PizzaExpress (時代廣場)

營業中

休息中

PizzaExpress 銅鑼灣今日同全家人去完AIA玩，返咗公司放低啲公仔之後就出去搵嘢食，屋企人話想食pizza，當然即刻諗到呢間餐廳！🍕🍕🍕佢最近出咗個四人餐，$998有晒前菜沙律， pizza主菜甜品，所以我哋四個人唔使諗就叫咗呢一個餐水牛芝士沙律好好食，大大嚿水牛芝士好香芝士味🧀另外仲有呢隻鴨腿沙律，鹹香味好重配埋沙律食兩個好夾🥗仲有熱騰騰嘅Pizza，唔會太大塊四個人食剛剛好仲有個龍蝦唔記得咗影掛住食，哈哈最後就係個甜品好有趣，用麵包出邊點咗糖不甩嘅醬，真係好似食緊糖不甩❤️銅鑼灣勿地臣街1號時代廣場12樓1203號舖

去銅鑼灣睇戲又諗唔到食咩，見到Pizza Expess嘅2人餐都幾抵食，而且又唔使排隊，所以就決定食Pizza🤓🤓Dinner For 2 $349❣️意式焗肉丸有4粒肉丸，味道有啲似IKEA個隻肉丸🤣，蕃茄醬帶有少少辣味，由於醬汁味濃，所以夾埋香草包食會較好😬❣️意式牛肝菌蝴蝶粉叫咗比較少食嘅蝴蝶粉，蝴蝶粉煮得啱啱好，加上香濃嘅牛肝菌同蘑菇汁，每一啖都好掛汁同有味道，推介👍🏻❣️煙三文魚他他薄餅薄餅即叫即製，所以上枱個時係熱辣辣，餅底略嫌較乾，但配料分料就十足，水牛芝士味較淡，煙三文魚他他就唔係好食到三文魚味啦🥸，題外話，煙三文魚他他由於太碎，所以食個時就真係會不停跌😂😂❣️樽裝可樂x2提供比較少見嘅樽裝可樂，食完油膩嘅野飲番枝可樂即刻舒服晒😬😬👅好味度：8（10分滿分）味道中規中矩，但坐得就好舒服，如果諗唔到食咩，間唔中食下都OK嘅😁😁🏦是次消費總額 $383.9（人均消費 $192） 🍴須加一服務費

今年聖誕就同左另一半同朋友一齊去Times Square 樓上嘅ℙ𝕀ℤℤ𝔸 𝔼𝕏ℙℝ𝔼𝕊𝕊食Christmas dinner 🎄👻 𝓢𝓽𝓪𝓻𝓽𝓮𝓻 烤焗雞翼配蜜糖芥末醬焗爐香烤雞翼烤得幾香脆，配上蜜糖芥末醬更加惹味香口☺️ 𝓢𝓪𝓵𝓪𝓭 海鮮沙律 （細份）叫一個沙律大家share黎食都唔錯👍🏻 裡面嘅配料都幾多，包括煙三文魚他他、鮮蝦、章魚等☺️ 配埋其他蔬果例如柚子同車厘茄等，十分開胃，好岩頭盤食👍🏻 𝓜𝓪𝓲𝓷北京烤鴨薄餅🍕本身叫個陣都怕伏伏地，但心思思都想試下，估唔到又幾正😂 其實就好似平時食Peking Duck咁，只不過變左做pizza , 估唔到又幾夾☺️ 醬汁味道偏重口味，濃郁美味👍🏻🍕蟹肉白酒汁意粉🍝呢款意粉食就同岩岩嘅pizza 相反，係無咁重口味👍🏻 咁就岩曬啦，可以中和一下～ 蟹肉配上銀魚柳醬汁加埋白酒🍸一齊煮，味道香濃得黎入口又唔會覺得好大負擔，比較清爽嘅感覺🍝👍🏻推介大家試下

