Reborn Coffee

營業中

休息中

見到就肚餓系列🍝狠狠地滿足澱粉質控 來一碟Pasta。Garlic Spicy White Sprit with Scallops $83係三隻大帆立貝啊整體調味不錯 辣度適中好好食 多d蒜香就perfect足夠令一個餓到發癲既人reborn唔飲咖啡 幫唔到大家試咖啡屯門牛自己去試下啦😂😂Matcha latte靚又好飲👍🏻見到All day breakfast美美的等我唔係好餓果次要試試🤣推介小店 @reborncoffee_

難得來到屯門，來看看這邊有甚麼特色街坊小店，找到這間在屋村商場內的熱血咖啡店，全日早餐大件夾抵食又有素食版本，杯咖啡仲好有驚喜呢！Reborn Coffee 位於屯門愛定商場之內，商場有分唔同區域，咖啡店在「H」區，唔識路的話可能都要搵一陣，不過真係估唔到屋村商場都有咁骨子的咖啡店。店內座位不多，食飯時間可能要等位，不過現場都見好多人來買外賣。呈長方形的店面，其中一端就係廚房加水吧，餐點都在這邊煮出來，雖然不是超專業的廚房，不過都睇得出食物有用心製作既。店內座位一眼睇晒，就四張二人檯而已。另外仲有兩個面壁吧檯位，坐落又無睇落咁窄，都OK既。全日早餐有幾款，當中有一個素食「Green Breakfast」適合蛋奶素食者。意粉和沙律都有簡單素食選擇，想吃飽一點可以意大利特濃蘑菇汁配蘑菇二重奏，我見都幾大碟既。這邊的三文治可以揀用麥包、香草包或牛角包，我見好多人揀牛角包，看起來蠻厲害。飲品有咖啡有茶，亦有朱古力或抹茶，奶飲仲可以加錢轉燕麥奶。Green Breakfast HK$68 (薯角轉薯餅 +HK$8)這裡的全日早餐好受歡迎，這次來試試素食版本，一大盤有牛角包、牛油果、大啡菇、番茄、

新一年開始，就梗係要有個好既開始！所以一訓醒就搵左依間位於屯門友愛H.A.N.D.S.既Reborn Coffee試試佢！其實間野都開左幾耐下，一開始重以為佢只係做野飲生意，原來都重有野食食，而且係絕對有驚喜！今次嗌左：1) 帆立貝炒扁意粉2) All-day Breakfast3) 牛油果配牛角酥4) 雜菌意粉5) 咖啡因為早一晚係屋企咁岩又係炒左個帆立貝扁意粉食，今朝屋企人話不如試試個分別。個結果就係，Reborn Coffee真係炒得好好食！至於其他野例如All-day Breakfast依類就都係平均既水準，因為最特別能夠比較既都係個炒蛋。由於太有驚喜，決定會再翻食！

屯門良心小店都好多！今次就黎到友愛邨附近搵到呢間由後生仔開既！Reborn Coffee😋😋門面裝修招牌都好靚！非常之適合大家去打卡🙉🙉利申 稱得上小店一黎佢地係two man play! 但價錢都相對同類型鋪頭平！不過佢地既食物質素真係好高！encore指數我要比5粒星！除此之外佢地店員都好有禮貌同耐性！雖然佢地好忙😄😄講番食物先！第一樣係磨菇芝士汁意粉配煙三文魚！濃郁既芝士汁真係好香😍😍汁吾會好稀！完完全全咗掛哂係意粉上面😝每一啖都好滿足！特別要強調既係食完每一啖我都吾會有膩既感覺！吾會話好口乾想飲水😆😆再加上少少既辣粉做調味！真係一絕🧬🧬第二樣就係蛋煙肉牛角包😎有兩舊！每個牛角包咬落去都好脆口！跟住又會食到面粉既綿密！好鬆軟就證明啲包好當造😙😙加上蛋既嫩滑同吾係乾柴既juicy bacon 😍😍真係食完兩個都吾夠😍啲料都要滿到擺哂出黎！影相都好靚🤤🤤🤤第三樣就係佢地自家調味既雞翼小食！香草白酒雞翼！十分之有新鮮感！味道酸酸甜甜岩哂我食！食完一隻又一隻每隻都好脆卜卜！仲要布滿哂醬汁😎😎飲品方面！我就叫左杯凍朱古力🍫佢地 coffee故之然出色！但我都想睇下佢地做朱古力飲品係咪都會一

