Red Rice 米飯主題餐廳 (六合街) (已結業)

今天獨個兒在新蒲崗吃午餐，米飯主題餐廳在這區內算不錯的餐廳，地方夠寬敞和坐位也算濶落。食物出品以價錢來計，算是性價高！今次選了黑椒雙腸漢堡蛋包飯，不是為吃那些雞肉腸或漢堡扒，其實想吃他們的蛋包飯，蛋皮軟滑和份量洽好，飯也用茄膏軽炒過，加上沙律菜伴碟，不論買相和食物配搭都是做得不錯。加多一杯咖啡，多謝40元！

我都已經幫親過2次，今次食系第3次，吾寫食評都吾得啦！我系會中午中餐- 叫咗個巨大漢堡扒鐡鈑飯餐（蕃茄汁）我同事叫咗個咖喱雞扒鐡鈑飯餐～我哋一坐低發覺冷氣對住我地，🌬吹住我地好鬼冬。👋🏻我就舉手同家姐講（那個位吹到正好冬，請幫我換位）亞姐樂意幫我換😀😀非常有禮貌，午餐來到，我地又覺得唔夠汁又叫亞姐加汁，佢地有好樂意加俾我地。食食吓又叫亞姐俾2杯水我地，她又樂意，態度還好好👍🏽👍🏽👍🏽。因為我地要求多多。👍🏽👍🏽👍🏽。我个餐就麻麻哋，因為係番茄汁，我同事咖喱汁就好味。推介

今日本打算頹食中午飯。被同事帶去一間四不像餐廳。看似港系，餸似日韓😳雖然係咁，食物素質非常好！睇落真係以為係韓國餐廳。見到個日本定食盒😂地獄肥牛定食！個肥牛真係辣到無朋友，又花椒，又八角，仲有辣椒。一入口就要飲水，食得辣一定一定要試！另有幾片菜減辣。個飯用珍珠米，無煮冧，一粒一粒，真係要俾一百分佢。見到唔覺辣，一入口辣到媽咪叫。同事點鴨胸飯，肉唔多，但勝在米飯一樣咁完美。位位41。中午飯黎講性價比好高。

lunch喺呢間野食，同事介紹。見個名咁得意，米飯主題餐廳...完全唔明點解米飯喺香港會做到主題餐廳，每日都食咖喎是日午餐其中一個:意式雞丸蛋包飯，配熱檸水雖然lunch hour好多人，都好快有得食，應該一早整定晒。個蛋睇落好滑溜~有5粒雞肉丸同沙律伴碟。沙律有芝麻醬，正！义開隻蛋，入面係茄汁飯。外面嘅茄汁係有香草嘅，但同成碟野都唔係幾夾喎肉丸食落味道有d似傢俬店賣嘅雪藏嗰隻。份量係大嘅,呢個價絕對值得！

嗌咗個雞脾薯條嘅下午茶餐，啲薯條加埋唔夠十條，問店員嘅時候，佢再補多兜俾我（紅兜），但係總數都唔過廿條，仲要硬過法國麵包同埋係凍嘅......😡😡😡😡😡😡

新蒲崗蒲開嘅朋友，有邊個唔識呢粒紅米？！中西日意嘅食物都有，係我嘅早餐必選！今日食好「西」，唔食蕃茄米，一樣咁好味！炒蛋好滑，唔會過熟，充滿蛋香，今日嘅營養目標達成！

位於新廿蒲崗嘅餐廳、每次來這裡開工都會選擇黎呢度食，原因係選擇好多，又好味因為工廠區放午飯嘅時間超多人，要有心理準備雞扒雜菜冷烏冬，配芝麻醬，大熱天時食呢個冷烏冬都係超正，賣相又靚，而且落足料，份量十足餐飲配埋杯紅豆人冰

有驚喜! 假期經過新蒲崗工廠區發現咗一間有鐵板飯食嘅餐廳, 有牛雞揀, 係無pepper lunch咁好食同多款架喇, 但係勝在夠平, 呢個輕營下午茶只係$32連凍飲, 下次口痕可以再戰

路經新蒲崗，發現一間隱世餐廳，好鬼多野食一入去個收銀員望住我笑，感覺好親切，完全唔似茶記果啲一來就急急腳問你食咩 。於是我柯打左一隻熱狗，唔算太特別，但真心好食，菜夠脆夠爽，包夠熱，汁夠香，腸就到到都一樣嫁啦咪問啦，有機會再同各位報告其他野食

