PizzaExpress (MOKO新世紀廣場)

營業中

休息中

上網見到餐廳有做兔年大餐😆成日心思思想試今日終於成功約到3個朋友出嚟食🥹果然冇揀錯樣樣都好好味道份量亦好豐富🥹💎 $988 金玉滿堂新年4人套餐.💎 軟心芝士帕爾馬火腿烤蜜桃拼盤成碟好colourful，啱曬打卡，中間放咗一大舊軟心芝士，Parma ham份量好足，好有誠意！軟熟香甜嘅烤蜜桃，夾埋Parma ham嘅鹹香，味道平衡得啱啱好🥰！配合軟滑香濃嘅軟心芝士、爽脆清新嘅火箭菜，清新又開胃🤩.💎 金玉滿堂海鮮薄餅份量頗大嘅pizza同朋友一人一塊啱啱好😆上面有小元貝、蝦肉等嘅新鮮海鮮海鮮好香 肉質鮮嫩配埋焗香咗嘅芝士同蕃茄醬入口口感好正🤣薄餅底又香又脆一啖已經好大滿足感連pizza個薄餅邊都好好味😎.💎 黑醋油封鴨腿伴烤蔬菜平時好少機會食鴨腿估唔到一食就試到咁高質的鴨腿好重油香肉質十分香軟鴨香完全鎖緊係入面 一啲都唔會乾配埋開胃嘅黑醋同香水嘅烤蔬菜配搭真係一流😎口感同營養兼備.💎 意式龍蝦海鮮湯粗管通粉一上枱已經聞到好香好吸引🤤意式海鮮湯用芹菜、紅洋蔥、番茄海鮮醬、白酒、蒜蓉油同羅勒製成，仲加咗龍蝦、鮮蝦同青口，所以味道好濃郁，充滿鮮味，龍蝦肉質飽滿鮮甜，鮮蝦同青口非常彈牙嫩口，粗

行過PizzaExpress，見佢推出左金玉滿堂新年菜單，象徵著興旺富庶的金色食材，希望透過寓意豐衣足食的佳餚與您共慶新春佳節🐰意式龍蝦海鮮湯粗管通粉原隻新鮮波士頓龍蝦， 蝦肉新鮮爽口彈牙， 蝦膏金香， 而且仲有其他海鮮，包括青口，蝦肉，配上芹菜，紅洋蔥，蕃茄，海鮮醬，白酒，蒜蓉油等醬汁及調味料， 令整個海鮮龍蝦味道十分豐富， 再加上新鮮羅勒配上粗管通粉， 醬汁美味口感佳意式焗肉丸烤焗豬肉丸配以香辣蕃茄牛肉醬及白汁， 肉汁喺個口入邊度爆出嚟， 而且配合埋香辣蕃茄牛肉醬， 味道更出，最後灑上蕃茜配香草包， 配合醬汁一齊食， 真係食到停唔到口北京烤鴨薄餅平時好少食片皮鴨， 但係見到隔離枱叫咗 北京烤鴨薄餅， 香氣撲鼻， 所以立即嗌咗個pizza， 鴨胸嫩滑之餘，海鮮醬加辣椒，青蔥，青瓜等配菜， 味道惹味，而且口感清新，再加上馬蘇里拉芝士， 整個烤鴨薄餅味道更上一層樓

