Pickabowl (荃新天地2)

營業中

休息中

Pickabowl位於荃灣係一間主打健康既餐廳門外已經show左好多配搭bowl而且仲可以自由選擇選擇好 職員就會好似4餸飯咁將配料放好 由於一早準備 所以取餐時間超級快夏威夷四重奏辣味三文魚吞拿魚熟蝦牛油果配白飯飯碗內好色彩繽紛 而且份量都真係好足夠鍾意佢既熟蝦 所以好彈牙 辣味三文魚都唔辣配菜下其實放有紫菜 整碗飯都好fresh蘋果汁+$20唔會太酸另一個係自選薑汁松阪豬加州三文魚Mayo 都是配白飯Mayo係由蛋黃醬加青瓜加蟹子加菠蘿豬肉粒唔會韌 重薑汁味升級套餐+$25溫泉蛋昆布湯黑糖布甸黑糖布甸偏甜呢一餐我係陪daddy 嚟食其實除咗配白飯佢仲可以配黃姜椰菜花糙米飯 不過我怕佢消化麻麻 所以放棄咗整體而言 價錢平就唔算 不過勝在真係食到健康嘅味道 而且好方便

主打健康美味嘅餐廳啱晒現代人嘅選擇，尤其係當運動前後，食完真係又滿足又冇罪惡感。而且見到肉類嘅選擇都係充滿蛋白質同健康嘅脂肪為主，例如雞胸肉、三文魚同蝦等。🔷D.I.Y 自選 💰88+8(慢煮雞胸、蒜辣八爪魚、泡菜、沾烏冬、+中華沙津)朋友叫左自選DIY，雞胸肉配上左自家製嘅醬油，係好健康嘅味道。另外選用左泡菜嘅配菜組合，所以成個配搭係辣辣地，又非常爽嘅口感。沾烏冬做底，但仲有其他都好特別好健康嘅配搭，例如糙米飯同黃姜椰菜飯都好想食下。🔷夏威夷四重奏 💰110(辣味三文魚、經典吞拿魚、泰式辣蝦、牛油果)呢個夏威夷四重奏有齊晒三文魚、吞拿魚、蝦同埋牛油果，啱使乜都想食下嘅人。三文魚同吞拿魚都好新鮮，而且切得大大粒，食得好滿足。都係烏冬做底，夠晒煙韌，唔係一般嘅烏冬，係偏手打式嘅烏冬。

行過見到夏威夷式嘅魚生飯，好似有好多配菜，同埋SELL 健康食物，所以試一試。香草介未熟蝦佢個飯有好多選擇，包括白飯、糙米飯、黃薑椰菜花嘅不同組 (可以一半一半)。我今次就揀左一半白飯、一半黃薑椰菜花。黃薑椰菜花唔會話好大陣辣黃薑味，口感係好散、好特別，唔鐘意食飯嘅人值得一試。主角蝦份量好多，而且隻隻口感都好彈，好鮮。另外有啲好似薯仔沙津嘅野，原來係准山粒，佢個口感係好爽，加埋介未嘅味道好清新。我地左$18半份肉，我哋揀左慢煮雞胸。另外再加$25升級個餐，有溫泉蛋、鰹魚昆布湯、一份柑桔布丁。慢煮雞胸肉一啲都唔鞋口，合格! 加埋個溫泉蛋，成個飯唔會話太乾，啲醬岩岩好。平時好少食到柑桔布丁嘅甜品，好清新，唔會話太甜。 夏威夷四重奏有辣味三文魚、經典吞拿魚、泰式蝦、牛油果。鐘意食重口味嘅人可以揀呢個，唔會失望，因為佢每一樣野嘅味都好濃好正。我最鍾意泰式蝦，醃得酸酸味味。平時都好少食醃嘅三文魚同吞拿魚，開頭會擔心會唔會唔新鮮，點知佢個啲醃料配得好夾，食落都仲食到個鮮味。總括，呢間野食物嘅選擇好多，亦有好多有驚喜嘅口味，值得一試。

