RBTea (已搬遷) 新店位置

I think its OK三文魚凱撒沙律三文魚是採用挪威北歐煙肉三文魚。這種三文成本非常高, 主要是因為肉質非常鮮美。跟平嘅三文魚無得比。配上他們獨有的凱撒沙律及忌廉salsa, 顯得分外滋味。蜆肉意粉。舅父很喜歡食蜆肉。所以叫了這個蜆肉意粉。配上他們獨有的香濃忌廉汁 加上芝士,舅父吃得喜出望外。嫲嫲話下次要再去。

今次去咗金百利食飯我friend揀咗間休閒嘅餐廳超正....門口有千秋櫈環境幽雅舒服，適合一堆朋友聊天。叫了一杯黑糖珍珠奶茶黑糖珍珠奶茶甜到剛好香濃奶味益力多香橙冰雪樂非常香橙味～喜歡香橙的朋友一定會十分喜歡叫了一份鹽鬚雞軟骨半沙律杯好味道好味道呢個好得意呀佢係吉列豬扒嘅三文治但係佢唔係用麵包㗎係用窩夫做三文治面同底好有口感最後仲帶咗個香濃忌廉蜆肉意粉忌廉味香濃啲蜆肉好新鮮依間餐廳好好彩好舒服下次要再約一堆friend嚟食過

是日和朋友食飯,在銅鑼灣人多的地方,想找一個坐得耐的餐廳,其實都算困難,幸而週末的早上,人流並不算太多,所以去RBTEA,環境不但舒適,也有一些吊椅,可說是小朋友的最愛。餐單的款式也幾多,除了意粉之外,也有一些鬆餅,小食,有時只是想休息一會的話,在這裡小休一會也不錯。今次我就點了一份脆魚柳鬆餅套餐,再配上一杯熱檸水。看到已經非常豐富的一餐,絕對作為午餐也絕很飽。炒蛋滑口,薯角也很香脆即炸,再加上大大塊的炸魚柳,真的不錯。而鬆餅配上楓糖,讓我享受一個休閒的中午,一邊和友人傾計,一邊享受美食。而熱檸水也添加了蜜糖,不用自行再加糖,飲下去剛剛好,不會太甜。和友人坐了很久,作為休息的場地,是不錯的選擇。

朋友想搵個地方，可以食完飯，然後行一陣街，於是我就諗住喺金百利廣埸搵間餐廳食下，就揀左黎哩間喺銅鑼灣站一出黎就到，食完飯仲可以一層一層睇衫，滿足下行街嘅慾望。哩度係間開放式餐廳，環境幾闊落，仲有啲樹木裝飾，綠色控一定好鐘意，夠晒舒服哩度仲有啲鞦韆做嘅位，充滿童年回憶哩度係自助點餐，要去櫃枱俾錢落order 先嘅。一人嗌左一杯嘢飲，幾時都話冬天飲翻啲暖嘢係最好嘅Tiramisu 焦糖牛奶咖啡有啲似 Mocha, 岩鹽焦糖咖啡都幾特別，唔太甜嗌左小食拼盤，有沙律菜 、兩條腸、兩隻雞翼、三舊炸雞、仲有薯角同蝦片，炸得好脆口、特別係蝦片，真心推介！炸魚柳脆香鬆餅，魚柳夠晒香脆，咬落去一啲都唔油膩，無油益味。加埋沙律醬一齊食，認真唔錯。鬆餅軟熟，點埋蜜糖仲好味配菜仲有好似玉子一樣咁嫩滑嘅炒蛋，加埋焗豆配蕃茄，再加上薯角同幾粒蘆薈，真係好豐富另外嗌左個主菜焗芝士煙三文魚飯，三文魚鋪喺芝士飯上面，加埋西蘭花嘅伴菜，焗得好香，如果煙三文魚再多啲就好了。甜品叫埋黑糖雪糕厚班戟做甜品，鬆軟嘅班戟加埋雲呢拿雪糕，配合黑糖忌廉一齊放入口，又凍又軟又唔太甜嘅口感，真心唔錯，如果班戟再厚啲就perfect 了 h