係旺角返左工咁耐都好小會黎pizza express食lunch😗我就記得以前係有lunch set，但而家就冇左🥲變左係主菜單獨立叫，惠顧任何主菜即享免費頭盤一碟及免費飲品一杯😍頭盤可以揀青菜沙律或者焗麵包球🥗我地每樣叫左一碟，沙律就普通冇咩特別😛反而麵包球好有驚喜，我今次都係第一次食🥐麵包新鮮出爐，上枱時仲係熱辣辣，一口既size好容易食😊咬落去好軟熟好香麵包味😍飲品都有唔同既選擇，可選茶、汽水、餐酒或者生啤🍻食物質素都好唔錯，而且餐廳人數唔算多，都坐得好舒服🥳🍕蜜糖雞肉簿餅（$162/ 10"）簿餅揀左10吋，切開都有6塊😚蕃茄醬底，加埋甜甜地既蜜糖味，食落去好開胃🤗餅底亦都有啲煙韌，口感好唔錯👍十分推介💯🍝肉醬千層寬麵（$146）千層麵亦係意粉入面我最中意既一款🤩呢間既千層麵亦冇令我失望😛滿滿既芝士加埋層層既肉醬，一啖放入口真係好滿足😘上枱熱辣辣，芝士做到拉絲既效果🤭加埋酸酸地既蕃茄醬中和返芝士既厚重感😎/📌PizzaExpress (MOKO新世紀廣場) (旺角)旺角太子道西193號MOKO新世紀廣場L1層182號舖/😋食物質素：7.5/10🍽️用餐環境：8/10💰性價比：7.

Good Time, Good Morning 🌅今日早上有事到旺角東站又想飲杯咖啡醒醒神所以在MOKO Pizza Express 食早午餐早上時間人數比較少，場地很大，可揀嘅位好多，我選了坐窗邊位置，座位也好寬敞舒適食物方面，選了海鮮厚通粉+炒蛋+泡沫咖啡上菜時間快，食物質素不錯，溫度適中

今日亞媽話想食pizza，但又話唔想出街，我就不其然諗起這間，上次試過外賣都不錯，今次又黎這裡買外賣。來到這裡，發現原來開始有聖誕套餐，除了套餐，還有散叫的聖誕菜式，上年試過成set既聖誕餐，今日就不如試下幾款聖誕菜式，再加其他菜式，當提早食聖誕餐，就咁話！聖誕菜式系列１，聖誕花環薄餅，這個薄餅是輕盈薄餅餅底，裡面用上金文拔芝士，巴馬臣芝士，紅莓乾和番茄醬做到，薄餅中間中空的，放有南瓜，羽衣甘藍，醃辣甜椒，北非小米沙律。雖然成個薄餅沒有肉，但這些配料都已經可以令薄餅味很香，加埋中間的沙律一起夾來吃，香脆得來又很清爽，平時聖誕節食很多東西，一定會容易食滯，但這個薄餅沒有肉，所以沒有咁heavy，再食其他東西都不會膩，用來做聖誕餐又不失大體，他們真得想得周到！意式焗肉丸，平時來這裡都見到好多人叫這個，貪佢除了有肉丸食，還有香草包可以沾香辣蕃茄牛肉醬，香草包有六片，肉丸不是一些死實實的肉丸，口感柔軟，似乎是自家製的肉丸，將肉丸和蕃茄醬放落香草包一齊吃，放入口已經覺得感覺很豐富，味道也很可口美味。聖誕菜式系列２，意式龍蝦海鮮湯粗管通粉，一開蓋就已經被那半隻龍蝦吸引著，很香很香的龍蝦香味直湧入鼻

Pizza express “Passion For Pink” 限時推廣菜單💕☘️全新推出：蔬菜芝士薄餅，焗麵包球配士多啤梨忌廉沾醬，士多啤梨冰茶每售出以上薄餅或焗麵包球，餐廳會捐出港幣$8給「癌症基金會粉紅革命」並支持乳癌支援服務，好有意義🫶🏼🍕蔬菜芝士薄餅全素薄餅，材料有：烤茄子、烤南瓜、雜錦蘑菇、橄欖、烤燈籠椒等等。材料十分豐富，配以酸酸甜甜的忌廉蕃茄醬，作為食肉獸的我，吃這款素菜薄餅也覺得很滿足。🥯焗麵包球配士多啤梨忌廉沾醬一向喜歡吃pizza express的焗麵包球，這士多啤梨忌廉沾醬味道酸甜，口感濃厚奶滑，有香甜士多啤梨味。暖暖的麵包球配冰凍沾醬，很推薦👍🏼🍓士多啤梨冰茶淡淡的士多啤梨味，味道微甜，冰冰涼涼很適合夏天🥗有營茄子沙律這款沙律也是全素菜式，材料十分豐富，包括：烤茄子、藜麥、毛豆、牛油果、紅洋蔥、車厘茄、羽衣甘藍、菠菜葉、青菜沙律，全部十分新鮮，配以無花果油醋醬，酸酸甜甜，又清新又很開胃。

