Ricco (H.A.N.D.S.) (已結業)

幾個月冇食，今次食意粉，揀咗黑松露忌廉雞雞肉意粉。打開外賣盒黑松露已經超級香，再撈一撈忌廉汁都算多，雞肉炒得剛剛好，夠滑有連雞皮，如果大嚿啲會仲正。仲有洋蔥翠玉瓜同埋茄子，茄子煎得夠林亦好香。意粉份量超多，一個女仔真係食唔晒😏

番工食外賣，一直bookmark左未試。試左焗芝士南瓜汁豬扒，外表還不錯，不過就太少醬汁，份量都未如之前啲食評所就的「大大份」🤔送到過嚟仲係熱辣辣，豬扒幾嫩，可惜芝士份量唔夠多。炒飯底見到雞蛋絲，味道也不錯，油份少。

今日牙仔痕…經過友愛街市就膽粗粗試下入面間 #Ricco 既其中一個小食😍即叫即炸既「地瓜丸」…薄薄一層軟糯得黎又脆卜卜既地瓜糯米皮包住又香又滑既芋頭蓉…香得黎又唔會好甜👍真係好好食…重點係有得買半份…岩曬又想食 但又怕肥既人🤭過下口癮真係好正✌🏻有機會 會再想試埋其他主食意粉…等拎果陣都聞到好香好吸引🤤同埋望過佢餐牌 好多都好抵食又唔貴…價錢好親民性價比高💪🏻職員又有禮貌…做埋街市會員仲可以儲埋積分🤭希望可以保持水準！

第一次食，唔錯喎，送到上嚟都仲係熱辣辣叫咗兩個意粉，同埋一個水牛城雞翼$54，嗰個雞翼真係好抵食，五十幾蚊有六隻，好大隻，好似去諾士佛臺嗰啲酒吧食咁不過就辣咗少少，但係好夠多醬，若配啤酒一流🍻黑松露雞肉意粉$72 ，清清地好香，入面好多配菜，有茄子、翠玉瓜、洋蔥、菇個意粉都幾大盒幾抵食蕃茄肉醬意粉$62好惹味，好多肉醬夠曬多汁，稍為鹹咗少少總結嚟講呢句嘅意粉都幾好食，下次想試下佢個牛角包，配埋薯角都係40蚊

卡邦尼温泉蛋雞肉炒意粉 $56温泉蛋半熟狀態，戳穿蛋黃拌勻意粉一齊食都唔錯。卡邦尼汁味道也不錯，忌廉香濃配搭少量香草碎，唔會感覺很膩。意粉唔會過份軟，保持適當既少少硬度和彈性，口感不錯，亦唔會太易斷開。美中不足是感覺雞絲份量偏少，可以出手大方啲。香酥雞球蛋蓋飯 $50酥炸雞球香脆口感，保留雞肉汁，可惜味道偏淡。蛋蓋值得一讚，唔係全熟，保流流動性和滑溜感，配搭白飯唔錯。感覺得出係用心小店，見到佢地啲食物係即叫即制，當時亦需排一陣隊，看來也頗受當區居民歡迎，有機會回頭嘗試。

之前買過一次，覺得好食又大份，價錢合理，食得好愉快，仲介紹朋友去幫襯。點知今日再去買咗芥末魚柳牛角包，中間舊魚柳細得太過份啦，變咗一口魚柳咁，薯條中間仲要未熟㗎，太失望了，不會再回頭。

在疫情升溫下多了叫外賣回家吃，今天揀了這間餐店，order了幾款小食:煙三文魚蛋沙律牛角包 ,吉列魚柳芥末醬牛角包及芝士焗薯角配黑松露醬,現金可有九優惠煙三文魚蛋沙律牛角包$35，九折後只是$32: 真的給人很大的驚喜，煙三文魚牛角包再配送上薯角，不單好吃，而且很飽肚，真是很抵吃。吉列魚柳芥末醬牛角包$35士焗薯角配黑松露醬$35

第一次叫午餐外送！同事大家都讚！ 除左焗豬扒意粉太鹹，但味道其實好味。下次佢地減少鹽便會好好味！ 其他牛角包，咖哩等等都一致好評！包裝用環保啲既紙盒，讚！ 選擇也很多，份量適中！會繼續幫襯！

