Pick Coffee by Pokka Cafe (太古城中心)

營業中

休息中

- [ ] Pick coffee by pokka cafe 聖誕節採購聖誕禮物，下午茶時間行到攰攰地。見到誠品裏便開咗呢間pokka Cafe主理嘅pick coffee。二人座位等咗大概20分鐘有得入座。舖頭唔算大，大概30個座位左右。枱與枱之間都唔算闊落，不過尚算坐得舒舒服服。叫咗一個下午茶餐，包一杯咖啡。下午茶點咗一個朱古力焗牛角包with 朱古力雪條on the top with 爆谷on the side !?老實講，個配搭真係怪怪地每樣嘢分開來食冇問題嘅，一齊食就唔夾。咖啡合格，用pokka個名唔會差得去邊。不過啲waitress 姐姐好有禮貌，服務補返數

假日lunch set 特別收得貴都算，但成個服務體驗勁差！！！！！！👎🏻員工態度極度惡劣，要求要杯水，在客人旁邊不斷埋怨客人「個個都要水我唔使執野啦」😡然之後叫左幾次先有杯水，最有問題嘅係倒啲滾水比人😑想知係點樣叫客人飲然後幾枱客人都受到不禮貌對待仲要客人一離開就鬧人 執枱既時間仲要好大力 講真完全係嚇到人😑這樣的價錢換來這樣的服務質素實在令人感到失望🤬同行友人亦覺得不會推薦這間餐廳👎🏻員工服務態度有嚴重問題然後食成餐飯 啲食物都全部冇特別 唔值咁既價錢見到隔離枱 個雞朳意粉冇左個意粉，竟然係攞個咖啡杯比翻個意粉人哋😰勁荒謬👎🏻👎🏻👎🏻👎🏻👎🏻

節日臨近同事話約食飯我嘍飯應，餐廳搬咗嚟有一段時間，今次終於有機會試嘞，誠品會員金卡享有九折優惠，下次埋單前就要出示，今次唔記得仲要補辦積分紀錄。講返用餐要限時 90 分鐘但職員態度十分友善，而且餐廳消毒衞生相當講究，提供咗一個好好嘅環境。我哋各自叫餐覺得味道唔錯，焗飯、意粉、煎鷄，雖然鷄本身略帶苦澀味不過份量超大。可惜，試完佢哋嘅皇牌特式咖啡，就覺得咖啡味道一般、熱奶要另外特別叫，印象中嘅日本街頭罐裝咖啡好飲得多，比較下難免出現落差，但綜合今次體驗還算不錯。

以前細細個最鍾意食pokka cafe，每年度都密密幫襯，務求儲夠積分免費續會😂到食食下發現愈執愈多分店，menu變得愈來愈唔吸引。今餐食完對佢已經無晒好感，我諗以後都唔會再光顧了😮‍💨主食真係好馬虎，甜品幾出色都無幫助！🍝 北海道刺身帶子黑松露忌廉汁意粉兩大粒刺身級厚身帶子，微微煮香過，有見到色水，但無外面脆內軟身既效果，其他食材都非常一般，忌廉汁似罐頭開黎，’結’口但淡如水，黑松露味簡直消失左，再配白烚菇，毫無調味🫣🍚日式海鹽牛脷牛柳丼飯賣相奇怪，麵豉湯以透明膠杯盛載，沙律菜同丼飯用上金邊白色膠碗，整體感覺好似求其搵啲器皿裝住🤔牛脷同牛柳質素麻麻，比較薄身同嚡口，肉味欠奉，配上疑似日式鹽醬同蔥花撈飯，好唔好味就見人見智，不過一定稱唔上係日式丼飯！🍞迷你tiramisu格格多士配雪糕甜品好有驚喜😍叫左迷你版有三大舊正方體麵包粒，多士好鬆軟，將沾滿mascarpone cheese🧀同可可粉既麵包再配埋雲呢拿雪糕食，一冷一熱既口感好滋味，伴碟既果仁🥜亦好脆口無油溢味！📍Pick Coffee by Pokka Cafe太古太古城道18號太古城中心地下誠品生活店G016號舖

🦐燒大蝦雞肉漢堡煎意大利飯 $159蝦🦐大隻肉質爽口有燒過，仲有一塊雞肉漢堡🍗，最驚喜既系意大利飯，唔系普通嘅飯而系有煎過，外微脆有飯焦，加左cheese，飯軟糯黏稠，推介👍🏻🍝北海道刺身帶子黑松露忌廉意粉 $142兩粒帶子大粒新鮮，加左藜麥同菇，口感豐富，忌廉汁夠多而且帶奶香味，意粉軟硬適中吸汁，黑松露就相對味道冇咁突出😝.✨餐廳系誠品入面，空間大坐得舒適合聚會傾計，餐具精緻用雲石枱，而且野食選擇多

