Pizza Maru (已結業)

銅鑼灣★Pizza Maru同媽媽過海去銅鑼灣，即刻搵下to-eat-list既餐廳帶佢食好野（明明係要佢陪我試食…）哈哈，Pizza-holic快速揀中韓國過江龍Pizza Maru！原來佢係位於希慎11/F既food court入面，不嬲對food court既食物印象一般心旭旭想轉場，不過2點幾已經餓到無力再去第2度搵食。。好彩過左lunch hours唔洗排隊買野食又好易搵位睇menu發現除左招牌特色綠茶薄餅，仲有沙律炸雞意粉鍋飯，係差咁d小食o者 …花多眼亂唔知點揀，不過得2種係雙芝邊所以可以極速screen out左其他，哈哈，唔肥仔唔揀。本身想揀6”（$73），不過真係好似太迷你所以都係貪心D要9”！好肚餓呀仲要等15分鐘先有得食..途中媽媽比隔離位嗌既飯引誘左要追加….- 芝心Maru大哥 （9” $108）：望落令人流晒口水既pizza用塊好似乒乓波拍既圓木板墊住，賣相加分襯熱食啖雙芝邊，WOW，好軟熟既薄餅＆棉花糖口感既芝士，哈哈～正！Pizza上面鋪有蕃茄仔西蘭花洋蔥烤雞條加極大量芝士。有d茄汁所以入落酸酸甜甜都幾開胃，不過整體d芝士都係唔夠濃＆sauce唔夠香

經過這店很多次. 率之決定試試.點了個辣雞肉卷. 看歺牌的圖以為是健康之選.坐下來等了十分鐘左右. 終於有得食. 一看之下原來是個像 pizza pocket 的包包.急不及待咬下去. 差點被裏面滾燙的油"叻"死.發現這包包是一個很薄的皮, 包著很油的肉和芝士. 雞肉做很像牛肉. 失望.

未黎過Hysen's Place 既 food court, 環境好好，Pizza Maru 係o係最入既位置。兩個人，就叫個8“ pizza 加杯汽水應該夠了，等陣去戲院或者仲要買零食！杯汽水非常細杯，唔抵飲。隨pizza送個酸瓜。8” 韓式嘉年華（雙芝邊）；分成6件。味道整體不錯，果幾塊牛肉有d硬，有筋。個雙芝邊開頭幾好食，凍左就硬左，唔係太好食。。 

 We went there on the Sunday, arrived at about 11:30ish, and the people are already queuing up for it. It took about 20mins for the pizza to be ready made for us, and it was delicious!!! I have to say, it's much much better than the ones from pizzahut.We didn't try the fried chicken tho, bcuz I have heard that the chicken is just so so.I will definitely return for more pizza in the coming days!Pizza Maru, yummy!!!!

去親銅鑼灣希慎food court,都見到超多人食呢款炸雞，今日終於同好友一齊試到, 結果不外如事......Pizza Mura 蒜香甜辣炸雞($89) 其實以韓國炸雞黎講又唔算貴，入面都有六大舊左右，但最大味道係同我想象中有d出入，佢D汁令到成件事似係糖醋雞件多過炸雞...... 呢個炸雞只可以用不倫不類黎形容。海鮮鍋飯($68)完全中伏!!!! 當我摸到個鍋係凍既已經心知不妙，入面所有食物只可以用暖暖地黎形容，絶對稱唔上係熱，而個青口同大蝦係凍既，果兩條菜完全似係用油水浸完，成個飯慘不忍睹，但都要68蚊，早知食pepper lunch,起碼新鮮滾熱辣。p.s. 加$8 只有一杯少得可憐既飲品。

同朋友行完街廢事周圍搵嘢食，所以就頹頹地去左希慎food court食。可能今日黎得夜，見炸雞冇咩人排隊，就同朋友嗌左一份share。炸雞有四種口味，簡左甜辣醬口味，都唔係等好耐，十五分鐘到就有, 碟雞＄89。其實份炸雞ok大份，大約有七至八件，好香，我同朋友都急不及待攞左件黎食。一咬落去啲皮真係又香又脆，配埋甜辣醬酸酸甜甜好好食！同埋啲雞都好嫩而且好多汁，配埋佢嗰到既啤酒真 係一流但廿幾蚊略嫌有啲貴。佢每盆雞都會包一隻雞腿既上下脾所以用料都幾足架！以$89呢個價黎講都算幾抵食，一定會再翻黎試埋其他口味！

