Primo (已結業)

呢間西餐廳真係好適合傾偈！😍裏面環境舒適，坐得闊落，有呢d位同sofa 位，加上晚餐時間唔算多人🤓呢度比較主打既會係pizza同意粉～🍕Pizza可以根據自己想要嘅材料配搭🍝至於意粉可以選擇想食嘅麵條，再配上佢哋自家製嘅醬汁💁🏻‍♀️嘢食嘅份量都幾多，價錢仲比普遍西餐廳平🤩而且仲有happy hour可以飲返兩杯🤪帶子，蝦及煙肉卡邦尼醬with 扁麵條$118大大件帶子同蝦，卡邦尼都濃郁，上面仲有芝士添，意粉煮到啱啱好，彈牙😉薑汁香橙蜜汁雞翼$82你平時蜜汁雞翼多咗香橙嘅味道，皮甜而脆，熱辣辣食，淡淡雞汁😋甜薯條配芝士醬+甜酸醬$62感覺你係普通薯條健康🤣而且幾特別，本身就係甜甜地，又脆又長，我自己覺得比較襯甜酸醬😌Cappuccino cake ☕️🍰$62比到一個驚喜我，有幾層嘅滋味，cream好幼滑，真係有Cappuccino嘅感覺🤩

告士打道每逢weekend 就變得人流稀少，最岩去搵間餐廳 happy hour。Primo 主打輕食酒吧、餐廳，啱晒我地chill 吓。餐廳分為上下兩層，座位不多，一半是四人卡位；另一半是高身枱，一貫的酒吧風格，沒有花巧的裝潢。既然happy hour, 我們都order 輕食為主。伴酒小食「煙肉帶子串」 $99帶子略嫌細粒，幸好質感彈牙；味道鮮甜，美味可口的芒果醬汁亦是亮點。熱帶煙三文魚 pizza煙三文魚、菠蘿蜜淺、芒果甜酸醬、洋蔥、甜椒、水牛芝士及番茄醬 $150我最看重是pizza 的麵團，而有質素的pizza 往往都是師傅在這方面落過不少工夫。等了約十五分鐘後，熱烘烘的 pizza 終於奉上，我們已急不及待將一片pizza 拎上手，看著鬆軟帶煙靭的麵團加上豐富的材料和溶化芝士，令我十分之期待。餅皮厚薄適中也是關鍵，以蕃茄醬、芝士、火箭菜提味，口感十分香脆，熱度十足，推薦。以Happy Hour $88價錢，感覺選了兩杯 cocktails。Flamingo Gin，grapefruit juice, ginger , liquor peach 以水果為主調，以甜味帶出輕輕的

出去銅鑼灣買完嘢後，如果冇訂枱又想食好啲啲，通常都有一定困難的！所以我哋就行咗出告士打道往灣仔方向嗰邊嘗試搵吓有冇啲正嘢食！因為見嗰頭人流唔算太多！就係咁俾我哋發現咗 《Primo》呢間酒吧餐廳…😍😍😍呢度同一般酒吧餐廳分別不大，但係食物質素絕對唔差得一啲比較高級少少嘅西餐廳！當晚我同朋友點咗煙三文魚他他 、意式開胃拼盤及帶子、蝦、煙肉卡邦尼寬條麵！個拼盤都好足料的，有煙三文魚、辣肉腸、Parma Ham 、芝士、酸黃瓜、車里茄同麵包，樣樣都好好食，如果個芝士變成軟芝士就更好啦！而個煙三文魚他他就非常之 Fresh 的，主要係用蕃茄同牛油果混入少少煙三文魚造成的，同樣配左麵包加沙律菜！最正係個 Pasta，非常之 Creamy, 而且芝士味都好濃郁, 帶子又夠鮮甜，因為朋友話今晚唔想飲酒，所以就冇叫到嘢飲，不過整體來講都真係唔錯，食咗三樣嘢埋單都係四百蚊，喺同區來講都算好抵食！性價比都好高的！👍🏻👍🏻👍🏻

