Pizza Maru (已結業)

銅鑼灣希慎廣場shopping行到攰，十樓以上果幾層好多食肆，今晚就上咗13/F果間Pizza Maru 食晚餐，呢度有韓式炸雞，薄餅，仲有好多款韓國手工啤酒添！今晚好旺，人頭湧湧，要等幾分鐘先有位！入座就點咗一個蜜糖柚子花園（$88）係蔬菜沙律，好新鮮、豐富柚子醬汁，甜甜地酸酸地，十分開胃的前菜！薄餅就叫咗一個泡菜海灣芝加哥（蜜糖杏仁邊）$189係一個厚批，鋪滿芝士蝦仁、蟹柳等饀料，圍邊部份嘅材料係有蜜糖同切薄片嘅杏仁，令食味更加提升。熱騰騰嘅薄餅送上桌，色香味都非常吸引，芝士味道濃郁，加上蝦仁蟹柳菠蘿等饀料，十分之可口！十二件炸雞可以選一半一半（各六件）不同口味的，選了蜂蜜牛油/蒜香甜辣（$198）兩款炸雞各有特色，蜂蜜牛油較乾身，但雞肉鮮甜，蒜香甜辣那款就十分惹味，微辣更覺可口！飲品就叫咗手工啤The joker （$87）是韓國手工啤，果香味濃，入口甘甜，回味不已！在這裡食炸雞薄餅，再呷一口手工啤酒，真的享受！

好耐冇出城, 今次為左AVENGERS 而去到希慎基本上間間野都滿座了, 所以入左呢間有空位的同老公2個人, 食唔到佢D PIZZA, 唯有叫炸雞食呢個芝士炸雞....稍乾食到成口粉咁, 我都係MENU張相都話左比我知佢係用芝士粉但我竟然仲奢望佢會比少少溶芝士比我哈哈算了, 整體黎講, 如果食炸雞唔好再揀芝士呢個味特大蘑菇松子菠菜忌廉意粉食落係冇味的, 唔係好知食緊乜蘑菇可以多番D就好了, 唔係好貴者呢個食材雖然今次用餐經驗麻麻地但佢地MENU上既相太靚, 特別係PIZZA所以我都會再食多次, 試個PIZZA!~

上次來這裏吃了一次，覺得這裏的芝加哥Pizza芝士有點太多，味道一般，但是炸雞非常驚喜，所以今天有特地到這裏吃他的炸雞。韓式烤肉綠茶pizza這次我們還是叫了一個Pizza，這次叫的綠茶批底再加芝士和蕃薯的批邊，跟上次比較，這次實在是太好吃了，韓式烤肉惹味，配上批邊甜甜的番薯茸和芝士，非常邪惡。而且綠茶批底比一般更煙韌，非常好吃。甜辣炸雞這個炸雞就是令我朝思暮想的炸雞，雖說是甜辣炸雞但是醬汁其實並不辣，醬汁偏甜，非常香濃。炸雞皮整隻都非常香脆，就算是上了醬汁，仍是非常香口。

到誠品睇完書就上左黎food court搵食今晚想食韓餐叫左蜂蜜牛油炸雞等左一陣先有得食好熱辣辣！即炸炸雞都幾厚肉，而且炸得唔乾身同香脆加入了蜂蜜粉甜甜地，加埋牛油既香，好滋味😋😋成碟都有成7-8件炸雞$93還點了海鮮鍋飯海鮮份量也不算吝嗇而飯的份量也可以兩人share味道上沒有太大驚喜價錢$68

呢間pizza maru位於希慎既food court，主打韓式pizza ，賣點係批底健康。加入左咩綠茶粉等仲有另有10幾種穀物等製成，健康美味營養價值高咁話😌😌雖然我食落就其實唔覺有咩咁特別既😂😂但的確係比平時嘅批底薄脆中帶煙韌既叫左海陸雙辣 $99 大裝pizza食，呢個好似係唯一帶有辣味既pizza，偶然就係想食下辣😌😌即買先現烤既，所以都等左一段時間，上枱時超級熱騰騰，仲燙到手了喔好白癡，嗅落去係好香既，急不及待咁拎咗件嚟食，超乎想像地辣😂😂我同妹妹都各自食咗一啖就已經辣到要不停咁飲野，千辛萬苦先至食到一件，實在估唔到咁辣呢（明明我平時食譚仔係食中辣既唉）的確係好好味嘅，食落都幾油膩但juicy，上面既幾粒烤雞肉都幾嫩滑美味，不過份量就稍嫌少啦，多D烤雞粒鋪面會更好食呢，感覺亦會豐富啲😁但實在太辣啦，唔知有無失手重手左，有一塊辣到呢😂😂雖然我哋都覺得好食，但就因為辣而食左成個鐘都未食完呢哈哈，同埋！我上openrice見到人地啲食評話有一兜仔酸瓜附上，減低辣和油膩感，但我地竟然係無呢兜酸瓜架，唔知係咪比漏咗我哋呢唉😭😭同埋， ＄99來講其實都算幾貴下

