Puzzle Dining & Cafe (已結業)

之前呢間舖係喺馬鞍山泳池附近，依家就搬咗嚟人流比較多少少嘅MOSTown舖位👀我喺舊舖同朋友食過幾次，質素都算唔錯，嗰時又有live band，好有氣氛！ 不過搬到嚟新舖就無live band啦🤷🏻‍♀️ 裝修都唔同咗，轉哂風格😗呢間嘅食物價錢一向都偏高少少，午餐由$68-$128不等，外賣自取可以享有八折優惠，我就追加咗$15小食🤭❤️ 粟米忌廉湯 (跟餐送)質感濃稠，食到有幾粒粟米，忌廉味濃到幾乎飲唔到粟米味🤔 雖然分量少，但飲完都幾有飽肚感！好飲度：⭐️⭐️✨ (2.5/5)❤️ 親子丼 $68雞肉無乜調味，但火候ok，無煮得太韌！因為啲肉無乜味搞到雞蛋都冇乜味😬 另外食食下覺得有啲dry，無汁可以撈飯🤔$68嚟講我會期待質素更好😶好食度：⭐️⭐️✨ (2.5/5)❤️ 彩椒菌片煙鴨胸芝士汁焗飯 $78呢個芝士焗飯味道有別於平時茶餐廳食到嘅焗飯，芝士汁溝咗兩款芝士，芝士味濃郁，有少少拉絲效果！ 飯底就係淨白飯，感覺上無乜點焗過導致啲飯唔太有味😅 煙鴨胸片都幾多，配埋彩椒菌片同芝士，好似食緊pizza嘅toppings，但今次係配飯食🤣好食度：⭐️⭐️✨ (2.5/5)❤️ 炭燒雞肉串 (兩串) $15

因為想支持旺店，所以就去咗呢間餐廳食！以前都去過一次，嗰時喺游泳池隔離嗌咗個新年感覺嘅5號餐，有鮑魚有蝦好似幾開心喎咁多海鮮，見佢價錢118應該都幾足料！上枱個樣都靚仔嘅，正如大家所見有好多蔬菜類，原來揭開之後入面都係大量蔬菜，得兩隻冇乜味嘅鮑魚仔，同埋兩隻超級彈牙得來完全冇蝦味嘅蝦😔😔就知道非常失望，我以為18種其他精選食材係會有其他海鮮或者肉，但係原來全部都係菜😭😭都幾失望！我覺得呢個真係收得貴咗啲因為佢嘅質素真係比較差......見到朋友嘅黃牛粒餐，都係繁多牛肉粒好少🥺隻蛋蛋就幾靚嘅不過我覺得呢個價錢就唔知算唔算值得😣呢度選擇比較少，加咗兩串雞肉串$15 ，質素OK，應該都係將啲現成嘅雪貨番熱？其實呢度嘅人服務態度好好感覺環境都算OK，不過性價比都真係幾低.. 希望佢加油改善一下 💪🏻

放假同男友入馬鞍山拍下拖行到食Lunch時間經過呢間大大隻字寫住”和你啡”嘅餐廳, 入面又有啲人流, 就決定膽粗粗試下.....點知😥😥😥😥👎香煎煙鴨胸配時令蔬菜伴珍珠白飯擺盤呃得下人,但實際上唔係幾得😓首先個鴨胸係完全冇切,又食唔出有所謂「香煎」過... 最失望係個飯同啲雜菜都唔熱, 究竟碟野擺左幾耐先上枱😥😥👎雙菜花菌片雞肉芝士汁焗飯呢碟野真係令我無言🙄個樣已經好唔討好,睇得出個飯冇乜點焗過,仲要浸芝士味好臭,好似啲廉價芝士定卡夫夾麵包嗰種芝士味(利申: 我自己本身係芝士控但都頂唔順)😥😥飯係普通白飯底,啲餸都冇乜特別,講真,食落仲差過茶記啲焗飯...同埋本身個飯Lunch Set嘅話係$68連埋湯或田園沙律,而Tea Time (after 3pm)嘅話就$60咩都唔包.. 我地準備落order時係2:5x pm😐不過我地想有埋湯所以冇等到Tea Time.. 嗰日個湯係粟米忌廉湯, 點知上枱勁無奈, 個湯份量少到可憐(冇飲過, 就係得下圖咁少😐)然後勁稀同得幾粒粟米咁大把😓😓咁樣點睇都唔值收貴$8....結果我地都食唔哂個飯..真係太難食🤢食飽少少就急急腳俾錢走再去第二間食🥲🥲

