Rosie

營業中

休息中

呢間Cafe一直都想試，見網上話成日都排晒長龍，今日見有時間就去打下卡。未行到去已經見到有幾pair情侶等緊位，店鋪嘅門上貼左一張紙，供食客自行填名，當有位嘅時候店員會叫名，咁樣可以方便店員。餐廳環境感覺好舒服，燈光柔和，有種好relax嘅感覺。我地叫個兩款輕食，蝦多士＆秘制流心蛋治。蝦多士以焗嘅方式令面包脆卜卜，比起一般餐廳用炸方式健康好多，唔會有油膩感覺，而面包上面鋪上蝦＆辣椒，廚法有別於其他食肆。至於流心蛋治貌樣好吸引，熱辣辣嘅面包夾住凍冰冰蛋沙律，面包都依然香脆，呢個蛋治份量十足，一個人食一定食唔晒。