RISE Kitchen (已結業)

餐廳位置其實一啲都唔就腳，但每次行過都見到好多人食。今次選擇平日lunch time黎，好彩有訂枱，明明附近都是住宅區，但黎到幾乎座無虛席。呢度環境真係好靚好relax，而且外面就係將軍澳海旁，食完飯就去海邊行下，非常chill。黑松露薯條：薯條比較軟身，略嫌唔夠熱，炸脆一點更佳Creme Brûlée Latte：本來我絕少飲咖啡，但見到個名有creme brûlée，又好想試試，但飲落其實又唔知點解關creme brûlée事，只覺得係一杯好飲嘅latte。龍蝦汁蟹肉龍蝦意粉：龍蝦汁味道非常濃郁，每啖意粉食落都啖啖龍蝦及蟹肉，非常滋味及滿足。價錢略貴，但都值得一試。Rise 豪華全日早餐：有煙三文魚、煎帶子、沙律，黑松露炒蛋，牛油果醬，自選牛角包或法包。份量唔算多，配料唔算特別，帶子煎得非常香口，黑松露炒蛋嫩滑。黎之前非常期待食呢間餐廳主打嘅自家麵包，牛角包賣相好靚，非常高身，咬落去非常鬆化，好香好好味。覺得下次黎可以直接skip咗個all day breakfast，留番d quota直接試多幾款佢地嘅自家麵包，好有質素！

在將軍澳有間是天氣報告主持人黃婉曼開的《Rise》,主理優聞家庭式餐廳、自家烘焙教室 ，主打賣流心牛角包、鬆軟日式麵包及甜品等，家住將軍澳的我難得遇到閒日放假，又不會等位的時侯來嘆個包飲杯咖啡 ，選擇各式麵包或甜品，可以另加$20有普通咖啡或茶包的茶，如另加$25可以有口味咖啡，我選擇了朱古力流心牛角包$32，再點了杯法式焦糖燉蛋泡沫咖啡(+$25)，咖啡的奶泡好綿密，幼滑美味，奶面有燒焦過的焦糖，整體飲落微脆香甜，而朱古力牛角包都好酥香，切開層層酥皮分明，有流心朱古力的效果，朱古力味也十分濃郁，坐近落地玻璃窗位，引入自然的太陽光都感到舒適，地方都寬敞，幸好人流不會太多，都可以坐得耐的cafe

好朋友假日入嚟將軍澳搵我食晚飯，仲特登指定話要食呢間。我住咗喺隔離一年幾都冇留意有呢間舖頭😂鋪頭係落地玻璃，好光猛！入邊裝修亦都擺咗唔少心思，好適合影相打卡👍而且座位亦都好鬆動，坐得好舒服😌我哋四個人叫咗龍蝦包餐，黑松露忌廉意粉，煙三文魚pizza，牛角包龍蝦包配薯條🍟薯條脆卜卜係新鮮炸，龍蝦肉都幾新鮮，不過我就唔係咁鍾意個沙律醬，個麵包超脆好味😋煙三文魚pizza，係博批，個底好脆，d料都好足，基本上每1塊都會有大大件3文魚，pizza上面有少少意粉🍝都幾特別，識落有好夾喎！黑松露意粉，望落去好似好好味，但就冇味，可能我鐘意食濃味野啦，朋友就話偏淡，重點個份量超級少！下午茶餐都可能多過佢。。。朱古力蛋糕，好好龍朱古力味，而且d cream好滑，蛋糕部分又好軟，結合埋一齊好好食！下午茶食件cake飲杯咖啡應該會好正😋總結，呢間餐廳主要都係麵包嘅食物會比較好味，主打係牛角包🥐，真係好好食㗎！晚餐就真係一般般啦，建議就中午tea time食，因為夜晚食真係唔夠飽，同埋蛋糕麵包先好味。值得提一下，呢間餐廳20:00就閂門㗎啦，1915Last order！所以人哋真係唔係主打晚市🤣

開係一個偏遠地方，價格偏貴，其實好應該係做熟客生意！最慘去左幾次侍應態度高傲一副不想接客趕客的樣子！叫左幾款食物，比較好味食物係all day breakfast,最令人失望竟然係龍蝦意粉算係失手之作！最後叫左個朱古力蛋糕甜品幾好味！* 最高瘦男侍應實在令人不快！唔想做可以辭職其實其他侍應都係一樣好冇水準可言看見洗手間用高價錢嘅洗手液無非都係想拉高餐廳質素如果貴公司想貴客常臨要好好training 員工無謂拉底餐廳評分