今日去到荃灣同朋友去荃灣行街，廣場由天橋商場連串成， 非常之咁方便。 行到攰攰地，我哋就去咗荃新天地二期搵吓嘢食， 見到一間餐廳有大大碗不同種類組合而成的合併飯好抵食 ，所以比佢吸引左就入咗去揀吓嚟食買外賣去朋友屋企食 朋友好鍾意食雞，有細食啲所以佢叫咗一個親子poke 入邊有慢煮雞肉及淡味豉油好適合健康人士，我朋友就揀咗黃姜椰菜花配白飯， 因為慢煮嘅關係裏面嘅雞肉好滑， 完全唔使用好多力就已經食到！ 雞肉配上紫菜同芝麻，完全唔dry ! 大食的我就叫咗一個夏威夷四重奏入邊嘅材料好豐富㗎，煙燻油辣味三文魚、經典吞拿魚、泰式熟蝦、牛油果 ，仲有三種紅黃綠辣椒及菠蘿配合，這個我就選擇咗日式烏冬，烏冬好彈牙， 這個夏威夷四重奏因為有菠蘿食起上嚟好開胃呀！ 而且真係好豐富每一啖都可以食到三文魚同埋吞拿魚，仲有熟蝦好彈牙！牛油果混合食真係好滋味！餐廳仲好好咁送咗個甜品焦糖布甸俾我哋添啊！

出街食都想食得健康啲，可惜大部份餐廳一係就太油膩，一係就太熱氣，好彩最近俾我發現荃新天地第二期有呢間Pickabowl，主打健康夏威夷沙律丼裝修都幾乾淨企理，我同朋友夜晚七點入去唔算多人，過多陣就已經坐滿晒有得自助斟水，係detox water呢度可以自己揀餸、揀配菜組合、同埋揀飯底，以魚生、雞肉、蝦為主，飯底可以揀糙米飯、沙律、烏冬、黃薑椰菜花，非常多選擇，配菜都係Superfood, 非常健康亦都可以揀配好咗嘅套餐朋友揀咗夏威夷四重奏，加錢升級埋套餐，非常之多料，有辣味三文魚、經典吞拿魚、泰式熟蝦同牛油果，飯底配一半糙米飯，一半黃薑椰菜花套餐另外有湯、溫泉蛋同甜品魚生非常新鮮，而且仲有醃漬過，撈埋啲飯食幾好味黃薑椰菜花亦都整碎咗上，口感似食緊飯，好有飽足感！而我唔係太想食生野，但呢度都有好多熟食選擇，我就揀咗自選西班牙蒜油熟蝦同埋天多利煮雞，配烏冬烏冬非常彈牙，食得出唔係啲平價烏冬，應該係讚岐烏冬雞肉同蝦肉調味都好好味！價錢都ok, 最緊要食得健康滿足，份量岩岩好

看似是日式便當，但來自於夏威爾古代Poke Bowl飯的pickabowl，以在米飯上配上醃製魚生，再配上自家製調味料而成，確保食材天然營養豐富，吃得健康又飽足。如不了解，還會把這Poke Bowl 當成為日式便當，去品嚐。Pickabowl 還加了肉類和海鮮選擇，食材選擇變得多元化，去迎合不同人的口味。******************************Pickabowl 共有2間分店，荃灣店就在商場地下，從商場入口而來，也非常之近。荃灣店地方不算很大，但有足夠座位。Poke Bowl 也合適外賣模式，更方便附近上班一族，外賣回公司享用，所以這次都以外賣帶回家和家人享用。Pickabowl 餐牌得簡單，主要以不同已配好的Bowl為主，當中已包括了配菜和醬汁，飯底可以按不同食客喜好好更改。飯底有白飯、糙米飯、黃薑椰菜花、沾烏冬選擇，還有指定2款飯底配搭，所以不怕一次過很多白飯。另外，還有DIY自選2主食Bowl、配菜和醬汁以HKD88收費，如額外加上食材，可以按食材收費加配。最特別，可以加HKD25，配上海帶湯、溫泉蛋和甜品各一份。飲品都可以以折扣加配。說明是夏威夷菜式，以醃製

