Pickabowl (D2 Place ONE)

營業中

休息中

🥗 | Pickabowl |📍 荔枝角長義街9號D2 Place 一期1樓112號舖最近天氣太熱，無咩胃口🥺所以好想食得fresh啲但又飽肚🥗🥗之前覺得成$8-90食呢啲Poke好唔抵食😂但食過一次Pickabowl之後又覺得真係幾好食🥰所以今次試吓其他款式~~· Lomi Lomi 夏威夷海浪三文魚 $85 （另加$12半件牛油果）一碗入面有醬油醃過嘅三文魚、甜椒、青瓜、中華沙律、菠蘿同蕃茄，額外加咗半件牛油果🥑揀咗配白飯🍚三文魚本身好食，啲蔬菜超新鮮，菠蘿係新鮮菠蘿嘅，唔係罐頭🍍牛油果一定要加，配飯好正，仲要咁大件🥑· Spicy Couple 煙燻油辣味雙拼 $89有車厘茄、泡菜、青瓜、蒟蒻配韓式辣醬，我揀咗配黃薑椰菜花&白飯。呢個唔推薦，味道偏咸而且辣，蒟蒻配韓式辣醬都真係唔係咁好食🥺💭雖然佢唔算唔平，但係貴在好多配菜，而且新鮮，醬汁方面都配搭得好好🥗食得飽之餘唔會有罪惡感，食過一次一定想encor

“夏威夷四重奏”($114)“煙燻油辣味雙拼”($89)間唔中都會想食吓Poke bowl醒起D2place有間好多好評嘅Pickabowl一於過去食個晚餐先😛因為本人比較懶同有選擇困難所以食親Poke都會揀餐廳預設嘅款式🤣今次當然都唔例外啦🤪叫咗夏威夷四重奏,煙燻油辣味雙拼夏威夷四重奏有辣味三文魚,吞拿魚,泰式熟蝦仲有牛油果,菠蘿粒,中華沙律,自家製醬油賣相超靚,色彩繽紛,睇見都有食慾🤤煙燻油辣味雙拼就有辣油三文魚同吞拿魚另外仲配有車厘茄,青瓜粒粒,泡菜,韓式辣醬個base仲有多款選擇除咗白飯,仲有椰菜花飯,沾烏冬,沙律菜加$25轉套餐會跟埋溫泉蛋,昆布湯,甜品🥰2碗啲魚生都十分鮮甜☺️而且份量好足辣味三文魚好香好惹味,必叫😍呢間Poke應該係食過咁多間之中最高質🤤🤫連平時唔太好Poke嘅男朋友都極速清碗🤣

同男朋友想食fresh又健康又好味既午餐😍所以黎左Pickabowl食🥬Fresh得黎真係好好食arr😋唔駛食沙律都可以食到好健康既一餐➽夏威夷四重奏 $114辣味三文魚♡經典吞拿魚♡泰式酸辣大蝦♡牛油果🥑配半薑黃椰菜花+半糙米飯最愛E個配搭 有齊想食既野😋食得出全部魚生都好新鮮‼️份量又多每一啖都混合住魚生同椰菜花飯大蝦實身彈身🦐爽口 夠新鮮好欣賞佢個底層♡椰菜花同半糙米飯😍椰菜花真係好fresh😚加埋糙米一齊食好好食😋仲要勁大碗 男朋友食完都話超飽超滿足🤣➽D.I.Y 自選 $90經典三文魚♡西班牙蒜油熟蝦♡紅菜頭組合♡牛油果🥑 +$12配半白飯+半糙米飯D.I.Y可以自由選擇想食既魚生或肉類 加配菜蝦同魚生一樣好新鮮😋而紅菜頭底真係好健康😳😍整體食落好夾又好食跟餐加配 +$25流心蛋 甜品 湯跟餐加配流心蛋 加埋落去撈飯一流🤣

最近poke好興終於有機會試到啦其實咁fresh咁健康要我日日食都可以！80幾蚊可以揀嘅配料都幾多成碗咁colorful人都開心啲啦烏冬溫度唔錯明顯有底味蒜香八爪魚易咬配上kimchi 辣辣地好惹味好開胃牛油果新鮮無發黑食食下食到紅莓乾酸酸甜甜更加提味我再健康啲揀咗椰菜花+糙米飯夠飽肚又健康仲可以食少啲澱粉質添另外果汁都幾鮮味尤其是橙汁真係橙有橙味有酸、有少少苦、當然少不了香甜證明唔係糖水夠曬天然啦

