Pizza Max Bistro

營業中

休息中

最近天氣開始轉涼就去試下依間印度人開既意大利菜當然最緊要就些下最出名既卡巴我就叫咗依個羊肉卡巴配薯條羊肉唔算多，但有濃濃嘅肉汗包住沙律菜羊肉味夠晒羶，非常融合到我口味呢間鋪除咗卡巴出名之外就係Pizza叫咗呢個推介嘅公司特選pizza入面嘅配料十足有秘製嘅雞肉腸甜椒大量嘅洋蔥同埋蘑菇配埋啲菠蘿添上面仲有啲薄荷醬 暫時未喺其他地方食到呢一種口味嘅Pizza 食落去成個Pizza都好重口味 並唔似出面一味只係得勁多嘅芝士最後我覺得呢一個意粉係我覺得最好食嘅意大利肉丸扁意粉 意粉上面有少少芝士不過有大量嘅番茄醬 味道濃厚 每一條意粉都可以沾滿番茄醬 肉丸淋身 意粉硬度適中分量唔算多不過啱啱恰到好處 食完成個餐總括嚟講呢一個晚餐都係好重口味 每一道餸都係味道濃郁 相信係其他西餐搵唔到呢一種感覺

今晚朋友說去試間網上好評的印度餐廳，我對印度菜沒有特別起好，但都想試試有驚喜的印度菜，餐廳在佐敦上海街，"Pizza Max Bistro"，主打Pizza的，可說這家像是印度fustion菜吧。來到餐廳人不少，幾乎滿座，讓我十分期待。看看餐牌，主要有頭盤小食、沙律、咖喱類、意粉、意大利飯、肉類主菜精選和Pizza。雖然主打Pizza，我和朋友今日都不想食pizza，留待下次，今次試試其他菜式先。燒豬仔骨(半) $125雖然我們點了半份，但份量已經好足，賣相也吸引，豬仔骨輕輕便可切開，十分腍軟，肥瘦適中，亦十分入味不膩；配菜的鮮炸薯角脆身內夠熱；還伴有沙律菜，整體不錯。意大利千層麵 $120千層麵已經不多餐廳有，竟然可在印度餐廳嚐到，上桌時已聞到濃香，切開既汁潤又豐富，麵的質感很好，中間有肉粒和拉絲芝士，整體十分吸引，我們都食得十分滋味，這裡的千層麵，我們記住了。咖哩煮魚 $105這裡的咖喱也是一大特色，選擇也十分多，有羊、雞、海鮮選擇，我們反傳統點了咖喱魚；上桌時我還覺得是不是上錯了，因為每件都好大件，很像雞肉一樣，原來我們都搞錯了，魚肉每件都份量十足，一咬開魚肉嫩滑啖啖肉；而且咖喱

今日老婆特登帶我嚟佐敦話要食pizza， 佢話之前同朋友嚟食過覺得超正，一定要帶我嚟試咁話喎話就話喺佐敦但係其實都幾近尖沙咀。未到正常食飯時間， 但已經超多食客餐廳入面柔合咗多國嘅特色風格， 配合番佢哋多國菜嘅主題特色第一件事就叫咗個辣肉腸pizza， 有我哋呢個中size同埋另外一個大size之分， 即叫即焗。放低嘅時候真係香噴噴又熱辣辣滿滿嘅芝士波係pizza上面一齊焗， 再加埋鹹鹹 辣辣嘅豬肉腸同清甜菠蘿， 簡簡單單就已經好好食＜無骨牛油雞＞係老婆極度推介的， 一睇就知超濃郁惹味牛油雞啖啖肉又夠嫩滑， 醬汁超香濃的！配埋烤得乾爽香脆嘅 蒜蓉烤餅，點曬啲汁嚟食真係超正唔怪得老婆堅持要帶我嚟，真係好好食

之前同好友離過呢間位於佐敦嘅＜Pizza Max Bistro＞ 覺得超好食之餘價錢又經濟實惠， 所以今日就特登帶＜獅子老公＞ 來品嚐品嘗門面唔算好吸引，但係其實咁先係禾稈冚珍珠入面真係乜國籍人士都有， 美食真係無疆界＜雞肉卡巴配沙律＞先呢一個雞肉卡巴再配埋健康嘅沙律菜卡巴既皮唔會話好硬好厚， 厚度適中有咬口， 包住滿滿嘅爽脆蔬菜同埋嫩滑雞肉，仲有惹味醬汁，真係好好食＜去骨牛油烤雞＞呢個啖啖肉嘅牛油烤雞，係我之前同朋友每次嚟親都必點嘅菜式＜蒜蓉烤餅＞當然要配埋蒜蓉烤餅一齊食是常識吧蒜蓉烤餅厚度適中， 食落口不失Q彈， 面頭重鋪滿濃濃嘅蒜蓉同秘製醬料，超正＜去骨牛油烤雞＞ 香軟柔滑得呢， 醬汁又夠濃郁惹味， 最正係已經去曬骨食落口啖啖肉， 感覺就是爽總結： 今次唔係第一次嚟， 亦唔會係最後一次嚟

