Ruby Tuesday (已結業)

Ruby Tuesday 長時間都好多人，所以我每次食都會book定位！由於食過太多次，已經知道邊ｄ野食好味 所以會逐一推介比大家～飲品太多款選擇，而且當我飲完一款好味，我就會飲多幾次先轉口味。哈哈！左邊：Ruby Refresher(友人話好味，帶點乳酸味) 　右邊：Tropical Sunrise(味道似雜果賓治，果味特濃，仲有芒果粒係底添 Cajun Chicken Caesar(沙律味道混起來不錯耶！仲有ｄ芝士細細條同麵包粒係裡面，不過雞就有點咸)Parmesan Shrimp Pasta(已經吃過幾次了，蝦好彈牙，芝士汁濃郁)Double Chocolate Cake(暖暖既朱古力蛋糕配入面既朱古力漿，我覺得堅係無敵)其實Ruby Tuesday冇會員咭都真係幾貴架！所以我之前已經join左720日會藉(黑色咭)，所以酒精飲品、非酒精飲品及所有食物都可以享有半價優惠，不然我呢餐就會成為$712(未加一)，而且半價左當然抵食好多啦！哈哈哈～

想飲少少酒，點了杯星期六特飲 Long Island Iced Tea, August Chef’s Recommendation 係三片Parma Ham with Melon，略鹹火腿切薄片捲上清甜哈蜜瓜，係一味很好餐前開胃小食，August Special 係10 oz Rib Eye, $148 超抵食, 牛扒愛好者Ruby的肉眼一定要試，再加個 Chicken Bella, 肉質剛好不「鞋」口去骨去皮雞胸肉加幾片厚肉大蘑菇再淋上Cream Sauce, 一頓豐富二人晚餐, 足夠矣。有Premier membership，價錢可以接受。

想飲少少酒，點了杯星期六特飲 Long Island Iced Tea, August Chef’s Recommendation 係三片 Parma Ham with Melon，略鹹火腿切薄片捲上清甜哈蜜瓜，係一味很好餐前開胃小食，August Special 係 10 oz Rib Eye, $148 超抵食, 牛扒愛好者Ruby的肉眼一定要試，再加個 Chicken Bella, 肉質剛好不「鞋」口去骨去皮雞胸肉加幾片厚肉大蘑菇再淋上 Cream Sauce, 一頓豐富二人晚餐, 足夠矣。

突然醒起有張coupon未用…呢度平時正價唔平...所以都係唔好浪費…一於要食左佢…好彩臨時臨急都訂到位...估唔到晏晝都咁多人...呢度日頭都有cocktail點…同其他飲品價錢不相伯仲…款式又多…當然咪試下…味道雖說混有果汁…但唔太明顯…多數都係甜甜地易入口…半份豬排骨切開都唔少…係慢烤焗成…幾入味…但蘋果蓉味道唔突出…反而薯蓉軟綿綿…帶點椰汁味…朋友靜雞雞order左雞翼...但好普通…有d鹵水味...但楷垃垃…海鮮三重奏有d似泰國風味…配糙米飯…比較乾硬…龍蝦肉質堅挺…仲有蝦同碎蟹肉…比較一般…烤薄餅夠哂鬆軟…暖泣泣…內餡有d牛肉碎，蕃茄，芝士…感覺唔會好滯…甜品拼盤…黃色看似cheese cake...原來係薄皮海棉旦糕包住雪糕…底層有d似布丁…三重口感…朱古力旦糕味濃得有點苦…心型旦糕雖然唔同顏色…但唔覺味道有分別…兩款旦糕都係實心...唔係鬆軟果種...整體食物一般…反而飲品唔錯…但價錢略貴…唔成正比…如果無6折coupon既話…相信都唔會黎食…

假日既露比一定要排隊, 某日放工見無人WALK IN唔洗等, 限時1.5hrs.RIBS + WINGS我最鐘意食RIBS, 呢度整得夠入味, D肉唔太硬, 好易切.雞翼無RIBS咁入味, 但剩係食出面D汁都已經好正.卡邦尼意粉正常味道, 無咩特別.芝士薯條薯條夠脆, 好香口, 加埋芝士好好味.不過兩個人叫唔到幾多野食, 美國餐廳都係等多D人先黎試.

