Pho 778 (已結業)

安格斯生牛肉湯河粉 $46湯底夠香濃🐮另外碟上芽菜、青檸、九層塔可以按自己喜好落😋牛肉肥瘦均勻肉質軟腍香茅豬扒飯 $39❌肉質好鞋🐖完全無食慾☹️☹️☹️☹️加$15轉set，有小食同飲品加左越南春卷即炸夠香脆唔會好油👍🏿服務一般，當係糧尾同速食既選擇ok食物質素好參差要試下邊d好邊d唔好豬扒就唔會想再試

灣仔嘅越南餐廳有好幾間，但要數最親民最貼地嘅一定揀Pho 778，幫襯咗幾次，食物水準keep到之餘，價錢又唔貴，啲員工仲好nice! 生牛肉河：佢嘅安格斯牛肉好新鮮，肉味好濃，而且帶有藥材味嘅牛骨湯上檯嘅時候熱辣辣，河粉亦都要讚，好滑唔會「碎濕濕」，唯一要挑剔嘅就係份量小咗啲，叫正常份量唔夠飽！香茅豬扒撈檬：水準之作，豬扒即叫即炸，上檯嘅時候仲係熱辣辣嘅，而檬粉個汁簡直就係神級之作，聽店員講撈檬汁係店家自己做調較嘅，酸酸微辣，好惹味！小食：試咗蝦餅同網絲春卷，春卷真係好脆好香口，配埋個汁真係好好食！可能係春卷真係太好食嘅緣故，顯得蝦餅有點平凡，不過都幾好食！飲品：薏米水，幾好飲，清甜又解渴，連同行嘅小朋友都搶住飲！題外話，女店員真係好貼心，我地食完無即刻離開而選擇坐多陣傾計，佢幫我地收晒啲碗碟等我地可以慢慢坐，服務一流，抵讚！

由唔知幾時開始，一碗Pho由$30-40幾蚊碗變成而家郁啲$80-90蚊碗既湯粉，過百蚊都係閒事。亦都越黎越多外國回流既香港人掛住外國既湯河味道，於是係香港開店希望食得番。當年我係澳洲讀書都係食好多當地越南華僑煮既地道越南食物，莫講話係Pho啦，好多食物都響香港食唔番呢。呢間既店主又係響加拿大回流返黎，但價錢係so far最親民。點左個安格斯生牛肉湯河，特別既係個湯底帶有小小藥材味，但又未算好濃牛湯味，個粉就幾滑呢。主菜生牛肉話係安格斯牛，不會太薄食落牛味香濃有嚼頭。加左個越式蔗蝦，都彈牙好食既。總體味道就不過不失啦，價錢$45一碗細碗未必夠，加個小食就應該先夠飽勒~

湯底：食越南湯河之前梗係要試啖湯先，顏色就好深，但飲落去係冇牛肉味嘅，得甘甘地既藥材味...生牛肉：肉味唔算濃，而且懷疑係雪藏解凍得唔好，搞到個湯又唔夠熱又整唔熟d牛肉...坑腩：厚過d生牛肉少少..肉味重少過d生牛肉..😒點做到..服務：覺得啲職員其實真係好唔想做生意...間鋪頭細細，一眼望曬，明明冇野做，有食客食完俾錢走咗過咗最少5分鐘先至識執枱同叫出面等緊嘅人入嚟湯河就唔掂啦，但見佢門口有張好大嘅poster寫住下午茶時段(3-5pm)外賣越式法包買一送一，諗住第二日試吓啦...3:30入到去，見到有得一男一女濃情纏綿緊，以為係食客，點知佢同我地講咗句我地落緊場..我問唔係下午茶時段咩，佢地重覆落緊場..er..我再問，咁你地幾點鐘係下午茶時段，佢又好理直氣壯咁樣答我三點至五點...咁我冇野好講啦法官大人...我諗比老闆知道佢d員公拒絕做生意大概會激死

這個可能是全港,加拿大,越南最差的餐廳!!!THIS IS BY FAR THE WORST PHO RESTAURANT I HAVE EVER BEEN TO IN CANADA, HK AND VIETNAM!!! It is a complete rip off eating at this restaurant! Food:The pho is absolutely terrible! * Soup base - It is very watered down and have zero contribution to the pho. * Beef - The so called angus beef had very high content of fat. Unless they have upgrade the angus to kobe beef, I am not sure how could it be considered as premium meat. * Noodles - Quality of the noodle is only so-so*