時不時就會幫襯呢啲健康餐🤣真係會令人食上癮！今次嚟到嘢飲多咗幾款選擇，有鮮榨冷壓果汁🍹開心😍DIY自選 $88第一碗叫咗香草芥末熟蝦同蒜油八爪魚，今次嘅熟蝦多咗醬汁好惹味，不過蝦得三隻我有啲少🙈 八爪魚相對嘅份量多好多～另外再加牛油果同泡菜，牛油果接近有半邊，加$12都抵👍🏻泡菜就碎上，如果撈飯都幾好食😋山藥組合冇得輸，芥茉醬好正，同秋葵都好夾！另一碗就叫咗蒜油三文魚同慢煮天多利雞，雞胸肉就普普通通，健康既但真係靠醬汁先有味🤣反而鍾意佢個彩虹組合，有紅椒、黃椒、青瓜，好健康👏🏻 同埋好多顏色，食落都開心啲😂最後值得一讚嘅一定係佢嘅ABC果汁🤩真係天然無添加，$35小貴但比起手調飲品真係健康好多😚

今日朋友想食得健康d, 於是就去左荃新天地2期的健康食店，餐廳主打健康，分別有自選刺身、自選蔬菜和自選主食，如海苔飯和半糙米飯，三個元素組成的餐單。是日餐單:自選三文魚， 吞拿魚加泡菜， 加錢升級有湯， 溫泉蛋同布丁慢煮天多利雞三文魚，吞拿魚份量多， 味道新鮮， 刺身同醬汁加埋一齊食， 醒神醒胃。慢煮天多利雞， 配菜有菠蘿，青瓜， 蟹籽， 加埋蛋黃醬，好似小朋友飯盒咁， 好味。 雞肉望落好似好實， 原來食落口， 滑到不得了。米飯除左白飯外， 重可以揀其他健康米飯， 揾健康餐廳，呢度係不二之選。

有一段時間沒有到荃新天地逛街了，經過商場時，見到新開的pickabowl，款式好吸引，既可以點套餐，又可以選擇DIY套餐，一於試試。看著色彩繽紛的刺身、肉煩及蔬菜，即時食指大動。選擇困難症下，索性點已set好的套餐，不用慢慢逐款選，快靚正。點了3款外賣，分別是A.經典三文魚、D.慢煮天多利雞及I.夏威夷四重奏。A.經典三文魚配菜組合就是和風，即有烤南瓜、玉子燒、炸豆腐、四季豆、毛豆、配自家制醬油。先講主角三文魚，用醬汁拌和的三文魚，滑嫩新鮮。選了半糙米飯，半糙的效果令到米飯更有咬口。 一大口吃，有齊晒三文魚、雜菜、玉子燒及炸豆腐，正～D.慢煮天多利雞配菜組合就是蛋黃，即有菠蘿、青瓜、蟹籽配蛋黃醬。雞胸肉淋上印度醬汁，肉質不會太鞋。加入大量爽脆的青瓜，整體味道清新。I.夏威夷四重奏材料非常豐富，分別有辣味三文魚、經典吞拿魚、泰式熟蝦、牛油果。配菜組合就是彩虹，即有蕃茄、青瓜、甜椒配自家制醬油。雖說是辣味三文魚，但只是微辣，頗惹味。我向來不是吞拿魚愛好者，但這個經典吞拿魚用上日式醬汁醃過，帶少少紫菜芝麻，味道又不錯。而蝦肉頗彈牙，不過泰式汁可以濃少少。選了黃薑椰菜花和半糙米飯。黃薑椰菜花味

