Potato Corner

營業中

休息中

呢間來自菲律賓嘅薯條聽朋友推介得多，今日行過終於試到😍見到佢有5款口味選擇，真係好難揀，隻隻都好想食呀最後我一個人揀左最細份量2隻味，係sour cream 同cheese🤪一食真係停唔到口呀超級惹味每條薯條都充滿粉又熱辣辣脆口，令人一試難忘

呢間菲律賓過江龍初時嚟到香港大排長龍，因為佢係即叫即製，所以等嘅時間好耐，而家可能熱潮過咗，冇咁多人，所以買完好快就有得食熱辣辣嘅薯條，每一條都沾上好多調味粉非常好食，而且份量都好多，食完仲唔會覺得好口乾嘅感覺。個人好鍾意特辣燒烤，仲有限量嘅白松露同奶油芝士

來自菲律賓的薯條專門店 Potato Corner 提供唔同口味的薯條，mega size 可以揀兩隻味，我揀咗辣BBQ同期間限定的白松露味，兩款味道都十分濃郁，每一條薯條都沾滿調味粉，薯條即叫即炸，香脆唔油膩，而且份量十足，好食過麥當勞n倍

Potato corner 就在我公司附近！成日見到人排隊！今日返工之前見到人少少，就專登去試吓！我選擇了兩款味道的薯條！辣味燒烤同芝士！感覺有點像shake shake 薯條！不過味道更好吃！辣味燒烤薯條真係會食上癮！一條一條不停咁食！yummy x1000

自從這家有名的炸薯條店在香港創店之後，一直沒有機會嘗試！但是看到網上有優惠$10有一個大薯條，便立即去試一試！網上優惠只限尖沙咀和銅鑼灣的分店尖沙咀分店只有一個員工，所以等候的時間也比較久到我買的時後，想要的兩個味道也剛賣完，所以要即刻再炸主要有四個味道選擇：奶油洋蔥，辣燒烤，燒烤，芝士這次選了：奶油洋蔥和辣燒烤味奶油洋蔥：有點像樂事酸忌廉洋蔥味薯片，但是這個洋蔥味較濃辣燒烤：我覺得沒有什麼辣味，反之燒烤味很濃郁，很惹味*薯條本身的口感較結實，裡面濃濃的薯泥。此外，因爲剛炸起的關係企，很香脆可口！總結來說，很好吃的薯條，薯條本身的質感和口味，也很好！而且，因為我用優惠卷的關係，只需$10 ，性價比超級高！

成日行過銅鑼灣都好想試吓呢間薯條，呢日食完車仔麵之後，終於的起心肝去試啦😍雖然個價錢係一定貴過快餐店薯條好多，但平時見咁多人排隊覺得一定要試一試😜本身見到有promotion，如果買Mega或者以上嘅size就可以送炸芝士條🤪但唔好彩地嗰日芝士條已經冇晒🤢 Mega 芝士 洋蔥奶油啱啱炸出嚟嘅薯條，一放落口真係”驚為天人” LOL 因為真係熱辣辣香脆可口，而且啲粉真係好重口味😍😍😍 雖然調味粉嘅味道唔非常特別，但佢咁出色嘅地方係在於粉嘅份量真係好夠，每一條薯條都沾滿左厚厚嘅調味粉！而且薯條雖然炸完但完全唔覺得好油膩或者會炸到軟林林🤩 最後因為我哋要返公司，所以就叫個外賣袋拎左返去，返到去已經凍哂啦。但比同事食佢地都話幾好食，呢問potato corner係有啲料既！🐷

超鍾意食呢間補好嘅薯條 薯條外脆內軟 即叫即整好新鮮佢有四款味道芝士味，燒烤味，特辣燒烤味，奶油洋蔥味我覺得最好食係特辣燒烤味同奶油洋蔥味鍾意食熱浪薯片嘅人一定會鍾意食呢個特辣燒烤味因為佢係勁似熱浪嗰啲辣粉整落啲薯條到超級好食奶油洋蔥蔥味 味道微酸帶甜 好惹味我覺得呢間嘢最好嘅地方係佢哋落啲粉好重手一啲都唔孤寒 令到啲薯條勁濃味

✨超人氣shake shake🍟送拉絲芝士條✨明明開左好耐 都keep住有人龍既人氣薯條！平時鐘意食shake shake既一定會愛上真係食唔停口 好正🤤🤤.🍟GIGA Fries $58（3種味+3條芝士條）薯條份量多 炸得香脆😍味粉包住每一條薯條好惹味叫左cheese , sour cream , creamy truffle最愛係truffle ! 好香松露味又唔會太咸Sour cream酸酸地好開胃 芝士咸香🧀週末限定送既芝士條超好食！有拉絲效果 芝味濃郁😍😍