最近要減肥，想食啲健康啲就食poke bowl，又好味又健康🥹 🐟煙薰辣味雙拼(三文魚、吞拿魚) $89雙拼叫咗三文魚同吞拿魚，每粒魚生都好厚好大粒(⁎⁍̴̛ᴗ⁍̴̛⁎) 三文魚好新鮮肥美，加埋泡菜醬有少少辣，好惹味😆😆 另外飯底就叫咗黃薑椰菜花＋半糙米飯🍚，一定夠飽😋 🦐D.I.Y.自選 $90和風組合｜加州三文魚｜西班牙蒜油蝦呢碗揀咗和風組合，七彩顏色，好開胃(⁎⁍̴̛ᴗ⁍̴̛⁎) 加州三文魚加咗沙律醬，都係好肥美🤣 西班牙蒜油蝦好重蒜味，肉質鮮甜😋加$25可以跟餐，有昆布湯、甜品同溫泉蛋(⁎⁍̴̛ᴗ⁍̴̛⁎) 甜品係抹茶蕨餅，幾煙韌，好好食😋 

前幾日喺荔枝角D2睇戲順便喺附近揾野食😋順便食Pickabowl，簡直係我呢啲減肥人士嘅恩物🤩🤩🤩Poke嘅意思係將一啖大細嘅䣩製魚同蔬菜放喺飯上邊，之後再加醬料同調味粉嘅混合物雖然係閒日不過餐廳都好多人排隊，好彩好快就到我地😗一直都鐘意食呢啲健康野所以就二話不說入咗去🤣靜靜雞話比大家知其實Pickabowl係嚟自美國嘅，Menu好多選擇實有一款啱你食嘅😋餐廳Menu簡單易睇，一般$100就有一個飯，+$25就可以升級做套餐，套餐包咗温泉蛋同埋甜品，認真掋食呀😍我同朋友分別叫咗個F餐同埋DIY自選晚餐😋朋友嗰個DIY自選晚餐就叫咗泡菜組合，之後佢加咗經典三文魚同加州三文魚配白飯😛餐廳職員好快就整好咗比我地🥳朋友嗰個DIY組合因為加咗泡菜落去，所以食落辣辣地咁非常開胃🤤而且魚嘅份量都非常多，加上仲有好多蔬菜，感覺好清新咁🤣而我就叫咗個F餐然後再加多份經典吞拿魚，F餐加州三文魚入面有菠蘿，青瓜同埋蟹籽，三文魚雖然經過醃製但係都好新鮮🤤喺附近行街又想食得健康啲就記得嚟幫襯啦😋地址：荔枝角長義街9號D2 Place 一期1樓112號舖

EAST MEETS WEST 東 ⇄ 西 feature:  PickabowlHK🌈🥗 a much needed cleanse for Pan after a series of heavy meals! ✅Price: $100ppQuality : 👩🏻‍🍳👩🏻‍🍳👩🏻‍🍳👩🏻‍🍳Recommend : 💖💖💖💖Service : 💁🏻‍♀️💁🏻‍♀️💁🏻‍♀️(Ratings out of 5)OVERALL: conveniently located at 1/f  in Lai Chi Kok, this  pokebowl is a great option for those whos looking for a healthier lunch/dinner. Build your own bowl or choose from a variety of set bowls - offering both western & asian inspired ingredients —> 100% East meets West 🌏🌎📍Other locations

D2 Place經常都去因為囡囡成日買賣手工藝加上又多野食.囡囡最愛吃Picka Bowl大家都自選套餐每個餐包一個飯, 湯, 甜品加溫泉蛋食之前一定要 “撈起”將所有材料混合一起食最愛八爪魚, 夠”淋”少根位. 加上蒜香油.多點清新之餘每一口都有蒜香的油香味,配上 三文 魚本身魚油味. 令椰菜花更香滑感胃口增加不少。而我最愛吃魚所以都係三文 魚同吞拿魚同樣都是配黃姜椰菜花及半糙米.一樣”撈起”魚香比囡囡我更多.加上吞拿魚的魚肉吸收蒜香味更多.每次吃Picka bowl 都好飽因為新鮮配料同材料足夠.但每次都一定要食甜品及加飲品甜品每次都不同. 亦是日本甜品味道同品質有保証。蘋果汁味道較甜。另外加錢,下次試下其他飲品。

📍 Pickabowl📍 荔枝角 𝗟𝗮𝗶 𝗖𝗵𝗶 𝗞𝗼𝗸 • D2 Place 一期1樓112號舖 (also in tsuen wan)〔 follow me on instagram @sikbaobaola ! ^^ 〕-Looking for something cool, something healthy, something light, and something that is convenient? A poke bowl is what you wanna get!< Pickabowl > located on the 1/F of D2 Place offers sooooo many combinations of poke bowls at affordable prices and there must be something that suits you!Apart from protein like salmon and chicken, you can also choose your base ranging from brow