好耐無食，因為無會員卡唔底。有幸朋友入會，叫左忌廉意粉，好CREAMY, 但份量少左D，ribs同羊架份量都係少左D, RIBS 肉質較乾, 羊架唔蘇, 都幾好食！拼盤都唔錯，係個雞扒乾d o者。想讚員工服務態度好好~但要等有會員卡既朋友食先再有得食

與兩個表妹今次選擇在荃灣ruby tuesday 聚餐，原本book左8:45，但門口姐姐好好話9點後入坐有雙倍積分同埋飲品可upgrade 到mega size.所以我地就決定等多15分鐘。今次為我們服務的waiter叫呀Ben,好好笑容，我們三個人點左：帶子大蝦墨汁意粉（好香芝士味，不過略嫌杰左小小）/香煎鱈魚（灑上檸檬汁好好味）/芝士薯條（好食過o字頭果間西餐）/肉眼牛扒（叫左7成岩岩好，又淋）同埋全份豬肋骨（經典原味好惹味呀），點左兩杯飲品。埋單會員價$855其實真係好抵食！服務令人舒服。環境亦好適合大家傾計

哈哈哈～～今日是直得病慶祝的日子！皆因明天星期五是紅日，提早Happy Hour！家人提議去荃灣西的Ruby Tuesday吃晚餐，因為笑語早前join 了Ruby Tuesday為期三個月的Privilege Pass，食飯有折～～ 　下班後，笑語立即飛奔去！笑語爸已經提前等位，以往都要等很久，因為每次都是即慶，沒有訂位，所以只好Walk In 。今次都不例外，大概等了一個小時左右。一坐下，笑語就要看看有什麼飲品，上次試了Freshly Made Classic Lemonade系列的Strawberry Lemonade，今次決定試試Blackberry Lemonade。冰涼透心的檸檬汁加上酸汁十足的黑莓，讓笑語精神為之一振！沙津要了Caesar Salad with Portabella Mushroom，大蘑菇是笑語的最愛，沙津灑滿脆口的麵包粒和芝士條，爽脆的生菜滿是沙津醬，配上熱騰騰肥大肉厚的蘑菇，又是一個冷熱對比。笑語媽叫了一個Clam Linguini，扁意粉旁伴著香脆的蒜蓉包，笑語覺得很一般。笑語爸就叫了Fajitas with Combo Steak and Ch

因為滙豐信用卡的優惠，HKD250就買了90天的會籍，主餐牌半價，酒精飲品85折。買了會籍自然多多光顧，單是3月就吃了三次，真把自己養胖了不少。來了三次都有點RIBS，因為無論的朋友還是男朋友，都非常喜歡RIBS，第一次是燒烤汁，感覺很乾一般般。第二次選了蜜糖汁，立馬美味了不少，外皮烤的脆脆了，裡面還有點肉汁，唯一挑剔的是肉少了些。薯菜做的很香，伴碟的蔬菜也不馬虎，但因為太飽了，只是淺嘗。常聽說RUBY TUESDAY的很新鮮,我就挑戰了疊高高。可是終究沒有挑戰成功，知識一座扁踏踏的金字塔,哈哈。最喜歡SALAD BAR 的薯仔沙律,做的好好吃喔！但要是問我下次還玩SALAD BAR嗎？我還是喜歡坐著吃裝好的CAESAR SALAD, 哈哈.認識Ruby Tuesday是從巨無霸漢堡開始的，一把刀插著兩塊大漢堡扒的burger, 好有氣勢,唔食得都睇得!　要求咗漢堡扒五成熟，一切開盡是肉汁，看的人口水也很著花花流。好不容易弄了四分之一份,企圖能一口把包、生菜、藩茄、酸瓜和漢堡一起放進口中，勉強成功了，可能是拍照久了,有點涼，但還是覺得好好吃啊，又睇得又食得,哈哈!看了很多肉了,也來嘗嘗

踏入生日週, 真係好多朋友約我食飯! 好幸福呢~~今日揀左黎呢度開餐原因, 其一因為近大肚婆朋友屋企, 其二我係”黑咭”會員, 半價埋單實在太抵! 哈哈~~今晚我地點左以下菜式:每點一款主菜, 可以加錢出去沙律吧到任夾一次沙律~~~呢個沙律乜都有d, 哈哈, 好豐富喔!有菜、生果、長通粉、麵包粒、薯仔沙律, 仲有…..好多好多Rib配雞翼 + 薯蓉要全份骨真係好大份, 不過中間好大排骨, 所以又唔算好難處理 (食晒) 既. 味道保持到水準, 甜辣適中, 肉質嫰滑, 而且好易離骨, 所以好容易食!雞翼用酥炸烹調, 上檯還算香脆! 味道則不過不失!薯蓉有粒粒口感, 也有軟滑口感, 唔錯!!最簡單既肉醬意粉因為之前食過, 所以知道係用上粗意粉麵條, 食落好full, 好飽肚!迷你漢堡包配薯條迷你漢堡包有四個, 可以俾我地揀雞定牛, 我地揀左三牛一雞,麵包本身都有烘焗過, 所以都好軟熟脆口, 我食果個係牛肉, 味道好好, 唔似m記果d漢堡扒咁流, 係漲卜卜既, 咬落去都好juicy!三文魚扒配炒飯好厚既一塊魚扒, 哈哈! 味道唔算特別好食唔好食, 基本吧!不過個人黎講, 麻麻炒飯有薑….