銅鑼灣金百利個頭，幾時都好多人，今次俾我搵到間可以同三五知己行完街抖下食下野，HEA下時間既優閒CAFÉ~最緊要係餐廳有WIFI^^芒果冰雪樂$56野飲上得幾快，芒果冰雪樂有粒粒芒果肉，配香草雪糕同芒果醬,足料又好飲~黑糖珍珠鮮牛奶$38鮮奶味幾出到，我覺得出面吹捧既黑糖珍珠奶通常得個甜字，被黑糖搶走所有味覺，呢個唔會，做得幾出色~黑椒牛肉芝士薄脆$52小食份量都多，薄脆真心唔錯，芝士同黑椒邊令薄脆更香口~香蕉抹茶班戟$62似麥香餅加左香蕉片同抹茶醬既味道，又真係幾夾幾好~香草忌廉煙三文魚意粉$80白汁海鮮意粉$89兩個意粉都唔差且份量足，以銅鑼灣鬧市黎講，呢間係超值~

金百利多餐廳就係人都知，貪佢地點方便，每次諗唔到食咩既時候都會去樓下拎傳單睇下。上到去發覺間餐廳都幾大，每張枱唔會話好近，仲有千秋玩，感覺幾chill。朋友遲到，唯有自己研究下有咩食先，發覺原來下午茶買正價飲品1杯, 可以半價買指定食品1份, 有大約10款到，睇落都幾吸引。小食拼盤小食拼盤都幾豐富，有炸雞、薯角、香腸同沙律，炸雞炸得最好，裏面肉質仲係好嫩滑。焗忌廉汁肉醬螺螄粉肉醬份量好多，味道比較岩重口味既朋友 焗芝士白汁煙三文魚飯超多芝士好正，三文魚煙熏味好香，食落算新鮮焦蕉朱古力雪糕鬆餅全晚最驚喜既一道菜，鬆餅咬落好綿密，外面又有少少脆脆地，加埋濃濃既朱古力醬食落真係一流，成個甜品好邪惡。OREO朱古力冰雪樂味道偏甜，但朱古力味都算濃郁總括而言，食物還可以，甜品最好，但上菜速度好快，快到根本食唔切就已經上曬。

呢晚約咗個好耐冇見嘅朋友，佢蒲開港島，帶咗我去呢間可以吹水吹好耐嘅RBTea！餐廳好大，裝修幾清新。揀完嘢食係出去比錢先嘅～雖然晚餐都好多選擇，又幾吸引，但我地見a la carte menu入面嘅選擇都好多，所以散嗌咗。全部都係嗌RBTea推介嘅item！香草忌廉煙三文魚意粉（$80）上碟好靚，煙三文魚捲咗做一朵花擺喺中間～除咗煙三文魚之外，仲有少少西蘭花，好似又健康啲lol張相應該都見到意粉上面有黑椒粒，我覺得落得重手咗少少，所以有啲辣🤭記得趁熱食～意粉都係熱辣辣食先好食～凍咗會變硬變乾🤭香蔥燒肥牛飯（$75）又係上碟好靚，用個pot裝住個肥牛，一開始既時候用蓋kum住，勁保溫，食嘅時候仲係熱辣辣。好鍾意佢個洋蔥！煮咗好耐，索曬啲汁，好淋。另外仲有個蕃茄沙律，幾fresh～海鮮芝士薄脆（$89）好鍾意呢個！底好薄，但上面嘅料又唔會重到跌曬落嚟。配料有蝦、墨魚、魚等等。雖然個蝦都係擺喺上面但都係要自己剝殼🤣味道good，口感good，好脆。草莓雪糕鬆餅（大）（$100）鬆餅可以揀大/輕食size，我地怕輕食會好細，所以揀咗大size。但我地建議2個人嘅話可以揀返細size，食咗咁多野

Rbtea 係銅鑼灣都有分店一見到口門就好靚 有搖搖椅坐可以坐上去打卡整間店的裝潢都係田園文青風 配上好多綠色小盆栽植物 成個感覺好舒服 而且全部都係梳化椅 配木檯 好有文青的感覺係度坐一日都唔覺耐 慢活的感覺來了魚柳香鬆餅一眼望落好似all day breakfast 的感覺個蛋好好食👍🏿小食拼盤配上印尼蝦片 好食三文魚焗飯個飯既白汁好好食 配上西蘭花同三文魚好正份量又大飲品點了岩鹽Oreo 朱古力奶茶感覺鹹鹹的配上朱古力甜甜的感覺很特別 焦糖牛奶咖啡配上tiramisu 好好味

