PizzaExpress (已結業)

Apm夜晚食飯周圍都多人，見pizzaexpress有位，唔洗等，即刻拎位入去見到有dinner set，就叫左一個凱撒沙律好味，個包乾身左啲，但個蛋好味，唔會話太熟，少少溫泉蛋feel唔記得影menu，都忘了呢個叫咩名磨菇連埋個白汁好大碟，包仔沾少少來食幾香口有剩用來送意粉，食得唔好嘥嘛蜆肉意粉乾身左啲，感覺麻麻個dinner set，份量唔係多，2個人正常來講唔太夠飽除非係2個細食之人，否則真係要睇下小食叫乜好

來到星期五，兩口子外出橕枱腳。今次來Pizza express~ 坐位太近，我們剛好坐了中間(左右各一張二人枱), 大家講咩都聽到晒，亦要大聲點說話先聽到自己講咩🙈它有二人套餐, 不過我們無叫。叫了凍肉拼盤個南瓜醬不錯，我不喜愛火箭菜及欖，發明左以下食法：🤣把肉、南瓜醬、不喜愛的菜、欖塞入個脆麵粉包到食，不錯！😂脆脆的，又有南瓜甜味。我們還叫了夏威夷pizza主要有帕爾瑪火腿，芝士，洋蔥，還有菠蘿菠蘿及佈滿pizza的菠蘿汁!薄薄的pizza 皮，好多汁！而且因爲係菠蘿汁，一點也不膩，我好驚訝自己可以食半個！我估鍾意食菠蘿的人應該好開心❤️

APM 間間食肆也幾乎是連鎖，但不是間間連鎖也有保證，這間你肯定冇揀錯。今次叫了1個pizza ,1個salad ,再加1個risotto和玫瑰茶。Pizza 蟹味，芝士味，濃而不過火，不太鹹。Salad 有牛油果和藜麥，相當健康。大蝦risotto 反而味道有點奇怪，且飯質像糯米。最後，玫瑰紅莓茶，消滯美容一流呀！總括:是質素保證的選擇👍🏻

Lunch唔知食乜嘢好，行過Pizza Express 唔使等位，於是望下個餐牌，咦？一人餐同二人餐價錢差唔多嘅，其實二人餐都係得一款主菜咋喎，就入咗去坐，點咗個二人餐了⋯一人餐同二人餐嘅價錢只係相差＄38我明明同侍應講一個人，但係佢就冇收到另外一個位，唔通以為仲有人未到？2枝可樂係玻璃裝，天氣熱D兩啖就飲晒啦～頭盤我揀咗兩碗都係湯，隔離枱嘅人開始用奇異眼光望過嚟，可能奇怪我未等齊人就食先啦🙈到主菜上枱啦，蟹肉白酒汁意粉，又唔係特別大碟，都係一人份量啫，但係我就感覺到附近四圍嘅人向我投出奇怪目光，我諗如果個一刻我對住對面個吉位講嘢，分D意粉去另一隻碟到，D人一定以為我日光日白都撞鬼，又或者精神分裂，不過呢個2人餐或者係寫嚟比2個唔大食嘅女仔share掛，但係如果2個都肚餓似乎又未必夠飽，呢個menu都算係我見過最奇怪嘅一個啦😂

同朋友仔買咗飛喺平安夜睇戲，買咗黃昏場，所以下午茶時間去到商場諗住搵間嘢食，點知間間都好多人，得呢間唔使排隊，咁就是但入左去食啦，入到去先知唔使排隊嘅原因可能係因為啲嘢食都幾貴😌平日都好少食貴野，平安夜特別日子就豪俾佢啦😝我哋睇過啲套餐真係太貴，成四、五百蚊，所以決定散叫叫咗兩個dishes & 一杯野飲，不過都要三、四百。白酒蜆肉意粉-質素唔錯，但又冇乜特別煙三文魚pizza-味道都OK，係個批底唔夠脆結果我哋食淨左半個pizza，問店員想拎走，個店員淨係用紙幫我哋包住個pizza，就俾返我哋，之後再問先俾個紙袋我哋入住😌如果叫套餐好似係會多咗前菜、餐飲同甜品。價錢計落係抵啲，不過我哋兩個人都食唔晒，無謂浪費🙂整體用餐質素都唔錯，嘢食雖然唔係好特別但係都唔差，環境質素可能比嘢食質素更高