2021年1月1日星期五，新一年缺少了除夕倒數的煙花😢，但是有點可惜。新一年中午，在Puzzle Dinning & Cafe 這裡同樣可以尋找到創新的酒店級菜式。🙌🙌👍👏當天選了泰式🇹🇭雞扒配白飯，雞扒的肉質非常肥美，而且雞皮不會太過堅韌👏👍，可以保持到彈牙的感覺。而且白飯配上一些蔬菜和泰式酸辣醬，非常飽滿，但是泰式酸辣醬不會太酸，亦不會太辣👏👍。蔬菜用料，有菠蘿🍍、薯仔🥔和翠玉瓜。製作的過作，不但保持到蔬菜的纖維，而且還有豐富的菜汁。

今年過著一個非一般的聖誕節。心情長期處於忐忑不安。趁亞囡今早不用網上返學，同她出來唞唞氣，拍下拖。餐廳環境十分整潔舒適，一坐下令人有一種親切嘅感覺。呢度嘅早餐好特別 、好有心思早餐A：環遊亞洲腸粉，醬汁揀咗韓式芝士醬+ 煎雞蛋呢個Fusion好特別，首先腸粉超滑有口感，配上香濃嘅芝士醬，仲有流心雞蛋，撈埋一起好好味。早餐B : 珍寶鬆餅配田園沙律濃濃嘅朱古力味鬆餅，外表香脆內裏鬆軟，食到中間仲有流心朱古力醬，超驚喜，囡囡非常喜歡這兩個早餐.當見到一杯拉花 LATTE 、隻杯同匙羹都好靚，一邊品嚐一邊望著外邊香港街景，好像解開了一些鬱悶.........食完早餐，心情豁然開朗。呢度真係一個唞氣嘅好地方！

今日約左男朋友去行山⛰去左馬鞍山附近終於可以試下呢間裝修甘靚既餐廳 每次經過都覺得好整齊好靚😍‘Puzzle Dining’一入到去果然冇令到我失望 因為有個用puzzle砌既 熊本熊同埋泡泡龍😍好岩打卡呀同埋我哋真係好L鐘意Hong Kong💛環境都令人好舒服呀😚又衛生👍🏻我地嗌左「煙三文魚碎蛋沙律配香滑洋蔥汁」😍沙律落左最夾既麻醬😳煙三文魚超級新鮮經過煙燻過後香味更加濃郁😚碎蛋係方型既而我就叫左個有👍🏻既「生薑燒豚肉丼配蝦串及溫泉蛋」🤤有三隻大大爽口既蝦🍤個汁甜甜地連埋隻蛋撈飯好正😍😍豚肉仲要勁足料好多塊🤩食完一定好飽因為好大碗🤣仲有個蘑菇餐湯 連平時唔飲湯既人都飲哂🤣同埋叫左個招牌「E18 Blend」👍🏻就算未飲齋睇個賣相都值得加分🥳相當提神亦都唔酸 超濃咖啡香味 仲保持住冰凍既感覺 一定要去試下🥸

馬鞍山的最佳餐廳，依家終於有埋早餐呀~我地呢D死忠FANS，一定要快快落O黎試下先。新店比較近市中心，而且好光猛，整個環境非常之舒服，暫時早餐時段都唔算好多人，所以就想堂食，趁熱辣辣食個早餐，有個好開始先~店內的砌圖，都係PUZZLE同事的心血~好欣賞佢地既用心台式肉燥腸粉配煎蛋$36     豬腸粉就食得多，PUZZLE呢個FUSION 早餐，揉合台式港式的精華，肉燥加入腸粉，我LIKE呢個新嘗試呢~真真台港連成一線呀~!煎蛋厚厚的，有口感而且撈埋個黃~仲正。龍蝦湯螺絲粉配日式叉燒及溫泉蛋 $50     湯式又香又濃，而且螺絲粉的質地都煮得剛好，叉燒厚也大片，有口感呢~加埋有蛋，真係一個健康又好味的早餐，好飽足，呢個做BRUNCH好O岩。 E18招牌咖啡(凍)$48  心情大好的一天, 早上嘆番個虹吸式咖啡，呢個E18招牌，O岩曬我地D唔太頂到咖啡酸味的人。老闆娘教我話咖啡有酸味，先至係好咖啡弄，因為佢係果實，本身就會有微酸的。不過佢地沖咖啡到出神入化的人，就可以有技巧，只帶出咖啡中的香味~~   好精美的杯，真的眼前一亮，食完個龍蝦湯螺絲粉配一個齋咖啡，真係好好的選擇。好心情配好