今個週末同好姊妹黎嘆pizza😆😆😆一入去見到個大型烤爐就已經開始期待呢度既薄餅水準 😍😍除左薄餅之外，pasta都係呢度既熱賣菜式！！！所以我地決定各選一款口味，另外點左一份炸蕃薯條做小食一齊分享 😁😁呢份蕃薯條既份量都唔少，配上兩款醬料~即炸即食，超香脆✨✨我地點左夏威夷風味既薄餅~十吋既薄餅上有豐富既配料！批底厚薄適中，仲有拉絲效果添：）而pasta既配搭彈性非常大！！我地要左一款海鮮卡邦尼口味既pasta～所選既pasta為緞帶麵，平日較為少見！呢款係一款較為粗闊身既麵條，掛汁之餘仲好有咬口添 ✨✨雖然飲品方面以含酒精的選擇較多，但亦有不含酒精的飲品提供是日不用酒精只喝茶的我已覺很chill呀😆😆😆

黑松露大啡菇湯 💲58大蝦牛油果沙律 💲99西班牙辣雜錦海鮮汁意粉 💲138反烤蘋果撻 💲62✅ 舀起一啖濃稠嘅菇湯，放入空心嘅迷你麵包滿滿滋味🤤✅ 雜錦海鮮有齊魚蝦帶子青口同魷魚，相當足料；而意粉可以自選扁麵、寬帶麵、意大利麵同緞帶麵四款，今次揀選嘅緞帶麵微微煙韌，口感唔錯🍝✅ 反烤蘋果撻顧名思義就係蘋果係底，撻皮喺面🥧 雲呢拿雪糕令整體層次昇華🔝👅Taste：7.25/10💰CP值：7/10🙋🏻‍♀️Service：7.5/10👁‍🗨Stylishness：7/10

朋友介紹話呢度Pizza好食，所以就嚟試試～真係好得喎！叫咗個墨西哥雞肉及西班牙辣肉腸薄餅$150，即叫即整，熱辣辣嘅薄批非常香脆，佢係水牛芝士同埋香辣番茄醬汁底，辣辣地非常過癮，再配上雞肉、辣肉腸、甜椒洋蔥等等配料，一共有六嚿！分量十足～仲叫咗個煙肉帶子串$99，有四件，帶子大大粒啖啖肉，連埋煙肉配上芒果醬汁一齊食，又係好美味！薑汁香橙蜜汁雞翼$82，一共有六隻，唔係好食得出有薑汁嘅味道，係香甜嘅香橙蜜汁，非常特別，又甜又脆咁～甜薯條配芝士醬+泰式甜辣醬$62，其實即係炸番薯條，同一般薯條唔同。一食就停唔到！整體來講非常滿意，下次可以介紹啲朋友再嚟！

Antipasti platterSmoked Salmon, parma ham, salami, feta cheese w/mini pitaPita包焗得好香 外皮少少脆 入面好soft好岩夾住啲三文魚/parma ham同cheese嚟食個salami好香炭熏味 唔會太咸 Meat lover pizzaPepperoni, bacon, ham, sausage, mozzarella cheese個tomata sauce係好fresh 甜甜地 夾埋啲咸咸香嘅topping 令到成個冇咁重口同解膩再加埋拉絲嘅芝士 好邪惡啊 個邊都烤得好香脆 厚薄適中本身嗌咗apple Tart tatin 可惜咁啱有少少事發生咗所以轉咗做Apple crumble但都好好食烤得軟糯糯嘅蘋果特別甜 再加上肉桂粉 好香配埋餅碎 口感好豐富

某天同朋友路過灣仔shopping,之後見到呢間門面好靚好grand既餐廳叫primo,我地入到去職員好快就安排我地入座仲問我地想坐邊度，最後揀左高既吧台位，餐廳好有情調，我地叫左一碟意式開胃拼盤，入面有煙三文魚，巴馬臣火腿，莎樂美腸，香草菲達芝士質感硬身d入口香濃芝士味突出，醃黃瓜好脆好開胃，車厘茄同迷你麵包，迷你麵包脆卜卜小編好鐘意，另外叫左個10吋食肉獸pizza,regular,個pizza皮好脆，手工制pizza味道同份量真係岩岩好，最後梗唔少得芒果芝士蛋糕，擺盤精緻，芒果味濃。