一個人係銅鑼灣揾野食又唔想食茶記就上左希慎food court揾估唔到又比我揾到寶喎，呢間係一間韓式食物店，除咗又韓式pizza同意粉仲又炸雞炒年糕呢d必食韓國菜，炸雞幾吸引抵食咁下次有機會就拉多個fd陪我試先，講翻個pizza呢度有6“個人size或者9”正常size，我當然係點6“啦，要咗個韓式嘉年華（雙芝邊），完全係比佢個雙芝邊吸引咗，佢係即叫即焗既，pizza係厚批，韓式嘉年華其實就係有牛肉，有d菇做餡同埋超芝士既批淋上少少茄汁，牛肉好淋好juicy，單點牛肉我都會嗌，個批淡淡芝士，有得趙既芝士係厚既我中意，雙芝邊既係芝心邊好滿足，芝士怪最愛，個批淋上d茄汁好夾d芝士仲可以提升成個批既味道，6“size啱啱好，值得encore

大食代新开的小店，韩国的炸鸡，辣酱很有特点。虽然辣得要掉眼泪，但确实辣得有特色。吸引。pizza的地不是一般的面粉，而是加入粗粮混制而成，口感独特之余是不是还感到十分健康呢？

由於之前見到報紙介紹過，所以都想嚟 try try, 何況近年 keep 住韓風咁盛，介紹話 Pizza Maru 的麵團除了綠茶和綠藻以外，還有12種穀物如黑麥、黑米、大麥和燕麥，這使麵團既營養又美味。由於開在food court , 所以客人都比較多，但工作人員都算 收拾得快手，好多時一有人走，佢都可以收拾。所以地方都算整潔卡邦尼年糕 : 感覺有些蘑菇的味道，個汁比較稀左少少，如果杰返D 會再好D, 味道都ok, 年糕有些煙un 。口感不差 甜辣炸雞 : 味道普通，無咩特別好食, 但都炸到脆卜卜。 韓國烤肉pizza : 熱辣辣，上面鋪滿芝士，味道都幾好，喜歡佢ge 皮，有煙un 的口感。唔會太乾，軟軟的。

呢間韓國來的Pizza Maru早係開業前已有聽聞開幕當日更有路過，只係仲未正式營業店方當時亦有請過試食，不過我都係冇試到最後拖拖下，就變左今次朋友相聚一行既開飯點因為之前連續食左數餐pizza，督見也興致乏乏因此只點了兩款炒飯以及少許炸雞填填肚蒜香甜辣秘製炸雞　$89老老實實唔好諗住會有好多，佢既價錢份量比例其實同出左名貴既紅雞相差無幾蒜香味甚是濃郁，但沒有青味嗆味，香得平易近人甜辣味道十分惹味香口，同蒜香配搭起黎又唔會太繁重醬汁稠度高，可以緊緊黏附炸雞，只係我覺得醬汁都落得不夠大方囉炸雞外皮香脆可口，脆到甚至可以話係硬左肉香一般，冇雪冇腥味，算是香嫩但不至於滑身，夠濕潤講番一樣講過好多次既野去韓國果陣聽好多本地人講都係話韓國炸雞好香脆同佢地食果陣先知佢地既香脆係指脆口不乾硬入口係易順唔會界口既，雞肉不算嫩也未必要富肉汁但去到香港就聽到個個都話要脆到美國炸雞咁就正啦咁不如你地食美式炸雞算啦？本末倒置喎大佬利申：呢個韓版香脆指標係相識既韓國朋友分享既，覺得我講錯你就搵佢地問太陽芝士泡菜炒飯　$58賣相老實未有很吸引，面頭紫菜算是添了少許香氣芝士只有係面頭既少許芝士絲，也罷了！太陽蛋蛋黃

