Plato (已搬遷) 新店位置

今晚約咗個朋友食飯，朋友講唔啱喺油麻地附近返工，而佢朋友介紹黎呢間餐廳食，所以我哋就決定過嚟試吓。我哋兩個既食量唔係好大，所以我地就叫咗一個前菜，一個主食同一個小食！三文魚凱撒沙律，三文魚量都幾多，沙律菜好新鮮，好味。水牛城雞翼，有少少辣同酸，不過個辣度適中，首先炸左再淋上醬汁，好惹味。徳國脆皮鹹豬手，皮香脆，肉嫩滑，真係新鮮熱辣上枱，仲有薯仔做配菜，一流！Mocha!!!甜度適中，咖啡味濃！不錯

餐廳不算很大，座位不是很多，七點來到不用排隊便可入座，但八時開始已經滿座。食物選擇以飯、意粉、扒類為主，可以散叫，或dinner set和二人套餐，我們便點了二人套餐，比較抵食，有一款小食，一款意粉或飯，一款扒類，還有兩個甜品，兩杯飲品，十分豐富。點菜後，店員首先送上餐湯，餐湯不算太濃，鹹淡味適中。小食我們選了英式炸魷魚圈，魷魚圈是新鮮炸的，熱辣辣，好香口，魷魚又不會軔，配上沙律醬，好味～飯類我們選了龍蝦汁大蝦意大利飯，賣相很好，大蝦煮得不錯，飯軟了一點，不過充滿濃濃龍蝦汁味，我和友人都吃得津津有味～主菜方面，我們選了美國安格斯西冷牛扒，也是賣相很好，牛排厚薄適中，我們點了七成熟，中間可以看到粉嫩的肉汁，我們覺得不用點醬汁已經很好味，原汁原味，配上燒汁或芥末汁也很不錯～ 牛扒旁邊配了薯仔和沙律菜，那些沙律菜的醬汁很特別，甜甜酸酸的，很好味～ 甜品我們揀了tiramisu 同blueberry cheeses cake~ 份量適中，我比較喜歡tiramisu,而朋友則比較喜歡blueberry cheeses cake~ 兩款也不錯～ 最後，餐飲我們選了熱檸檬生薑茶和芒果草莓茶。一邊吃蛋

1點吃完lunch,之後做到9點先收工，超肚餓。收工同男朋友去公司附近餐廳。地點算方便，唔難搵。超肚餓，拿拿聲點野食，見到2人套餐$398不連加一，價錢ok，就落左單。是日餐湯—煙肉薯仔忌廉湯味道適中，湯裡有少少煙肉碎同薯蓉,好creamy！英式炸魷魚圈新鮮即炸，魷魚好新鮮，炸粉適中，點沙律醬，好香口。法國牛肝菌帆立貝忌廉汁意大利粉一碟夠2個人食，帆立貝好新鮮，冇臭腥味，軟硬適中，牛肝菌炒得好香，而且汁多，意粉口感剛剛好，整體上唔錯。英式安格斯西冷牛扒牛扒好juicy,唔會好鞋，賣相不錯，仲有沙律、薯仔。薯仔好好吃，連薯皮吃好有薯仔味，一試難忘。

放工去果欄看看有什麼生果買，誰不知大部份鋪頭已關門，就在附近找東西吃，行過去對面街中華書局附近，有間西餐廳Plato,在門外看落覺得很優雅，門外貼着的餐牌，也不算太貴，就入去試試美國極黑豚肉眼扒$198，包什菌湯連一柸$28飲品，豬扒圍邊有一層肥膏，不知廚師是怎樣烹調的，豬肉軟滑，外層肥膏香脆，咬一口油香在嘴裏㪚發，真好味半碟焗薯仔，濃濃的牛油香味，薯仔連皮吃有脆又滑，沙律菜配上黑醋汁酸酸甜甜十分野味德國脆皮鹹豬手：真的皮脆肉香，加$18可轉龍蝦湯，濃濃蝦味，十分爽。肉汁爆燈，份量也十分大+$4轉泡沫咖啡，咖啡只是一般，沒有餸菜那麼突出，用料真的物超所值，價錢也不貴兩人吃得肚滿腸肥，也吃剩些少