呢間有好多分店，今次試下時代廣場，地點方便，座位好多唔洗等位直入。而加好多唔同優惠，除左時代廣場現金卷，一至五叫main course 就會送starter 同餐飲，另外仲有套餐。餐廳服務上菜速度快👏我地叫五款食物，點完餐五分鐘到已經上菜，唔驚會餓親。上菜速度咁快，但啲食物都係熱，唔係一早整好放係度。👍🏻餐廳環境空間感十足，坐好舒服😌餐廳裝修摩登有外國風情，同時牆身畫上香港特式建築，樓底高，空氣流通。座位夠多，坐得好闊落。有半開放式廚房，等食客可以欣賞廚師制作薄餅👨🏻‍🍳餐廳食物高質，性價比高😋🥖 焗麵包球必點菜式之一，麵包微微烘過香軟，細細粒熱辣辣易入口，配蒜蓉牛油同蕃茄香草醬，個人比較鍾意蕃茄香草醬，酸酸地幾開胃。🍗 烤焗雞翼 雞翼表皮焗到脆身，香脆可口。雞翼咬落去充滿肉汁。略嫌蜜糖芥末醬比較稀身，味道唔突出。🥗 雞肉蘋果沙律爽脆的青蘋果配沙律菜，味道清新，酸酸甜甜，加上紅莓乾合桃，令到口感更加豐富。而雞肉唔會太乾同嚡口，肉質剛好。🦆 北京烤鴨薄餅薄餅預先分成八份，餅底薄而脆，每片鴨胸肉配海鮮醬，味道少少辣更惹味，加上青瓜粒可以中和成個味道唔會太膩。🍝 蕃茄海鮮意粉味道普通有少少

尋晚約左朋友食飯, 因為有商場的coupon, 而且好耐都冇食pizza, 所以就嚟左時代廣場呢間pizzaexpress, 可能由於coupon就快到期, 平日明明唔需要等位..但今次平日6:45已經要排隊。唔緊要啦, 為左食好野, 排一陣都冇問題。好快到我地，睇左一陣MENU, 就叫左一個side dish, 一個pizza, 一個salad 及2杯drink1) 個side dish 真係細到嚇親...咁既份量..得幾粒mushroom, 就收$68, 味道一般..伏...2) 個海鮮salad 都幾好食, 蝦又大隻又新鮮3) pizza本身要讚，因為佢本身有少少spicy, 酸酸地, 加埋cheese 本身應該好好食, 個底又夠薄..可惜個pizza 食到中間位置..個底係濕的..都唔知發生咩事..唉..好失望4)最後就係杯drink , 都幾好飲..不過不失埋單因為有商場coupon, 減左$200, 合共收$280, 都算可以啦

之前朋友送左2張$100時代廣場 coupon所以就去時代廣場《PizzaExpress》食pizza感覺好似價錢貼地啲，而且不需叫太多食物又可以用coupon我都係第一次食呢間但可能因為遇上coupon時段6pm一放工過去，已經開始大排長龍最後等了~50min先入到席但入面其實好大area，有勁多位置而且坐得好舒服，好多sofa應該係當日staff供不應求都招呼不切太多客人(coupon時段我諒解的)排排下隊，大約6:30pm已經有個外籍同事講話外賣已經暫停供應因為訂單過量做不切但環境太多人而且附近聲音好噪其實有好多人聽不到最後令到有一堆人白白空等無得外賣(呢個位餐廳做得唔夠好，應該show指示牌)雖然是連鎖Pizza店但我覺得食物同環境質素不錯我地叫了2個大pizza其中一款是「北京烤鴨薄餅」$168其實一上碟，我心諗都好大塊！(圖中是食用碟的3倍)如果2人份量食，應該只吃到一款大pizza而北京烤鴨薄餅真係好有烤鴨味，幾有新鮮感！我覺得幾好味，配合薄餅底，幾match醬汁份量剛剛好，不會太乾身整個pizza可以濕濕地，而薄餅底又脆口，有口感反而另一個pizza就不太推薦了原因..