PizzaExpress向來是數一數二方便而質素較佳的連鎖薄餅店，在香港擁有二十間分店，北京烤鴨薄餅一直以來都深得我心，但事實上他們對社會的關愛才最令人欣賞，譬如每售出一個四式芝士薄餅便會捐出港幣八元予Redress——致力透過減少浪費紡織品、污染、節約用水及節省能源，推動時裝業可持續發展的一個本地非牟利團體。踏入十月，一年一度的關注乳癌暨籌款活動「癌症基金會粉紅革命」正式展開，得知於十月三十一日前於PizzaExpress每選購一份蔬菜芝士薄餅或焗麵包球配士多啤梨忌廉沾醬，PizzaExpress將會捐出港幣八元予「癌症基金會粉紅革命」並支持乳癌支援服務，以響應國際乳癌關注月，喚起大眾關注及認識女性乳房健康，關心受乳癌影響的人士，堂食或外賣自取亦可，別具意義何樂而不為。蔬菜芝士薄餅 ($148) 人手製作傳統拿坡里式餅底邊位微脆，質感鬆軟而又略帶韌性，面層舖上烤茄子、烤南瓜、雜錦蘑菇、橄欖、烤燈籠椒、新鮮羅勒、馬蘇里拉芝士及忌廉番茄醬，雖然沒有肉類卻毫不單調亦更加輕盈。牛肝菌羽衣甘藍螺絲粉 ($158) 螺絲粉軟硬適中再配上牛肝菌、巴馬臣芝士、蒜蓉油、羽衣甘藍及蕃茜，菌香馥郁而芝士鹹

喺Moko行街 見到Pizza Express有新菜式 橫掂都要食lunch 諗都無諗就入咗去🍴原來新餐牌Passion For Pink係響應一年一度嘅關注乳癌暨籌款活動💖每年10月 都會聯同世界各地唔同組織一齊響應國際乳癌關注月 喚起大眾關注以及認識女性乳房健康 關心受乳癌影響嘅人士🎀所以即日至31/10/2022(堂食或外賣自取)售出蔬菜芝士薄餅或焗麵包球配士多啤梨忌廉沾醬 Pizza Express都會捐出港幣$8 比 以及支持乳癌支援服務😍即係食野又同時做到善事 我支持‼️▪️蔬菜芝士薄餅(10”)▫️焗麵包球配士多啤梨忌廉沾醬▪️士多啤梨冰茶呢3款都係Passion For Pink嘅限時推廣⏰蔬菜芝士薄餅係一款素菜pizza 材料好多 望落去色彩繽紛 有烤茄子/烤南瓜/雜錦蘑菇/燈籠椒同芝士等等 一上枱就聞到香噴噴 特別喜歡烤茄子🍆焗完之後都唔會乾爭爭 幾juicy 加埋軟綿綿嘅南瓜同粒狀嘅蘑菇 口感層次更加豐富🍕批底算薄 個邊都夠脆 另外仲有13”選擇焗麵包球都做得幾鬆軟 外面焗到帶少少金黃色🥯忌廉沾醬幾滑身 士多啤梨味都幾突出 但唔會過甜而士多啤梨冰茶只限堂食 無得take