係銅鑼灣行到攰，想搵個安靜舒適的地方食野，就決定上金百利廣場的RBTea! 餐廳裝修到有啲森林風格，而且座位不擠逼，讓人可好好放鬆當日用膳係下午餐時段，餐廳都接受8成滿座，但都唔會感覺好噪吵叫左一份All day breakfast, 一客小食，一客長通粉同一杯黑糖珍珠特飲份all day breakfast 有成五款食物，再加埋水果，份量充夠而且好味特別係自家製waffles,鬆軟可口！台式小食拼盤值得一讚係杯黑糖珍珠奶茶，夠黑糖味

銅鑼灣SOGO對面嘅金百利好多食肆，今晚試咗3樓嘅RBTea, 餐廳好大，環境寬敞舒適，啱晒朋友聚會，坐低慢慢飲嘢，慢慢傾計～ 而且餐廳都做緊好多優惠，例如下午茶買正價飲品1杯, 可半價買指定食品1份, 有超過10款選擇～香草忌廉煙三文魚意粉$80有好多片煙三文魚，味道唔錯，香草忌廉意粉煮得爽口彈牙，可以加芝士粉食，更加好味～海鮮芝士薄脆 $89賣相好好，薄脆果然係又薄又脆👍🏻 芝士海鮮嘅味道好好，個人非常喜歡👍🏻厚切吉列豬扒鬆餅三文治伴薯角 $79賣相非常吸引，吉列豬扒炸得香脆好味😋 配埋鬆餅非常特別，而且配埋芥末醬，味道非常夾🤤 整體非常好味😋 薯角亦唔錯，推介👍🏻黑糖仙草奶茶 $38飲品甜度適中，有好多仙草，奶茶好滑好香～水果梳打 $54藍色嘅水果梳打好特別，有香蕉、士多啤梨、菠蘿、蘋果、火龍果，幾清新，唔錯～

這間位於銅鑼灣sogo對面的金百利商塲上面有一間比夠特色的餐廳我和朋友行完街街就嘆返個下午茶tea！入面環境非常舒服，侍應還安排我們坐正千秋位置，我們叫了一個芝士薄脆、煙三文魚意粉、蜆意粉、香蕉抹茶班cake、黑糖奶茶、水果梳打，而我就最like香蕉抹茶班cake因為兩者好夾，下午茶買正價飲品1杯, 可以半價買指定食品1份, 有超過10款選擇！真的很抵而且環境寛倘、交通比較方便，其係值得我們舒舒服服的high tea😊

Chur左成個星期終於有假放了☺️難得陽光普照之際😆🌤當然要出黎行下街食好野啦🤪位於銅鑼灣金百利廣場既RBTea 喺銅鑼灣站E出口行過黎亦夠哂方便青花配合森林設計既主題風格😆入到去恍如置身於既小樹林一樣🌱與商場一面之隔既石屎森林可謂天淵之別☺️綠油油既環境令人遠離煩囂☺️係石屎森林中既綠洲呀哈利☺️🌲💫除左綠洲環境視覺享受🤩☘️亦造出各款高質素Tea Lunch😋👨🏻‍🍳煙三文魚凱撒沙律配脆香鬆餅凱薩沙律菜夠新鮮爽脆之餘🥗拌上凱撒醬汁增添Creamy味覺🤤配合脆麵包碎及脆煙肉粒亦增加口感夠哂Crispy😆煙三文魚食落有微微鹹香肉質夠滑嫩之餘🐟配合沙律菜亦能中和三文魚既魚油香唔會太漏😋而鬆餅焗到外脆內軟效果之餘😆😋亦散發出微微蛋香🤤🍳配合楓糖漿更帶出其清甜☺️黑糖雪糕厚班戟雖然上枱時班戟扁左啲影響左賣相🙊但味道依舊保持水準☺️班戟蛋香味濃郁之餘🤤🥚口感軟綿綿夠哂嫩滑😋配合雪糕及黑糖香既帶出多重味覺😆黑糖珍珠鮮牛奶呢杯賣相一流既黑糖珍奶🤩奶香濃郁亦帶出甜而不膩既黑糖香😋煮香既黑糖珍珠粒粒彈牙有咬口😝