放假就去荔枝角嘅D2 Place行吓啦 ，夏天咁熱就想食返少少凍嘅嘢降下溫❤️就見到pickabowl😋 我見到門口已經好多人排隊 ，佢哋都有好多種唔同嘅飯做選擇♥️ 咁我同朋友兩個人就選擇左唔同嘅套餐。我點咗一個夏威夷四重奏，裏面包含咗辣味嘅三文魚，經典吞拿魚，泰式酸辣大蝦同埋牛油果😈包含嘅幾種魚生都係我嘅最愛😋👅同埋佢哋可以自選醬汁同埋邊種米飯，我揀咗要彩虹組合嘅白飯加糙米飯🤪 分量比我想像中大好多，一個女仔要自己食完都有少少困難🤏 但魚生真係好新鮮 配埋佢哋嘅醬汁食真係好好食😚👅 而我朋友就選擇左自由配搭，佢要咗一個西班牙蒜油八爪魚🐙同埋半份薑汁松板豬😏有一個山藥組合的沾烏冬😎 熱辣辣嘅豬肉配上爽口彈牙嘅八爪魚 濃濃的醬汁配上烏冬 真係說不出的100分！我哋人均$100 但食到清新可口嘅魚生飯♥️😈 真係物超所值啊

最近有唔少夏威夷蓋飯嘅店鋪，而依間都一直有好高人氣✨🥄 加洲三文魚一個健康得嚟好豐富嘅蓋飯🥰 集合咗菠蘿、牛油果、蛋黃醬等等嘅配菜🥑 三文魚同吞拿魚仲要啖啖肉👅 兩款魚肉都充滿鮮味😋 撈埋飯食真係一流😆 🥄DIY自選飯 自選飯方面揀咗泡菜、經典三文魚同加洲三文魚🐟 作為三文魚愛好者，依個蓋飯真係好滿足到我😍 仲要撈埋泡菜，本身純粹想搵樣低卡路里嘅配菜，結果意外地夾❣️ 食完之後好飽肚，但一啲都冇罪疚感🥳🍮黑糖布丁跟餐仲跟埋湯同甜品，甜品黑糖味好濃但唔會過甜，好想一次過食兩個🤣地址：Pickabowl (D2 Place) (荔枝角)荔枝角長義街9號D2 Place 一期1樓112號舖

《我生完BB之後嘅飯堂》生完BB之後減肥真係好唔容易，有時喺教跳舞堂同堂之間好想食啲輕食嘢補充體力，想搵啲輕食食下😂喺荔枝角有呢一間好好食嘅沙律，我最鍾意食嘅就係經典雙拼，佢最好就係可以選擇薑黃椰菜花底，或者沙律底。如果當日好肚餓我就選擇薑黃椰菜花底，因為又飽肚又冇咁容易肥。分量對於我仲可以分兩餐食，經典雙拼有我最鍾意食嘅三文魚同吞拿魚，通常我會加錢加新鮮菠蘿，不過價錢就唔平，不過每星期食一次獎勵吓自己都唔過分吖😂

夏日健康Fresh之選✨✨✨去完荔枝角D2 place既泰國市集，臨走見到有間主打健康既夏威夷魚生便當餐廳，見到menu五彩繽紛～好吸引😝今次叫左兩個自選DIY便當，第一個經典吞拿魚、煙薰油辣味三文魚配蛋黃醬沙律，飯底係黃姜椰菜花加半糙米飯。吞拿魚用自家製輕醬油腌製，係日式口味而煙薰油辣味三文油食落好刺激好岩嗜辣朋友，配飯沙律就係菠蘿，青瓜同蟹籽，撈埋黃姜椰菜糙米飯底，呢餐完全零罪惡感～另一個便當就簡左西班牙蒜油八爪魚、煙薰油辣味三文魚配山藥組合，山藥組合係山藥、毛豆同秋葵～都係排毒之選最後見到原來有冷壓紅菜頭果汁～有提子、蘋果、藍莓同檸檬🍋酸酸甜甜好易入口。成個便當食哂都唔會覺得好重負擔，係低碳飲食既好選擇！😃😃✨

見到幾得意叫左一個試試，有熟魚沙律果類選擇三文魚好辣好惹味，飯底居然有糙米飯，黃姜椰菜花有沙律有日式涼菜唔錯～幾岩減肥人士，有下次，見到仲有冷壓果汁簡，有紅菜頭，五青汁果類選擇！

今日去荔枝角D2 place行下小店，係商場入面見到有夏威夷蓋飯食，一心諗住食下魚生，蔬菜，減下肥，但係又驚食咁多飯其實可能仲肥，點知見到呢間pickabowl有得揀一半主食係黃薑椰菜花，諗都唔使諗就去試下。-Giants’ bowl又名夏威夷四重奏，有辣味三文魚，經典呑拿魚，泰式熟蝦，牛油果，食夏威夷蓋飯，首先最令人開心就係賣相，夠哂色彩鮮艷，正所謂色香味，見到咁豐富既夏威夷蓋飯已經食指大動。所有食材都夠新鮮，一口刺身飯，一口蔬菜飯，無得頂。-DIY自選自選方面，我揀左煙燻辣味吞拿魚，西班牙蒜油三文魚，西班牙蒜油八爪魚，沙律係和風組合，三文魚同八爪魚加左西班牙蒜油好香，煙燻辣味吞拿魚夠哂惹味，八爪魚夠彈牙，出色。-評分 : 7/10