常聽說這家店的炸雞不錯,,,,難得在銅鑼灣和親戚吃過泰菜,,表姐說還想吃炸雞於是便過黎一試~一上到food court 一層不難見到店鋪,,,當時已經9點,,沒有太多的人等候,,,落單後大約10分鐘便做好了~~甜酸炸雞($89)炸雞份量不少約有8-9件,,相比其他韓國餐廳，十分划算~~炸雞的熱度十足,,明顯剛炸起,,即使拌了醬汁,,口感仍然香脆,,,或雞肉有"鞋"可能大部分是雞胸的關係不過店員太大器,,,拌得太多醬汁,,,所以有點過甜和蓋過雞的味道,,,和有點膩,,而且比較多骨,,,吃的時間有點不方便~~p.s 因為吃過晚飯才吃,,,三人也吃不完這籃炸雞,,,      論價錢,,可以一試,,不過要吃炸雞,,我還是喜歡李x 和fairylxxx~~>v<

其實我真係好中意食炸雞😗但係有時只係想過下口癮，炸雞店嘅炸雞成隻雞咁多，食唔晒好浪費🤔今次黎到pizzamaru就可以過口癮之餘又可以食到好味炸雞😊位於希慎food court嘅pizza maru,其實應該係主打pizza?😂但係我地冇食pizza呀，有機會再試過🐥蒜香甜辣秘製炸雞💰HKD93好耐之前已經食過一次，我真係好中意佢個醬汁嫁😋甜甜酸酸好開胃，雞肉雖然唔算好嫩，但外層脆皮加醬汁真係又香又正👍👍可惜，我覺得唔係好夠熱，如果熱啲會更好♡一碟大概六舊啦卡邦尼年糕💰HKD53卡邦尼味道偏淡，其實幾香，都聞得出係卡邦尼味。以前從來冇試過卡邦尼配年糕，又幾好啵！另外其實仲有少少辣味，um.......我覺我個辣味有啲畫蛇添足。年糕煮得應該比較耐，比較林，但都煙靭嘅😁除左年糕，仲有煙肉同粉絲，份量比較少😕Pizzamaru位於希慎嘅foodcourt, 如果唔夠仲可以試下foodcourt其他野食嫁！

上星期途經上誠品時行過foodcourt見到一張大大poster有韓式炸雞, 前日再行經銅鑼灣要吃晚餐時決定試試。原來係pizza maru, 無幫襯過, poster上嘅係大路嘅甜辣秘制炸雞, 但行埋counter又比個蜂蜜牛油炸雞吸引咗, 90幾蚊! ok~ 試吓...雞有6件; 外貌就好乾身, 面頭就有一乍黃色粉末, 雞本身口感有啲似家鄉雞, 但脆身啲, 不過無咩蜜糖味噃, 韓國食過嘅蜜糖炸雞有real蜜糖撈一撈面噃…哩個無…小小失望, 將枱卡又有一支蜜糖棒呀咁…, 啲雞有淡淡牛油香, 反而只係靠個味粉出味…個味粉就帶啲芝士味、 咸咸甜甜咁...。有一乍味粉喺面, 啲粉嘅份量喺實物上比個枱卡見到嘅重手…我個心係有小小中伏嘅feel....朋友話早知都係食傳统嘅, 買時我朋友留意到前面兩個客同我地後面一個客都係揀蒜香甜辣炸雞囉...~ 可能比食一乍“魔法粉”落肚好啲…

今日去左食PIZZA MARU，時間尚早，唔洗等位。呢度裝修都幾簡單，座位有少少迫，坐得有少少辛苦。我地點左酸甜醬炸雞同卡邦尼年糕，大約十分鐘都有得食。酸甜醬炸雞隻雞炸得幾鬆脆，雞肉本身都有肉味，幾嫩滑；酸甜醬都調得好惹味，酸酸地幾抵死～卡邦尼年糕呢個年糕麻麻地，年糕都煙韌既，但個汁有D 稀，唔夠Creamy!! 無乜味  煙肉粒都唔多

新年前, 約左舊同事食番餐團年飯, 呢間pizza店開時已經知啦, 但一直都未有機會試. 今次叫左韓國烤肉pizza同埋原味炸雞.韓國烤肉好好味, 雖然望落烤得燶左少少, 但食落就唔多覺. 肉質都算滑同juicy. 不過份量就稍嫌少, 可以多D烤肉會更好. Pizza皮就無咩特別, 芝士和蔬菜比較少, 唔夠滋味 .炸雞熱辣辣, 香脆可口, 配埋可樂簡直一流. 不過對比香港其它炸雞店, 就不過不失啦.