上次試過屯門新開既分店，有d失望，今日出開觀塘探朋友，順便試下呢間分店既水準先。餐廳廚房以開放式設計，用玻璃間格，望落開揚整潔，感覺良好。香酥魷魚圈，舊檸檬好似放左幾日咁，魷魚圈食到魷魚味，但外層一d都唔香酥，可能唔係新鮮炸起。 蝦肉燴意大利飯，賣相唔錯，米飯粒粒飽滿，煮得軟硬適中，可惜個白汁味道偏淡。松露菌薄餅，熱辣辣香氣撲鼻，餅皮夠脆，茄汁底夠味，不過食唔到松露菌味，好食，但似一般茄汁底薄餅，冇咩特別。海鮮薄餅，餅皮更薄又脆，但由於冇汁底，海鮮又唔夠鮮甜，所以只食到餅底味。以薄餅店黎講，2款甜品都合格，味道唔太甜。而且主要都係食雲呢拿雪糕，作為薄餅後既甜品，唔錯。

我覺得呢度好適合傾計既地方，首先就算繁忙時間周圍都唔會好嘈，有些飲品還可以無限添飲的，最適合口水多過浪花既人。而野食方面，雖然西西地，但味道相當唔錯的。三五知己還有梳化座選擇，空間感十足，二人世界另外一邊還有上窗口坐。麵包係即叫即做的，配上磨姑醬。廚師沙律，餡料花多十足。白酒蟹肉意粉，辣辣地加鮮蟹肉，非常野味！嚴唔夠味的話，餐廳還有tapasco供應，每張台面有即磨粗粒黑楜椒，任意配答。除了茶係任意添任外，糖水和檸㩚也可以添的，不防向侍應查詢一下

難得朋友從加拿大回來短留數天, 還帶了歲半混血巨b, 一於來個新年團拜. 由於會有2個bb和公眾假期, 特意在PizzaExpress官網訂了枱和兩張high chairs. 還預早來了以免遲到店家把枱release走. APM對住在將軍澳的媽媽真方便, 一出地鐵便到. 不用多想都是叫四人套餐了, 可選兩個頭盤, 三款主菜, 兩個甜品和四杯飲品. 由於公眾假期實在忙得很, 大部份在menu的選擇已賣光(才七時而已！).我們只好「選」剩下的.頭盤：魷魚圈 好味！魷魚切得粗身, 裹上薄薄粉漿炸得外脆內juicy. 魷魚肉是爽爽的.意式凍肉拼盤 (加$50） 有煙三文魚, 醎味適中, 煙薰味香; 蕃茄仔很甜很新鮮多汁, 意式腸味濃了一點有意大利風味; 那意式麵包是一種空心, 脆皮的質感, 佐以旁邊的南瓜醬和南瓜籽, 濃郁的南瓜吃多幾口都沒問題, 中間是沒人碰的橄欖, 不曉欣賞(掩面).主菜：孜然羊肉Pizza 感覺很空虛的pizza, 批底size大, 批邊脆口, 但是那些羊肉粒跟pizza比例並不相稱, 和其他如蕃茄椒的配料只是隨意「掉」上去, 明顯是馬虎了事, 就連最一塊pizza的靈魂

三五知己相約公眾假期去PizzaExpress食飯, 特登book好枱所以唔使排隊. 店外七點左右已經形成了一條長queue.雞翼雞翼黑椒味重, 榨了小許檸檬汁略為中和了濃味, 總算厚肉, 一吃無妨. 迷迭香脆包其實這個包已在order左唧set dinner, 可惜大部分單點食物今日都不供應, 請待應介紹一些pasta, pizza之類的, 就介紹我地食Garlic knob, 所以叫了double但個dip係另一種, 倒是個令人飽肚的選擇. Seafood Lasagna平常食lasagna通常用一個大碟放好多層嘅lasagna, 然後自己切開一件好多層芝士肉醬的. 這個lasagna來到時根本無人知道是其物; 薄身嘅黑色小盤, 芝士份量也只是蓋面那一點點, 而size不用多説非常小, 叫三層闊麵就適合得多, 切開時都散開了. 莫名其妙在加一執火箭菜同一kai檸檬喺面頭. 今晚好明顯揾唔到廚師頂更, 除了麵包, 幾乎所有菜由擺盤至味道都係亂來的.