🍝 牛油果香濃和牛肉醬意粉 $129沒有濃調的肉醬，是三份一碗蕃茄湯意粉，表現強差人意，味道正常。-🥗 沙律/湯、果茶/咖啡 +$52；揀咗粟米湯，粟米忌廉味道濃郁，係日本嗰隻味。👍🏻-☕️ 炭燒榛子牛奶泡沫咖啡 +$36 半價；$72 正價；完全飲唔到炭燒榛子味，普通咖啡一杯，仲要加咗花瓣喺面係無令到杯咖啡好飲咗。-🧇 格格多士配雪糕（迷你榛子吉士）$66最值得食 & 真係好食，係甜品！吉士醬味道香濃，多士香脆，都有6至7舊(3x3cm)，份量足夠。滿分！👍🏻-會繼續嚟試埋其他款式嘅甜品😋😋

好耐冇去Pokka , 之前去的九龍灣分店巳結業, 聽聞Pokka 太古城分店巳重新開幕, 個名叫”Pick Coffee by Pokka Cafe" , 佢藏身在誠品生活裡面, 所以今天打算行完誠品後就去試試. Pokka 食物主打西日式, 叫咗肉眼牛扒鐵板上, 個扒烤到剛剛好， 好juicy, 份量亦不細， 鐵板上好有氣氛, 另外再叫XO醬忌廉汁大蜆意粉. creamy, 蜆無沙，XO醬跟忌廉竟然都夾， 味道不錯. 其實Pokka既主菜水準雖不錯, 但個人來說，甜品亦是主角. 叫咗抺茶Tiramisu 新地同特濃朱古力丹麥多士拌雪榚. 一如以往, 新地既外型十分吸睛, 抺茶微甘, 配紅豆一齊食揀直係冇得輸. 脆既多士併冰凍既雪榚, 口感一流. 又是滿足的一餐.

開完會感覺個人散左，去太古城中心食個relax lunch，要搵個坐得舒服的地方放鬆一下、充充電。平日午市有lunch set, 包頭盤，主菜和餐飲。 頭盤選擇了三文魚田園沙律，dressing幾清新，三文魚都好大塊。 餐飲選擇了餐廳的house blended Coffee，咖啡保持一貫水準，令人清醒一下。 主菜是帆立貝黑毛豬，帆立貝有兩大隻，豬扒非常厚切，同時煎得嫩滑，入口不鞋，好味👍可以坐得舒服，嘆下咖啡，慢慢享受下at lunch hour.

非常難忘的經歷，主菜我哋叫咗一個晚餐套餐，雞扒拼大蝦，大蝦舊鮮味，雞扒鮮嫩多汁，雞皮香脆可口，另一個係刺身帶子藜麥意粉😋😋我同愛人分咗個餐湯，係粟米忌廉湯，完全唔似出面嘅罐頭湯咁，相信係呢個餐廳廚房自己每日新鮮煲🍲🍲我哋仲飲咗杯百香果骨膠原梳打，同埋白提子骨膠原梳打食完主菜飲緊梳打嘅時候，店長推介新推出嘅Cup Cake🍰出奇地食完cupcake竟然飲番杯梳打中和返甜膩感。呢度裝修帶有70年代又有現代化嘅風味，一定會再同其他朋友再嚟食😋😋😋

好耐無約家姐一齊食飯，難得有時間當然要把握時間聚一聚啦~ 去太古城中心接家姐放工之餘順便行街，順道留意附近有咩食，去到誠品閒逛，發現原來誠品內都有多家餐廳，見到重新開的Pick Coffee by Pokka Café ， Pokka Cafe 真係兒時回憶，以前好鍾意食佢啲西餐，見到卡座感覺幾舒服，又位於誠品的一隅，有私隱度，所以就決定係呢度開餐。 食物選擇一如以往係日式西餐，選擇都唔少，最後揀咗：　 🥢海鹽粟米 一個好惹味的前菜，粟米烤焗過，依然保持粟米本身的清甜Juicy，加上海鹽及七味粉，辣辣地幾惹味。 🥢紅酒燴牛肉半熟奄列蛋飯 食日式西餐時總喜歡叫佢地既蛋包飯，因為覺得整得好靚之餘又好食，這個都唔例外，蛋帶有蛋香,煎得半熟剛剛好，飯粒粒分明，而紅酒牛肉煮得軟稔入味，配上一起吃很不錯。不過如果係炒飯底我會更開心 🤭 🥢燉煮紅酒牛尾意粉牛尾美肥，燉煮得入味軟稔又充滿膠質，骨與肉之間的膠質美常美味，香而不膩，紅酒醬汁好惹味，而意粉份量頗大，2個人食好足夠。 🍹飲品: 🔸藍山一號 Pokka cafe 自家烘焙的精品咖啡，少數會有自家烘焙咖啡的連鎖餐廳，呢隻藍山一號是自家house