最近比較清閒，周圍尋訪屯門隱世咖啡店，今次去到安定村商場，睇吓呢間咖啡小店有幾正💛商場好大，不過跟指示行到H區，長走廊盡頭就見到Reborn Coffee。長方形小店小得一眼睇晒，得幾張枱，不過menu 算幾多選擇。見到menu有all day breakfast 已經好想食，其中一款仲有牛油果添，即叫!賣相絕對適合相機先食，我最鍾意嘅並唔係佢嘅份量十足，而係個大菇有汁！夠juicy!牛角包雖然個樣扁扁地，但拎上手係熱嘅，外皮香脆，好好食！咖啡方面，俾佢Barista’s Choice 吸引到，走去問店員有咩特別，店員好有耐性咁逐杯介紹，最後我揀咗呢杯Life上枱後店員再次介紹，佢係用凍嘅奶泡做底，中間加入熱嘅espresso，再加奶泡，頂層就用焦糖燒過，所以飲落就會有熱凍熱凍甜苦甜嘅層次，感覺好特別，亦好似經歷咗一次人生一樣。不得不讚咖啡師好有創意👍🏻呢間Cafe環境清靜，靜靜地坐一個下晝都幾唔坐！

多謝正苦疫情第四波來襲，搞到日日都好大壓力。今日難得放假，緊係搵地方比自己鬆鬆先啦！今日就黎到屯門reborn coffee，嘆返杯咖啡慢活下！入面地方不大，但就好有style，裝修得好靚，用灰黑做主調配上深色木枱櫈，成件事睇落好match。menu都好多款野食，今日我就揀左all in breakfast！黎到一見到，哇一聲！真係好靚，第一眼見到既係佢個藍色盤，望落已經覺得好舒服，上面既食物都放得好整齊，好有心細，成個人精神晒！大大塊煙三文魚，食落唔會太咸，仲好出三文魚味添！大啡菇，未切開已出晒水，好嫩好好食！呢杯green dirty亦無得彈，底下係抹茶，第一次飲抹茶既dirty，估唔到又幾夾。呢杯苦戀，上面夠晒苦，下面係淡奶，同樣出色！今日食得好開心，差啲唔記得仲要抗疫添！幾時先可以完個禁食令，等我夜晚再黎嘆多杯！

👭餓底今日嚟到屯門 H.A.N.DS 愛定商場食好西😚店舖細細，環境設計簡單俐落，餐牌簡潔有齊🍔🍝🥐🥗☕秉承一貫作風😆叫到成枱都係嘢食🤪蘑菇忌廉芝士汁配三文魚意粉蟹子、蘑菇唔少，意粉軟硬適中，🧀醬汁唔算多，整個鹹香，不會太膩飽滯👍Bread & Mushroom Egg Benedict正呀， 煙肉煎到唔乾柴，食落微微醎香，加埋蛋液一齊食，滋味😋蒜香蘑菇炒安格斯牛柳粒惹味，火候啱啱好😋蜜糖薯角加打芝士好食到，唔使講👍 我❤芝士🧀飲品☕經咖啡師細心講解下，揀咗兩款飲落有唔同層次嘅☕ 飲嘅時候要大啖啜落去， 才享受到去嘅風味😚Life幾吸睛😚熱同冰嘅組合👍 少少朱古力粉下係熱嘅奶泡 、espresso、凍奶😋苦戀espresso冰粒、凍奶， 隨著冰塊溶解、越飲越濃味👍食物同飲品水準好高汁呀😋😋😋😋

