Running 燒 (已結業)

今日朋友生日，我哋決定去食韓燒，上網search過，決定食呢間將軍澳嘅Running 燒，主打韓式料理、燒肉放題，喺旺角都有分店架❤️一入到去就比左張好大嘅卡位我哋，舖頭地方亦都非常闊落，疫情下我最怕坐到勁迫人，呢度用餐環境十分良好😀舖頭亦都播緊好多香港流行曲，有我最鍾意嘅Collar 同MC😆食都食得開心啲🥳呢度係用QR code點餐，menu入面除咗有生嘅肉類可以order之外，亦都可以嗌啲熟食，例如水冷麵🍜、紫菜飯🍚、炸餃子🥟等等。另外出面都有啲蔬菜俾人拎返埋位燒，仲有好多種類嘅雪糕、雪條 、韓式飲品任攞！我最鍾意飲個款柑桔蜜😍🥤飲咗好多罐！肉類方面都好多選擇，我最鍾意食佢嘅「牛五花肉」同埋「豬頸肉」，醃得好入味。海鮮類亦都令我好驚喜，大家必定要嗌「芝士生蠔」同埋「扇貝」，仲有「咖喱魷魚鬚」，不斷order咗三次🍤食到停唔到口！最後我以一條caramel脆皮雪條作結😊總括嚟講呢一餐令我十分滿意，我朋友都食得好開心，大家捧住個肚返屋企🤰🏼有機會想再試埋旺角嗰間😘

#79用家感受，不是打手！經openrice訂座9️⃣0️⃣CP值，平日午餐時段，轉營咗做流水蝦放題，加左鮑魚、蟶子、大蜆，所以加左價，每位$258連加一，兩人合共$568，平均每人$284，都食得開心，坐得舒服，服務友善，全程都係食唔停。已經變左飯堂，全家都係燒肉及海鮮控，好啱食，一星期都會幫襯兩三次。9️⃣0️⃣至愛炸魷魚鬚，太好味。9️⃣0️⃣鮑魚好新鮮，洗得好乾淨。7️⃣0️⃣大蜆就細隻咗啲。8️⃣0️⃣自己夾蝦即燒，明顯多左小朋友客，有得玩有得食。

前排喺IG story見到朋友po左佢去呢間位於將軍澳Popcorn商場嘅燒肉餐廳「Running 燒」用餐嘅相好似好吸引，就inbox 問佢用餐體驗係點。雖然同呢位朋友唔算好熟，但平時見佢ig成日po食好西嘅相就知道佢係吃貨。朋友對餐廳嘅feedback非常正面，原來佢係回頭客，除左大讚肉類同海鮮選擇多同埋餐廳服務好之外，仲話之前都未有流水蝦缸！講到咁好，就一於book位試試佢！當晚去到餐廳，店員好有禮貌咁幫我地安排座位。餐廳幾闊落，而且油煙味唔會好重。另外，落單係用qr code嘅，個落單介面分類都好清晰，食物選擇好多！值得一讚嘅係餐廳係用食物件數黎計嘅，方便我地預每次下單嘅分量！至於蔬菜類就喺外面自助區任攞，選擇都幾多架。喺我地落單之際，店員攞左個冰桶同夾，原來係for我地捉啲流水大頭蝦用嘅！流水大頭蝦最近好流行，一直想試都未有機會，今次梗係要食返夠本！啲蝦喺個缸裏面仲游緊水，梗係新鮮啦！不過好似我呢啲新手捉嘅蝦時候要小心，因為啲蝦會跳架！用啲咁新鮮嘅蝦黎燒烤，味道梗係一流啦！俾大家睇下幾正～除左流水蝦呢個亮點，Running燒其他食物都好幾唔錯。我地牛肉、豬肉、雞肉、羊肉同海鮮

入到去員工詳細講解內容，例如釣蝦工具、點餐方法、數量等等。食物速度快，海鮮類好新鮮，肉類好好味😋由於顧住食所以冇影相。#中間發生小插曲，由於阿女M痛，中間有段時間完成食唔到嘢。員工體貼問喉及補多小小時間🤗🤗非常感謝🙏🏻