同朋友好耐冇見，食餐飯都可以吹好耐😂呢間primo係銅鑼灣同灣仔中間😂好彩朋友帶路，唔係應該蕩失路😢🔥食肉獸薄餅 $158👌🏼作為食肉獸嘅表表者，我點可以錯過呢個pizza😳即叫即製係要啲時間等架喇～熱辣辣個陣一拎起仲拉到絲架😇入面有意大利辣肉腸，火腿，煙肉😍真係啖啖肉！好鍾意佢上面啲火箭菜🥰個陣獨有嘅香味係幾正喎！同埋佢蔬菜同肉嘅比例都啱啱好～有肉有菜balance 返～🔥美國牛肉芝士漢堡 $148👌🏼真係久唔久就有鋪癮食漢堡🤣呢間都好鬼大份！最正係可以配甜蕃薯條😍炸到脆卜卜卦入邊啲番薯又好甜！至於個牛肉漢堡🥰啲肉汁係好飽滿嘅～同埋好愛佢啲芝士！有蛋有菜仲夾住啲煙肉，幾層滋味！值得一讚佢哋啲腌黃瓜，我居然冇挑出嚟，真係食晒！做得幾好喎👍🏻

灣仔新開的意大利餐廳，主打pizza同意粉，醬汁意粉自由配搭。環境方面，上層比較暗，所以都幾有情調，樓梯位就有啲霓虹燈打下卡。.《煙三文魚, 葡萄柚和石榴沙律》$83沙律🥗黎講都幾大碟，醬汁用左泰式沙律醬，好少食呢個配搭，但食落都唔錯。《香草醬和羽衣甘藍熱那亞醬》$118呢度醬汁全部都係自家製，感覺比較新鮮啲。不過，唔知點解意粉🍝偏短🤔《墨西哥雞肉及西班牙辣肉腸薄餅》$150鍾意食辣嘅可以叫呢個Pizza，辣度夠，亦都好足料。不過，略嫌差少少墨西哥香料。

今日父親節去左灣仔碼頭區海旁打卡，之後諗住沿住告士打道慢慢行去銅鑼灣搵野食，跟住行到去灣仔運動埸對出位置見到呢間Primo價錢同環境都幾吸引，就簡左呢度食LUNCH。餐廳一共有兩層，見下面座位都闊落就當然坐下面啦。一入呢間餐廳就見到個超大圓型焗爐就知一定要點PIZZA啦，而食PIZZA 我就最鐘意食芝士，所以就叫左個四式芝士PIZZA。 手工薄批嘅餅底烤得香脆，未來肉早餐入面嘅未來肉香腸無論賣相同口感，都同漢堡扒好似，建議大家以後都可以試試，為動物出一份力。呢個係用嚟點熱香餅Primo 牛角三文治幾好食，煙三文魚同牛角包的碓係最佳嘅配撘。而呢度食LUNCH 估唔到仲可以免費添飲果汁，咁喺呢個大熱天時都唔怕口渴啦。

呢間餐廳既pizza真係幾好食係手工pizza 薄薄地既餅底😄烤到好香 用烤爐烤既 唔似一般用焗爐焗果種味道👍👍👍令我諗起去旅行果時食到既pizza既味道叫左夏威夷pizza有菠蘿, Parma Ham, 火箭菜等等 再碗上酸酸甜甜既蕃茄汁 都幾正😋另外仲叫左個芝士牛肉漢堡配上沙律菜同薯條 成個餐勁豐富好好味😋個漢堡排上面有太陽蛋一切開蛋黃就流落黎 漢堡排都好Juicy 仲叫左兩杯啤酒🍻望住外面既景 吹下水 幾chill員工既服務幾好 唔錯 下次會再黎食pizza值得encore！

