Ramen Yaichi (已結業)

今日介紹嘅餐廳位於將軍澳廣場，為立食醬油拉麵店，不過放心餐廳會有座位提供。餐廳以日本醬油拉麵專家見稱，由連續5年大阪排名第一的拉麵大師松村貴大獨家調配的秘製醬油湯底，材料由日本直送。🌟櫻花蝦海鮮拉麵海鮮拉麵面頭有櫻花蝦同埋叉燒，會連同清酒以及廣島蠔送上。店員建議先飲兩杯清酒暖胃，然後再食蠔。📌八一拉麵 Ramen Yaichi將軍澳唐德街1號將軍澳廣場1樓Kiosk A港鐵將軍澳站 A2 出口，步行約5分鐘

呢幾日涼涼地，最啱就係食完熱騰騰🔥嘅拉麵🍜餐廳喺商場中間，用日式木系嘅間隔，及燈籠，都幾有日本feel 聽講湯底由大阪排名第一、靈魂級人物松村貴大主理～有日本🇯🇵冠軍級拉麵風味冬日限定❄️ 套餐櫻花蝦海鮮拉麵🍜🦐麵底份量多，湯底清爽鮮甜唔太鹹，上面嘅海鮮有蜆、帶子、櫻花蝦乾、溏心蛋等燒帶子好大隻又鮮甜彈牙，蜆細隻啲但勝在無沙，麵質軟硬適中，就算放得耐都唔會變軟。小食有自家秘製廣島蠔🦪，係大隻脹卜卜，食落creamy 有口感，酸酸地嘅醬汁好夾套餐仲有熱Sake🍶 ， 配海鮮再啱😍

同事知我鐘意周圍搵野食，經過呢間八一拉麵幾吸引咁即刻搵埋我去試下，原來係由日本冠軍醬油拉麵大師松村貴大獨家調配的秘製醬油湯底，餐廳最近推出左冬日限定拉麵 x 清酒體驗，用暖暖地既清酒配上日式海鮮拉麵，咁特別一定要試下啦🌟自家秘製廣島蠔2隻前菜係佢地既廣島蠔，先煮熟蠔肉再以自家秘製醬汁醃製而成，蠔肉好鮮甜，作為前菜夠哂開胃🥰🥰🌟櫻花蝦海鮮拉麵 ($98)好欣賞佢地個湯底超濃郁，未食麵前飲個頭啖湯先啦😎海鮮味超濃，用上大量海鮮熬製而成，海鮮有蜆肉同帆立貝，帆立貝厚肉爽彈，微微炙燒過做到僅熟既效果就最好食😋🌟精選溫熱清酒1杯 冬日限定既拉麵套餐會包左一杯溫熱清酒，食法有兩個: 一係先食蠔再飲清酒，二係將清酒倒落拉麵湯底，令海鮮味更提鮮😍🌟大阪風餃子 ($48/5隻)另外我再加多個大阪風餃子小食，上面加左沙律醬同木魚碎，餃子皮薄餡靚，高質😚

👍🏻 櫻花蝦海鮮拉麵+精選溫熱清酒+ 自家秘製廣島蠔「冬日限定」呢啲字眼永遠都好吸引到我 天氣涼涼哋 最啱就係食拉麵🥰海鮮滿滿 帆立貝、蜆肉、櫻花蝦嘅加持下 湯底十分鮮甜 自家製嘅廣島蠔一咬落去 鮮味爆發 好正呀☺️最特別嘅係套餐附送咗一杯溫熱清酒 店員介紹有兩種食法 1️⃣ 先飲清酒後食蠔 再食面 2️⃣ 將清酒倒入湯先享用 建議大家兩種都試下 別有風味❤️係男朋友面前 攞正牌飲酒 哈哈👻👍🏻 炸軟殼蟹剛炸起呈金黃色狀態 非常脆口🦀入面就有蟹膏 味道鮮美 有邊個可以抗拒注意事項⚠️- 餐廳嘅招牌醬油湯底 係由日本冠軍醬油拉麵大師松村貴調配 值得一試呀！

《日式清酒海鮮拉麵》———————————————#RamenYaichi 🍜 -又嚟推薦比將軍澳友啦～最近留意到呢間喺將軍澳廣場嘅醬油拉麵店重新裝修咗，走木系風格，一改以往立食嘅設計，提供返高櫈比食客，都幾貼心😌-🌸 櫻花蝦海鮮拉麵小店由連續5年嘅大阪拉麵達人松村貴大主理，呢排推出咗呢個冬日限定set，除咗拉麵，仲包咗醬油煮廣島蠔同溫熱清酒🍶 拉麵裡面仲有蜆同青口，幼麵麵質偏硬，可以先飲啖sake再啪隻蠔，然後飲啖湯頭食拉麵，最後仲可以按喜好直接倒啲清酒落去個拉麵度，令湯底層次更豐富😚-🥟 大阪風餃子話明大阪風，果然好有日本feel🇯🇵 整法有啲似章魚小丸子咁樣加上大量木魚絲同燒汁蛋黃醬，味道濃郁🐙 皮薄餡靚，咬落去仲有肉汁，都幾juicy💦-⭐價錢參考：櫻花蝦海鮮拉麵套餐：$98🍌 抵deal 指數：7/10