由2017年開始食呢間越南粉. 最初各方面都幾好,喺香港嘅越南粉當中算唔錯! 食咗幾次後, 嘢食質素都keep到. 但員工態度愈來愈差, 無禮貌, 又”hea”😒! 我見嘢食無乜問題就算了!之後再去咗幾次, 越南粉質素已經不穩定. 越南粉最緊要係個湯🥣, 一定要超級熱! 但佢哋啲湯係暖🤦🏻‍♀️好彩啲小食, 例如蝦餅, 春卷都仲好食. 去到今日2018年7月, 過份到令我要話俾大家知有幾差!!! 首先Order完, 1. 等咗20分鐘, 2. 蝦餅內啲蝦肉係酸臭 (相信已過期), 3. 鹹檸水篤爛晒成個鹹金桔都係”0”味道, 淨得水味. 4. 同個員工講, 女嗰個員工態度極度超級差, 大大聲仲要串我哋每篤個檸😡😡😡5. 主菜到, 越南粉🍜湯不熱, 芽菜同牛肉都浸唔熟. 個湯仲要係完全無味, 係無味嫁! 火都嚟😡🔥一次一次嘅失望同憤怒 💢 blacklist

行過見門口餐牌價錢唔貴，咪入去試下食晚飯。點了一個生牛肉河同坑腩河跟一杯青檸梳打！等待中，見到桌上有食生牛河教學，話先試湯底，加芽菜，辣椒粒或青檸調味等！看似幾仔細，但配菜來到，打了個突！點解得幾粒超薄椒絲，兩碗粉得一碟芽菜？叫侍應來多一碟椒絲，但只是多幾粒拿過來，唉！到河粉來到，才明白點解係這個價錢，生牛肉河既湯底唔熱，啲生牛肉浸極都係好生！碗坑腩河粉，只得超薄的三塊坑腩。相都唔想影，只有將這間店擺入黑名單，講完！

我從來未食過咁難食檬粉，粉係碎的。似煮了又煮再煮的粉。超難食。檬粉好難會有咁難食。好彩份量小。不想浪費咁多食物。蝦餅超薄的一片。外賣自取$49 蚊。實在太唔值。我相信依個係最難食的越南粉冇第二間。我從不打食評，但這個真係實在難食到一個點。

今日夜晚去灣仔呢間pho778食生牛肉湯河，開左咁耐，先至第一次過黎食，等了兩、三分鐘就可以入座。招牌菜安格斯生牛肉湯河都最平只係46蚊，呢區嚟講算平，價錢貼地，加拿大安格斯生牛肉加越南河粉，fusion味勁濃! 值得一試。湯河賣相同平時食既越南湯河冇乜分別，湯底濃郁，湯底好甜好開胃，好似平時食開既牛肉麵湯底一樣，隔離有指天椒粒同青檸落，一飲湯就先辣後甜 好好味!牛肉又軟又嫩口，而且味道唔錯，驚唔夠飽既人仲以加大。

晚上和朋友在灣仔見到呢間小店，見一個人都無心感不妙，但朋友一定要試就姑且試下，我叫咗個香茅豬扒飯，無香茅味，一啲沖都無，豬扒得一塊無味無道唔好食，，還用隻大碗裝住，連賣相都冇, 所以冇影相。另我朋友叫咗個生牛河，河粉非常少，飲品要加15蚊但送小食，無得剩係跟餐加飲品。飲品剩係得包裝及罐裝汽水，其他杯裝飲品要再另加錢，因為口渴, 我地局住加15蚊，因為個飯都唔好食所以都冇期望, 我叫咗個蝦餅，完全唔彈牙林bet bet，期實都係意料之內，下次不會再來