朋友想食咖喱所以帶左我黎佐敦呢間pizza max bistro🍕估唔到客人咁多，啱啱坐低叫野食就已經全場滿座。餐廳空間唔細，不過太多客人太多長枱，所以行過都有d逼。室內偏暗，幾有氣氛，尤其是呢個bar枱。侍應都是外國人說英文的，態度好有禮貌👍葱蒜白酒煮紐西蘭青口先點一款西式前菜，一二三四五六七，總共有八隻青口😆仲要每隻都大大件厚肉呀。同其他餐廳不同的地方，葱蒜白酒忌廉汁放在每隻青口上，青口沾滿醬汁好cream又香👍底下鋪了椰菜，中和忌廉汁增添清新。有樽裝水供應，$40一支我就飲唔起啦。免費水都唔錯，加左薄荷葉，有陣陣清爽的味道🌿廣東式薄餅千島醬挪威煙三文魚，芝士，菠蘿原本想試下印度風pizza的，不過見有薄荷沙律醬，好似好奇怪咁驚唔鍾意就冇試。最後揀左普通的煙三文魚，菠蘿的配搭😂簡單的配料都整得好好食！不枉我地等左20分鐘。芝士好強拉絲效果，加埋香甜菠蘿粒，食落一d都唔覺得膩👍pizza餅底係薄身軟軟的，似卷餅塊皮。馬薩烤雞腿 蒜蓉烤餅可以揀原味烤餅，牛油或蒜蓉。蒜蓉烤餅好香，新鮮整起熱辣辣拎出黎😎點上咖啡喱汁非常美味。咖喱汁唔會太辣，香料味不太重剛剛好。

✿ 🇮🇳Chicken Tikka Masala w/ Garlic nann$108真係好鍾意印度菜 尤其咖喱同nann😭🥰無辦法我重口味又鍾意包Falafel同Hummus 也喜歡喔有無同好😛😛🤔..✿🧀Pizza w/ Salmon, cream cheese and pineapple $158Pizza base同nann好似 好柔軟反正我無expect會正宗🤣🤣..✿ 🌊Mussels in white wine and cream$108普通急凍青口質素 幾大隻的😇可取之處係sauce落左忌廉同幾重白酒味.-
Yum：👅👅👅/5
Revisit:💃🏼💃🏼 💃🏼 💃🏼/5
Price: $150/head
————————————————
🌈 Pizza Max Bistro (佐敦)佐敦上海街22號地舖————————————————

今日嚟到佐敦，見到呢間幾靚嘅西餐餐廳，就諗住去試吓啦。呢間餐廳特別嘅係，佢又有印度小菜，又有意大利西餐，最重要嘅就梗係連個餐廳名都有佢嘅Pizza啦。頭先講下餐廳裏面嘅裝修先，餐廳十分之企理。我鍾意佢牆上面有好多復古嘅海報。睇得出店主係悉心咁將呢間餐廳裝飾得好靚。而且一入去餐廳之後，店員都好積極咁為我地介紹佢哋餐廳有咩好食，而且充滿笑容，服務真係一流。咁嚟到呢間主要係Pizza做主題嘅餐廳，我哋梗係叫個Pizza啦。就係Pizza自己已經有好多唔同嘅口味，呢間餐廳主要係將印度嘅食物用作去意大利嘅西餐裏面。所以Pizza嘅味道亦有一款叫做印度Pizza。雖然冇試呢隻味，但係原來呢一個味道都十分之受歡迎。但係我哋今次就叫咗個芝士菠蘿Pizza，我鍾意侍應係有問候批定係薄批。因為而家好多餐廳都只會係整薄嘅Pizza，所以 呢間餐廳有薄批同埋口碑都10分有誠意。我哋叫咗個三文魚菠蘿芝士pizza，上菜嘅時候個Pizza仲係出煙㗎，仲係好熱辣辣，新鮮出爐。Pizza嘅芝士味道都十分之濃郁。最重要係當Pizza拉絲拉得好長，即係話Pizza係即叫即做，唔會焗左先然後reheat。而且厚切啲Pizz

