Pizza Max Bistro

營業中

休息中

第一次來試這間多國菜，由旺角行去真的有點遠，行了45分鐘！終於到了！幸好還沒關門～點了兩個菜及飲品，可惜沒有套餐連湯，全部都係散叫。第一個菜：pizza, 厚度適中，多料既，而且是很熱的，食得出係手拉pizza!第二個是羊肉泥薯印度薄餅，這個我覺得一般，肉很好硬，用很多力咬，印度薄餅有口感，但有點油，泥薯有很多青豆，配合之下很好吃（本人最怕吃青豆）總括，我會再次來這間店鋪，態度很好，環境也不錯，還可以試埋其他款式！

難得第二日放假，就訂咗位同朋友嚟到pizza max bistro 食個飯，貪呢度冇限時可以慢慢傾計。-黎過呢間餐廳幾次，外藉店員熱情又有禮貌，餐廳天花有好多波波燈，氣氛唔錯，食物款式又多，價錢唔貴又好味。-Capresse Salad ($125)呢款沙律係其中一道我最鍾意食嘅意大利料理，基本上材料只有番茄、mozzarella同basil三樣，再配上鹽同橄欖油調味。正正因為材料簡單、做法直接，基本上整得好唔好味唯一影響因素就係食材新唔新鮮，呢度既番茄脆口鮮甜，mozzarella奶味濃郁，配埋一齊又fresh又好味。-Crumbled deep fried Camembert cheese served with balsamic Cranberry Sauce ($105) Fried Camembert cheese 一定要上枱即食，炸到外脆内軟，邪惡得黎又係難以抵抗地誘惑！味道較水牛芝士重，配上cranberry醬，就有好好既balance-German style pork knuckle ($209)德國豬手係我嘅最愛，呢度既豬手燒到岩岩好，外層鬆脆唔會過份油膩，入面肉質

今晚少有去到佐敦食飯，呢間餐廳自己同埋朋友都未食過，完全真係咁啱行開見到，餐廳嘅裝修非常之西式，場上同埋餐枱都有意大利同印度嘅特色，適合大部份都係以外國人為主，所以食嘅時候我哋都詢問店員介紹一下佢哋餐廳嘅特色菜式Pepperoni Pizza ，芝士非常之多，冇啖食落去味道亦都非常之豐富，每一下都做到拉絲嘅感覺，配合埋意大利嘅熟成香腸非常好味Chicken Tikka Masala ，咖喱味非常之香濃，辣到亦都適中唔會太辣，食嘅時候味道係非常之香，講唔出呢重㗎你細緻嘅味道但係喺香港一定好少機會食到Garlic Naan ，非常之香脆可口，識落唔會好油膩，食得出係用炭火去烘，所以食落嘅味道係會有一種淡淡的炭香味，加上自家製嘅蒜蓉，配合咖喱一齊食非常之好味一間非常之有良心嘅餐廳，有一段小插曲，當我地食完飯嘅時候因為外邊聞到有好大浸催淚彈嘅味道，有不少嘅市民走避入到餐廳，餐廳嘅職員亦都非常之好問佢哋需唔需要水，而且絕對唔會向佢哋收錢，叫佢哋慢慢坐

好耐都無食過pizza🍕啦😆🤭, 但又唔想食連鎖店嘅pizza, 於是就上網搵下有咩小店🧐, 今次就試下e間pizza max🤓! 餐廳環境唔算十分大, 不過坐得算幾舒服, 由於我地唔係好肚餓所以叫左兩杯野飲🍹, 一個pizza🍕同一碟意粉🍝! 士多啤梨Smoothie🍓🍹Smoothie有水果🍓, 乳酪, 雪糕🍦同奶🍼組成, 士多啤梨乳酪味道較重, 甜甜地帶微酸, 味道唔錯!😊芒果Smoothie🥭🍹 芒果Smoothie味道有d似芒果布丁🥭🍮, 相比士多啤梨味較甜意大利千層麵🍝千層麵份量唔算多, 不過新鮮焗起好香, 芝士🧀拉到絲! 肉醬嘅份量同味道幾夠, 每啖麵都食到肉醬, 意粉濕潤度ok， 軟硬度剛好, 加埋少少香草🌱同火箭菜, 食起上嚟唔會覺得好膩, 幾好味!😋西班牙豬肉腸薄餅🍕 <Chorizo>（M）Pizza係新鮮焗起, 所以好熱辣辣好香, 我地叫左薄批, 餅底唔乾, 口感鬆軟帶點煙韌, 配料幾多, 而且有菠蘿🍍食落去幾開胃😋😊總結: 食物質素唔錯, 店員幾熱情, 價錢亦唔算貴, 環境舒適!