收到張半價咭後, 第一次過黎荃灣分店開餐.可能早到, 唔駛等位, 直接入去, GOOD呀!被安排坐到架位, 私隱度高, 而且坐位闊落 唔錯!因為只有兩個人, 可以點既款式都唔會太多!最後決定要一個自助沙律+一個粉+一份扒就算了!自助沙律有個吸引之處, 就係你有本事既, 就用一隻細細既碟去夾晒出面所有的沙律同配料! 不過可惜, 我地冇咁既本事, 大概盛到我地可以KO晒既份量吧, 哈哈!!外出面選擇不外乎蔬菜類, 粟米粒, 麵包粒, 不同醬料, 少量生果, 已經用沙律醬撈好既沙律及通粉~~見到相片, 都知道….我地都唔輸蝕, 乜都夾D啦~其實本身店舖已經撈好既薯仔沙律已經係好好食了, 生果黎講亦都好新鮮, 有桃, 西瓜, 菠蘿, 青瓜….麵包粒炸得好鬆脆, 冇放到淋晒, 生菜亦爽口.Parmesan Shrimp Pasta大大碟既一份蝦長通粉, 份量好夠, 長通粉用芝士汁煮過, 食落好濃芝士味, 加上大大隻烤蝦, 肉質爽口彈牙. 另外再有一件蒜蓉多士伴碟.Asiago Peppercorn Sirloin又係好薯好芝士既一份main course.就連牛扒都燴上芝士汁, 漏死呀!不過真心

與好友食完飯便往荃灣廣場Ruby Tuesday 食甜品，我們order了Chocolate Tallcake，個Tallcake除了咖啡雪糕，還有雲呢拿雪糕、朱古力蛋糕、忌廉和朱古力汁，都好大杯下，一個人食應該好吃力，兩個人食則剛剛好，雲呢拿雪糕配上忌廉和朱古力汁恰到好處剛剛好，而朱古力蛋糕食落鬆軟，甜度適中，好味的甜品。

海鮮飯難食到嘔，仲要$348 好過去搶，啲飯乾到好似食沙咁，真係超失敗。真係貴野唔一定好。雞亦拼盤算ok, 百幾蚊嚟真係普通過唔普通。。。。唔會再有下一次，請我都唔會去。呢種價錢，食buffet好過。

今日又留在荃灣等上堂呀... 等埋朋友仔，一行三人，一齊去Ruby Tuesday食飯呀~五點半左右到達，原來已經有很多人啦！不過他們是食下午茶，我們是食晚飯~只有三個人，Ruby Tuesday 的份量又很大份，所以沒有點很多呀~Caesar salad with Probello mushroom，沙律很大碟呀！沙律菜新鮮爽脆，配上小許芝士，脆煙肉及凱撒沙律醬，美味呀！配上Probello 大烤菇，多汁之餘又為沙律帶來獨特的香氣~Chicken Bella，就是烤雞胸肉配以芝士蘑菇醬，雞肉其實頗鞋的，幸好芝士蘑菇醬的味道不錯，拉回一點點分數啦...伴碟的蔬菜，又正好為我們加添一點纖維~喜歡食牛的小妹，豪不客氣的點了一份10oz Sirloin~ 美滋滋的牛扒烤得香氣撲鼻，一格格的烤紋很吸引！切開牛扒，粉嫩粉嫩的，可惜肉味不濃，而且肉質頗韌，吸引力大減呀...但作為配菜的焗薯就很不錯啦，綿滑可口呀~食完這一餐發現，原來Ruby 由始至終，都不是我杯茶呀....跟多年前食的感覺一樣.....

Nov, 2014其中一個朋友話好想食MINI BURGER. 好喇, 我地係短短半個月又走去食多一次喇. 1) 哩杯係服務員介紹的, 唔記得左叫咩XXXMango.我同我朋友都叫左一杯. 我個人就超鐘意飲; 但相反我朋友覺得好甜, 超唔鐘意.2) Salad bar 夾返o黎的. 我地就失敗喇. . . 眼見其他人個個都堆度好似一個小山坡咁. 真係不得不比個叻字佢地. 而我地就. . . . 嘻嘻, 唔好笑我地. 3) 呀, d 雞翼好似差左, 無以前咁好食. 好似好乾咁.4) 哩個ribs 今次乾左少少, 不過, 都保持到應有水準.個汁又夠辣, 真係辣得過癮.5個人分全份都好似唔夠喉.5) 哩個mini burgers 真係掂. 佢地烘過每個包o既面, 咬落去個下脆脆地.加上我地女士份量, 岩晒我地個口型. 總結:因為我地有50% OFF 個張咭, 所以抵食. 如果無, 我覺得每人要比$500就唔抵了.