成日放NoPay都要搵d活動去下，今日約左同事去馬鞍山踩單車，順便支持下呢頭既黃店😍 搵左間係Mos Town5期地下既西餐廳。.Lunch Set大約有8個餐，價錢由$6x-$12x, 今次我地擇左兩個餐 一個沙律一個湯飯，兩個餐都會包括餐湯/沙律, 另外+$15再加左個炸薯條😜 超推介個薯條 又脆又好味👍🏻.▪️蘋果煙鴨胸沙律配日式芝麻汁 $68青蘋果沙律+煙鴨胸同新鮮沙律菜加上芝麻汁。簡單得黎又Fresh, 60幾蚊包餐湯幾抵食👍🏻.▪️鯰魚龍蝦湯湯飯$82呢個真心正😚 鯰魚切成魚片 份量極多之餘 個湯底先真心讚 龍蝦湯味好重 仲有洋蔥粒粒令湯底濃得黎又有點菜味 米飯份量極多 最後仲食唔晒🥺.▪️Hot Latte + $25 & 凍玫瑰奶茶 + $10 跟餐+少少錢就可以擇特飲，玫瑰奶茶少甜帶點香香玫瑰味 ，Latte仲有拉花好有誠意。.餐廳全日免收加一，晚餐同早餐價錢好似都幾抵食😋 下次黎開呢頭再黎支持下先😍

經過馬鞍山，見到新港城中心開咗間新嘅餐廳叫Puzzle Dining & Cafe就入去試下。今次order咗鹹蛋黃單骨雞翼、煙肉芝士焗薯皮、龍蝦汁蟹肉意大利飯配天婦羅蝦，飲品要咗哥倫比亞咖啡，而甜品叫咗五人足球缺一不可。鹹蛋黃單骨雞翼食起上嚟好方便，而且有香濃嘅鹹蛋黃味特別香脆。煙肉芝士焗薯皮就有濃郁嘅芝士撈埋煙肉，再加埋薯皮食帶出唔同嘅層次，煙肉夠香芝士夠濃，會有不斷想食嘅感覺。龍蝦汁蟹肉意大利飯配天婦羅蝦就係鍾意食蝦蟹嘅我一大喜訊 ，成個意大利飯都好有海鮮嘅味道，而意大利飯亦都恰到好處軟硬適中。哥倫比亞咖啡就比一般嘅咖啡更加香濃，而五人足球缺一不可甜品就係五個蛋糕加一 球雪糕，絕對係打卡之選小朋友至愛。

#馬鞍山美食 #小蓮星呑食馬鞍山 #黃色經濟圈 #小蓮星呑食黃店🔻 Puzzle Dining & Cafe 馬鞍山鞍祿街18號MOSTown新港城中心(5期)地下G30號舖///🧃蕃茄芝士牛油果沙律 $68小妹唔係咁肚餓，於是叫咗個沙律食，啱啱又開始返#生酮飲食，呢道菜有牛油果又有芝士，fit晒！蕃茄超級新鮮，勁多汁，牛油果熟度啱啱好，再加上小妹又超鍾意食水牛芝士，成件事就係食唔停口。/🧃地中海蔬菜配三重芝士薄餅 $108朋友叫嘅，訪問番佢，佢都係超級芝士控，呢個Pizza有成10吋，一個人食真係超多。三重芝士芝士味道濃郁、有層次，但係唔會一味死咸，配上橄欖同埋清新嘅車厘茄，同埋一啲地中海蔬菜，即刻冇咁膩。薄餅底係薄身香脆嗰隻，香口得來冇咁滯。/🧃是日精選餐湯 Free今日嘅餐湯係蘑菇湯，聞落去已經勁香菇菌味，飲落係有菇菌蓉嘅質感，而家冬天飲碗湯真係亂笠笠。/🧃虹吸式咖啡 +$18第一次飲虹吸式咖啡，咖啡豆揀左E18招牌，香氣唔算濃烈，少少苦，回甘突出，不酸不澀，口感比手沖醇厚。/////#food #foodie #hkfood #hkfoodie #foodporn #foods

之前泳池間Puzzle搬左黎MOS, 仲好, 近個mall勁多行小步路, 今日去lunch, 見到都多人食都無咁擔心(唔講以為係自己盤生意🤣), 一睇個lunch menu就決定到食邊款啦.🍴餐湯🥣每啖都係蘑菇粒粒嘅足料蘑菇湯, 口感rich.🍴蒜香蟹肉意大利🇮🇹麵 (HKD78)充滿手撕蟹肉穿梭喺意粉當中, 而意粉Al Dente之餘仲帶濃濃蒜香, 加入埋小小菇同燈籠椒粒整體真係好好味.🍴天婦羅炸魚🐟漢堡配田園沙律 (HKD88)超誇張的!! 塊炸魚會唔會超大塊🤣, 天婦羅炸漿脆到一個點, 内裡魚勁滑, 成件事非常juicy <係大件夾抵食嘅必食之選!!!> 芝麻burger bun都正, 夾埋生菜, 蕃茄dip埋自家制(鼓油x黑醋味)醬perfect🍔.🍴虹吸咖啡☕️<哥倫比亞🇨🇴> (+HKD28)大鄉里未飲過虹吸咖啡, 都驚自己唔識欣賞, 但熱心店員話唔苦的, lunch set加28蚊實在抵, 無介紹錯, 唔識講, 杯咖啡☕️刀飲, 肯定係好靚嘅咖啡豆.🍴熱奶茶 (+HKD5)天氣開始凍, 唔飲凍野喇, 奶茶好滑, OVERALL黎講li度製作食物