成日係屯門市中心搵食，搵到都悶悶地，而且多數連鎖快餐模式，我又不太喜好，朋友介紹市中心旁安定嘅H.A.N.D.商場小店。食物多元化，意粉，all day早餐，🍔,🌯,小食🥗🥪... ...最緊要價錢好親民👍🏿👍🏿👍🏿特飲好吸引，而且款式多，詢問店員，店員都好有禮貌👍🏿👍🏿店舖係工業風嘅特式，用摺門作大門，開關門都唔會撞到人，每一個細節位都好貼心🥰而且格調十足😎店舖不大，只有10坐位，廚房已經佔了三分一位置，我今日坐第一枱位置，都唔會有油煙味，而且人數唔多，可以感受吓寧靜嘅環境蘑菇忌廉芝士汁配煙三文魚～蟹子3文魚量好多，足料，忌廉唔會太漏Bread & Mushroom Egg Bededict～賣相吸引，2隻旦嚟到仲郁緊，好攪笑，煙肉剛好，唔會太乾，配上薯角，甜甜地，少少脆蒜香蘑菇炒安格斯牛柳粒～好大碟，大啡菇好好食，牛柳粒唔多筋，油份不多，咬口剛好，有牛味，小食之選蜜糖芝士薯角～薯角少甜，忌廉芝士好味，但唔會過漏Life~有好多層次，要一大啖飲先飲到唔同味道同冷熱感覺，推介😎底層凍奶，中間Espresso, 再加朱古力粉，面層就打熱左嘅奶泡，由熱飲到底層嘅凍，中間飲到espresso

餐廳：Reborn Coffee (屯門)地址：屯門鄉事會路2A號H.A.N.D.S H區2樓H215號舖呢間位於屯門愛定商場嘅cafe主打本土文化🇭🇰，員工嘅制服由本土服裝小店製造，亦有擺放唔少本土創作嘅物品，難得嚟到緊係要支持吓香港人啦😎除咗有咖啡之外☕️，仲有唔同嘅special drinks、意粉🍝、toast、各款小食等，雖然位置唔多，但係唔少人都專程嚟買外賣拎走🥡喺到坐咗陣飲咗杯Latte($35)，順便睇吓書休息吓，為2021年嘅第一日refill一吓energy，得到霎時嘅”reborn”，唔知你又點為自己打吓氣呢？

無 得 輸 !我飲左兩日，咖啡base 好溫和唔會特別偏向fruity or nutty. 奶啡來說佢取之平衡而且奶滑，溫道適中。價錢當然合理，配埋貼心有禮嘅服務，呢個年青人創業你點可以唔支持？此外，佢有多士餐，有全日早餐多款選擇，意粉，特式小食通通有齊，鋪頭雖小但清潔衛生店非常高質。裝潢雖簡單，但地道創作人嘅書法貼牆，立場呼之欲出。講番食物，$68 有sausage bacon scramble eggs and corn 本身有蕃茄及沙律菜添，我無要到佢都仲嚟一個牛角酥🤦🏼‍♀️好飽呀但好好食先$68...抵到爛，所以 香 港 人 要 支 持屯門西鐵站 轉 輕鐵 614 號到 友愛 站 就係喇

這天來到HANDS商場Reborn Coffe在商場其中一個出入口處，小店感覺都幾warm，店內充滿咖啡及食物嘅香氣，播住我鍾意聽嘅廣東歌😊食品和飲品方面也花心思。這次我們兩人叫咗兩份食物及一杯飲品share😊😊Green Breakfast中我哋薯角轉了配薯餅，薯餅整得好香脆, 加埋茄汁食更開胃😊牛油果剛剛何熟透, 好重牛油果香🥑 配埋蕃茄及沙律菜一齊食非常之正大啡菇好多汁，好香菇味朱古力牛角包配雪糕好好味！一切牛角包發現超級鬆脆！ 🥐包本身嘅牛油味好香！加上朱古力醬之後更香濃。佢哋嘅雪糕係有堅果味，呢個係配搭得好好又超吸引的一項甜品凍朱古力牛奶味香濃，口感細滑餐牌上仲有好多好吸引嘅菜式，期待下次再嚟可以點佢哋嘅意粉及其他小食

