Ruby Tuesday (屯門時代廣場北翼)

營業中

休息中

Join左佢個會員所以成日都會過嚟食，今次就同朋友過嚟食～我哋兩個人以下呢啲嘢食滋味雞翼拼盤$99兩隻味分別係照燒同水牛城， 個人覺得照燒好味好多～烤羊架$219 烤羊架配上蘑菇醬味道唔錯， 仲有薯蓉配料，分量超大！特色加州墨西哥烤餅$149依個烤餅幾好食，入面有烤雞肉同牛油果，配搭得幾好，感覺好健康～另外仲嗌咗兩杯飲品分別係青檸梳打$34同煥然一新$34 最後我哋兩嗰啲食唔曬～下次可以唔使叫咁多都得如果冇會員，就貴左啲建議經常食嘅話join就著數好多

同小朋友去lunch, 訂位時已 remark 有 kids request highchair, 但入坐後d顔色筆，兒童食具，甚至清水都要叫先逐樣送黎Order 左個兒童餐雞翼併燒排骨，幫小朋友剪開隻雞翼，血淋淋小朋友食左就大件事了……隻雞翼最後就係咁樣俾樓面員工收碟收左去(視若無睹……)小朋友冇雞翼食，只好叫番個 chocolate tall cake補數呢間分店都開左幾個月，初開你話員工未磨合可以理解，但到依家d員工d服務仍然係踢一腳郁一下(叫埋單都未有兩杯水)，實在好令人費解

自從冇做會員之後就好少再幫襯ruby tuesday呢間餐廳,由於我朋友係會員所以早幾日約咗朋友一齊去屯門食,約咗六點半鐘,侍應都好好招呼我哋,叫咗幾款小食,牛扒,西蘭花雞肉長通粉.甜品我哋選擇咗招牌Talkcake.黑松露芝士薯條好好食,份量不算太多🍟我朋友說上次點餐的份量多好多我哋諗,可能係星期五廚房比較忙所以份量細咗,其中有一款小食係好似係黃金蝦,食咗一隻點知(極度咸)即時同餐廳反映咗,好快女侍應走嚟同我哋講黃金蝦嘅調味係用鹹蛋黃所以係會咸少少,已經同廚房師傅反映過ok完全明白哂😅之後我哋即點餐飲可樂及一杯凍檸茶.但係餐飲等咗好耐都未出,我哋已經同待應反映,她好快地幫忙追上,如果唔係我一定咸死🤣特別讚揚女侍應服務態度態度超好👍🏻壓軸出場Talkcake 發覺咁多年嚟都冇變過依然都係咁好食🥰不過老實講如果正價的話一定唔會嚟食,食物質素都唔差,唯獨是個黃金蝦失咗手🤣希望下次嚟食唔會再有咁嘅事情發生啦🥲溫馨提示大家做咗會員一定要check單😏省卻一些不必要嘅麻煩😏

Ruby Tuesday ( Tuen Mun ) 屯門最近多左好多餐廳,連壽司郎都開埋,多左好多連鎖店最近Ruby Tuesday都係屯門時代廣場開了第七間分店之前可以用特價買會藉,再送電子現金券,另有主餐牌優惠等電子券計落都幾抵,朋友JOIN了,最近就約我食飯我地叫左份沙律,一份意大利飯,IMPOSSIBLE素肉烤餅,仲有一份牛肉牛肉可選熟度,伴碟係薯菜,一份薯條和烤蔬菜,醬汁係磨菇汁薯條夠脆,係粗身薯條,食落香口,牛肉熟度合格,唔會煎過熟,切開有肉汁牛肉厚切,切開係粉嫩既紅色,肉汁封住係牛肉內,肉味濃郁而且柔軟肉質沙律有芝士,番茄仔,新鮮沙律菜,食起黎清爽,無醬汁,健康之選烤餅中間放左素肉,口感豐富似真肉,味道偏淡,可以加少少醬汁食就調味意大利飯上面係鵝肝和煎帶子,煎得香口,鵝肝切開全是油脂入口即溶,味道濃,油脂甘香,將鵝肝拌飯食,味道更豐富突出屯門時代廣場北翼地下39-40號舖平均消費 $300評分7/10特色或優點 以相對合理既價錢提供西餐晚餐,鵝肝,牛扒,仲有素食選擇,食物亦有水準,唔係HEA做