•鹽燒雞肉配三重芝士🍕濃郁有口感芝士配脆薄餅底咸咸地既芝士 完全唔覺得好膩好好味呀•芝士原條鰻魚飯配蝦串🦐🧀原條大鰻魚淋上香濃重量芝士將鰻魚切開 沾上邪惡芝士就算我平身都唔太受得咁重芝士 你都會收哂貨🧡💛

今日假期，我與家人出去嘆下午茶，這家新餐廳是近日馬鞍山最有名，經常門口見排隊人龍，今日終於可以試下～下午茶有6款選擇，甜品、墨西哥卷、包類，我點了兩款比較飽肚的食物。香港人這個名字令我充滿期待，厚切西班牙黑毛豬扒鬆化，肉味不錯，加上原片燒菠蘿，菠蘿汁令豬扒更juicy，菠蘿包鬆軟，加上田園沙律減油膩，吸引。碎蛋沙律潛艇 長身潛艇，夾著香滑碎蛋沙律，爽甜蕃茄，爽脆沙津菜，完全不油膩，加上潛艇內裡烘得香脆，牛油味令整體更香滑。E18 招牌咖啡冰鎮咖啡，咖啡味突出，香氣濃郁，口感順滑。

疫情又再惡化，已是第N度重啟WFH 的日子，週末到屋企附近超市入貨儲糧後，就在Puzzle Dining & Cafe吃晚餐。以前都已經去過泳池旁的舊店，搬到新店位置更加方便。餐廳環境衛生潔淨，店員態度誠懇有禮，親切週到。馬鞍山區內大都是連鎖食店，流水式作業之下味道單調乏味，因此住了這麼多年都認為美食沙漠的「美名」確是實至名歸的 XD 所以在這區找到有質素的良心黃店實屬難得。餐牌選擇不少，加上全日免收加一服務費，同區來說亦不算貴。北海道吞拿魚沙律 $108賣相色彩繽紛提起食慾，清爽開胃，喚醒沉睡的味蕾。厚切吞拿魚煮至半生熟狀態，入口軟嫩，表層沾上芝麻及黑胡椒，可以增香添味。Puzzle 四重芝士薄餅 $138Pizza 即點即焗熱烘烘出爐，超濃厚的芝士融化後增強了實在感，吃一口下去滿口都是芝士的香。舖滿份量澎湃的芝士可以造出拉絲效果，芝香濃郁，pizza餅底的厚度是簡乎超薄和厚批之間，不像美式般厚實，不會吃得飽飽滯滯。還可以倒下甘甜的蜜糖，甜鹹交錯更添層次感。C.C. 芝士焗薯條配黑松露醬 $78薯條雖然是薄切，但炸得金黃酥脆，保持乾爽不油膩，肉心軟綿細密。芝士牽着掛絲，融化之後更有拉

啲人話馬鞍山係美食沙漠，但呢間小店足以令我改觀，喺門口見到佢嘅餐牌已經足以吸引我入去仲有佢入面環境都幾闊落，成間餐廳有好乾淨嘅感覺，仲有佢嘅佈置一睇就知值回票價餐廳嘅選擇都幾多，有好多款嘅小食，雞翼薯條薯角而我就被佢嘅扇貝吸引咗，忍唔住叫咗份，呢碟扇貝係兩食嘅，分別係蒜蓉牛油同鹹蛋黃醬，蒜蓉牛油令到嗰個扇貝好惹味，扇貝仲幾大粒好有口感，而鹹蛋黃醬係我第一次食呢個配搭，估唔到係咁夾，都好好味主菜方面我哋叫咗扒法國黃油春雞配清香貴妃荔枝，呢個一上枱已經覺得好精美，黃油春雞外皮煎得超香脆，隻雞仲好嫩，切落去仲有啲肉汁添，而佢嘅配菜都好正，尤其是佢嘅荔枝，凍凍地又有一股清新嘅甜味最後仲叫咗杯1664 ，配呢隻黃油春雞真係一流呢間餐廳仲有一個抵讚嘅地方就係店員嘅服務，超貼心又有禮貌，真係加晒分