呢個係期間限定嘅白松露味，尖沙咀分店永遠都好多人，唔係次次都有得食㗎。一拎上手就好大陣白松露味，Shake shake 粉多得過份，個staff仲會博命塞滿一杯，個人覺得好食過麥當勞嘅Shake shake 薯條 🤤

即製既薯條幾時都係好好食🤤加上店員幫手shake 埋味粉令熱辣辣既薯條每條都沾滿滿滿BBQ粉🤤唔似得係麥記有時自己shake到一啲咸一啲淡🤦🏻‍♀️仲有好多款味道隨時隨地想食有得食💁🏻‍♀️.人均消費：$28推介指數：👅👅👅👅👅👅👅👅😋（8.5/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）

Potato Corner早期嘅分店都係外國多，近幾年先進駐香港，一直都有食開。熱門嘅味道有pizza味，chili BBQ味等等。有次去泰國旅行發現有truffle味，一試難忘！嗰陣香港仲未有truffle味，依家就有啦！我地叫左Mega size，兩個人食剛好，而我地當然會點truffle味啦，另外一個味道係BBQ味。Potato Corner嘅薯條都係即叫即炸，所以每次食都一定熱辣辣，非常新鮮！而店員落粉嘅時候亦毫不吝嗇，所以每啖都好濃郁啊！要喺香港食新鮮炸起又多味道選擇嘅薯條其實唔容易，希望Potato corner以後更多分店啦！

POTATO CORNER係我好喜愛既SHAKE SHAKE薯條！自從旺角個間執左之間，通常都係黎又尖沙咀呢間，近K11夠晒方便！講返薯條先，薯條有唔同SIZE揀，唔同SIZE就可以決定揀幾多種口味。我就食開$34 ，揀兩款口味(2人分量)。食開都係BBQ味同SOUR CREAM味，因為兩款口味都好岩我胃口！BBQ味好香口好惹味，帶少少辣味，係會令人食上癮架，不過食到最後就會覺得咸左D ！如果唔食得辣既可以揀SOUR CREAM, 其實同LAYS SOUR CREAM 薯片個味好近似，又係會食到停唔到口！我最鐘意POTATO CORNER仲有一個原因，即叫即炸，次次食都係熱辣辣，特別好味！不過相對等既時間就會耐左，但好味野食係值得等待的！

琴晚原本約左朋友食飯，但佢突然要ot，搞到我好肚餓。忍唔住係尖沙咀搵啲野食。行過見到呢間食薯條嘅舖頭，之前好多人排，今日可能食飯時間就無乜人。我見佢有分三種size，之後可以再揀粉嚟落，今次我就揀左芝士同燒烤味同埋中間隻size ($34)。都等左五分十分鐘先拎到手，因為佢係新鮮炸架啲薯條🍟。拎到手見到都好大份，啲粉都好重手，一啲都唔孤寒。雖然食落唔係幾夠熱(唔知點解)，但係都好令人一條接一條咁食落去。下次都可以試下其他味！

成日想幫襯potato corner ,但每次唔係太夜閂左門就係岩岩係第二間餐廳食到飽哂冇機會試，今日終於第一次幫襯。果然冇令我失望！今次揀左最細既size，sour cream& onion口味，兩個人share, 作為食晚餐前過下口癮，份量足夠，首先拎上手已經係滿到就跌出黎，非常吸引。唔單止薯條份量多，粉亦俾足，食到底都淨番好多粉，雖然食到底會偏咸，但仍可接受。薯條食落唔油，粉既味道偏濃，一啖接一啖，無停過咁濟，好快就清哂。

食飽飯仲去食薯條？有咩咁特別先？可能我就係俾佢既特別味道吸引到er….麥當勞嘅shakeshake薯條我已經覺得好好食架啦，但呢間由菲律賓來嘅薯條又真係同麥當勞可以平起平坐呢。.揀最細size嘅話係冇得揀多過一隻shakeshake味嚟食，所以就揀呢隻size薯條即叫即炸,倒落個大圓筒入面同粉一齊撈勻🔹Mega Size $34•特辣燒烤味真的幾辣幾香,喜歡辣的你實喜愛•限量版奶油芝士味奶油味不重但芝士算濃所以有點蓋過奶油味了•薯條偏幼身,每條薯條都痴滿粉,很容易會一直食一直食．成杯薯條份量都幾多，會食得飽☺一個字「正」！