Rosie

營業中

休息中

打卡就OK😂質素就普通了二百幾蚊一個意粉還好了但是$88.1個普通炸薯條是翻炸的 超硬疏乎厘咖啡本身期望是真的的咖啡上面是疏乎厘 原來是奶泡，非常失望質素也談不上這個價錢限時75分鐘 食物上枱也較慢剛好食完嘢電話Apps落單，QR code顯示仲有15分鐘 打算叫甜品嘅時候發現已經block咗唔俾order甜品 詢問店員話只可以order飲品 比較無奈的是店員見我們在私下討論時 便過來話 因為佢哋製作甜品時間需要30分鐘 🤷🏿‍♀️

朋友話想試下呢間餐廳，星期六下午兩點幾黎到要等位，餐廳都唔算好大，限時食75分鐘，差唔多到我哋嗰陣店員會先俾個qr code我地落單先。法國黑松露蘑菇貓耳朵粉$118，個醬好多好濃郁，好似飲緊個湯咁🤣🤣加配左個炸薯條配黑松露蛋黃醬$20，薯條overcook，炸到好乾👎唔得！牛油果滑蛋治$98，包皮應該有用牛油煎過，好好味，滑蛋熱辣辣大舊又好滑，不錯👍不過就覺得有d貴。紫白配牛角酥窩夫$88，牛角包窩夫好食，但個士多啤梨醬我就唔係好鐘意（有d酸），如果佢可以出更多其他口味會更佳。雪糕係奶茶雪糕幾特別。抹茶鮮奶$58，抹茶味唔夠濃，好似淨係飲到奶味咁，而且唔算好大杯、性價比唔高。整體嚟講呢間餐廳屬於小貴，食物質素未算好特別，而且用餐時間比較短，試一次好了。

餐廳裝修好靚，但係如果d野食同閒舖都一樣靚就好，有樣但係味道跟不上，價錢都唔便，拍得上中環價位，香草牛油封門牛肉汁意粉，肉質唔靚，蝦多士真係好mini，兩塊，一般；牛油果滑蛋治，自己都可以整，應該都好食過呢度，性價比好低，但係好葛係接受寵物入去，呢點加唔少分。

今次寫comment 真係第一次，因為都好深刻要記錄一下: 這間餐廳的服務態度真係不敢恭維，我坐低叫了一杯咖啡，一個意粉，杯咖啡到咗後，我問waiter 拎糖，佢當時個樣好愕然，不過都有比我，不過我諗啡糖唔係應該放喺枱比客人決定落唔落？ 冇耐我就聽到隔籬枱問waiter 攞咖啡糖, 然後waiter 話我哋咖啡用日本奶冲唔需要落糖 ！ 嗰時我明喇～ 唔怪得我當時個waiter 咁唔願意比糖我啦！ 勁多唔情唔願比咗一包糖我！ omg 成個過程我覺得感覺好差 ！ 然後 食食下有人走埋嚟話我用餐時間差唔多完，我話我仲想叫嘢食，個waiter '話’’冇喇！ “因為你用餐時間已經完，呢間餐廳當時只有3，4成人左右，唔明點解咁冇禮貌叫啲客人走！當時嗰個waiter 行埋黎𠩯好冇禮貌! 好似我得罪咗佢咁！ 我心諗你間餐廳又唔係爆曬人，仲要咁冇禮貌叫人走 ！ 真係食完都一肚氣～然後埋單要行出去埋單，食嘢又係自己落單，仲要出到去應該係老闆收錢，個樣好似殺死人咁！ 好似欠左佢咁，然後呢啲服務態度要收你加一我真係唔識欣賞呢間餐廳！就算幾好食都唔會再嚟～何況仲要係勁普通真係貼錢買難受！ 記得嚟食嘢只有75

人生食過最絕望嘅一餐！ 全葵芳村最難食嘅餐廳！ 社交平台見到咁多好評，點知就中大伏！第一次寫食評因為真係好唔值得食！價錢貴但又無水準3個人叫左3個主菜，加左幾個小食同1個甜品加完一之後每一差不多$300。 啲質素差到去對面葵廣掃街好過3個人叫左三個意粉，龍蝦意粉就腥，芝士雞意粉無芝士味小食係得薯條叫正常，蝦多士無味，蒜香雞翼就燶到苦甜品係最絕望，叫左個雪糕麵包布甸，唔知係咪我見識少，麵包布甸薄過張紙，好似無嘢食咁， 得蛋味，似煎蛋配雪糕咁。

