Pokka Cafe (青衣城1) (已結業)

準備黃昏入迪迪尼玩前要食定野先，係青衣城食左野先出發，2點幾周圍既食肆都勁多人排隊，就諗起食下扒都好啵，直上POKKA ，等左一陣就有位，睇到餐牌有好多選擇，最後揀左澳洲M7和牛做緊特價，200g~$198(原價$368) 300g~$288(原價$538)，300g share食，好香既牛肉味，肉質好淋，

裝修過後的Pokka都係第一次黎，d位好窄亦無以前坐得咁舒服，而menu仲轉左好多添....以前menu有好多西式菜色，但轉餐牌後無左好多西式菜色，菜色主要都係以日式為主，仲多左拉麵等等....其實我只係想食一個忌廉汁的意粉，但成個menu竟然都搵唔到！最後我選擇叫左一個意大利飯，加$49可以轉餐。轉餐跟一個沙律🥗Order左dinner set的一個軟殼蟹意粉，味道都唔錯！Set dinner仲跟南瓜湯同多士，南瓜湯唔得...轉Menu後多了好多唔同嘅選擇，不論係菜色、飲品還是甜品，不過西式菜色買少見少卻是令我十分失望的地方....

We didn’t preorder cake for friends’ birthday and there’re only cut cake available. The staff were very helpful and thoughtful to put a birthday cake topper and a candle for us. We had a nice evening of reunion. The food tasted good with lots of varieties. We particularly liked the bibimbup

好日都唔會入嚟青衣, 都真係唔太熟悉青衣城有咩食🤔 行咗一個轉之後巡左幾層, 唔想揀啲出邊都有好多分店嘅連鎖食肆, 離遠見到呢間都有幾多人排隊, 雖然明知呢間都係連鎖😅 但係冇乜選擇嘅情況之下都揀咗佢, 食個tea 望一望佢個Tea set, 都成八十幾九十蚊一個, 選擇都算多元化嘅, 甜嘅或者鹹嘅都有，由於當日未正式食午餐嘅關係, 我就揀咗個鹹嘅我叫咗一個雞翼湯烏冬下午茶, 有成五隻雞翼, 估唔到有咁多包埋飲品, 咁就食咗80幾蚊 價錢係有啲貴嘅, 味道可以, 不過不失👌🏻

早兩日約左個朋友係青衣傾野，諗住搵間坐得舒服少少，又有杯野飲下，（除左去個間綠色連鎖又唔好飲既coffee shop之外)。佢就介紹左去Pokka Cafe, 雖然名就聽過，第一直未試過。叫左杯提子梳打，一杯果茶，埋單$100唔洗😃，坐左成個鐘。雖然我地冇食野又坐得耐，但係店員都好有禮貌，下次再黎支持下👍🏻😊

一心諗住去試佢個Baileys 的甜品！早少少去諗住食個early dinner，530去到，已經限時90分鐘要交枱，因為未到晚市時間不用等就直接入坐店內裝修高檔左好多，好多打卡位呢 😆餐牌上的鐵板餐話要6點先開始，咁改拉面啦點知又話冇（原因好似係因為冇食材）最終honey 就叫左一個炸筒$98（裡面分別有薯條、雞翼、魷魚圈+魷魚蘇）出奇的好味，岩曬送啤酒！而我就叫左朱古力甜酒蛋糕$45味道唔錯（不過始終係甜品，甜度都幾甜下）賣相精緻睇得出師傅的用心

小編好中意四處行街 四處尋找美食Pokka cafe一向出名有一味菜頗得小編心😍😍😍登登登登........就系蒜容牛油焗大蜆D蜆真系幾大粒 無咩沙 放心食不過蒜容包得兩舊就少左d囉😥

今日母親節，同屋企人一齊食個lunch,依間餐廳仲預約到，睇menu又覺得唔錯，所以就揀佢。去到見到有母親節menu，價錢唔同都預咗。點左2個母親節餐，另一個係正常menu餐點。同個女侍應落單，指住個正常menu講個食物嘅號碼，佢同我講:「你唔好同我講number,今日母親節啲餐亂晒，我搵唔到！」喂，小姐，我一定喺你間餐廳做，知道晒你啲內部運作啦！你有眼㗎係咪?指住咁你都識睇啦！ 不過算，母親節係唔可以掃興。然後，嚟主菜都未嚟湯同麵包，要追先嚟；點左豬扒同牛扒，落錯單嚟晒2個都係牛扒；然後甜品一樣要追。我撇除要追先嚟嘢食，再撇除嗰個冇禮貌嘅侍應同佢落錯嘅單，其他工作人員係好，坐嘅環境係舒服嘅，只可惜第一印象已經差咗。所以，我唔會再幫襯，何況，青衣城咁多選擇，何需再搵氣嚟受?