好耐無食Pizza, 呢間連鎖餐廳遍佈好多區都有。小朋友指定好想食Pizza, 就外賣返去一齊食啦見到門口呢個Menu, 一於試下<驚喜> 原來仲有靚靚環保袋送（送哂就無喇）✨ 雙重芝士脆邊薄餅 面層滿佈車打芝士，拉開嗰下充滿拉絲感。 配料加入西班牙肉腸．馬蘇里拉芝士 同埋黃番茄醬令味道更加豐富，雙重芝士脆邊好脆口✨意式牛肝菌螺絲粉每次見到螺絲粉都一定會揀，一條一口，口感比其他pasta更豐富加入牛肝菌嘅味道好夾✨ Peroni Nastro Azzurro 啤酒 外賣都可以品嚐到意大利釀造嘅啤酒食塊Pizza再啤一啤，爽呀雖然全場爆滿，但樓底好高，空間感好寬闊下次要嚟堂食先得

因為去咗銅鑼灣睇醫生經過時代廣場就行左陣，肚仔餓餓就要去搵嘢食好似好耐都冇食過Pizza咁就不如食PizzaExpress啦！銅鑼灣時代廣場嘅呢一間PizzaExpress座位非常之多而且中心亦都好舒服好有異國風情嘅感覺！估唔到喺下晝嘅三點嘅時間都仲有唔少人幫襯店員就特別推介呢一個新出嘅Menu雙重芝士脆邊簿餅聽落去好似好吸引咁樣所以就決定叫黎試下啦飲品方面佢地都有夏日限定，我同朋友都各自叫咗一杯特色飲品當中包括左蝶豆花鮮果梳打特飲，另一杯就係焦糖雪糕特飲除咗叫個Pizza之外我哋都仲叫咗一款嘅錢財就係二式凍肉拼盤凍肉拼盤當中包括左一個香烤左右少少蒜蓉味夾麵包，風乾火腿，煙三文魚，水牛芝士，橄欖同埋小紅椒。風乾芝士帶有少少嘅油香配埋香草包簡直係一流成個拼盤都做得相當唔錯！主菜方面令我大有驚喜！Pizza佢唔會考得好乾側邊都仲有少少嘅脆脆嘅感覺而且芝士味係好香濃加埋個蕃茄醬個配搭係好夾！佢仲要配上辣肉腸同埋泡子甘藍食落去又有蛋白質又有蔬菜正呢兩杯嘅夏日特飲都做得相當之唔錯！焦糖雪糕個杯會比較creamy 飲落肚勁飽另一杯嘅蝶豆花系列就比較清新一啲當中仲有一啲嘅生果喺度感覺就會比較Fres

這間我都經常來 但係今次真係失望 第一次食Pizza咁難食 有點像香口膠 完全唔脆 又唔熱 凍冰冰 未試過食pizza咁煙韌 可能下午三點沒有師傅所以品質比較差👎🏻👎🏻👎🏻

約了朋友在時代廣場就行街行到肚餓去咗頂層就搵嘢食見到呢餐廳外國風情裝修的 — Pizza Express 坐位闊落 又想吃pizza 便決定在這裏吃晚飯牛肝菌西班牙腸薄餅一上枱就見到滿滿的火箭菜係我最鍾意嘅薄批口感非常好材料十足西班牙腸火腿配上濃濃芝士及薄餅醬汁味道香口 口感十足這款是新出的薄餅建議大家一定要試烤焗雞翼雞翼表面焗得非常香脆肉汁露露鎖住新鮮熱辣出爐唔會令你失望意底蟹肉蕃茄沾醬絕無偷工減料蟹肉佈滿整碟香濃芝士醬好滿足蜜桃冰茶這款飲品都是新出的個人喜歡比較少貼令蜜桃鮮味咁突出及茶味更香牛油果雪糕特飲軟滑口感牛油果本身同雪糕已經是絕配加上牛奶令整杯特飲更加香滑/食完真是十分滿足而且店員Chris服務態度非常好照顧周到 令到整個用餐時間都好舒適服務 環境 食物 都是滿意的

Pizza Express 係其中一間我最喜歡嘅餐廳，因為食物能夠保持水準。今晚因為coupon效應，所以又來吃啦。今次冇叫🍕，試咗以下三款食物：Leggera Superfood Salad每次見到呢碟沙律上枱，都超開心，未食已經覺得好健康，大大嘅碟，承載住滿滿嘅沙律菜，牛油果，紅菜頭，車厘茄，南瓜，青瓜，仲有松子仁，mozzarella cheese，絕對係健康之選。茄汁海鮮意大利粉上菜嘅時候仲係熱騰騰，啱啱煮好，香氣撲鼻。海鮮包括有大蝦，細粒元貝，蜆肉，八爪魚，當然仲有車厘茄，同味道啱啱好嘅茄蓉，意大利粉相當al dente.烤焗雞翼配芥末醬汁呢個小食絕對係有驚喜，原本冇諗住揀呢款，但係為咗計啱條數用coupon，所以先揀😂，點知出奇地好味。因為雞翼好大隻，外皮焗得香脆，內裏嘅雞肉好有肉汁，仍然嫩滑。