呢間Cafe一直都想試，見網上話成日都排晒長龍，今日見有時間就去打下卡。未行到去已經見到有幾pair情侶等緊位，店鋪嘅門上貼左一張紙，供食客自行填名，當有位嘅時候店員會叫名，咁樣可以方便店員。餐廳環境感覺好舒服，燈光柔和，有種好relax嘅感覺。我地叫個兩款輕食，蝦多士＆秘制流心蛋治。蝦多士以焗嘅方式令面包脆卜卜，比起一般餐廳用炸方式健康好多，唔會有油膩感覺，而面包上面鋪上蝦＆辣椒，廚法有別於其他食肆。至於流心蛋治貌樣好吸引，熱辣辣嘅面包夾住凍冰冰蛋沙律，面包都依然香脆，呢個蛋治份量十足，一個人食一定食唔晒。

🦞龍蝦濃湯蟹肉帶子麵 $238雖然只係得一粒帶子，但成個墨汁意粉上面鋪滿蟹肉，而且蟹肉食落真係有蟹味，再配埋個龍蝦汁，味道好濃郁，好好味！🍤蝦多士（2件） 加$20.0平時食開既蝦多士係用蝦肉做餡，但呢度食係多士做底，再喺上面放兩隻蝦仔，食落蒜蓉味好重，鹹鹹地。蒜香雞翼（2件）加$20.0🍯海鹽雪糕蜜糖吐司 $98淋上蜜糖，鹹鹹甜甜，吐司下面有一層蛋，口感豐富。餐廳環境靚，非繁忙時間無乜人，都坐得舒服。

－去到葵芳就淨係識去葵廣掃街😂今日突然想試吓新嘢😂就喺附近四圍行吓喇👣點知真係俾我找到個好地方👍🏻呢間位於葵芳廣場地下嘅隱世Café 🪵😽望到門口嘅裝修已經覺得簡約大氣🫰🏻白色嘅外牆配上落地玻璃，好有空間感，加上充滿設計感嘅稻草燈罩同埋柔和嘅燈光💡直頭好似去咗外國度假咁⛱️好悠閒舒服😌真係好啱打卡📸講真喺葵芳可以用咁親民嘅價錢食到高檔嘅意大利Pasta🍝係我估唔到嘅🤔由裝修到食物嘅味道同質素，都可以感受到店主對顧客嘅用心❤️

人生第一篇寫食評嘅要獻比呢間餐廳餐廳位於屋村 但價錢係中環地段價錢睇相係好吸引 但食完簡直覺得係俾咗智商稅自己唔識煮嘢食 都一定煮得好味過佢叫咗個龍蝦蟹肉帶子意粉，勁水又淡，仲要唔係好熱！價錢198蚊(仲要加1)，得一粒帶子咁大把🙂。另外再叫咗個特濃芝士醬配慢煮雞卷意粉。簡直係食緊垃圾😇😇以為嘢飲會好飲啲啦，點知嚟到麥當勞都好過佢🙂🙂🙂再上網Search返見到有大量foodies吹捧呢間餐廳，大家入去食真係要慎重考慮 ！

龍蝦濃湯蟹肉帶子墨魚麵$218其實係因為呢個意粉而黎😗呢個真心好味，果然無失望龍蝦濃湯好夠味，雖然深色，但又唔會好稠身，食得多都唔heavy, 又唔會好鹹，鍾意食海鮮嘅岩哂好多蟹肉🫶🏻但點解帶子得一粒🥺墨魚汁麵有嚼勁香草牛油封門牛肉汁意粉$208店員用火槍燒溶牛油🧈封門牛肉粉嫩，肉質軟腍有牛味，但意粉個牛肉汁唔係好吸引，食落又唔係特別夾，隻醬個口感有啲似肉醬意粉嘅醬+黑椒咁忌廉菠菜$20蒜香雞翼$20兩款都係用豉油碟/兒童碗咁上😂味道平平 黑糖薑母咖啡$53好甜，咖啡底只屬一般抹茶鮮奶$48抹茶味唔濃佢啲飲品真係麻麻地

一啲都唔好吃，唔平，定價貴。好失望，薯條普通到冇得再普通，唔好吃但$88一份。蝦多士係幾隻碎蝦仔加塊麵包又收你$88。意粉麵少，如果要加麵要加$20。其中一款加咗麵，但份量冇話差好多。。加咗錢但份量一樣若然唔加麵，小鳥胃都唔夠飽。。埋單600幾3個人，超級不值好失望7點15pm就last order ，8點就要離開。唔休做生意