這間平民西餐廳位於屋邨街市內，價值屬中等，意粉和焗飯系列只是40-50蚊，算親民。🔸S8.煙三文魚蜆肉雜菜炒意粉 （$52)打開餐盒見到煙三文魚肉和數塊蜆肉與雜菜滿佈於意粉上，外觀不錯。意粉配有煙三文魚、蟹籽、蘑菇和少量洋蔥，加上白汁調味，整體水準中上。🔸S15. 卡邦尼慢煮溫泉蛋雞肉炒意粉($54)刺開溫泉蛋，蛋液流在意粉表面，個人覺得十分吸引食慾。意粉配有蘑菇、煙肉和雞肉，加上濃厚的卡邦尼白汁，個人覺得味道不錯。

現在已經很少出街食飯，多數叫外賣，今次叫外賣的有我喜歡的大炸雞髀，超大隻。同勁creamy的磨菇湯（最怕水汪汪的）同時叫左個意粉，意粉一般，魚肉夠滑，魚扒份量比想像中大份。意粉唔會因外賣而淋哂，但下次會叫返肉醬意粉。加叫一個黑松露薯蓉，比上不足 比下有餘，薯蓉算滑，不過一定唔係叫有驚喜。會有下一次，不過就係即場外賣，感覺上價錢平好多，亦比外賣平台多食物種類及款式，但如果對於喜歡宅在家中的，都係一個唔錯嘅選擇。

自從友愛街市大裝修後，只有逛過一次就沒有再踏入，但因附近的餐廳已經吃過，很想嘗試新事物，上網看到街市內有壽司賣，就去看看。怎知一到，就見到旁邊的西餐店有人排隊買外賣，而且傳出鐵板炒菜的香氣，就被吸引看看菜單，即刻感興趣。環境：雖然位於街市內，但因裝修後不久，依然保持乾淨衞生，有一個小吧台可供二至三人堂食，但應是主打做外賣。午市：招牌鐵板醬油肉碎炒腸粉$33份量剛好，材料除了肉碎和腸粉外，還有芽菜和椰菜，醬油很濃味，將所有材料都炒得入味，肉碎和腸粉都帶有焦香，不過是油較多，不算健康，但間中放肆吃一次都無妨。從未想過屋邨街市都會有鐵板餐，真是好驚喜，而且以平民價錢吃到，性價比高，肯定會再光顧！

無諗過普通屋邨街市都會有賣咁西餐嘅舖頭，仲要價錢一啲都唔貴，非常親民！上次叫左個龍蝦汁海鮮焗飯，賣相都唔錯，食得出真係焗飯，而唔係出面有啲燒一燒個面頭就當係焗飯/意粉！醬汁好足夠，唯一一樣美中不足就係咸左少少！不過都會再回頭幫襯！😎

友愛街市開左幾個月，Ricco變左我的食堂🤤有時唔知食咩我都會去嗌佢的意粉、牛角包🥐因為我一大兩小一齊食😆佢地既意粉好大份😌要兩個小朋友食一份又多得濟🤫但分埋我呢個大食積又唔夠😟但嗌多個意粉我又食吾哂😕（因為佢一個意粉既份量真係好多😑兩個女仔share都夠飽😱）所以 多數我都嗌一個牛角包再加份意粉😌最近Ricco新出左兩款食品🤤水牛城雞翼同焗肉醬意粉🍝<焗肉醬意粉$45 >肉醬意粉個汁我覺得酸左少少🤏同埋如果多啲醬會正啲😎如果再加埋隻煎燶邊太陽蛋 我會更like🤣水牛城雞翼$32個汁好開胃 食完會追住食😌四隻對我黎講好唔夠喉😭上次試過再嗌埋炸薯角😆用佢個雞翼汁點薯角食好好味🤤煙三文魚蛋沙律牛角包🥐配黑醋沙律 $30又係我必叫既牛角包🥐本身我自己好中意食蛋沙律😶所以⋯呢個又係我必點😎牛角包係區內好少有🧐$30有個牛角包配黑醋沙律，仲有煙三文魚我覺得價錢好公道🧐銀錫花甲配蒜蓉包$52花甲份量好多🤤個底仲有金菇墊底，啲金菇索哂啲花甲汁🤤好鬼好味😋個蒜蓉包仲即黎即焗😲又夠牛油同蒜蓉既香味🤩真係好好味😋（*蒜蓉包單買$12/4件 有時口痕都就咁買黎食😁）記得開始佢地啲炒意粉好油，

佢哋啲湯勁奶味 嗌咗個黑松露炒雞肉意粉 又係勁奶味食到陣酸奶味 真係唔係食開果隻其實普通加個忌廉都夠之後帶咗個豬頸肉炒公仔麵啲面好淋不過呢個價錢都算不過不失嘅我覺得個湯同意粉可以改善一下不過之前食過牛肝菌飯都唔錯嘅～