之前響 D2 place 果間 pickabowl 食過已經覺得不錯，但對我黎講冇咁就腳。 最近知道荃灣都開左，响荃灣返工嘅我，一於收工去買個健康外賣返屋企食先😋收工後 6:30pm 已見好幾個女士在排隊購買，可見已有一班捧場客。H. 經典雙拼 (三文魚，吞拿魚），半糙米飯 $86我本身唔太鐘意食三文魚刺身的，但呢個用和風醬汁醃嘅三文魚和吞拿魚刺身，醬汁好入味，唔會食到魚腥味，而且好適合餸飯。配上菠蘿、四季豆、南瓜、雞蛋、車厘茄等配料，色彩繽紛營養價值又高。由於想飽肚d, 就叫左個半糙米飯。N. 泰式青檸熟蝦， 黃姜椰菜花+半糙米飯 $86內有熟蝦，青瓜粒，菠蘿，荽茜，中華沙律。有青檸嘅清香，味道是泰式的酸酸甜甜勁開胃，好適合夏天食。熟蝦彈牙爽口，好有驚喜，我覺得隻蝦真喺好好味。Meal it 升級套餐 $25 (鰹魚昆布湯、溫泉蛋、柚子mousse)跟餐 +$25 有湯、溫泉蛋、甜品，呢3樣食物都充滿日式風味。昆布湯味道清澈且少鹽， 甜品有柚子mousse, 淡淡的柚子味食落唔會太甜，貫徹健康嘅感覺。溫泉蛋撈飯有如如虎添翼。Rabit Wish 冷壓果汁 (蘋果、雪梨、椰菜、香蕉）

作為一個注重體態的foodie，除左假期食下邪惡野，平日都會食番啲清淡健康野balance番😌今日就同大家分享一下一間食健康Pokebowl~/🥗經典吞拿魚配紅菜頭組合：紅菜頭、甜黃椒、紅腰豆、羽衣甘藍、毛豆、油醋汁 + 黃薑椰菜花X糙米飯 $82平時超市買紅菜頭好貴，所以我就揀左呢個CP值最高既組合！仲有營養價值豐富的羽衣甘藍、高纖高鐵紅腰豆、含有優質蛋白的毛豆等，而且油醋汁相對蛋黃醬果啲冇咁高脂肪，係一個好健康既option！雖然平時我都好中意食三文魚，但其實佢既脂肪含量都係相對高，所以想減脂揀吞拿魚就會好啲👍🏻用醬油醃過黎，滑嫩且帶醬油香，都好好食架😋Leg Day完要補充多啲碳水，所以揀左黃薑椰菜花X糙米飯，升糖指數低啲，飽肚感都多啲‼️只要唔係精緻既澱粉，其實女士們都可以食架，因為原形澱粉=碳水，係我地好好既力量來源，有力氣先減到肥架嘛😎可能正正今日操完野，成碗pickabowl比我鯨吞哂，食完充滿力量💪🏻有時減肥既朋友仔如果覺得外食油膩又唔知點揀，不妨試下呢間健康又美味的Pickabowl🤗💯

呢排成日喺朋友到打躉見到呢間嘅飯都好似幾特別，就諗住買埋上去同朋友一齊食佢呢啲飯除咗佢本身set定嘅，竟然仲可以自己配搭。最搞笑嘅係佢除咗白飯仲有其他好健康嘅飯。見到咁得意我忍唔住就買呢間諗住上去同佢一齊食。本身諗住自己揀，但最後都係心大心細咁，佢配搭左嘅款都好似幾吸引，所以都係唔自己諗。D.慢煮天多利雞 $76佢呢個係蛋黃，但係蛋黃原來唔係淨係蛋黃醬嘅意思，佢係配菜嘅名，有菠蘿，青瓜，蟹籽，同埋蛋黃醬，感覺好似小朋友嘅飯盒咁樣，味道都幾清新同健康。而且佢嘅雞係用慢煮方法去煮，食落去好滑。I.夏威夷四重奏 $110而呢個係彩虹，配左蕃茄，青瓜，甜椒同埋自家製醬油。辣味三文魚，經典吞拿魚，泰式熟蝦，牛油果，呢個係超級啱我食，無論係刺身三文魚吞拿魚定係牛油果都係我嘅飛佛。彩虹配菜配左主菜冇唯和感，清新得來又夾到。兩個飯方面我一個揀咗白米配糙米，另一個選擇左黃姜椰菜飯加半糙米。原來椰菜飯咁樣食都幾好食，二半糙米加埋呢啲配料一齊食唔會話唔好食，今次真係做到健康晚餐啦我。其中一個仲升級左 +$25有溫泉蛋，昆布湯同埋布甸個昆布湯我幾鍾意飲佢唔會好鹹如果布甸係黑糖味唔會話好甜但又好食水蜜桃果汁 +