個friend話要黎Pizza Express食，所以專登book左位Book左8點，黎到都係坐左3分1，唔係話好爆開頭staff帶左我地去近窗位，我地就問可唔可以坐卡位，因為闊落好多一坐埋去係枱凳都好污糟，完全冇抹過咁，但唔明點解，又唔係好忙，keep返張枱都咁難？跟住我地落左個二人餐，落左15分鐘都完全冇野上，我地又周圍望，真係咁忙咩？唔會漏單下話？好彩我地唔趕時間，跟住我地同staff講可唔可以至少上左兩杯野飲飲下先佢話好，跟住走左去又過多5分鐘，幫我地落單個位staff先笑住咁行過黎話唔好意思，漏左單，再confirm返我地落左咩去到搭9，我地枱面都係得兩杯檸茶跟住另外一個staff仲話我地要截單，有冇野要加我真係少躁，跟住話：唔使啦，我地第一輪叫嘅野都未黎好彩啲野食係好味姐，如果唔係真係會好鬼嬲啲staff完全唔知自己做緊咩，又冇supervisor係現場睇返住個場咁

今日同幾個朋友去左旺角東moko行下，夜晚就入去食pizza。叫左set有頭盤，小食，主菜同野飲。頭盤叫左招牌焗麵包球，點醬食味道亦好match!香脆可口!pizza我地就叫左蜜糖雞肉pizza,味道甜甜的，蜜糖加雞肉原來都幾好食😋食物非常豐富！

💛 嗰日去食pizza express，見到原來近排推出左 Doppio Cheese 啤酒套餐🍻 (堂食: 258; 外賣自取: $228) Doppio 意大利文的意思是係雙倍✌🏼 💛 限定套餐有雙倍「芝」味的雙重芝士脆邊薄餅，配上 Peroni Nastro Azzurro 生啤酒兩杯或啤酒兩樽 😁💛 雙重芝士脆邊薄餅 🍕灑滿車打芝士焗至金黃，令薄餅脆邊更加香脆。上面仲有西班牙肉腸, 抱子甘藍等，🐼都話好果😋💛 Peroni Nastro Azzurro 啤酒🍻 則於意大利釀造，味道清新，由 PizzaExpress 始創人 Peter Boizot 於 1970 年引進英國🇬🇧💛 嗰日仲送咗個PizzaExpress x PeroniNastro Azzurro 聯名環保袋比我！內設多功能間隔，方便攜帶飲品。💛 另外我哋仲嗌左 意式牛肝菌蝴蝶粉~ 感覺light d，襯返Pizza就唔會太heavy😆

✿╮❤╭✿✿雜感女生   好味日記✿˚*•✰。PizzaExpress．啤酒與Pizza的開心之約。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤  放假去減壓，吃和HEA是最好的方法很久沒吃Pizza，於是和朋友決定去PizzaExpress剛好見到一款多芝士的好味Pizza又是第一次試的那就正好去嘗試新野 放假可以飲小小酒，這次就是飲 Peroni Nastro Azzurro(樽裝啤酒 330ml)此酒是意大利的出品，入口氣泡充滿大麥香氣酒質的口感清冽爽口，質感柔和清爽味道豐富細膩，對女生而言可說非常易入口  放假吃拼盤最是開心我們點了：意式凍肉拼盤 包括有：帕爾馬火腿、摩特黛拉火腿、煙三文魚、新鮮馬蘇里拉芝士、 橄欖、釀小紅椒，灑上黑醋醬及伴以香草包來吃，簡直開胃我們都好中意這種fresh的感覺特別是黑醋帶來的氣氛配上意大利香草麵包好好feel，確是一流的假日之選 雙重芝士脆邊薄餅香脆引人的Cheesy Chorizo Pizza，配上西班牙肉腸，抱子甘藍、馬蘇里拉芝士、車打芝