我哋去餐廳嗰日 正正就係示威嘅日子啲佐敦更加示威嘅重災區食緊野嘅途中 應該係出面放咗催淚彈有唔少途人都入嚟餐廳暫避而老闆都好好針左杯水比佢哋嗰一刻大家都好感動 見到香港人守望相助嘅精神咁講返食物方面啦我覺得呢間餐廳唔似係印度餐廳 亦都係多國菜因為佢唔只得印度咖喱烤餅咁簡單仲有唔少意粉同Pizza咁我哋就叫咗個pepperoni pizza上面充滿咗芝士 而且個餅底都好脆超好食 完全係可以拉到絲之後我哋叫咗個烤雞腿咖喱 本身啲雞已經好好食 咖喱亦都超正我哋仲叫咗個蒜蓉烤餅來點呢一個咖喱真係超級夾飲品方面我哋叫咗朱古力奶昔同埋可樂佢個可樂好有誠意㗎加咗一片檸檬

好耐冇食過薄餅，心癮起打開個App睇下有咩選擇，揾到佐敦上海街呢間小店，單止有數十款環球風味既薄餅，而且更有咖哩主食、意大利飯、意粉及扒類，再翻下人地既打咭相都屬性價比高既餐廳，就決定去惠顧一下太太較愛吃雞肉類，順理地點一客中size 10吋既印度薄餅。餅底麵粉烤得乾脆，薄批鋪滿多重醬汁兼用上大量磨菇、洋蔥、甜椒切件，面層經爐火烤熱後微微隆起，配以薄荷沙律醬汁添味，食用感既來得清新又不嫌油膩。色澤鮮豔既外觀，未入口經已有驚喜。雞肉批不會帶油膩及重口味之嫌，整個薄餅開切6件二人分享岩岩好，仲可以留肚吃其他主菜。肉丸意粉自家製肉丸不單止大大粒，咬落肉質鬆軟兼鮮味足，灑上芝士碎條入口尤其滋味。用叉子在餐匙中捲動小撮意粉時，每口麵條勻稱地掛著一層濃郁既肉醬汁，夾雜啖啖肉碎及熱騰騰既鮮茄醬汁，散發出厚實既味道。

平時西式Pizza就食得多，但印度薄餅就沒有食過~ 這次終於可以食到由印度廚師整的正宗薄餅。整間店都充滿異國風情，適合情侶和一大班朋友食飯聚會，旁邊還有韓國人食，味道一定有保證！——————————🔹Tandoori Chicken 印度薄餅 $149這個pizza很好食，雞肉被香料醃成橙色，很入味，餅皮不會太薄身，咬落香脆可口，配料上有薄荷醬，很清新🥰但唯一不喜歡有青椒，搶走雞肉的香味！整體味道不錯，食完不會有油膩感～🔸特製醬雞餃 (烤) $75雞餃選了烤的方式，但看起來似炸過～脆卜卜，裏面有剁碎的雞肉和洋蔥，味道也不似中式餃子🥟 雞肉也沒有脂肪，所以食落很健康！中間有辣醬，蘸些少會更滋味～