新開張，就前來☺️但都多人到要早二星期訂位，幸好有提供網頁。員工有禮貌，order 了3樣(見相），味道好好，個包出奇地好味喎，希望還出多啲款式，pizza多些。今次做埋會員，抵很多。叫大杯juice, 夠3個人飲吖，小朋友非常開心。其實甜品都要多些口味，不是人人愛朱古力。

今日再次黎食晚飯，對比上次lunch 情況好好多，起碼唔會再客走咗仲多張枱冇執。同事方面一樣禮貌招待，只係一幕好笑嘅係d 餐剛放低一陣都未食，有位同事就埋黎問對今晚食品滿唔滿意。因朋友係素食者，之前睇openrice 嘅餐牌係有植物雞，點知原來已改，所以食唔到。我自己就叫咗客肉眼，將薯條改為雜菜，肉質對我黎講算唔錯。因會員嘅價錢同正價都相距成半，計落自己都應該幾接受呢到，所以決定買個最基本會席。原價$1200用恆生卡只需$1000,仲可即時使用。黎緊都會多d 黎食，起碼要食多幾餐先開始真正賺到着數。

晏晝2點幾黎食下嘢，都已經過左繁忙時間，侍應都提用餐時間個半鐘就要交枱我同朋友就叫左個lunch set，朋友叫左個雞卷，我就叫左個墨西哥薄餅（impossible 黎嘅）。然後同朋友再加30蚊叫左雞翼。雞翼CP值好低...30蚊得3隻，仲要細細隻，真係唔加無咁嬲。我就好欣賞個墨西哥薄餅，因為impossible 嘅肉比真肉好食，食落又唔乾。雞卷就大舊得黎乾，但我覺得岩做gym嘅人食嘅。最後侍應都無迫個半鐘交枱嘅...

今日終於係自己區試到ruby Tuesday ,午飯時段唔駛等位。但唔知係咪員工人手唔夠，就算客人已走，都見唔少枱係冇執，包括我自己個張，雖然唔係話咩高級餐廳，但咁樣望落好差。坐低要問先會比水，叫餐後直至食完，杯凍咖啡都未黎，要追先到，仲要比錯熱嘅，不過我都冇要換。食物質素係唔錯，叫咗忌廉波菜鯛魚，魚唔腥，幾好食。餐係話一係沙律，一係湯，其實點解唔會2樣都有呢？員工係有禮貌，只係好似少少亂，總括黎講可接受，因食物真係唔錯，會再去食，但希望以上問題，下次會見到有改善。

好耐無食牛扒啦！一於去Ruby Tuesday滿足下我呢個食肉獸嘅味蕾！-18oz USDA Bone in 肉眼扒我地點咗七成熟，熟度啱啱好，煎得香口帶點炭香味，非常有技巧，咬落好鎖汁又Juicy!!肉質軟腍，牛味好濃郁！我地揀咗蘑菇汁，係有鮮蘑菇肉咖，加埋牛扒口感更豐富。而且18oz都幾大塊又厚身，啱哂同成班fd子share！依家7️⃣七月仲有限定優惠‼️有得無限添飲可口可樂，牛扒加冰凍可樂真係Perfect match!!-拼盤對對碰我地另外點咗個拼盤（大）開心share!幾個人食絕對夠飽！分別揀咗以四款小食：👉🏻薯皮揀咗蘑菇焗薯皮，焗得好香口，加入芝士黎焗，有微微拉絲感，值得一試。👉🏻雞翼照燒雞翼都有水準，外脆內嫩，燒得幾鎖汁。👉🏻炸雞柳唔會太乾，雞柳肉質都幾滑，炸皮好香！而且點兩款醬都幾match!!👉🏻炸蝦炸粉幾薄，蝦肉幾爽口，而且份量都幾多！-甜品篇Apple CrumbleRuby Tuesday嘅甜品都好出名，當然要試試！Apple Crumble 焗得好脆身，牛油味好香，上面仲有一球雲呢嗱雪糕，雪糕好滑又有雪呢嗱香！雪糕同Apple crumble 一冷一熱嘅交融口感不錯