越南河粉一向是我喜吃的東西。遇到一間未吃過的Pho店，小弟總會有興趣去試試....這一所Pho小店，位處於灣仔道旁的一條小巷內。幸好它就身處在巷頭，不然的話，一不小心就走過都不知道....店真的很小，小弟一個人來，擠在一個靠牆的二人卡座，感到十分迫狹....不過反正自己一食完便即閃不會久留，也就沒大所謂....和其他食Pho的舖子比較，這裡的索價可說是十分公道，一碗粉平均價值都只是四五十塊錢，的確甚化算....看看周圍食客吃些甚麼，經觀察後發現大部份人都是點普通份量的牛河。看似普通的份量真的很普通，飢腸轆轆的我應該要在加碼點多一樣東西才夠....最後，出現在檯上的，便是一碗坑腩湯河，再加上一個香茅豬扒法包....店主是從溫哥華回流的，賣的Pho號稱是溫哥華式....算小弟不才，說實在真的沒聽過所謂的溫哥華式Pho。原來，其一特點便是吃時加入甜醬及是拉差醬....但講真，小弟對此是不敢苟同。此兩醬之味如此搶如此霸道，絕對會破壞了湯底本身應具備之醇厚的....說回這裡的Pho湯底，色水偏深帶褐，入口帶點甜味。店號稱用牛骨、牛肉、薑及洋蔥熬十多小時已成的湯，但呷落卻稍偏淡不夠濃厚。不過好處倒

見到唔少好評，咁啱又想食生牛河，就黎試下呢間。叫左生牛河，友人就叫左豬排河同雞排撈檬。湯底好特別，有中藥味，前所未有的味道。安格斯牛肉好香，不過得兩三塊，都幾少。

友人搵到呢間想試，就一齊過黎食。一直好奇pho點讀，友人問左越南朋友，原來係讀fa。我地各自叫左一碗食，有得揀正常份量同大份量，大家都揀左正常，預返陣間再食野。我試左香茅豬扒pho，首先飲個湯底似中藥味，都幾特別，唔會太甜，豬扒普普通通無乜特別。友人就食安格斯生牛pho，佢都大讚好味！另一友人叫雞扒撈檬，佢好餓好快就食完，然後就趕食下一場啦。

喺12點半午飯時間嚟咗灣仔人氣熱店 - Pho 778舖內只有二十個位到，慶幸當時人唔多，可以即時入座。由於我對牛肉一般，所以冇嗌到出名嘅越南河，反而叫咗一碗撈檬。燒豬頸肉撈檬 ($48)豬頸肉算大塊，大概有五六塊，燒得幾香嘅，調味亦唔會太鹹。撈檬嘅汁同豬頸肉好夾但係份量偏細，男士多數唔夠食，或需要加$15轉combo，會有小食一份同飲品。小食都唔算大份，加蝦餅只有兩小件。食量大嘅朋友可能要考慮大份量嘅湯河粉😂整體嚟講，係味道不俗嘅越南餐廳但要留意單叫未必夠飽。😂

自從上次去完越南之後，好耐冇食過越南河粉，今日放工朋友就提議去呢間平民化嘅越南餐廳。餐廳位於灣仔保和大廈地下，雖然唔算太近地鐵站，但如果係灣仔返工嘅人應該好容易搵到呢間餐廳。餐廳嘅賣點好清晰，所以餐牌上面只有越南嘅食物，撈檬、湯河粉以及越式法包都會搵到。所有主食包括撈檬及河粉等都可以另外加＄15就可以有埋小食以及飲品。餐牌上面寫咗店東開呢間餐廳嘅原因，呢間餐廳係由三個由溫哥華返嚟嘅人開嘅。由於佢哋好懷念溫哥華越南河粉嘅獨有味道，所以就返嚟香港開咗呢間餐廳。安格斯生牛肉湯河粉（ ＄56 )（另追加牛肉）濃濃嘅湯河上面鋪上幾塊薄薄的安格斯生牛肉，面層有越南食物不可缺少嘅蔥花以及洋蔥。芽菜係另上嘅，感覺幾正宗。👍🏻牛肉夠嫩滑，湯汁幾惹味。餐牌上面有教學，教每位食客如何利用餐廳獨特嘅醬料品嚐越式河粉。set combo跟餐嘅香茅蝦餅，蝦餅比較薄身，但算香脆，而且唔會太油膩，沾上酸甜辣醬幾開胃。香茅雞扒撈檬（ ＄49 )雞扒煎得幾香，如果撈檬既汁更多會更好set combo跟餐嘅灼菜越南手撕雞越式法包（＄33 )手撕雞配上青菜、青瓜以及蕃茄，一啖咬落感覺好豐富。埋單每人約＄100 。