最近烽煙四起，交通不便，放工後晚餐都會考慮多一點。是次選到佐敦試試呢間以pizza為主既小店，因為由柯士甸道一直行就到，頗容易找，比較方便。呢度以印度菜為主，亦主打pizza。Pizza有十多款選擇，我地揀左有薄荷沙律醬既印度薄餅$148(M)，配以烤雞、甜椒、蘑菇、洋蔥等。餅底非常薄脆，薄荷醬汁亦令整個pizza吃起來更芳香。薄餅之外，香口惹味既咖喱菜式亦都不能錯過。從多款既雞、羊及海鮮配搭中，我挑選左咖哩煮魚，嫩滑既魚塊肉沾滿濃厚咖哩汁入口，味感雖強烈但卻不辛口，開胃至極。混合椰奶煮製而成既咖哩汁若單純伴魚塊一併地吃未免有點浪費，加配一份蒜蓉烤餅，全程地享受咖哩既精華就最好不過，鬆軟既烤餅 鋪滿蒜粒，非常香口，好吃得近乎把所有咖哩汁都掏清!

今晚和C經過佐敦，第一時間諗起Pizza Max Bistro嘅水牛芝士，第一次來這裏也是和C一起，今次再來一定要試下其他食物。店子不大，但充滿異國風情， 牆上的掛飾也別具風格。Chicken Mo Mo(8 pcs)$70~特製醬雞餃，C揀了用蒸的方式，感覺無咁肥腻，選用雞肉亦比較有新鮮感，配上辣辣的特製醬非常惹味。Max's Special Pizza(M)$149, add Mozzarella Cheese$40~公司特選pizza配料非常豐富，有甜椒，洋蔥、蘑菇、菠蘿、橄欖、墨西哥辣椒，餅底熱辣辣，再配上自家秘製雞肉醬，好juicy!當然也不能缺少有着淡谈乳香味，新鮮的水牛芝士，口感豐富，層次分明，正呀！Garlic Naan$28~蒜蓉香草味非常香濃，軟中帶咬口，好味！Tortellini $120~ 意大利餛飩細細隻大約有二十多隻，一口一個，非常creamy和juicy, 忌廉味好濃郁，好好味呀！

位於佐敦嘅pizza Max bistro肥雞一直都係覺得食中東菜，kebab, pizza嘅好去處.今次肥雞嗌咗個羊肉烤卷佢嘅羊肉因為用咗好多印度香料去驗所以讓腥味唔係好重但係保留住羊肉獨有嘅小小酥味而且呢一間嘢有一樣嘢肥雞非常之欣賞就係佢啲薯條永遠都係炸得非常之香脆筒麥當勞嘅唔同佢嘅薯條零食得出入面嗰種實心除此之外肥雞仲嗌咗個咖哩蝦配印度烤餅佢嘅印度烤餅上面鋪滿咗蒜蓉牛油同埋線香草所以就算唔點咖哩個餅都非常之香口同埋煙韌加上佢個餅落咗啲酥油所以食得出嘅味道係非常之豐富

邊一間位於佐敦食冷naan嘅餐廳肥妹仔係好鍾意去食嘅，因為佢價錢便宜得嚟呢，佢嘅食物質素都好好同份量都好大份 ，絕對係物超所值。prawn curry $115呢一間咖哩蝦係好好食，佢嘅咖哩唔辣，好香椰香，椰奶香味，蝦肉好爽口彈牙。garlic naan $28每次肥妹仔必要嘅naan， 佢呢一個薄餅上面係有好多蔬菜粒，蒜頭，紅蘿蔔等等，就咁食已經好惹味，而且好重牛油香味，點埋咖哩汁就仲加好食，點咖哩醬食不得了。lamb kebab $105肥妹仔我就鍾意點羊肉嘅，因為佢個羊一啲都唔騷，而且係好多汁，再加上佢有少少薄荷醬嘅感覺，食落去好清新，而且蔬菜都夠多。baby back ribs (half) $ 125佢呢一個豬肋骨呢肥妹仔其實覺得佢應該係先煮熟再攞去焗，因為佢嘅肉質呢係好淋，一啲都唔乾，幾juicy。vanilla milk shake $48佢嘅雲呢拿奶昔係偏甜，雲呢拿雪糕味好重。ice lemon tea $30