今日同男朋友去食期待已久嘅燒肉放題😋環境好闊落，坐得好舒服☺️一坐底職員就放低個冰桶比我地，係可以出去夾蝦嘅，之前嘅燒肉店都未試過，梗係要即刻出去試吓啦～出到去見到蝦嘅數量都好多，而且好生猛，隻隻都跳跳紮咁，夾嘅時候都要好小心，唔係好容易彈到d水上面，可見真係非常新鮮🤣👍🏻玩完夾蝦就當然要燒肉啦，食物方面非常多選擇，海鮮方面有原隻扇貝、鮑魚仲有蠔！鍾意食海鮮對我表示非常滿意😍😍肉方面亦有好多唔同嘅選擇，除咗唔同部位，仲有唔同味道，連羊肉都有，真係令我喜出望外😋怕唔夠味嘅出面都仲有好多醬料可以選擇，有日式風味，東南亞風味，令燒肉嘅味道更加豐富！至於蔬菜方面，會有一個自助區俾我哋自己夾，最鍾意嘅一定係牛油粟米！可以自己決定牛油同粟米嘅比例，我仲自己加咗少少蒜落去，真係好正！另外都會有一啲涼拌菜，亦都可以點炸物～甜品方面仲有dreyer’s雪條，亦都有唔同種類嘅飲品。總括嚟講，食物種類非常多，非常新鮮，味道都好好，絕對會再嚟食多一次！😋😋

今日中午約左朋友去running燒，本來無太大嘅期望，諗住食飽同朋友傾下計咁啦。午時無太多人，馬上可以坐低，點完第一輪後，應該係經理黎幇我地調教火溫，然後又好耐心講如果第一輪燒啲無咁肥嘅肉類，就應該先放少少牛油就無咁痴。然後經常過黎幫忙或講解食物應該點燒好，或燒幾耐，真心感覺呢度服務好好。食物味道又好，一定會再黎!

同fd見到有優惠（7點前9點後）就入去試下～😛 食燒肉最緊要係盡興，有放題形式就唔使限住限住咁叫😋😋嘢食嘅種類有好多豬牛雞小食菜都會有～而且感覺都夠韓式，係用不鏽鋼嘅食物碟😋 上菜速度快亦都冇漏單。我就唔係呢一度逐一介紹佢地嘅味道，因為款式都真係好多，而且味道都係一個OK嘅水平☺️ 放啲相上嚟俾大家參考吓👇🏻👇🏻整體來講個感受都幾好，氣氛熱鬧，入邊又唔會煙霧離漫😛～110分鐘時間好夠食

今日黎到將軍澳食燒肉放題😁 呢間分店位置有少少隱蔽🤣店舖油煙都抽得勁好💨，一入去唔會好似其他燒肉店咁煙霧離漫。平日入座就算兩人都可以安排都卡位，食得又坐得舒適☺️☺️😌😋🥒🥔🌽菜類同飲品可以出出面自助區自取，肉類🥩🥩就用QR code落單，都冇漏單情況出現👍🏻👍🏻由於佢選擇好多，我都係每樣叫少少試下～味道都唔錯，啲牛🐮🐮都算幾靚☺️仲有紫菜飯🍚🍚！為呢餐烤肉大大加分😛

今日去 將軍澳 popcorn食韓式燒烤，餐廳環境幾好，食燒烤最驚油煙大，抽氣唔夠好嘅話會搞到成身都係味！而呢間餐廳抽氣做得幾好，食完都唔會好大味！食物選擇都算多，特別推介帶子，好新鮮，直接燒嚟食又得、有一次整咗牛油燒帶子，超級惹味！食到我好停唔到口，不斷再order另外，平時睇韓劇睇韓星食五花腩多，所以今次都試吓，五花籃燒到脆卜卜，再夾埋生菜泡菜咁食，夠晒韓風！餐廳侍應 招呼唔錯 飲品類別多選擇 總括嚟講唔錯👍

一直都好想食流水蝦，但係響市區搵唔到有黃店有🥲最近男朋友響網上睇到Running燒將軍澳店岩岩出流水蝦任食，我地就趁呢晚收工去左試😋平日夜晚任食110分鐘係$348，比較驚喜係海鮮都幾多款式，有生蠔、扇貝、青口、帶子、咖哩魷魚鬚、魷魚圈、龍利魚片等等，而且仲好貼心地準備左錫紙兜，唔洗擔心成日燒燶😂>大頭蝦：D蝦好生猛、游得幾快，放左落冰桶度都仲響度彈🤣大隻果D都幾難夾，我太廢只夾到細既，惟有靠男友出馬👏🏻蝦肉新鮮清甜，爽口彈牙，仲要冇乜蝦屎，我地食左20+隻，回哂本😙>蒜蓉芝士生蠔：生蠔都幾大隻，洗得幾乾淨，配上熱溶芝士+蒜蓉香味，好食！>扇貝：D肉仲係痴住個殻，味道爽口鮮嫩。>牛舌及西施牛肉片：薄切幾易燒，牛肉質素唔錯，顏色仲係粉紅色，即係唔係擺左好耐，肉味都幾濃，>柚子味炸雞：好開心有炸雞食，不過怕肥+留肚食海鮮就點左一碟咋，炸雞甜甜地有柚子清香，炸粉算薄，雞肉幾滑。>紫菜溫泉蛋飯：好多紫菜，撈住蛋汁食幾惹味，如果可以加多D汁就仲好！