近年韓風凜凜，風暴直捲全城。此風除了令韓食餐廳大行其道之外，亦同時驅使不少美食廣場趁機吸納一些富有韓式風味的攤檔。位於銅鑼灣希慎廣場的 Pizza Maru 是近月加入的新成員，小店揉合各式各樣的著名韓食於一身，選擇相當豐富。韓式薄餅專人即叫即做，味道有韓國烤肉、江南牛仔、蒜香雞等等大約十款不同口味。另外還有炸雞、鍋飯、韓式年糕和意大利粉，總有一款啱妳心水。是日晚上還有飯局，因此只點了一款太陽芝士泡菜炒飯。可惜菜式原來空有色香，但完全沒有應有的酸辣味，失望。

聖誕夜同朋友兩個去咗Hysan Place嘅Pizza Maru食飯。兩人點咗一個6吋芝心大哥Pizza同玫瑰酒意粉，落完單因為製作需時都等咗25分鐘先有，pizza 好好味，最鐘意佢個芝士，好豐富好好味，不過就細咗啲。玫瑰酒意粉方面就無咩特別，好似同白汁無咩分別，意粉煮得耐咗啲，食落去有啲「林」。佢店內都有韓式炸雞賣，以為份量四人度，但其實見其他客人點咗，兩個人已經食得曬，希望下一次會試到！環境方面因為係food court加上節日都幾難搵位，可能平日會容易少少～食物再加兩杯汽水，每人76蚊，節日嚟講都幾平嘅～但就唔太夠飽，建議大食嘅人嗌9吋pizza

最近天氣開始轉冷,走在冷冷的街上,令人很想吃一點熱騰騰的東西聽說銅鑼灣Hysan廣埸頂頂的food court 有一間韓式pizza, 天氣很冷,加上肚子很餓, 便去試試 p.s 每個pizza 會送上一小盒酸瓜個人而言不太喜歡這味道不過既然是附送也沒關係最後我們再加了兩杯汽水share總共四個人不過pizza 加上年糕真的很膩整體來說也是不錯

見Facebook有朋友去試過新開業的Pizza Maru，亦對食物一致好評，一心來希慎food court嘗鮮。Weekday不算太多人，等了一陣子便坐下來了。選擇很多，有pizza，有意粉，有炒飯，有炸雞年糕各款。淨是pizza都有超過10種款式，今次選了6"芝心Maru大哥。第一次見香港食pizza有personal size，人少少份量不會太多，可以留肚試其他食物。這個芝心Maru大哥超乎想像的好食！餅底與別家不一樣，比較煙韌比較moist。最回味無窮是它的批邊，所謂雙芝邊的批邊有又濃又香的芝士，口感很滑卻不會太heavy。很驚喜的pizza！另外點了個白酒鮮蝦玫瑰意粉，蝦肉有咬口沒有overcooked，醬汁少許辣亦很creamy，足夠cover每條麵又不會太膩。最後一道原味秘製炸雞，上枱見很像老爺爺家的炸雞怕會乾乾的不好吃。怎知道一咬下去雞肉很嫩滑，調味剛剛好，炸粉薄薄一層一點不油膩，不會吃一口就覺得很熱氣。見menu board上有其他炸雞，下次一定會試！各款食物都有驚喜，價錢及portion亦合理，一定有下次！Food court來說實屬不錯，期待Pizza Maru將

上網見到Hysan foodcourt 開左韓國人氣pizza店, 所以今日專登黎試下, 叫左3樣野, carbonara 年糕, 蒜香甜辣炸雞, 秘密田園6"pizza加金芝邊.食物都要等幾耐下,我地又坐得遠,所以要不時行去睇下有未,總共分左3次先拎得齊, pizza 係即做ge,所以等得最耐,食完年糕同炸雞先做好.carbonara 年糕份量好小,而且d汁好希,好淡, 比起另一人氣韓國fusion 店差好多 蒜香甜辣炸雞有驚喜!個汁好香,甜甜地又唔太辣,岩哂唔食得辣ge我地. 而且每件雞都好滑, 唯一不足就係份量唔多,2個人share 有d唔夠喉 秘密田園6"pizza加金芝邊. 6"pizza真係好迷你, 原來金芝邊係蕃薯+芝士,幾特別,pizza餅底唔同平時食開果d, 有點un, 普普通通la. 可能去番韓國食會好食d.