

星期一行完蚺蛇尖落山餓到肚都扁埋，行下行下去左呢間餐廳又唔駛等位，兩人入去坐低就拿拿聲叫野食:全名唔記得，雞肉藜麥沙律咁上下啦，其實呢碟四人份量都OK , 當然咁開胃既前菜落響兩個行完山既餓鬼面前就梗係唔會剩啦。8吋海鮮薄餅，餐牌有8,11同15吋既薄餅order , 呢塊8吋2人份量有4塊，厚批(口味人人唔同我比較喜歡薄批)，餅夠熱夠鬆化，係海鮮料既種類略嫌太單一，總括黎講都幾好食。炸魚薯條，魚肉夠油夠滑，但塊皮油益味較重。不過唔知點解，薯條好好食，完全無油益味，唔通係唔同油鑊炸出黎?香辣海鮮意粉食落有辣味但唔算好辣，蜆肉用蒜頭爆到開口先起鑊，兜熟意粉再回鑊，所以蜆肉無腥味，辣味同蒜味撈得洽到好處，但都係同一問題，海鮮食材種類太單一，但一碟意粉有十幾廿隻蜆，出面真係叫餸都未必有。星期一同二晚上6-9買一送一，買二送二，送果樣以價錢較低為準。飲埋杯啤酒都係$399,抵食到核爆。