PizzaExpress (MOKO新世紀廣場)

營業中

休息中

喺屋企匿埋咗五日唔敢出街，阿妹幫我哋訂咗啲藥物和口罩，要出去舖頭攞，順便去花墟買盤花，希望轉換一下心情！行完一轉買到花果然身心舒暢，諗起之前喺IG睇咗一個post話PizzaExpress有個外賣套餐好似幾抵一於上去望吓，反正日煮夜煮都唔知煮乜好！3:00舖頭仲有幾枱客人食午餐Chill@home combo 好抵$388意式凍肉及芝士拼盤Parma ham同芝士都好正焗麵包球，另有兩款醬可以點意式焗肉丸香濃蕃茄醬，肉丸質數高，滋味無窮La Reine皇后薄餅（Classic 13”)PizzaExpress嘅Pizza一如以往咁高質素，厚薄適中，就算外賣返屋企焗返熱少少依然咁好味Chianti意大利紅酒

最近晚上沒有堂食，看見新推出的外賣套餐Chill@Home($388)，便買了一個回家試試。意式凍肉拼盤，除了不少得parma ham, salami和兩款芝士，其帶鹹味的釀紅椒和橄欖、果仁和香甜提子乾配紅酒吃味道甚佳。這個拼盤很適合在家一邊看戲，一邊喝一口紅酒，再吃一口拌酒小食，在家也能輕鬆一下。焗麵包球是經典小食，麵包球有跟pizza不同的煙韌口感，配上番茄香草醬和蒜蓉牛油，醬汁和牛油更能帶出麵包球的香軟。意式焗肉丸又是另一款必點小食，配麵包球也很合適。焗肉丸的香濃醬汁，塗滿在鬆軟肉味濃郁的肉丸上，非常惹味。這個餐跟一支紅酒或白酒，選了紅酒配意式凍肉拼盤，把紅酒倒進紅酒杯中，靜待一會，便能嚐到紅酒的郁香，喝一口紅酒，再配一片芝士，品味寧靜的晚上。除了這個餐，另點了一個La Reine皇后薄餅13吋($141)，用上摩特黛拉火腿、蘑菇、橄欖、馬蘇里拉芝士和番茄醬，薄餅口感煙韌，在火腿、橄欖、芝士和番茄醬的搭配下，每一口也嚐到濃郁的茄肉香，又不失橄欖帶來的清新。

最近也沒有機會出外吃飯，Pizza Express有一個home Cambo, 價錢也不貴，可以在家中輕易享受美食。Chill @home Combo意大利凍肉及芝士拼盤入面的Parma Ham鮮味十足，salami 肉味濃郁帶點辛辣，芝士和紅酒是絕配， 還有果仁，火箭菜，葡萄乾， 口感多變，層次也很多！焗麵包球非常香脆， 入面軟身，可配牛油更香！加$128 可享用意大利白酒乙支 Pinot Grigio 口感偏乾（Dry），酸度中高，伴有淡淡的苦杏仁味，和芝士火腿一起吃，很chill 很夾！意大利肉丸肉丸非常香，意大利蕃茄醬鮮味， 咬下去啖啖肉！Chinati 紅酒風格優雅，帶黑莓、香料的味道，味道柔和、容易入口，非常適合和cold cut一起吃！肉醬寬條麵肉味香濃，而且掛滿每條寬條麵，麵條煙靭帶嚼勁。

心血來潮想吃pizza ，但又想同家人一起分享，但因疫情關係，所以都少在街外吃飯，所以我決定外賣自取拎返屋企食！在網上查詢，發現這間食店佢地有一個新出的新年精選套餐，再望多一會，見到裡面的食物都幾特別和幾有特色，見這個套餐在28號前在網頁訂購外賣自取新年套餐有九折，所以就不如訂這個四人新年套餐回家吧！烤焗雞翼，雞翼雖然不是好大隻，所勝在烤得很香，裡面都還有很多肉汁，加上蛋黃醬汁，好味！主菜其中一款我點了一個烤蜜桃油封鴨腿，蜜桃很香甜，油封鴨腿都算大隻，烤得很香，肉質還很鮮嫰，但不油膩，裡面還有一大推沙律，配上酸酸味味的醬汁，成個都很好吃，又特別！Pizza我就要了一個南瓜花西班牙腸桂花薄餅，真係完全未聽過既名，但味道又幾好食，有南瓜花一起焗薄餅，薄餅是薄批，味道酸酸甜甜，吃上去不會覺得薄餅好滯口，食多幾塊都仲得！不錯！第二個主菜是忌廉XＯ醬蝦肉粗管通粉，粗管通粉我一向都好少吃，今日就不妨試下，管通粉有點煙靱，加上大大隻的蝦，忌廌ＸＯ醬汁有少少辣味，幾得意！意式青口海鮮湯，海鮮湯用上番茄著製，味道鮮甜，青口很新鮮，雖不算很大隻，但肉質肥美，份量都算幾多，唔錯！焗麵包球配朱古力榛子醬，一個