係太子食過一次，呢間，知道cwb開多間，即刻想去食！個環境好文青cafe，仲有韆鞦甘既椅可以坐，不過比人坐左。香濃忌廉蜆意粉$68意粉爽口，帶有黑胡椒的味道，蜆肉鮮甜，份量足夠，性價比高。帕爾馬火腿芝士薄脆$70薄脆的脆度有十個脆，加埋新鮮蕃茄和帕爾馬火腿有多重的口味。煙三文魚芝士薄脆$70同樣好香脆，每一塊都有煙三文魚，每啖都帶有煙熏的味道。黑糖雪糕厚班戟$65甜品真係好邪惡，軟綿綿的班戟伴上黑糖的口味，味道香濃，非常特別。Tiramisu奶茶+$16Tiramisu就食得多，但tiramisu的奶茶都好好味，有奶茶味之餘又帶有tiramisu的味道。岩鹽oreo朱古力奶茶+$12入口帶有岩鹽的感覺，係口𥚃面啲朱古力奶茶味慢慢岀來，面頭仲有oreo脆脆。兩個人食左300$左右，好飽又坐得舒服，好有私人空間。

銅鑼人多車多，想搵個位靜靜地歎下茶，坐下食下嘢都不容易！！但係正正位於Sogo對面的金百利，俾我搵到間環境寛倘、交通方便的Cafe可以食下嘢歎下茶，冇可能不介紹大家吧！！餐廳名稱叫〈RB Tea〉，位於金巴利廣場的最高一層，環境清幽舒適，無論是夫妻情侶定還是良朋知己共聚也可以好好暢談。〈新鮮水果茶〉想不到的非常有層次，先是甜甜酸酸的水果香味，接就有薄荷的香氣慢慢滲出，香甜得來很清爽，非常好喝。〈黑糖珍珠鮮牛奶〉香滑的牛奶配上爽口彈牙的珍珠，再加上甜美，香滑順喉得來正合我這個〈煙韌控〉的心意。〈帕爾馬火腿芝士薄脆〉名副其實的又薄又香脆！！咬下去的時候真的有〈咔嚓〉一聲又香又脆的薄片上有微鹹的帕爾馬火腿再加上清新不苦澀的火箭菜，越食越開胃。〈香草忌廉煙三文魚意粉〉鹹鹹香香的煙三文魚片本身已經好惹味，加上仲有咁多蔬菜粒，健康又均衡，I like it彈牙有咬口的意粉加上大量炒過的洋蔥和黑椒變得更惹味，再配上適量的忌廉後更見香滑〈日式咖喱豬扒飯〉外貌好像平平，但係食落既口感和味道超有驚喜！！蛋包飯的蛋味好濃，蛋層好厚但每一層都非常鬆軟香滑，切落去嘅時候還隱約見到流心嘅效果！！配上炸得酥脆的吉列

星期日在崇光百貨公司shopping，又到下午茶時間，去咗對面金百利廣場上面果間RBtea台式料理歇下腳，充下電先！這裡主打花香果茶，地方装修佈置富有園林景色，自然和諧，令人感覺好寧靜好舒服！而且供應食品同飲料種類豐富！我地兩人坐落點咗意式蕃茄肉丸意粉；一件抹茶雪糕香蕉鬆餅；另外一杯焦糖紅豆奶茶；仲有一杯芒果冰雪樂！估唔到下午茶買正價飲品1杯，可以半order食品1份，都幾吸引！意粉被蕃茄醬混和，調味適中食落好開胃，D肉丸都好鮮味！不消一會成碟食清哂！輪到果件抹茶雪糕香蕉鬆餅，又係香滑可口，香蕉片上面又舖咗D花生片，令視覺同味覺都提升咗！點咗果兩杯飲品都好大杯、覺得係好用心做出來奉客！飲落冰涼解渴，水準唔錯！