平時去開葵廣搵嘢食，今次特登去遠少少🤏🏻，屋邨入面有間bookmark咗好耐嘅café🤩星期六日勁多人，由於不設預訂，只可以過去排隊walk-in。超級足料嘅墨魚汁意粉！巨量蟹肉鋪滿意粉，上面粒帶子煎得啱啱好，食落彈牙又有鮮味🤓龍蝦濃湯相當creamy，仲額外用咗少少麵包去蘸龍蝦湯黎食，勁match超好食‼️所有嘢撈埋一齊食勁正，難怪幾乎每枱都有叫，大推之選！👍🏻跟餐只需+$20有兩塊，啱哂淨係想試少少嘅人😆多士相當鬆脆，少少牛油香味，上面都有2-3隻蝦，都好足料，完全唔會馬虎😆又一足料之選，而且勁大份‼️個厚多士充滿牛油香，咬落唔會勁乾，中間位置夾住炒蛋，果然係勁滑，食落仲有少少蛋汁🤤上面嘅牛油果都勁新鮮，係翠綠色架🥑整體連埋佢topping嘅沙律醬真係勁好味~其實佢係凍latte嚟😆上層藍色係蝶豆花，令到成杯咖啡勁打卡able📸蝶豆花唔影響成杯latte嘅味道，啡味都幾濃郁👍🏻熱latte比起凍嘅啡味濃多少少，上面有個少少嘅拉花，奶泡唔算打得好滑。

諗住同老公食完午餐再返工。原本老公建議隨便去葵芳邨的茶記。行過見這店環境OK,又唔多人，試試吧。點知......我錯了。我不確定這間廚師是否識煮，還是他們想創新。蝦多士，無蝦膠，放隻蝦+乾蒜在多士上。卡邦尼意粉，似黑椒牛油汁加煙肉。好多黑椒，但無黑椒香。原本卡邦尼意粉係好creamy﹐有芝士，呢間原全無！仲有，煙肉質素差，唔香，勁咸。是食咗1啖放棄！肉醬意粉，用茄汁+紅蘿蔔泥煮。應該用茄膏煮，有蕃茄粒......無，上枱時一層油在底，唔知仲以為加咗清湯以上3樣食品，上枱時只是溫暖，唔係熱的。咖啡是即磨咖啡。但應該咖啡豆質素問題。好似無咗咖啡豆油咁，口感好乾旱。要另外問才給糖水，上枱時凍咖啡是無落糖。食物完全無可取之處！

#rosie 因為之前經過見到裝修好靚 所以都想去左好耐 但係食完真係覺得有點失望·龍蝦濃湯蟹肉帶子麵 ($188）好多湯 真係湯意粉咁 龍蝦湯個味都唔錯 配料嘅帶子都煎得岩岩好 蟹肉略嫌有啲碎 但係份量真係有啲少 因為lunch又唔係set 價錢其實都算貴·柚子胡椒汁青口大管粉($128)啱啱個個都叫做係湯意粉 但係呢個個汁又係多到好似湯咁..不過柚子胡椒汁個味係幾特別 食落去係清新 不過大管粉中間入唔到汁 少可惜 同埋都係有份量問題·帶子南瓜意大利飯($108)呢個真係唔推薦 首先佢嘅汁都係偏多 另外就係南瓜汁有啲太甜 再加埋係有陣奶粉味？ 調味做得有啲差·炸薯條配黑松露蛋黃醬($88)正正常常冇特別comment

呢日開早更, 早收工。同朋友去食我講左好耐要encore 既隱藏在葵芳邨的木系cafe上年去葵芳劇場睇show 前食這一次。我念茲念茲過開黎一定要再食。餐廳裝潢同之前來一樣以北歐風格的簡約設計和高樓底的空間感，十分舒服。這裡的菜式以意大利菜為主，但也有一些創意的小食和甜品，適合三、兩好友聚餐或情侶約會。我今天嘗試了三款招牌創意菜式秘製流心蛋治$88蛋控既我見到面中間一顆切開溏心蛋，一口咬下去，固態液態既蛋在口中化開，棒棒的。用烘烤過的甜甜鬆軟香脆多士包著的原來是碎蛋沙律… 好似和回憶有點距離。吃下去，蛋沙律比較流質，涼涼的與多士成對比，口感豐富而多層次，很有趣。可能天氣冷。覺得回憶中暖暖又蛋香濃濃的滑蛋更合我心意。後來才知道牛油果才是滑蛋治。下次要點滑蛋的。紫白配牛角酥窩夫$68-一款很有創意的甜品，用牛角包做成的窩夫，外層酥脆，內裡鬆軟，散發著牛油的香氣。上面鋪滿了新鮮的草莓和藍莓，顏色鮮艷的生果打出來的醬汁增添了酸甜的滋味。旁邊還有一球奶茶味的雪糕，香濃而順滑，與窩夫的溫熱和酥脆形成了冷熱和軟硬的對比，讓人欲罷不能。Bluebottle jellyfish$68-用藍色的蝶豆花茶和