最近喺太古城中心開咗新分店餐廳就係誠品書店入面位置都好易搵到 商場又好近地鐵站 餐廳食物水準保持到同其他分店一樣高質甜品大推薦！好好食❤-𝓜𝓪𝓲𝓷𝓼-დ 紅酒燴牛肉半熟奄列飯奄列飯賣相好精緻，牛肉燴得啱啱好，食落非常軟綿。而且牛味香濃，紅酒汁亦好入味，非常出色👍დ 溫泉蛋富士山咖哩牛肉定食咖哩牛肉定食亦都好好味，日式咖哩食落甜甜哋，好適合我呢d唔食得辣嘅人，牛肉亦都好嫩滑。溫泉蛋食落好creamy，伴埋咖哩一齊食好正😆-𝓢𝓷𝓪𝓬𝓴-დ 香煎韓國小牛排餃子餃子皮薄餡靚，外皮煎得好香脆，餡料亦都好足料，一啖落落去爆哂肉汁好juicy😋-𝓓𝓮𝓼𝓼𝓮𝓻𝓽-დ 格格多士配雪糕 (Tiramisu)Pokka Cafe嘅甜品一向都好出色，新嘅分店亦唔倒外。呢道甜品嘅賣相好靚，啱哂影相打卡。多士食落好香脆，雪糕亦都好軟綿，一脆一軟口感配搭相當有層次😍-𝓓𝓻𝓲𝓷𝓴𝓼-დ 凍菠蘿荔枝鮮果茉莉花茶花茶用咗菠蘿同荔枝等等嘅鮮果去泡製，所以非常鮮甜。配合埋茉莉花嘅茶香，非常好飲👅 დ 凍Tiramisu咖啡Tiramisu味好香濃，但又唔會蓋過咖啡嘅香味，兩者相輔相成，飲落亦好涼快🤩

以全新面貌係誠品生活太古店內重新開幕，一於同同事來試下，前一日打電話來話FULL BOOKING唯有早啲WALK IN，等頭十五分鐘都無叫過號碼，返工LUNCH TIME 時間有限，當諗梗轉唔轉場之際突然又叫得好快，可能好多人攞左飛就走左！SET LUNCH 有六款撰擇，揀左香煎雞扒大蝦意粉，落單時話大蝦會由磯煮鮑魚代替，食LUNCH食鮑魚會唔會有啲招積呢😁，雖然上枱時見到好細隻仲只得一隻，但都覺得午餐都變高級左😂，鮑魚味道同口感都唔錯，雞扒就略鹹但煎得好香。午餐可以半價點撰套餐以外既飲品，入座時見水吧個凍滴咖啡陣好似好勁，於是揀左冰滴牛奶咖啡，冰用咖啡製成所以飲到尾都唔會變淡，咖啡、糖水同奶成盤上，倒來倒去感覺好似做實驗😂。總結係可以ENCORE既好地方👍。

為工作東奔西走左一個上晝，食返啲甜野補充返體力先得~想去寧靜嘅地方食下甜品飲杯咖啡~入到誠品聽講開左間新Cafe，入到去對正見到係Sensory 0，自己喺第二度食過好多次，無咩特別咁，推親新野都係野飲為主。新Cafe應該有唔同掛~到Pick Coffee門口店長就即刻安排座位，一坐低，店長積極推介好多好多好食嘅甜品，仲講埋自己鍾意食咩甜品，好客到呢~又親切最後我叫左焦糖香蕉牛角酥窩夫雪糕，加杯凍滴咖啡 ( 喺出面行下行下有啲熱，飲凍飲最啱啦~)等野食黎果陣，另一位店長都好有禮貌，我想連Wifi做公司野，佢細心教座枱Tent Card 一嘟QR Code就入倒，唔得可以幫我手登入見到咁即刻寫返個意見讚揚下，佢教我一嘟QR Code就可以上網俾倒意見~超方便有禮~甜品好食，咖啡好飲，好客有禮~ 如果有旅遊好客餐廳必推，表揚下~特別表揚下兩位店長，Maggie好客親切，James有禮貌貼心