轉凍喇，系時候食返碗暖熱嘅拉麵🍜！將軍澳廣場嘅哩間拉麵店，裝修簡潔，有D似pop up嘅拉麵店，而座位全部系high chair形式，食客可以選擇立食。小店供應嘅拉麵就一D都吾簡單，今日就試咗新推出嘅拉麵X清酒套餐🍶，都幾特別！▶️限定櫻花蝦海鮮拉麵配清酒($98)哩個價錢🏷️，除咗一碗櫻花蝦海鮮拉麵，仲有一杯清酒同兩隻廣島蠔🦪，同坊間一般要100以上才有一碗的拉麵相比，非常超值！拉麵麵身口感爽口，湯底香濃， 面頭系海量櫻花蝦、帶子、貝類等，內容豐富👍🏻！廣島蠔大大隻，肥美非常，入口鮮味好似爆開咁，兩隻都吾夠喉～職員介紹清酒🍶可以用多種吾同嘅形式體驗，可以在品嚐拉麵前先淺嚐一口，再呷一口鮮味濃郁嘅蝦湯，之後再嚐一口清酒，體驗拉麵味道在清酒前後嘅吾同～之後更可以將清酒倒入拉麵碗中與湯底融合，哩個食法非常特別，食得出湯底嘅變化，而鮮味亦因清酒而有所提升❤️～▶️炸軟殼蟹($78)軟殼蟹🦀炸得酥香，吾洗剝殼一啖咬落，蟹肉和外層軟殼在嘴裡交融，螃蟹滋味非常，非常夾海鮮拉麵。除咗軟殼蟹，小店還提供吾同風味嘅日式餃子🥟，食拉麵梗系要加埋個小食先滿足啦！

主打醬油拉麵嘅八一拉麵已經重新裝修換上木系日本風同埋加咗高櫈，一改立食拉麵風格。湯底係由連續5年喺大阪排名第一嘅拉麵達人松村貴大主理，用上唔同嘅醬油混合、提煉，再加入多款貝殼類海產熬製。今次再嚟就係試佢地個新出限定櫻花蝦海鮮拉麵X清酒setSet入面包括蝦醬油海鮮拉麵、醬油煮廣島蠔、同埋一杯溫熱清酒。店員會係高檯中間嘅通道派送拉麵，一上檯第一時間係聞到清酒嘅清香。店員建議先飲清酒送蠔，再食拉麵。廣島蠔香甜嫩滑，餸清酒真係好夾，好有居酒屋feel。之後開始食麵，食得出係蝦湯混合醬油嘅味道，係甘甜的。配料仲有蜆同埋青口。麵質比較普通，建議order時叫硬麵。最後連湯都飲埋，食個人暖笠笠，比起淨係食麵，先飲杯酒滿足感更大。

點解會高難度呢？TKO呢個商場位置喺星期日午市時段每一間食肆都要排隊等位,唯獨呢間真係做到無客㗎,好奇心驅使是真係想試下點解,真係出事㗎,其實冇心做不如摺咗佢啦,門口收銀得一個夥記,長期戴住個耳塞傾電話打機,要喺門口落order畀咗錢先可以入去坐等嘢食,但個收銀就全程好似唔想做你生意咁,可能係阻住咗去打機,至於嗰碗麵,唔知發生乜嘢事好似有陣柴油味,啲面臨到好似煮咗好耐嘅出前一丁咁,其餘啲小食唔想再提.最後想補充一句,唔想搞唔好霸住個位讓出嚟比其他人做,呢個商場開食肆係冇可能冇生意

以前覺得幾好，間唔中會回頭來食，雖然價錢偏貴，但味道唔算差，加上以前有免費替玉算抵食，而家無咗就少來。而家越來越差，無論食物質素定衛生，真係忍唔住寫負評，好噁心...成日經過都無人，而家終於知道點解...上次坐響度食，部空氣清新機勁多塵仲要擺上食桌，坐的位置對正部機，睇見都唔開胃。座位坐得迫唔舒服都算，食的時侯有好大隻烏蠅飛來飛去，早幾日夜晚經過仲有『老鼠』係出面爬😱😱‼️唔係親眼見到都唔知原來衛生咁差，真係嚇死人，以後唔會來食，blacklist。