Service quality is rather poor. When I first entered the restaurant, I asked if the Times Square vouchers could be used for set menu, and got told I can. When I was done and asked for the bill, got told that set menu is ineligible for voucher usage…Put up an argument on this front given this was conveyed to me otherwise initially, they finally agreed to modify the bill. The food is mediocre and not great value for money - they also put a lot of black pepper in the pasta even though i asked not t

等左咁耐開番晚市, 梗係要出去食番餐喇, 食咩都好, 只要唔限時, 坐得舒舒服服慢慢食就得!🤭 最終揀左 pizza express🍕5點前仲可以叫主菜送麵包球/沙律 + 餐飲!咁就叫左份 🥗雞肉蘋果沙律 (細)- 每次都必食既沙律, 青蘋果酸酸甜甜好開胃, 除左雞肉, 仲有合桃粒, 紅莓.. 口感好豐富, 好開胃!😋🍗烤雞肉松露醬寬麵 (半份雞)- 半份雞既份量都幾多, 烤雞肉厚鮮嫩, 但醬汁味道偏淡!🍕煙三文魚薄餅 (10")- 煙三文魚唔咸, pizza 邊夠脆, 味道正!!🫓麵包球- 都係必食之一, 細細個熱辣辣, 一食就食哂成碟!🤭

今日於銅鑼灣辦完年貨，晚餐順便選擇了外賣自取。由於屋企人有駕車，所以買上屋企食十分方便。餐廳很闊落，如果快些有晚市堂食就好啦！等了大概20分鐘，店員就將幾外賣整理好。麵包球是一個好好的開胃小食，麵包球很煙韌，配朱古力榛子醬，畫龍點睛。油封鴨腿大大隻，配蜜桃、牛油果和沙律等，有醋味醬汁。蝦肉通粉配忌廉醬，青椒有少少辣，蝦肉夾彈。雞翼焗得剛好，不用蘸醬亦夠味，而青口海鮮湯就不過不失。南瓜花西班牙腸桂花pizza 這個口味夠特別，南瓜味夠出，最重要的是餅底薄得來夠煙韌。

朋友選定來這間西餐廳聚餐，我當然應約。入座後，已聽到店舖播放着聖誕歌，令我的心情更輕鬆愉快。原來已有聖誕節餐單，看起來好像不錯。我跟朋友向店員下單，除了點了一個精選套餐(二人餐)，亦單點了一些聖誕節餐單的食品，不知不覺點了整桌子的食物 龍蝦湯龍蝦湯味道濃郁，配上蟹肉，口感豐富。而巴馬臣芝士脆包表面脆脆的，香脆可口。 聖誕花環拼盤沙律以多種食材做成的花環，尤以風乾火腿做成花朵形狀，好漂亮呀 兩款風乾火腿、煙三文魚和沙律菜，嚐到點點清香的檸檬香草味道。風乾火腿的甘香油脂與幼滑質感的芝士沾醬是絕配。 金文拔芝士及燉牛肉薄餅我未嚐過燉牛肉薄餅，所以十分期待。 經典脆皮薄底薄餅，非常脆口。燉牛肉的牛肉味道十分濃厚，亦均勻的鋪滿在薄餅上。而覆蓋在薄餅上的蕃茄和芝士醬汁份量恰到好處，滿口滋味。 鼠尾草牛油黑蒜蝦肉意粉蝦肉爽口彈牙，意粉以牛油和黑蒜醬烹調，香氣十足，口感順滑。精選套餐(二人餐)包括一個頭盤、兩款主菜和兩杯飲品，每項均有數款選擇。 意式焗肉丸豬肉丸配以番茄牛肉醬，伴以香草包，帶微酸甜味道，引起食慾。 肉醬寬條麵濃郁的蕃茄牛肉醬濃稠適中，寬條麵軟硬度好，彈牙有嚼勁，均能掛上肉醬。 美國辣味