和媽媽到apm逛街，血拼前先填飽肚子。十二點半到可以不用等位，有二人窗邊位。有一人餐/二人餐set lunch，有頭盤主菜及餐飲，而二人餐就會多了一份頭盤及飲品，二人餐價錢只是$128，十分化算。 點了二人餐如下：蒜香麵包球，麵包十分軟熟，配合咸味牛油一起吃，簡單的麵粉球卻會令人一口一口接著吃！正餐加了$25配蟹肉白酒意粉，我們要求意粉走辣椒（怕辣）。意粉份量適中，蟹肉也很多及有鮮味（意料之外）！可能少了辣味，意粉比較淡，要自己加少少鹽及黑椒才夠味！如果有辣椒應該會頗惹味！我們另外散點了margarita pizza，pizza express 的麵粉真的做得不錯，餅底夠薄夠脆，餅邊又有少少焦味！ 基本功做得好便可以令簡單的蕃茄芝士pizza 變成上菜！總括而言，lunch set幾抵食，下次再試晚餐！

已經好耐無食pizza express，仲要難得一班同事一齊食！先一晚網上book定枱，留枱10分鐘，不過我打錯email，彈出黎msg叫我改到我返轉頭改番再submit，個系統唔知點解要cancel個位先，接駁去餐店，職員都好快幫手check 同confirm，有record都安心啲多人食可以食得多啲，散叫左好多好嘢食！上菜速度算快，叫完10分鐘後開始陸續上菜。雞翼點醬好好味，香草意粉好夠味同香口，麵包點醬幾特別！叫左蜜糖雞、海鮮同辣肉腸pizza，我個人好喜歡蜜糖雞，雞肉做得好入味；海鮮我本人就普通，係個餅底做得簿啲，幾脆；焗磨菇估唔到咁juicy，一叉落去啲汁湧哂出黎，而且好好味！我覺得越多人食越抵，可以食多幾款，我地8個人剛剛好，每樣都食到小小。

今日約左一齊睇戲之後食個晚飯，初時諗住驚好多人...睇戲前去 walkin book 位，點知又得喎...睇黎個市都真係好淡下... 我地 book 左 9點，睇完戲都只係 840，所以我地都係早早地去等下位，點知去到門口已經可以入去 ~~ very good !!!我地坐底睇 menu，有 set，我地決定叫個 2人 set 再加野 ! 3個人食應該好夠 ~跟餐既沙律 ~ Chicken and Apple - With walnuts, basil, mixed leaves, cherry tomatoes, cranberries, creamy lemon dressing，呢個沙律好清新 !! 菜勁新鮮 !! 夾埋爽口既青蘋果同合桃 ~ 不錯 !跟餐既意粉 ~ 呢個我諗係 special...係 menu 搵唔到...吞拿魚意粉...但太得意 !! 用蕃茄汁 ~~ 佢地係做唔到朋友 !!跟餐既意式雲吞，味道幾好 !! 蕃茄口味 ~ 個雲吞餡係芝士 !! 正 ~~跟餐既 香檳, 酒味太濃...我冇飲...跟餐 pizza，辣肉腸火腿芝士，呢個幾好味 !! 我幾鍾意 expre

of all the PE's in HK this one is the most consistent. friendly staff and chef's know what they are doing. pizzas always crispy and prompt. great choice for the area, nowhere in Kwun Tong or much much further can provide this quality and value. highly recommended for lunch or dinner.

Pizza Express 每間分店都成日食... APM 呢間食過都 over 20次了, 水準都好 keep 得到~今次聖誕節路過, 聖誕 set 比平日 2百中嘅 set 貴咗啲啲唧只係, 所以就直入黎嘞~ (可能人大咗, 節日唔願入 DB 食個千幾蚊 set, 只想近近地食正常嘢... 🙊) 成個 set 入面, 最鍾意個 "焗芝士沾醬" 喲, 溶化熱辣辣 剛好芝士咸香, 包包熱烘 皮乾身得黎 內裏微咬口, 食唔停呀我~ 🤤😋 唔夠喉呀大佬！Pizza 同嘢飲中規中矩, 一如平日食得過!!! 個 set 入面個 brownies 真係唔掂到一個點...Brownies 粒無口感 無質感... 成件事夾硬黎咁... 🙊 係 pizza express 內我食過最唔 ok 嘅嘢~

一直都覺得Pizza Express嘅食物唔錯，所以知道Pizza Express推出咗下午茶套餐後，就急不及待去食。今次order了松露菌薄餅及羅勒香草醬意粉。環境很舒服，服務也很好，但食物質素卻不敢恭維。Pizza底係軟淋淋的，以一間以pizza作招徠的餐廳嚟講，絕對係唔合格。而意粉唔熱，淡而無味，而且係勁多油，好似食緊油浸意粉咁。估計食物已經整咗一段時間，只係放喺暖爐保溫。食完嘅感覺係俾百幾蚊食垃圾如果只係諗住求其食啲野填飽個肚係ok嘅，但我就唔會再有下次。