今日同frd去食pizza，咁岩見到Pizza Express做緊推廣,而加新出左一個Doppio Cheese 啤酒套餐，包左一個雙重芝士脆邊pizza 同兩杯啤酒，都只係$258，我同frd都好鐘意芝士， 一見到雙重芝士，緊係即刻order啦!雙重芝士脆邊PizzaPizza真係好多芝士，除左中間既 mozarella，其他連pizza邊都係金黃色cheddar cheese! 焗到超香脆！芝味大足！其他材料仲有西班牙肉腸同抱子甘藍！完美組合！Peroni Nastro Azzurro 啤酒於意大利釀造，味道極緻清新清爽，夏日炎炎飲就岩晒除左個set，我地再叫多左個牛肝菌羽衣甘藍螺絲粉，好香而螺絲粉十分al dente，上面仲有ricotta cheese! 清新好味又唔膩!原來叫呢個餐仲有限量版PizzaExpress x Peroni Nastro Azzurro 聯名環保袋送返！有得食仲有禮物收，正！放工啤一啤佢不二之選！

星期日嘅晚上懶得出街，就叫咗app食，咁岩睇緊Doctor Strange，梗係要西式嘢食。其實已經開咗10幾個唔同餐廳嘅分頁，但係同朋友都冇取得共識雖然好多人買Pizza嘅外賣，但係我一直覺得Pizza一定要出爐食，新鮮食嘅。因為我諗大家都試過好多次買Pizza返嚟，又凍又唔脆，搞到冇晒食慾。今次PizzaExpress竟然可以顛覆我對連鎖店尤其係薄餅店嘅印象，因為真係出乎意料地好我哋叫嘅係二至三人餐，可以揀兩款主菜，一款小食，同埋一款配菜。app嘅薄餅選擇，冇講到佢嘅配料，所以要自己去睇返究竟每一個薄餅裏邊有啲乜嘢配料。我哋最後叫咗etna 10吋薄餅，配料充足肉比較多，非常好食。而且10吋呢個size啱啱好。因為平時食啲大嘅Pizza，由於個三角太大，個尖尖會垂左落嚟搞到個頭要就番個薄餅食個意粉就非常之抵食，因為仲有半隻雞喺面，隻雞非常tender，而且啲雞油非常香,意粉嘅松露同菇味都好強烈。值得一讚嘅係，包裝都係好穩陣，而且睇得出每一樣菜式都係有用心烹調，而且份量十足，喺連鎖店非常難得經過呢一晚之後，我就覺得喺屋企食Pizza都好，至少可以五指大動後，可以即刻洗手

一直都好鐘食PizzaExpress 既Pizza ，今次經網上外賣平台落單，放工再去拎，時間岩岩好。今次我訂左Doppio Cheese 啤酒套餐，返屋企同老公Chill 一Chill 。Doppio 意大利文的意思是雙倍，有雙倍既雙重芝士脆邊薄餅，喜歡食芝士既我，當然唔會錯過啦。雙重芝士脆邊薄餅Pizza 即叫即焗，用上薄脆薄底，食落脆卜卜，配料有抱子甘藍，西班牙肉腸馬蘇里拉芝士和黃番茄醬，Pizza 上灑滿車打芝士，完全豪不手軟，芝味十足。另外點了意式凍肉拼盤開胃頭盤菜，拼盤有帕爾馬火腿、摩特黛拉火腿、煙三文魚、鹹香惹味，另外新鮮馬蘇里拉芝士、 橄欖、釀小紅椒、伴以香草包，做餐前小食挺不錯，香草包香草味濃郁，煙韌濕潤。Peroni Nastro Azzurro 啤酒 於意大利釀造，口感非常順口，散發出令人滿意的麥香，整個口內都可以感受到啤酒的香醇口感。 凡惠顧 Doppio Cheese 啤酒套餐一份，免費獲贈限量版 PizzaExpress x Peroni Nastro Azzurro 聯名環保袋一個，我好鐘意以款環保袋，特別設計的環保袋內設多功能間隔，方便攜帶飲品，唔會倒瀉