餐廳屈咗入去，但喺正中華書局隔離好易揾喺街角轉個彎就嚟到呢個優雅嘅 cafe～大大個玻璃窗牆好好 feel同場有一對情侶慶祝生日，另一對就攞住一大束紅玫瑰好浪漫 😍叫咗兩個 dinner set餐湯係濃郁嘅黑松露湯，質地杰身加兩小件 toast，好豐富另外叫咗個【凱撒沙律】沙律醬拌得好均勻～ 沙律菜爽脆 😋上菜時侍應就攞定兩隻碟比我哋分期間都好主動加水同收碟兩個 set 叫咗一飯一意粉【明太子海蝦意大利粉】賣相清新啲蝦 size 都算大隻，咬落彈牙仲有六隻咁多！燈光問題唔係好影到，其實有好多明太子㗎 😂明太子有好轉微嘅微辣，令個意粉更有層次！【香煎帆立貝意大利飯】一樣係擺盤好靚帆立貝好大隻risotto 個汁好 creamy 👍🏻餐飲可以揀 $28 內嘅飲品補咗少少差價揀咗凍朱古力同蘋果汁兩杯都好冰凍好正

今日係旺角行街，唔覺意行到去油麻地就上openrice 睇下有乜食見呢間都幾多好食評，就試下我地無訂枱，等左一陣就有位了餐廳環境唔錯，裝潢幾簡潔。暗暗地的燈光，啱哂傾計。我地叫左個二人餐，好豐富小食 水牛雞翼，有三隻炸得好脆。配埋酸酸地醬汁，幾香口又開胃餐湯 忌廉湯湯好香滑，配料都唔少羊架，七成熟肉質好淋，黑椒好惹味海鮮忌廉意粉。味道剛剛好，而且有好多磨菇加錢轉凍朱古力幾香濃，而且唔會過甜熱檸檬加薑，飲落好清新甜品不過大失，跟餐送的Cheese cake 好大件，芝士味好濃Tiramisu 味道少少苦，啱哂我口味！

去過另一間分店已經好多次，第一次黎到Plato中華書局旁的分店，比另一家地方小，環境較暗，較適合飲杯咖啡，食小食及甜品。點了set dinner 香蒜白酒蜆意大利粉沒有醬汁算是比較清的意粉，不算油膩，意粉軟硬適中，味道方面濃味一點會更好。白酒忌廉青口忌廉汁好味，青口算新鮮，數量頗多。BBQ蜜糖雞翼意料之外的味道，怎樣酸酸的？但也好好味又開胃！最後加$28加了一件tiramisu正方形好可愛😍 不太甜，不膩，好味！

同老公8周年，諗左好耐去邊度食，點知比我搵到呢間餐廳，味道唔錯，真係值得去試。我同老公叫左個二人餐，果日係經openrice訂枱，佢仲送小食一份，我地揀左炸洋蔥圈，另外加多一入酸忌廉薯條，而我地叫既二人餐，有一份牛扒、一份意粉、一入小食及兩碗餐湯，由湯至小食，都搵唔到可以彈既地方，我在openrice訂位時備註左係8周年，餐廳真係會喺甜品隻牒度幫我寫左 happy 8th anniversary, 老公以為我比佢既驚喜，其實係餐廳比我地既驚喜，呢一餐食得真係好開心。

係mk行完街唔想係個頭食就行到嚟油麻地睇下，發現呢間都幾抵食嘅cafe. 見仲有位唔洗等就入去食下啦！環境都幾好，唔太逼d位，而且裝修幾靚 Open kitchen 都唔會有油煙味！見set dinner有湯有野飲就叫左個D1&D12. 先嚟左雜菜番茄湯，好多菜，仲有d薯仔，啖啖都有野咬，又重番茄味，抵讚！D1係三文魚意式包配薯條($108),包好鬆軟，三文魚都幾新鮮，配上生菜同番茄口感更好！薯條偏粗，香口得嚟亦有薯仔味。D12係西冷($228),叫左medium. 煎得還好，小小硬，但個份量好夠，勁大塊！跟嘅薯仔好好食，細細粒一啖一粒好滿足。我地再以combo 價嗌多個炒雜菇，香garlic味，48蚊咁大件都幾抵！

是日慶祝朋友生日，見食評好像唔錯來試試。食物方面：龍蝦湯濃到偏咸，豬手亦太咸，羊架ok, 份量都足夠。餐飲選擇不多，大部份都是普通嘢，稍欠特色。環境方面：桌面太細，2個人還可以，3個人就已經太迫了，但當日見到4個人都是坐1張枱。位與位之間空間也少。環境也相當嘈吵。因為坐得近，傾計還不算要很大聲。服務方面：侍應對餐牌內容如何配搭熟悉，但部份侍應反應未夠快，可以再熱誠啲，令顧客滿意點。可網上訂位，有不用等位的方便。衛生方面：餐具正常，地面，餐桌都整潔，整體感覺都正常整潔。抵食方面：價錢算合理，3個人食600蚊，不算平，也不算貴。但只收現金，就感覺不太方便。地方少又只收現金，反映生意難做哦！總結：各方面都有待改善，再食機會不大。