其實這個餐廳都內外不同。在外面望，在一片工業區既悶到死既街景當中，有一個紅色主題既餐廳，感覺奪目出眾，但一進去，就一陣極嘈雜的音浪撲過來。坐下的時候，白色的桌面有久年難除的污漬，白色的梳化邊邊位都有烏黑痕跡。我瞬間不淡定了，怎麼區別這麼大呢? 原本還以為是一個亂世中的閑靜食飯之所，點知個真相係大排檔中既大排檔。無論怎樣，既然都坐低了，就食野啦。叫左個雞扒喇沙湯米線。米線較腍，喇沙湯都幾香，唔算太辣。味道ok 啦，但對於吃過正宗有喇沙葉碎的喇沙的我，當然沒有這麼容易滿足。雞扒是一般水準，稍嫌過油，但大塊又嫩，可以。

番工最驚食飯冇野好揀，米飯主題餐廳就可以解決我食lunch既難題，餐廳每日提供至少7-8個精選組合，提供不同種類既lunch比客人選擇，而且精選套餐亦會比單點平少少，包飲品有啲餐仲會跟湯添，適合唔同既打工仔黎一試。餐廳地方寬敞，即使午餐時間都好快有位，大卡位仲可以坐到7-8個人，可以同一大班同事一齊食飯。因為天氣太熱，今日lunch叫左個沙律套餐食，雖然單點沙律款多，但係是日溫泉蛋沙律亦不失為一個好選擇，二話不說就點左佢，而且仲有蒜容包同餐湯送！唔好以為沙律餐就一定食唔飽，沙律既份量大不特止，而且麻醬十足，唔會話食到底就冇曬醬，食埋蒜容包、飲埋碗湯同野飲都咪話唔飽！而我位同事就叫左豬扒蛋包飯，未食已經流曬口水，外觀唔單止吸引，蛋仲有蛋汁，唔會話煮到乾曬，配合埋醬汁令人更開胃，配埋豬扒亦恰到好處，就算係大熱天時都可以食曬成個飯。性價比十分高，下次可以試埋其他既口味添！

上左朋友公司，佢地叫下午茶問我食唔食，其實我唔太餓，不過陪食下啦，佢地一個二個成個餓鬼咁，又麵又包咁，我淨係叫左個豬排包，可能已經係五點幾，唔使點等，一陣就已經送到過黎。原來個包都幾大個下，塊豬排都好足料，好厚身。個包表面脆，內鬆軟。豬排連骨，好滑，好多汁。連餐有杯飲品同一個小沙律先三十個大洋。

係Ins 上見人介紹依度有類似pepper lunch 等唔同既野食，好似幾多野揀，於是專程過黎一試。間野既裝潢以紅色加可愛風為主，比人感覺還好。入到去叫左個午餐，亦即係泡菜雞絲定食，一黎到，一食啲雞絲，已經覺得微伏，因為係凍既。我仲以為係熱既添，以前係其他餐廳食泡菜豬肉都係熱食，點解泡菜雞絲變左凍? 已經冇乜食欲。泡菜唔算辣，但都算脆。雞絲，凍食係幾爽嫩，但味道就冇乜特別。依啲都算啦，重點係，我番到屋企個肚唔舒服-__- 唔理啦，總之唔會再幫襯!

上星期夜晚黎左依度食飯,因為有個朋友係依頭返工,所以約埋食完飯先走依度D野雖然味道唔錯,不過聽聞味精都幾重下….所以我都剩係食左個米線雞扒米線,雞扒煎得唔算特別香,亦都唔係特別好味,不過入口尚算可以,勉強合格,起碼唔係勁多肥糕勁油果種米線幾爽口,幾滑,而且無乜斷線,不過味道就淡左D,雖然係幾健康$36午餐都算係咁,下次過黎見客之後都可以再食下

蛋包飯癮又起，所以這日趁late lunch時間，人少D便過去red rice幫襯一下!是日set lunch的蛋包飯是 配  黑椒汁炸雞塊蛋包飯水準依然，蛋汁豐富，入口依然嫰滑!!不過炸雞塊就失色了一點，炸漿較厚，而且雞塊的肉質偏硬而且只有5,6件，這份量對於男仕，應該唔夠食記得以往set lunch的蛋包飯 是會 配炸蝦/豬扒/雞扒這類 大件夾抵食的最近一兩次幫襯，好像都是豬柳腸仔/ 炸雞塊等較慳功夫兼冇咁抵食的種類食到一半，原來已經是他們的下午茶時間，店員放上下午茶時段餐牌看來選擇頗多見到有巨人自家漢堡包，望落幾吸引，看看下次找機會試一下