今日同左朋友去佐敦嗰邊食飯,去左呢間多國菜餐會食，呢度環境好舒服,靜靜地而且燈光號暗暗地,最啱情侶或者朋友來呢一度輕輕鬆鬆食下飯傾吓計！ 我見個餐牌都有幾多嘢食，嚟到呢度梗係要食呢度嘅Pizza。Cantonese favorite pizza一見到呢個名就想揀呢款Pizza，佢係廣東式pizza，係有千島醬挪威煙三文魚配菠蘿芝士。呢一個Pizza係薄批，所以唔算食到好飽。個味道我就非常鍾意，因為個人比較鍾意千島醬汁，而且好多芝士，啲菠蘿都係新鮮菠蘿，食得出唔係罐頭菠蘿，配埋一齊食唔會膩，而且個味道非常好。我個人就好鍾意呢一個Pizza，亦都值得推介。Butter chicken with Garlic Naan我見呢度嘅咖喱好似都幾好味，所以就叫咗個牛油雞，呢個牛油雞係唔辣嘅，佢個樣似係紅咖哩，而個雞肉一啲都唔硬，仲幾滑！另外，跟咖哩仲配一個薄餅，我哋就揀咗蒜頭味，薄餅一上枱，佢個味就勁香，勁似蒜蓉包，包上面有好多蒜蓉，單獨食個包已經好夠味，配埋啲咖喱一齊食就更加濃味，所以我諗下次我會揀芝士味或者原味。Fresh Young coconut 嘢飲方面我哋叫咗個椰青，個椰青好鮮甜，而且

去年和同事到 Pizza Max Bistro 吃過晚飯，薄餅的味道很好，更難忘水牛芝士蕃茄沙律，當中的芝士特別美味! 今天適逢要到佐敦，就約了同事再來吃飯 。這餐廳主打印度菜和意大利菜， 地方不算大，但座位頗舒適， 設計有印度混合中東的氣氛。今天除了薄餅之外，另點了兩款不同的意式餃子。特製醬雞餃 (8隻) $70~雞餃選了蒸的煮法，外觀和味道都有點像中式餃子。以雞肉作餡料比較特別，相比常見的豬肉或牛肉餡，較清爽而且脂肪少。 蘸些微辣的特製醬，味道更好!公司特選薄餅加水牛芝士$149 + $40 ~既想吃薄餅，又再想食水牛芝士，點這個就兩者都可兼得。薄餅不算厚，但烟韌、多汁，層次感不錯，芝士還可以拉絲! 餅底熱烘烘，水牛芝士卻是涼的，涼熱交融，口感相當獨特! 薄餅本身微甜而不辣， 但局部有辣的， 可能是彩椒帶籽或者另有辣椒 ，不吃辣人士要留意，但若同伴中有嗜辣者，則可各取所需。意大利式餃子 $120 ~這款Tortellini 細細粒， 相比於較常見的大粒方形意大利雲吞 Ravioli ， 體積大約是1: 3。餡料美味多汁，忌廉幼滑! 廿多粒可以一口一個，吃得痛快，味道相當吸引!蒜蓉

友人介紹Pizza Max Bistro這間餐廳。說這間餐廳十年前,她食過,已經覺得好味道。現在她帶我來重臨舊地, 她說味道依然美味。估不到十年的餐廳,可以屹立不倒,一定是食物水準高質,才能留住客人。Lunch set $69至$89一個餐包湯,主菜和飲品一杯, 價錢合理。Pepperoni Pizza意大利辣香腸pizza$75,可以分六塊,足夠三人食。好抵食。pizza面上有辣香腸,青椒,芝士,十分誘人。Napalese Set Lunch這個尼泊爾set lunch有BBQ雞肉, 扁豆和薯仔, BBQ雞肉有點辣,十分刺激,惹味。青口厚身肉味香濃,值得一叫。

多國菜@Pizza Max Bistro 地址: 佐敦上海街22號地舖 電話: 34855547 Pizza Max Bistro我無點PIZZA, 因一個人來食唔曬會浪費, 仲有印度CURRY同其實西式佞物架!雞肉牛油果沙律 $125 牛油果可以幫的補油, 且含高FIBER 同VITAMIN, 我一星期都會食1-2個雞柳都幾嫩,水煮蛋剛剛好唔會老. 牛油果夠靚,熟成了腍身又唔會有苦澀味,連埋香草麵包碎粒同蜜糖蛋黃醬, 低卡健康有營養薄荷香炸雞腿 6件 $70, 做到LOLLIPOP 一樣可以用手拿起蘸醬, 食得方便考慮同到。個PEPPER 醬加了些YOGURT 酸酸地有助減低炸雞腿油膩感幾想試佢個DUMPLING 同CURRY, 找找朋友再一起來