總結：伏👎🏻 如果有0分 我都想比0首先呢，我認我係比間店既marketing materials sell到，d拉麵名勁夢幻 令我個腦有晒美好幻想， 可惜，「食落去第1啖👎🏻已經知中伏」1. 瀨戶內小魚干醬油拉麵：- 湯底：出前一丁味 ，淡，唔rich、無層次- 麵質：淋晒 真心既 真心似煮淋左既公仔麵- 豚肉：薄，dry 加埋pepper直頭American style ramen 啲肉咁2. 和歌山橫縞鰹魚醬油混麵:- 完全唔夠，dry到撈唔到- 夾硬撈完之後 無味到呢 淡到不得了- 鰹魚味？沒有。- 醬油？唔夠。- 豚肉係啲頭頭尾尾切粒，唔好食。唯一既地方係，價錢$6X-$8X一碗，故事教識我呢個價位既平拉麵唔好有幻想。😉

book左位但是用餐前一個鐘頭才cancel我的booking。搞到要在tko周圍遊蕩……本身諗住試試看這個新開張的日本拉麵店。大大失望……下次也不會吃這一店。

每個餐可自選多送1個拉麵，好驚喜，我地好珍惜食物，食到先點。推介柚子梳打，勁好飲，員工態度親切友善，充滿笑容，吃拉麵富地道特色，請享受一個露天茶座般的環境，我們會支持小店，下次再來光顧。

立食壽司在香港已經出現了一段時間，去年底，又多了立食拉麵。位於將軍澳廣場內的「Ramen Yaichi」，極有可能是香港獨一無二的立食日式拉麵店。關於立食這種日本文化，源自二次大戰後日本的經濟高速成長期，政府在東京、大阪等大都市的郊外到處建設規模巨大的公營集合住宅大樓。上班族為了從家中到公司上班，必須坐一兩個小時的電車。為節省時間，當時在電車站內或站前就出現了為數不少、但面積很細的食店，上班族就利用早上和夜裡等車的少少空檔，花少許錢站著吃蕎麥麵和烏龍麵搞掂早晚兩餐。在此背景下，這種餐飲方式大受歡迎。隨着經濟發展，日本人在趕時間之餘，亦對飲食質素要求提高，立食文化就伸𨒂至拉麵、甚至壽司。小店設在商場內的大空間，並不是正規梗舖，但仍然盡量模仿立食店的布局。當然，分別仍然是有的。首先，並不是日式拉麵店的開放式廚房，而是封閉式廚房；一來是香港食肆牌照問題，另一方面，要避免煮食氣味彌漫整個商場。其次，可以同一時間招呼的客人數量遠遠超過立食店的規模。最後還有最重要一點，小店已經破壞了去年開業初期的「真立食」，現場所見已經全部加設高身矮背靠吧枱椅。裝修風格採用灰色石屎牆及立食吧枱，工業風與日式拉麵店

今日同小女兒專程黎到將軍澳探朋友經過扶手電梯位置有間拉麵店 於是就同朋友一齊試下一人前套餐 套餐價錢包一款拉麵、小食、飲品部份小食/飲品需要加錢加配 價錢尚算合理👍🏻流程係櫃台先落單俾錢 後入座等店員送餐店內有檸檬水提供給客人飲用隱約的檸檬酸味特別開胃🍋🍋因為第一次黎食 所以唔清楚有咩分別同埋揀邊隻口味好咁店員就好有友善地介紹及解釋各款湯底亦好細心主動詢問需唔需要BB櫈(小女兒3歲)🥰唯一尷尬的係因為今日黎探朋友 所以無帶現金😅😅好彩店內除咗現金之外 仲可以選擇八達通、信用卡、微信、支付寶等等方式付款 非常方便-【青森黑白蒜味醬油拉麵】單點$78／套餐$96湯底選用醬油+自家製提煉的蒜油製作而成味道清新之餘又有別於一般豬骨湯拉麵飽飽滯滯的油膩感食完都唔會話覺得好油膩 亦唔覺得口渴雖然係蒜湯底 但食落唔會好大浸蒜味既清淡亦唔會太鹹 啱哂大人細路食而叉燒係日本直送的慢煮三元豚 有兩大塊肥瘦均勻 有好香的黑椒及煙爋味 嫩滑香口-【和歌山鰹魚醬油拉麵】單點$88／套餐$104湯底選用醬油+自家製提煉的魚油製作而成味道會較蒜味湯底香濃 飲落有明顯非常特出的鰹魚味拉麵的配料同蒜味湯底大致上一樣 係

🍜清新湯底之選 (醬油之家)———————————————和哥山橫縞鰹魚醬油拉麵 $88鹿兒島黑豚肉碎醬油拉麵 $88套餐$104包左一款小食 飲品———————————————😋以醬油湯底為主題 由松村貴大調配 再加入不同的貝類元素熬製成幾款湯底 一點都不油膩 味道清香鮮甜 🍜幼身直麵條 口感爽彈 最後仲有日本直送既慢煮🐖豚肉叉燒 有小小煙燻味 口感嫩滑清新湯底之選 (醬油之家)———————————————和哥山橫縞鰹魚醬油拉麵 $88鹿兒島黑豚肉碎醬油拉麵 $88套餐$104包左一款小食 飲品———————————————😋以醬油湯底為主題 由松村貴大調配 再加入不同的貝類元素熬製成幾款湯底 一點都不油膩 味道清香鮮甜 🍜幼身直麵條 口感爽彈 最後仲有日本直送既慢煮🐖豚肉叉燒 有小小煙燻味 口感嫩滑