去到青衣城，見到呢間餐廳裝潢精緻，一看竟然是Pokka Café, 剛好下午茶時間，就入去食個甜品下午茶！餐廳環境精緻舒適，黎影相打卡一流！更有咖啡可以買走！有兒童餐具提供，大愛！一睇餐牌，不得了！樣樣都想食！無論甜品或主菜，款式多而且賣相非常吸引！而且價錢合理！由於我和老公其實不太餓，只想坐下飲杯野，就只叫左一個tea set 食！老公比我揀，我一定揀我至愛窩夫啦！藍莓窩夫伴雪糕！窩夫外脆內軟，好好味😋咖啡香濃，滿足的一個甜品下午茶😋

收工入咗青衣搵住青衣城嘅同前同事食飯吹水，我揀咗我'Likey嘅Pokka Cafe。成8點半閒日都等咗10分鐘位，幾爆場呢。點了以下okka cafe :💗酥皮海鮮湯 超好飲超好飲。個酥皮波波夠大個，又夠鬆夠脆。入面有勁多海鮮!有原隻大蝦。個湯底夠晒杰，有龍蝦膏味，夠晒濃郁，正。💗焗豬扒飯 佢個芝士醬好正，完全係Pizza果種獨特芝士香味。茄醬同蕃茄都好多，飯底夠晒入咪。只係舊豬扒overcook左小小，不過焗飯黎講都正常嘅~💗利馬風味帆立貝龍蝦湯米意粉 100分100分好食。龍蝦湯好夠湯，龍蝦味超濃。米意粉真係第一次食，一粒粒口感獨特，又夠腍滑，索晒d醬汁正。帆立貝又夠晒嫩口。💗蒜蓉牛油煮大蜆，新鮮。💗悠閒全日早餐: 材料好豐富，正。香油鮮奶炒蛋 ，夠晒滑溜，正。烤腸 ，呢隻腸唔夠香草味，普通。火腿 ，正常。炸薯餅，我最愛，香脆。 蕃茄汁焗豆 ，正常。鮮蕃茄🤤勁好食嘅一餐。

青衣城同我住既地方相差距離 車程不到20分鐘特意同老婆過黎青衣城行下街拍拖係青衣城2樓發現 既Pokka Cafe 係橫裝方面已經吸引到我同老婆走入去試下餐廳採用工業式風格裝飾  一塊大型Coffee字掛係牆身  一個個燈泡吊起  頗有情調餐廳內卡位很多 好多梳化位 樓底好高 桌椅都好大  坐得舒服而且私隱度都好高  無論情侶 閨密 甚至一班朋友都好適合過黎用餐首先同老婆分享酥皮海鮮湯 旁邊有個小餐包酥皮海鮮湯是即叫即做 大大個酥皮焗到好漲 賣相吸引海鮮湯用料很多 有尤魚 帶子 青口 蟹柳 同鮮蝦 湯底係龍蝦湯做 所以整個海鮮湯都好新鮮酥皮放置左1陣都唔會咁快冧  咬口皮脆明太子三文魚鐵板香味飯材料相當豐富 有洋蔥 青豆 靈芝菇 粟米 飯上有三文魚同明太子係米飯粒中包含了日本飯素 咬入口中有一點點咸味 三文魚是煙燻的 滲出一點點油份 將所有食材放入口 増加一點點香味而且口感豐富鮮蝦芒果沙沙及牛油果溫泉蛋三文治整道菜都好健康同Fresh 麵包鬆軟 鮮蝦肉感彈牙 溫泉蛋入口勁滑 芒果沙沙不太酸 同麵包鮮蝦一齊食 味道搭夠  食到咁上下 同老婆分享杯凍Tiramisu咖啡 入面好多果凍  飲