食左中伏晚餐服務員態度好好，環境舒適，只可惜叫左3樣個意粉係最好味蒜蓉包冇蒜蓉味，只食到好片油同冇味既淡面包🥯賣相也不太好，雞翼都係冇味，只可以靠醬加重味道可能出名pizza真係好一般

因為有朋友要離開香港，所以要同佢farewell, 因為唔知食咩，所以外賣左pizza,佢個填鴨pizza好得意，好好食，我成日都覺得pizza外賣都會因為焗太耐而搞到一pat野咁，但依個又冇，成件事幾神奇，其他野食都做得幾好食，我地幾個人食到好飽好滿足，下次都可以再試埋其他野食

好耐冇去【 PizzaExpress 】食嘢今晚一於同老公拍拖食返餐🛎食物:ღ蜜糖雞肉薄餅ღ (💰$162)Pizza整體正常味道蜜糖雞肉唔夠蜜糖味😅ღ意式牛肝菌蝴蝶粉ღ (💰$142)味道好OK香松露油味道牛肝菌嘅份量都足夠😉🛎環境:餐廳枱與枱之間嘅空間足夠嘅不過平日晚嚟食七點幾都唔full坐得更加舒服🤣

We ordered this on Deliveroo. For some reason, we had to wait about an hour and a half for this to get delivered. They delivered our salads first and then 40 minutes later, they delivered our pizzas.The salads were delicious, however, the portion size was mediocre. The American hot and Etna pizzas were good. However, we felt that the Kale and mushroom truffle pizza was a bit too dry.

天氣轉凍，聖誕嘅氣氛越嚟越濃烈，我哋都要準備食下西菜去迎接下聖誕節。諗住去PizzaExpress食下pizza意粉姐，佢竟然出咗個餐單係聖誕餐單，就咁睇佢個Menu已經覺得好開心好靚，我哋嗌左個麵包球聖誕樹，其實呢個應該類似Pizza，黎到真係嘩一聲，打卡一流，而且有滿滿嘅cheese，辣肉腸同埋羅勒同蕃茄香草醬可以點，真係不得之了。另外沙律方面，我哋就嗌咗聖誕花環拼盤沙律，呢個其實係一啲cold cut加埋煙三文魚，最有驚喜係佢中間有芝士醬俾我哋撈埋食。之後再嗌左個鼠尾草牛油黑蒜蝦肉意粉，鼠尾草辣辣地撈埋意粉食一流，蝦肉個質地係非常之鮮同彈牙，總括而言，真係好適合一班朋友聖誕節去慶祝。

剛出來工作時，間中會同同事食Pizza Express，味道比傳統的pizza店好味又創新，今日又去了食午餐，除了有傳統的pizza外，還加入了多款特色元素，非常有創意。薄餅兄弟這個pizza有別於傳統，以半月的形態，批邊包上大量的芝士及肉腸，一切開芝士呈半溶流出，芝士味道濃郁，加上辣肉腸的咸香風味，薄餅香脆。香烤雞肉薄餅傳統的薄餅餅底又薄又脆，中間麵包位較鬆軟，表面舖滿了芝士，一切開呈拉絲狀，表面的小番茄乾味道濃郁，酸甜惹味。意式牛肝菌蝴蝶粉蝴蝶粉軟硬適中，略帶點煙韌，牛肝菌味道濃郁，跟忌廉超夾，菌香味十足又creamy。