父親節，book 晒枱，本來開開心心一家三口去食飯。點知去到D職員只顧玩手機，之後安排咗一張小圓枱比我一家三口坐。一張二人小圓枱坐一家三口，實在有啲迫，於是嘗試要求轉枱。職員以全舖已經 full book ，而且其他人是二人或四人為由，拒絕我哋嘅要求。唔緊要，唯有要求佢哋轉一張小方枱比我哋。小方枱事實亦比小圓枱大一點。到開始點餐，時間係1800 ，但係沙律冇，沙冰冇，頭盤又冇開始一陣，身後的一張由二張小圓枱組成的四人「吉」枱坐咗一對情侶，他們由開始食到食完也是兩個人，他們叫咗件cake, 飲咗杯 coffee，身旁有多的椅子一直用來放袋。好，唔緊要，心諗可能之後有四人 booking 呢。亦可能佢以為我哋一家食好耐呢。可惜，到食完埋單，身後的四人位除咗之前一對情侶，其餘時間依然冇人坐。其實如果冇位，大可以唔比我 book 枱，book 咗枱，勉強比一張小圓枱我坐三個人最差的安排，當然係寧願有枱冇人坐，都唔安排比我一家三口坐。

雖然地鐵站行過去無瓦遮頭太陽曬住好熱，不過都值得，因為餐廳舒服而且無限時，餐廳裝修好靚，有大大落地玻璃，好寫意，員工制服都好靚😜去到要等4張檯，去海旁行一陣，幾舒服。🥰返到去冷氣唔多夠所以叫咗杯凍飲mocha , 另外叫咗咖啡蛋卷，牛角包同士多啤梨cake .咖啡蛋卷個卷濕濕地好似有少少怪🤔，士多啤梨cake 士多啤梨都多，不過cream亦太多 , 好heavy ,個餅底幾好味。mocha 用膠杯，非常唔環保，偏奶，麻麻，牛角包size 有啲細同酥唔夠多層，不過order 個包24蚊加20蚊就可配mocha 真心抵。

我同朋友去到餐廳職員話冇位要mark waiting list有位會打俾我地，點知等左勁耐都冇人，去到就見到有人一個人walk in唔洗mark waiting list,仲要俾一張大枱佢。我地一共三個人就俾張二人枱我，我地都想算啦等都等咗咁耐，但明知我地三個人仲要俾得二份餐具，我真係想問係唔係要我哋其中一個人用手食。而間餐廳嘅職員都幾好笑，見到你就當見唔到，仲要即刻低頭玩電話。最經典係，最後俾左錢後等找錢，等左勁耐都冇找錢，打算叫職員同佢講，點知睇到就當睇唔到，繼續玩佢嘅電話，要我哋親自出去收銀枱問佢係咪唔記得要找錢，佢先恍然大悟未找錢俾我哋。依間餐廳都幾令我難忘，係服務差到令我難忘，永遠唔會再去食，食完一肚火。

法國鵝肝平澳洲雞扒配10穀飯大大件鵝肝 香脆可口 絕對高質👍🏼雞扒 皮脆肉嫩 兩者配合得天衣無縫 估唔到咁簡單既菜式都可以咁好食！身為健康概念為主餐廳 蘆筍底+10穀飯成個餐唔會太膩 💯分 ！日式大和豬肉眼扒配10穀飯豬味濃 D蘑菇帶到個味出嚟 再加埋黑松露 襯到絕！

最近將軍澳海旁附近開左好多好靚嘅西餐廳，今次就試左呢間Rise😋係疫情下都排左一陣隊先有得入。我地分別叫左個煙三文魚bagel同龍蝦汁蟹肉意粉，西餐黎講味道不過不失，唔係特別impressive🤔龍蝦意粉算係落足料，食落都有幾香嘅龍蝦味，而且都算多龍蝦肉。而個bagel唔會太硬，加埋cream cheese 同煙三文魚嘅配搭就唔會難食得去邊。我比較鍾意佢杯green smoothie, 飲落酸酸甜甜咁，非常fresh同健康。

到埗餐廳要等位，係店外等嘅時間有好多蠓咬😭😭😭終於等到，餐廳空間感幾足，亦都因應規定加闊左枱同枱嘅空間~All day breakfast 食得多，今次叫嘅deluxe all day breakfast 唔再係煙肉、腸等，而係帶子同煙三文魚食材唔算係太特別，沙律菜、煎帶子、煙三文魚、黑松露炒蛋(唔太鍾意黑松露，轉番正常煎蛋)、牛油果蓉同牛角包(可選ciabatta)帶子好大粒，外面煎香，內裡保留半熟狀態🐚煙三文魚、雞蛋、沙律都係正常發揮，反而係有少少唔理解牛油果蓉，或者如果配ciabatta 會夾啲，就咁食或送碟上任何一樣野都幾怪🤔可以考慮俾番幾片牛油果好過牛角包係稍稍加熱過，脆度很好，不過製作發酵可以再精進，內裡結構稀疏，中心基本上係空心，如果外賣番屋企食應該就會塌哈~見到係奇異果梨椰青汁就叫左，飲落似單純嘅奇異果汁🤣