✨袐密田園 (6" $67)✨吃一整個薄餅做下午茶太漏便和朋友分享😏即叫即爐的薄餅落單後才放上餡料入爐烤焗十多分鐘後就有熱氣逼人又新鮮熱辣的薄餅😍看上去份量細不算便宜 其實拿上手有重量 色澤交錯的模樣 有燒汁酸忌廉感覺豐盛充實綠茶餅底香脆帶討喜的咬勁 微綠卻綠茶淡薄餡料比例均勻 雞肉等肉類香濃嫩口不油膩😋芝士份量偏少 配酸忌廉未太芝味 甜燒汁吊味整體配搭屬於新鮮組合 選擇比常見的吸引如果平翻少少 或者開翻間餐廳應該成日食😤質感不錯 係Food court卧虎藏龍的感覺呢

As boyfriend and I were sitting there eating at Hysan's food court, boyfriend noticed this couple next to us eating Korean fried chicken and he said looked good. I told him that I had ate a pizza here once and I thought it was ok but didn't try anything else.Ordered the sweet sauce fried chicken for $93. As it was made to order, it took about half an hour of waiting time. You only get half a chicken. It was piping how when it came out and the sauce was ok. Though not every piece was covered prop

在銅鑼灣逛完街，見有點餓，就跑去希慎廣場的美食廣場醫肚。看到這新開的韓式炸雞pizza 店，照片看起來頗吸引人，就決定試一試。點了蒜香甜辣炸雞，九十幾塊，價錢平民化。店員告知我炸雞是新鮮製作，需要等十六分鐘，炸物新鮮的最好吃，我當然樂意等待。炸雞總共有六塊，炸粉很脆很香，醬汁很甜帶微辣，有點像雞醬的味道。雞肉很鮮嫩多汁，就算是雞胸的位置也不會很乾，有驚喜！比之前吃過其他店的韓式炸雞好吃。下次一定要嘗一下他們的韓式pizza ，看起來也是很吸引。不想花大錢，又想吃好吃韓式炸雞的朋友可以嘗一下這店，有時候越沒期待反而越有驚喜！

行完街，去希慎food court搵食，估唔到搵到好野食！呢間韓式野既炸雞，我地未搵到位就已經好多人叫，吸引住我既目光店員話傳統呢隻甜辣雞同新promote既蜜糖牛油味都好受歡迎，於是我地試左甜辣雞先！果然好正！甜甜辣辣，加上剛炸起又唔厚粉，我地立即再encore叫埋蜜糖味！呢款無辣，但啲糖霜襯落去好正，加上熱辣辣，咁溶溶地夾埋就好好味！正呀！除左炸雞，另一款吸睛既就係Pizza，又係有糖霜，我好鍾意！估唔到韓式既Pizza都咁有驚喜！相比起黎，呢款三文魚意粉就普通左啲啦！其實佢不過不失，不過其他出眾啲咁解！估唔到food court都有好野食！不過佢既價錢就偏貴左少少喇！Anyway下次再來銅鑼灣又多個選擇啦！

放左工係銅鑼灣行來行去唔知食咩好之際,突然叮一聲醒起朋友講過有間韓國炸雞係希禛，所以就決定左拜訪一下。自從韓風襲港，香港開左好多大大小小的韓式餐廳，受到來自星星的你的影響，將啤酒炸雞的組合推到相當受歡迎。無可否認，韓國的炸雞真係唔錯，每次去都會食幾餐！本身係想點蒜味炸雞，點知已經賣哂！見到收銀隔離有個牌point out 蜂蜜牛油炸雞，就改左點呢個！眾所周知蜂蜜牛油係韓國今年的新熱潮，除左薯片，更加延身發展到炸雞！等左十五分鐘就炸好！雞的質地好嫰，而且保留肉汁，令人愛上。唯一係味道的問題，蜂蜜牛油味其實係炸雞加上味精粉，說真的有點失望，而且味道偏甜，所以可能原味或者蒜味會好食d!份量方面，得６件，兩個人食都叫剛剛好，但都要成接近$90，唔算好抵食！