收工同同事食啲嘢, 見附近嘅Primo有happy hour優惠, 於是去試新野<Classic Marguerite Pizza>兩個人食嘢最好揀啲容易分享嘅嘢食, 大食妹就嗌咗呢個經典馬格麗特薄餅薄餅嘅成份非常簡單, 主要有新鮮蕃茄、水牛芝士同羅勒薄餅應該係手工製作嘅, 薄餅餅底非常煙韌, 味道唔錯<Scallop, Shrimp and Bacon Carbonara>同事就嗌左份卡邦尼意粉意粉方面我哋揀咗扁意粉, 食落更有咬口醬汁係由大蒜、白酒同奶油製作而成, 味道少酸好開胃, 而且非常creamy<Yellow Submarine>黎到酒吧唔飲番杯又點對得起自己Yellow Submarine用咗Vodka做酒底, 再混合芒果、菠蘿同橙汁等等生果口味味道甜甜地好fresh<Warner’s Rasberry & Hedgerow Fruits Gin>同事就嗌左杯Warner’s Rasberry & Hedgerow Fruits Gin再加tonic water, 大食妹就覺得酒精感偏低, 初學者都適合飲用

2021年6月7日 星期一今日放咗工之後同老婆打算出街食飯，於是就喺網上面搵下有咩餐廳好食，竟然俾我發現呢間餐廳，由於位置處於告士打道，無諗到嗰度都會有餐廳，通常都較容易忽略，所以一直以來都未試過，就直接去睇下可唔可以walk in由於我哋去嘅時間尚早，所以餐廳仍然有位置，見到裝修得好有氣氛，最岩情侶拍拖一齊去餐廳主要係食意大利菜，所以餐牌上面都有各式各樣嘅意大利菜式，價錢都唔算太貴，仲有好多款式可以選擇，甚至連沙律都有五款添，最後我哋要咗兩個主菜同一個小食小食方面呢一款係脆炸蠔菇，屬於菇類嘅其中一種，比起雞髀菇幼身少少，外皮炸得好香脆，但係咬落去仍然充滿水份，點埋沙律醬或者酸辣醬都一樣滋味之後有pizza，我哋選擇左夏威夷薄餅，餡料有巴馬火腿、菠蘿蜜餞、水牛芝士同番茄醬等等，烤得非常香，每一啖都食到唔同既餡料，既食到蕃茄醬嘅酸味，又食到菠蘿蜜餞既甜味，酸酸甜甜，味道配合得啱啱好，真係有夏日嘅感覺另一個主菜就係美國牛肉芝士漢堡配炸番薯條，原本淨係諗住漢堡裏面嘅配料只有牛肉同芝士，但係竟然仲有荷包蛋，而且仍然保持流心狀態，一切落去蛋汁就流落去下面嘅牛肉同麵包到，一啖咬落口會食到蛋汁同牛肉

在會展 參觀完展覽之後, 和朋友行返去灣仔novotel酒店, 在附近發現了這間隱世的 意大利餐廳。 餐廳設置傳統石窯 火爐烘焗pizza😍😍😍， 這款焗爐焗出來的pizza 是又正宗又好吃。 看看餐牌上的價錢經濟又實惠， 而且餐點份量大cp值高。Seafood gambas西班牙蒜香什錦海鮮汁意粉意粉選擇了緞帶麵， 比扁意粉寛身一些， 更容易掛汁， 蒜蓉味香香辣辣， 醬汁清爽不肥膩， 加上魚肉 、青口、 蝦、 魷魚， 不同的口感的海鮮， 層次和味道都很豐富。Hawaiian pizza夏威夷薄餅充滿驚喜的正宗pizza，巴馬火腿 鹹香十足 ，菠蘿蜜餞 酸酸甜甜帶有肉桂味道 ，水牛芝士 和火箭菜 添加清新感覺。 pizza餅底煙煙靭靭， 炭火燒烤味道 香氣十足。Mango cheese cake芒果醬芝士蛋糕配新鮮水果完美的晚餐當然要有甜品， 芒果醬口感清新舒酸甜甜， 芝士蛋糕味道濃沃，結實順滑不鬆散， 配搭清新莓果， 平衡芝士蛋糕的油膩感， 實在是不錯的選擇。