今晚同朋友係將軍澳既Rise Kitchen食晚餐. Rise Kitchen係一間法式烘培同cafe用膳既概念餐廳. 除咗有手工麵包同甜品俾顧客選購之外, 仲有咖啡等飲品, 西餐選擇.我同朋友2人order咗 法式鵝肝拼澳洲雞扒配十穀飯 同 紫蘇葉番茄鮮蝦意粉.法式鵝肝拼澳洲雞扒配十穀飯 - 鵝肝鮮美,入口即溶. 同香脆鮮嫩既澳洲雞扒稱得上絕配! 而配料有雜菌菇,蘆筍再加上法式燒汁,亦非常惹味. 另外,十穀飯充分吸收蘑菇燒汁,口感極似risotto.整道菜搭配甚佳!紫蘇葉番茄鮮蝦意粉 - 新鮮番茄醬配上香甜既大蝦同彈牙既意粉. 另外意粉有6隻大蝦咁多,cp值頗高!而飲品方面我地選咗健康既Purple Mix 同 芒果之夢沙冰. 有豐富維他命A同C. 絕對係健康飲品既好選擇呢!

一進來比人的第一印象就是環境真係好優美 🌼🌸有小清新的感覺，女生朋友來到會好想打卡～ 因為呢度側邊全部都是落地玻璃，可以望住街景食飯～若然是白天黎，陽光照入黎暖暖的🌞～可以舒舒服服一邊望住出面嘅街景一邊品嚐美食，放鬆心情又可以打卡❤️令人感到非常寫意 😍龍蝦汁蟹肉龍蝦肉意粉麵質煙韌，口感彈牙，而且每一根意大利麵都可以沾滿龍蝦醬汁～分量都幾後，2個人share就剛剛好～～除左意粉，我地重order左豐盛的 ALL DAY BREAKFAST😊太耐無食，睇到隔離檯心癮起就跟住Order 吧～結果真係跟對人了，一個主菜可以食不同口味的食物才不會厭，哈哈😘～呢個餐有齊: 兩顆雞蛋、腸仔、煙肉、mushroom 同埋沙律菜，有肉又有菜健康又美味。兩個🌞太陽蛋煎得岩岩好，切開中間個蛋黃會流心好吸引呀~~飲品方面我地order左2杯soft drinks 😽其中一杯 紅色溝紫色～顏色好夢幻呀！

將軍澳區已經越來越多Cafe特別係海濱長廊附近嗰頭圍繞着都係低密度嘅住宅感覺唔似係香港所以入到餐廳都有一種去咗外國嘅感覺今次呢一間餐廳係藝人開嘅主打係烘焙麵包一入到餐廳已經好多麵包放咗喺度新鮮出爐香噴噴熱辣辣但係我今次一早嚟到我想食返個早餐先我揀咗嘅係呢一個豪華版嘅全日早餐佢有煙三文魚、帶子、牛油果醬、沙律同埋黑松露炒蛋見到啲食材已經非常之吸引、好難唔好食另外仲有個香噴噴嘅牛角包🥐拎第一題呢間餐廳一至五會有set禮拜六日係冇㗎最後我覺得呢間餐廳好好嘅係感覺非常乾淨衛生佢有放到消毒噴霧喺枱上邊每張枱都有清潔另外有口罩同埋消毒用品放出嚟相信係俾客人使用滅正呀食得乾淨安心最緊要

呢間餐廳之前食過好鍾意，今次就同朋友再食多次。我地就叫左一個deluxe all day breakfast 同一份風乾啡菇片牛肝菌汁義大利粉。首先個all day breakfast嘅牛油果醬真係好特別，我用隻帶子去點個醬估唔到好夾，帶子好大隻同好爽口，而黑松露炒蛋同樣好特別，而且蛋亦好夠滑。至於個意粉同樣無令我失望，特別係個汁好夠濃味，食完又唔會覺得膩。另外飲品方面我就叫左杯熱嘅hazelnut chocolate，估唔到仲有個好靚嘅拉花，搞到我有少少唔捨得飲，味道同樣地吸引，唔會太甜之餘亦好濃。

很久沒有去將軍澳，直至最近和朋友去探望新手媽媽朋友，才發現將軍澳改變了很多，起了很多新的低密度住宅，朋友推介了我們來這間Rise Kitchen, 就在新建住宅區內，地點不太易找。先要讚讚這餐廳環境帶點日系風，貼心到每個客人的枱上都放了一個透明密實袋供儲存或棄置口罩之用。我們點了大啡菇意粉，厚切餐肉牛肉包，棉花糖朱古力，焦糖咖啡。大啡菇意粉：意粉煮得彈牙，大啡菇很香，整體味道不錯，而且份量相當大碟厚切餐肉牛角包：真的要讚這個牛角包做得又酥又脆，而且牛油味很強，大愛棉花糖朱古力：嗜甜的女孩子必會喜歡，真的甜得很。焦糖咖啡：朋友說咖啡不錯食物質素不錯，餐廳環境都很舒適，跟朋友閒聊的好地方。