好少有係屯門搵食，今日放lunch見到呢間餐，睇一睇佢背景，覺得一定要入去食。入面每一樣食物都好有心思，由於我飽飽地唔太想食pasta,就叫咗兩款小食。米卷：一條係包牛油果粟米一條係包煙三文魚蟹籽，兩隻味道都配合得幾好，牛油果好新鮮，而煙三文魚都比得好慷慨，原來一個人食2條都幾飽！蒜香蘑菇炒安格斯牛柳粒，呢味真係好好食，安格斯好香牛味，肉感豐富，蒜香都好濃郁，一粒一粒咁放入口，配埋杯咖啡，不知不覺就食晒抹茶latte好有心思，呢個拉花好得意未見過，整體味道都唔錯！

同朋友行開友愛，聽聞呢間小店又有良知又好味就去即刻去試下。一入到去有好多裝飾，明既人就會明。我同朋友兩個人一人叫左一份意粉。先講下意粉，我地分別叫左一份蒜香辣椒配帆立貝，一份蘑菇芝士汁配煙三文魚。蒜香辣椒配帆立貝意粉好香蒜味，食多兩啖開始會feel到有一股好香嘅辣味。越食越上癮，帆立貝大大粒，煮得啱啱好，非常一流。另外蘑菇芝士汁配煙三文魚意粉，個芝士汁非常香濃，加埋一片片嘅蘑菇同埋三文魚，簡直係絕配。另外飲品我叫咗一杯Green dirty 。簡單來講就係咖啡面再配一啲綠茶係底。因為之前未試過，所以覺得幾新奇， 都值得一試架。

最近同朋友經開呢個友愛商場，但見到入面有間好靚嘅咖啡店，所以就決定入去試一試，結果果然有驚喜！！！蘑菇忌廉汁配煙三文魚意粉呢度嘅意粉係用左我最鍾意嘅扁意粉，口感一流，廚師使用左大量嘅蘑菇去烹調，配埋三文魚，同埋好多既魚子，口感超特別，而且醬汁的調味做得啱啱好，令人食極唔停口蒜香辣椒配帆立貝意粉呢款意粉十分惹味，而且呢間舖頭絕對好大方，帆立貝食極都仲有，大大粒超級抵食，再加上鹹鹹辣辣嘅醬汁，超級灰兩杯咖啡嘅味道同樣好濃郁，睇得出咖啡師對每杯咖啡既執着，每杯都好完美咁呈上比客人

屯門區都好多小店，今次嚟到H.A.N.D.S，好慚愧作為九龍人真係第一次嚟，未試過嚟安定呢邊，見到小店當然要試下。環境比較細間，座位只着數個，但唔好睇店舖細細間，食物種類都唔算少！同時好開心，店舖係我鍾意嘅顏色，望住牆身諗到小店叫Reborn，好有意思。餐牌以為淨係賣咖啡？錯啦，估唔到麻雀雖小但五臟俱全，食物由All day breakfast 到Salad, Burger, Pasta都有得食，唔擔心無選擇。風車漢堡 $68呢款係太陽蛋、芝士、漢堡、蕃茄、薯角、沙律。$68好足料，而且太陽蛋煎得好靚仔，擺盤亦用心，質素正常，如果加返燒烤醬汁會更惹味。蒜香辣椒配帆立貝 $83估唔到份量咁多，原本都怕唔夠飽，但差d都食唔哂，帆立貝有成4粒！意粉用扁意粉，有咬口，蒜香突出所以好香口，不錯。Dirty $40又係嗌Dirty！近來到cafe至愛，做到分層效果，牛奶幼滑配上espresso，真係無得頂。總括而言，非新界人對屯門認識可能得V-City(可能得我係咁)，去到H.A.N.D.S都有好多選擇，特別係小店呢！