想係青衣搵間好坐啲嘅，所以就嚟左呢到啦食物種類都算多，牛扒、意粉、三文治、甜品乜都有，唔驚揀唔到野食首先叫咗個酥皮海鮮湯$68 ，湯底係龍蝦湯，濃郁又鮮味，而且配料都唔少、有蟹柳，蜆、魷魚等等，好豐富之後再嗌左個鮮蝦芒果莎莎及牛油果蛋三文治$78！芒果鮮甜唔會酸，配埋鮮蝦一齊食，感覺清新👍🏻另外仲叫咗個西班牙海鮮飯$148，份量超級多，入面有蝦、蜆、帶子、魷魚等等，好豐富呀最後叫多杯Tiramisu 咖啡$55，成左餐超滿足呀！

難得娘親大人能丟下孫女， 兩母女在青衣城逛到腳軟， 就選了Pokka Café用餐兼歇腳XD還沒光顧過新裝修的Pokka Café， 外觀看起來更有特色！輕量版的凱撒沙律， 沙律菜新鮮爽脆， 加上自選配料牛油果、煙三文魚更豐富， 開胃之選。最愛的酥皮海鮮湯， 用料有帶子、蝦、魷魚等等， 湯頭香濃口味偏重， 用酥皮沾著吃剛剛好。上桌時還冒著煙的香煎牛脷， 遠遠已聞到香氣， 入口全是濃濃的牛香。頗為期待的西班牙海鮮飯， 兩隻大蝦加上大蜆、魷魚、帶子等賣相滿分， 加入小橄欖和檸檬汁提味 令味道更加香濃不膩， 唯一美中不足的是西班牙飯口感較濕，如能再乾身一些會更好。蘋果金寶配雪糕， 面層是雪糕球加脆脆， 底層是溫熱香甜的蘋果粒粒， 一冷一熱、奶香配上果甜非常搭調。主餐牌外的晚市套餐也頗吸引， 下次再試~

✿╮❤╭✿ ✿雜感女生   好味日記✿ ˚*•✰。Pokka Cafe．邪惡式好味。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 青衣城是一個方便我SHOPPING同食野放鬆的好地方 最近又是OT又是幫老闆準備出TRIP的事忙完一星期，便在放假的一天去Pokka Cafe放鬆一下此店有套餐也有單點 套餐抵食，單點又有特色整體質素有水準番茄青口濃湯(套餐內容) 香濃開胃，而且有吃得到的青口粒粒味道很不錯凱撒沙律($78單點)自選配大蝦及煙三文魚 每款加配只需15蚊，實在夠抵 大大碟fresh到爆的菜菜子配海鮮香脆麵包粒好好味，實在令人一口接一口香煎上級紐西蘭肉眼配香草燒汁配意粉 肉質鮮香，醬汁惹味 自選7成熟，既有GRILL香，又有肉汁 簡直是眼肉愛好者必食 重點：套餐才$190有找！意粉可選飯，配飲品、沙律/湯抵食！蟹膏海鮮龍蝦湯稻庭烏冬(單點) 太濃香太邪惡了 湯水啖啖都是蟹膏龍蝦味 加上香滑的稻庭烏冬 簡單令人無法抗拒，本小姐是湯怪也是海鮮

青衣城呢間pokka非常就腳，就係廣場入邊！朋友非常肚餓，就叫咗兩個飯餐、薯條拼盤、湯飲同飲品！鐵板紐西蘭牛柳，呢個set餐幾抵食， $158 ，有前菜沙律、湯飲、飯同飲品。牛柳味非常濃郁，👍🏻不過就熟左啲，如果唔係就perfect！加咗$24升級黑菌海鮮湯，帶子夠多，而湯味香濃龍蝦茄膏味！😋而我買咗明太子煙三文魚香味飯，呢個飯本身已經加咗啲係香味粉，所以炒過陣，唔使再加太多其他調味醬汁！三文魚同明太子本身味道已經夾，再加埋啲爽口蔬菜，好味！酥皮海鮮湯，入面啲海鮮非常之多，有青口、魷魚、帶子、蝦等等，非常滿足！朋友要求點呢個小食鐵桶，有炸魷魚、炸薯條同炸雞翼，份量都好多，好彩炸得唔燶！最後，為咗減輕我嘅熱氣，我帶咗個熱水果茶，莓果味好香濃，夾埋淡淡的檸檬同蘋果，飲落酸甜舒服，順便清下熱！