吃Pizza，最重要的是Pizza皮焗得香脆之餘，亦混合了濃厚芝士，增加味道和層次感！是夜，和細佬到了佐敦一家Pizza店，內裡的Pizza性價比高，吃到滿滿足足！裝潢都用上木色，簡約之餘帶有現代感。而店員也是外藉的，點餐時需用英語呢。餐牌上選擇不多，主要是印度及意大利菜，其中Pizza有分Medium及Large Size，由於M及L價錢只差30蚊，小妹就太貪心了，一來就點了個Large Size。最先來到的是雞肉牛油果沙律/$125，這沙律出奇地有驚喜。先說份量頗大，多得像用了碗湯裝，沙律好新鮮，而配合了牛油果、蕃茄、水煮蛋及麵包糠等，最讚是蜜糖蛋黃醬，甜滋滋，可說是整個沙律的精華，畫龍點睛。咖哩羊腿/$109，另加了Plain Naan/$22，羊腿完全沒有羶味，不過就有點鞋口，但咖哩汁好好味，不會太辣，而沾上脆口的Naan，味道更佳。Max's Special/$179(L)，點了一個大批，其實兩人來說真的實在太多了，故建議都係點小批，雖然只差30蚊，基本上吃到第二塊多已經太飽。這個批以雞肉腸、甜椒、菠蘿、洋蔥、蘑菇等製成。要大讚的是來到時還熱騰騰，不失脆口，而味道也是有驚喜。

今日中午過咗佐敦食午餐，喺網上見到呢間西餐廳好似裝修幾靚，又約咗個朋友一齊嚟試吓。睇到原來係一間幾有印度風情嘅餐廳，午市餐牌非常多選擇，除咗印度菜仲有薄餅、意大利飯、意粉等等。作為一隻食肉獸當然要食扒啦。我揀咗八安士肉眼扒（$99），要左三成熟。等上菜前飲啲湯先。上菜喇。等咗大概15分鐘左右就上菜，面頭微焦，都煎得比較生。旁邊跟蔬菜夠曬健康，仲有意粉加蘑菇汁。朋友就話呢個海鮮意大利飯（$89），食落番茄味好濃。雖然D芝士碎偏硬，不過海鮮分量都幾多，而且除左一般既蝦同魷魚之外仲有魚，好特別。另外最值得一讚既係青口好新鮮。餐飲揀左熱咖啡同凍檸茶。咖啡香濃，我幾鍾意！

今日約左個朋友過來試哩間比較印度free西餐，距有pizza同一般西餐意粉牛扒都有，特別係距還有印度式咖喱。位置都方便，無論佐敦或者柯士甸站過去都好近。我地首先點左個比較廣東式pizza，就係有三文魚同芝士簡單配搭😂。不過距pizza批底做得不錯，好香脆，上面芝士好香濃。之後我地叫左去骨牛油烤雞，距仲配買薄餅，有蒜蓉味，牛油味，原味，我地選左最惹味蒜蓉味。一上臺，想像唔到距系牛油烤雞，我覺得似印度咖喱雞多少少，不過個薄餅做得不錯，勁大蒜蓉味，食完個嘴一定好香。最後點埋個椰青，好大個而且入面水真係好清甜。值得一試。

呢間餐廳主打印度同意大利菜，提提大家點餐要用英文。印度薄餅 (M) $149 呢個係我偷聽到隔離枱嘅熟客大讚之後叫嘅，pizza嘅餸有印度烤雞、洋蔥、甜椒、蘑菇配薄荷沙律醬 ，個醬我唔係好覺有薄荷 (可應因為餐廳嘅水都帶滿滿薄荷味，搞到唔多覺)，成個薄餅都幾惹味，加埋甜椒、洋蔥，唔會太濃味，帶有少少清新。意大利肉丸扁意粉 $120 原本以為個價錢會係overpriced，但食落覺得係超值！個醬味道好香濃，扁意粉都好掛到個汁，煮得好好食，推薦。羊肉卡巴 $105 羊味好濃，我超喜歡，不過有少少太乾嘅感覺，Kebab皮都有點太厚，但必須一提，啲薯條新鮮炸起超脆，食得好開心。唔駛加一服務費，埋單2人約$370。如果你鍾意睇我嘅食評，不妨關注我，支持吓我，謝謝你☺️💕