朋友送嚟六折的ruby優惠券,諗住 有優惠 去食一食好西. 去到餐廳兩位， 攞咗 張飛之後先安排坐咗一個 屈質嘅位置 位置，喺玻璃尸門则面十分之 屈質 ，初初我好不想食，就是因為真係坐得好舒服，隔離就是另一個家庭，相隔好近他們傾咩我都聽得好清楚 。 之後 點了一個 西冷牛扒墨西哥薄餅加甜品。 食物質量唔會有太大驚喜， 市中心德國菜和outback可能好食D。全程無咩服務，水都無一杯，調味料叫先提供。折扣後加一三樣野680，兩人都覺得唔值，1,坐得不舒服，2，没有服務 3,食物也不太特別所以不會有下一次

雖然食物質素有待改善，但因為服務好滿意，女侍應不厭其煩笑容滿面地再三為我們落單(加分)。1) Ruby's Cream Blast $68 (4/5分)即Oreo/香蕉/朱古力smoothie三個味各自出味得來但好夾又不太甜，好！Frozen Cappuccino $68~(3.5/5分)好滑好香微甜2) Jumbo Lump crab cake $238~(4/5分)香煎蟹餅,一上枱好香好香好多蟹肉,唔會好多麵粉溝落去,好食下次會再叫｡😋3) Cheese Quesadilla $298~ (3.5/5分)香草芝士墨西哥烤薄餅， 素食小吃份量都算多， 芝士味香，彷肉都好味，但略嫌餡料分佈不均，每塊有三份一是沒有饀只有净餅。4) Premium Aged Prime Sirloin ~(3/5分) 西冷扒8安士(會員優惠券$108), 餐牌正價是12安士$458~ 今晚揀左蒜蓉汁,但唔係好食得出,冇討厭嘅梳打粉,叫左七成熟但係最後是全熟，所以有點鞋扣左分。5) Tender Ribs (Half) $318~ (3/5分)半份燒烤豬肋骨, 啲肉太林，味太甜，有煙熏味香口，老公竟然話似

好耐冇食Ruby Tuesday,屯門開左便去試吓，食物質素幾好，冇特定下午茶餐，午餐餐牌至五時，見其他人食的意粉都幾大碟，但去試當然試吓佢出名的扒及肋骨，燒排骨真的不錯，肉貭juicy,但西班牙栗飼豬扒就冇味及鞋鞋地，而且比較細塊；新豬肉(素)墨西哥餅有D驚喜，夠多芝士及素肉質感不錯;另加炸雞條配芥末醬好好味，但$30得三舊雞條略貴，凍飲好大杯，檸檬茶茶味幾香,環境新淨及侍應都有禮,但星期六日冇餐，如散叫食物而又非會員都幾貴。

時代廣場開了Ruby Tuesday, 事前一訂左枱，唔使等直入， 見有人walk-in 職員同佢講話等約十五分 鐘， sun 一人brunch 慢慢食，點左個牛排。做左會員正價餐牌五折，所以埋單時三百內，都ok。環境： 比其他分店細少少， 在時代廣場地下，裝修和氣氛還好。枱和枱之間隔得都開，沒有壓迫感。職員：態度還可， 經理態度服務誠懇。食物： 份量夠，等十零分鐘上菜牛排都幾大塊，叫5成熟，切開係5成，有汁，味道還可以，表面感覺未夠焦糖化，薯條脆。其他：週末沒有lunch menu ，有限時90分鐘。