PIZZA EXPRESS 原來係連鎖店黎佢係計意大利菜,提供好多款式PIZZA原來係即點即製既PIZZA店,唔係快餐形式,每片都係手做PIZZA兩人餐原來唔貴,$289包前菜沙律同飲品可選PIZZA主菜或意粉PIZZA選擇有素食口味,或純芝士口味,大約8種口味美國辣味PIZZA 有辣肉腸配椒辣和芝士,簡單口味唔複雜,食落焗得香脆,餡唔會太多食落係真係食批唔係食餡,亦唔會太過濕唔好食,芝士微咸香口沙律菜清爽開胃,飲品可選果汁可樂或茶水咖啡加錢無限凍檸茶任飲,啤酒加$35新世紀廣場L1層182號舖平均消費$150評分7/10特色,意式連鎖店,主打PIZZA,食起黎水準唔錯

而有仲有1664 x pizza express餐🔥 超抵食！另外因為人多我地就叫多個四人餐，有2個starter 4個main，擺到成枱滿哂😍-🍻1664 x lava pizza Combo ($198) 🍕Set dinner for four ($548)🐥Roasted chicken funghi ($198/L)🍨Truffle ice cream ($58)🍫Chocolate lava cake ($68)-呢個lava pizza超級正！有好多舊Burrata cheese 舖係個pizza上面，加埋蕃汁底食落感覺唔會漏，反而都幾清新🤩 朋友去邊都會叫啤酒，呢個餐實在啱哂佢介紹埋呢個巨形4人餐～🧆🥑Starters:Avocado & Tomato DipMeatballs & Bolognese🍕🍝Mains:Fettuccine BologneseSpaghetti carbonara Spaghetti al granchio (+$25)Peking Duck pizza 可以試好多款既意粉同pizza, 呢個peking duck pizza真係冇得輸，雖

今早返工突然間掛起黑雨，小妹就最聽話搵個安全地方暫避。🤣旺角 MOKO 二樓這家 Pizza express 環境不錯，超大落地玻璃，一邊嘆早餐一邊看雨點最享受不過。🍴雜莓麵包球 $43上星期係奧海城個間分店食過念念不忘，配果醬味美。☕️黑咖啡（要另加 $15）😀醒神香濃黑咖啡。👍早晨價錢都有點貴，不如論食物同環境值得的。

提早同爸爸慶祝父親節，爸爸最愛食Pizza ，今日就帶左爸爸去新世紀廣場的PizzaExpress食父親節飯。餐廳環境寬敞，有大大的梳化位，坐得非常舒適，完全不逼狹，餐廳亦採用落地玻璃，讓陽光透進店內，空間感十足。焗麵包球配以蒜蓉牛油及羅勒香草醬-麵包球外脆內軟，配埋超香的牛油和羅勒香草醬，牛油味勁香濃，一個人都可以食晒成碟。意式焗肉丸-烤焗豬肉丸配以香濃的蕃茄牛肉汁和白汁，肉丸口感扎實多汁，蕃茄味道非常濃郁，酸酸辣辣，非常開胃的頭盤。雞肉凱撒沙律-配料非常豐富，有雞肉、煙肉、巴馬臣芝士、羅馬生菜、烘麵包粒，雞肉入味，不會柴口，而羅馬生菜夠Fresh，凱撒沙律醬亦不會太多，味道恰到好處。蟹肉白酒汁意粉-意粉軟硬適中，每條意粉都掛滿醬汁，白酒味就又不會濃，，而蟹肉的份量夠多，每啖都食到鮮甜蟹肉。海鮮薄餅-薄餅不是用傳統薄餅，是用薄批，吃起來不會太滯，薄餅薄脆，薄餅上海鮮豐富，有蝦肉、蜆肉、八爪魚，啖啖海鮮、非常滋味朱古力心太軟-用鐵板上，鐵板仲係熱辣辣，心太軟上放了雪糕，要盡快食，如果唔係就好快溶，心太軟朱古力非常濃郁，配埋雪糕一齊食，一冷一熱，冰火交融，口感極滿足檸檬茶&美式咖啡

夜晚行到商港全部都係日式 西式成日食到厭叫到pizza就入去食個冷氣超涼好爽 跟著叫左二人餐茄汁肉丸好開胃夏威夷pizza 好大塊 兩個人都食唔哂 不過好好食😋卡邦尼意粉 不過不失檸檬茶無限任飲 👍