已經有好幾年冇食過印度菜了，今日黎食哩餐都有驚喜，d野好食，好耐冇食更加回味。午市餐牌全部英文，不過其實佢另一本紅面menu入面會搵到中文翻譯。選擇估唔到有咁多，都有西餐食，唔係純印度食物。而且價錢又經濟，包埋餐湯同飲品。個餐湯都幾特別，飲到落左唔同既香料，有特色。哩個餐係咖哩入面既d餐，$89。有半隻燒雞配咖哩連印度薄餅(naan)。黎到印度餐廳要食naan，仲要用手拎住，一路搣一路點個咖哩先正。個咖哩唔係辣，偏甜，同薄餅超match，好食！烤雞有點乾，可能係印度特色。Tandoori chicken pizza $75見到唔少食客推介，我又試試先。即叫即整仲要即食呀，熱辣辣既pizza真係好味，薄脆底配好足料，落左青汁好特別，哩個size兩個人share食岩岩好，好快ko左！

去佐敦探朋友前，先去附近的餐廳吃個午餐，見到Pizza Max Bistro幾特別，既有西餐，又有印度菜，價錢又合理，於是本著一試無妨的心態入去。餐廳西式裝修，侍應是印度人，餐牌有中、有英，一行兩人點了pepperoni pizza with jalapeño、fish curry served with naan 同埋 rotisserie chicken。pepperoni pizza 的size 頗大，目測有8、9吋，材料是意大利辣肉腸、芝士和香草，它的芝士味相當香濃，辣肉腸份量夠，整體水準不錯；jalapeño、fish curry served with naan 就是那種在重慶大廈吃得到的咖哩味，魚塊肉質嫩，配上印度夾餅，十分滋味；最後的rotisserie chicken，總是最驚喜的，雞的外皮燒得卜卜脆，但裡面的肉並沒有鞋口，配菜薯仔、蔬菜都用醬汁炒得很惹味。三個main courses，價錢二百一十多元，味道好，價錢合理，性價比高。

餐廳位於佐敦同柯士甸站中間，近尖沙咀九署龍公園附近，交通方便，都算多街泊但可能夜晚都要搵一搵先有。正門裝飾有低調而高級既感覺，入到去係一間較有class既設計 似chill bar咁。睇餐牌先知原來主打pizza /印度/意大利菜，第一次見有咁既配搭。餐牌選擇幾都算多，淨係pizza都十幾款。因為我好怕食啲奇怪pizza,原先叫傳統既pepperoni pizza 最穩陣,但係女朋友怕辣，最尾叫左 （有厚同薄皮揀，我地揀薄既 中size），baby rib rack 同 meat ball linguini。食物差唔多時間一齊上，pizza好脆，唔太識形容但係係一個出色既pizza😅一定要襯熱食。跟住令我大為驚嘆既係個pork ribs rack 真係超好食！！！！焗到條骨輕輕一扯就離肉，肉好多汁唔會話乾哂，肉質鬆軟，再加上薯皇炸得香脆，真係超驚喜 meat ball linguini又係個小驚喜，肉醬味夠燶，意粉軟硬適中，好啱我地既口味！可惜今次冇試埋印菜，但啲pizza同意菜真係好好食。食完老闆仲同我地傾左陣計，待應有禮，黎開佐敦真係要黎食下

今日黎到哩間看似平凡，但實質好高質素，又好抵食嘅西餐！真係唔試真係唔知道喺佐敦會搵到間咁好食嘅餐廳！哩度主要食意大利同印度菜，今次黎左就主要食意大利菜，真係好好味2個人嗌左pizza，意粉，baby back ribs,原來哩度嘅份量都幾大，咁樣嗌，真係叫多2個人分都夠食。豬肋骨實在太好食！未食過烤得咁高水準，每一條都好嫩，好軟熟，全部都一切就離過得黎，肥瘦適中，仲要夾有為豬軟骨，真係太好食了！另外嘅意粉又一傑作！意粉熟度同醬汁都調到恰到好處，而且配埋嘅肉丸亦都非常鮮味，令人回味pizza亦好足料，味道調得好，薄批又香又軟熟，哩度環境亦清靜，休閒，閒時同屋企人或另一半都好適合！