呢間沙律🥗模樣既店真係食唔厭最緊要係每啖都有營養同健康！想健康其實真係要減食精緻嘅澱粉質例如白飯最好食多啲糙米而家仲興起用椰菜花代替左白飯食落同飯真係有啲似兩個都係夏威夷四重奏有三文魚、吞拿魚、牛油果同埋雜菜粒但係一個+烏冬一個+椰菜花糙米.我覺得加椰菜花糙米特別啲另外再加杯super food紅菜頭、羽衣甘藍、蘋果、藍莓、檸檬抗氧化到極致🤤😍加埋無糖 100分呀！！！做完運動都要補充番適當嘅營養同蛋白質㗎呢一啲沙律就啱晒我哋呢啲keep fit人啦

之前同女朋友黎食過一次，過一段時間再黎幫襯，因為真係好好食。夏威夷四重奏 (辣味三文魚、經典吞拿魚、泰式熟蝦、牛油果) 配黃薑椰菜花飯少少辣嘅三文魚加吞拿魚，加上餐廳特別嘅彩虹汁，惹味好食。勁豐富嘅材料，而且望落好colorful好開心。不過其中有啲配菜係芫茜同洋蔥，唔食嘅可以同店員講。經典雙拼 (三文魚、吞拿魚) 配沾烏冬 加中華沙律好簡單嘅兩樣魚生，配上特製和風汁加烏冬，好食到不得了！份量夠多，而且加埋個套餐有個湯同溫泉蛋，好滿足。整體黎講，我都會想幫襯，因為真係好好食！而且價錢都唔算好貴。唯一缺點就係點解得咁少分店。

假日去荃灣行街，見到荃新天地2期都幾多嘢食，於是就搵間唔使點等位嘅餐廳醫肚。呢間餐廳主打美式魚生飯，聽落都幾特別，魚生飯一向係日本嘢，溝咗美式會變成點呢？一於去試試！餐廳係自助形式點餐，首先喺cashier落單，之後比部機仔我，等部機仔響嗰陣再自助取餐。講返食物先，呢間餐廳有DIY配搭，可以自己選擇想要嘅魚生，之後再揀飯底同埋醬汁。除咗飯之外仲可以揀椰菜花飯、沙律或者烏冬，都幾得意喎。如果唔想自己諗，可以選擇佢哋set好嘅餐。我哋就揀咗Giant’s bowl夏威夷四重奏沾烏冬，同埋加州三文魚配煙燻辣味吞拿魚沙律，再加兩支橙汁同蘋果汁。夏威夷四重奏有辣味三文魚、經典吞拿魚、泰式酸辣大蝦同埋牛油果。呢幾種配搭都係酸酸地，好開胃，同沾烏冬嘅醬汁好夾。而且份量好大碗，配料全部覆蓋晒底下嘅烏冬，食晒成碗都幾飽！至於三文魚吞拿魚沙律正常發揮，醬汁好多，唔會食落乾爭爭，口感幾fresh！兩款果汁味道都偏甜，如果再淡啲就更加健康啦！今餐除咗飽肚之外，仲食得好健康！所有配搭都有齊晒蛋白質、五穀類同蔬菜，最適合keep fit嘅人！