服務態度非常惡劣，我一早訂左8點鐘7位最後要等到8點半先入到座，咁訂位黎有咩意思?仲要全程半句道歉都冇，無論食物質素幾好，要客人係門外企半粒鐘等已經係趕客! 仲要坐係正中心，啲人周圍咁行，呢間野永遠blacklist食物質素差，啲牛排冇肉味，又靭，仲差過自己煮個湯淡到水咁，唔講以為飲緊清水現場環境嘈到連隔離位講野都聽唔到仲要只收現金，作為一間食肆真係唔得囉佢標榜自己係cafe, 但完全冇cafe 既氣息，似係一間西餐茶餐廳咁既level

平日晚食，都爆場，預約有小食送，無小食list 上的都可以揀，值得一讚。食物份量好足，女仔如想一人一個main dish, 真係要想清楚。飲品可配28元的，多過補差額就得。幾款食物賣相很好，但都比較膩，份量足，幾個女仔都係share 好啲。飲品正常，無咩特別。餐廳唔算好坐，傾計環就一般，因為比較噪。啲蝦嘅處理不過，都爽脆身，明太子沙律醬就太重，食得有點辛苦。鵝肝面夠脆，不過就唔夠香，應該同原材料有關。天使麵整體ok的。未有試食。。。不作評論。

今日開OT收工之後已經攰到死冇打算返屋企煮飯！同老細一齊漫無目的由旺角行下行下就去到油麻地，都有條橫巷仔就見到有一間意大利粉屋裏面超多人！剛剛有張二人枱埋單咁就唔使等有飯食！老細要咗個蒜片蜆肉炒意粉餐，我就要咗個黑松露牛肋肉粒炒意大利飯餐！粟米湯凱撒沙律蒜片蜆肉炒意粉- 蒜香味濃郁、蜆肉鮮甜，😋黑松露牛肋肉粒炒意大利飯超多黑松露醬，淡淡香味濃郁，只係少咗一啲牛肉粒呢間餐廳絕對可以encore！超所值

星期日放學早左，原本放7點，但5:30點就放左，早左成個鐘，同同學仔去中華書局睇下書，睇完後發現有間餐廳吾多人，順便食埋飯好可愛裝飾西蘭花忌廉湯，好creamy ,好香西蘭花味All day breakfast 薯餅，煎蛋，腸仔，煙肉，蒜蓉包，茄汁豆仲有伴碟沙律薯餅好香脆，多士好多蒜蓉，沙律好新鮮明太子海蝦意大利粉好多明太子，好多明太子醬汁，好濃郁，蝦雖然細隻但好彈牙，整體吾錯BBQ 雞翼，太多BBQ醬，不過都大隻多肉熱情果蛋糕，睇落好似好普通，但原來味道好好味，酸酸甜甜，蛋糕好軟身又滑跟餐凍檸茶加$6 輕輕鬆鬆咁傾吓計食下野，之後返屋企睇電視

最近很忙，但再忙也總要見見好朋友，今天趁朋友在佐敦做完facial，相約在附近這間cafe一聚。餐廳位置十分易找在大街旁的巷子，旺中帶靜。來光顧的人客也十分多，直到晚上九時多還有人客在等位，幸好來得比較早。餐飲裝修帶點英倫風，以深色木椅桌為主，牆上有外國postbox 及標語，頗有特色。食物的種類以西式為主，除了main dish外，小食的選擇也十分多。是次選了set dinner，包一個main dish，餐湯和飲品。我升級了餐湯做龍蝦湯，這龍蝦湯是法式的濃湯類，除了燈紅色的賣相十分吸引外，入口更是鮮甜黏口，令口腔充滿濃濃的龍蝦味。朋友點的是蕃茄湯，內有新鮮蔬菜，渴起來很有田園的清新味道。飲品方面我們點了檸檬生薑茶和凍濃朱古力。檸檬生薑茶是用茶包的，放於特色杯內，給人英國人的那種悠閒感覺。朱古力的味道也很好渴，夠晒濃味又不會太甜，不會像平日街飲到的只有甜味而沒有朱古力味。主菜方面選擇了明太子海蝦意大利粉和香煎帆立貝露荀意大利飯，份量頗大，而且十分美味，吃很很有滿足感。明太子海蝦意大利粉上沾滿明太子和醬汁，明太子的咸香與忌廉汁的微酸，濃稠的口感一流。海蝦的份量也不吝嗇，有八隻，而且預先