好開心呀。今晚食韓燒放題。好耐之前食過一次成日都想再食係因為佢真係樣樣食材都好新鮮😁😁原本都驚佢keep唔到。點知。。都仲咁正😁😁講下啲海鮮。蝦。生蠔。扇貝。樣樣都新鮮。又大隻。每款肉類都算多。我encore左個羊脾肉好多次。🤣🤣好開心。豬大腸又肥又厚。燒到脆脆地💯蔬菜款式都好多，最開心係有得燒菠蘿。。。可惜食到最後菠蘿無再加啦。。🥲早知拎多少少。。另外都有6款醬俾你揀。總一款岩你架！🤣🤣飲品方面都有十幾款呀。。真係好多選擇😁😁😁雪糕同雪條都好有誠意呀。。都有5,6款你揀。。🍦🍨最後聽到遲吓會有得自己夾大頭蝦😃😃😃好期待呀。。。早知我遲啲先食啦🤣🤣個個水池好靚呀。。可惜依家無蝦🦐。。

作為食肉獸嘅我，不定時就要豪下肉，滿足下個胃，所以韓燒都係我嘅好選擇！Running燒都幾大間，而且入去嘅時候即使已經半滿，但係都唔會油煙好大，呢度已經好加分！Menu食物種類都幾多，除咗肉類之外亦都有唔同嘅海鮮選擇，另外我見仲有炸雞揀，同埋都有唔少嘅韓式主食！作為食肉獸嘅我最推薦一定係豬肉五花腩，好快燒得熟，而且兩邊都燒到金黃，同埋燒到燶邊咁食，真係大推！另外比較推薦嘅係燒帶子同埋羊肉，亦都係今餐比較有驚喜嘅食物！

住咗喺將軍澳咁耐，呢邊嘅餐廳越開越多，近呢兩年都係去海傍食飯。最近先知原來一直有間韓燒店喺Popcorn上面，要喺一期同二期右手邊Venchi果部lift搭上去🤣收得好隱蔽。見到價錢幾抵，人頭都唔洗300蚊就去咗試吓，可惜要office就唔到食7點前離座，否則更平。😮😮😮有卡位坐得好舒服，同埋抽風做得好好，完全唔會覺得好大陣BBQ味同煙霧瀰漫。用手機app落單，可以逐件逐件叫，啲食物上得好快，員工收吉碟都好爽手，服務要讚👍👍最好食係五花腩、肥牛、牛五花、帆立貝，同埋韭菜餃😂出面自助區好多食物攞，連醉雞、拍青瓜、雲耳都有。飲品款式勁多！仲可以加$20任飲生啤，好抵呀，飲幾杯已經成餐飯喺番到🫠紫菜溫泉蛋飯同水冷麵都係必點。唔夠胃試甜品，但都一定要食番枝雪條，雪糕櫃好多選擇，Dreyers,Mega同維記雪糕杯都有👍

放工同朋友突然間好想食韓燒🔥，呢到平日星期一至五7pm~9pm 食足110分鐘任食都係$268都好似幾抵食🤔,門口見睇吓menu 原來好多種類揀🤩，唔單止有牛肉類，豬肉類，羊肉類，香腸類，海鮮類，雞肉類都有齊晒😳入到去張枱好大好闊落，出邊仲有一個自助區域🤪，可以自己喺出邊任拎蔬菜類別同埋香腸類別嘅食物自己燒，仲有三個好大嘅飲品櫃裏面有成20種飲品任你飲😆 連甜品，熟食同雪糕雪條都有齊添👍🏻肉類方面就要自己嘟QR code落單，所有肉類海鮮都可以任點，連帶子，蠔🦪同海蝦🦐都有🤤 我哋每樣肉都有叫嚟試，醃過嘅肉啲味道都唔錯好入味，肉質都軟淋新鮮，最令我驚喜嘅係海蝦，隻隻啲肉都好飽滿彈牙😋 帶子都好好食好大粒，建議自己出去自助區域拎錫紙兜牛油同埋蒜蓉去燒帶子粒😌驚淨係食肉太dry, 仲有可以叫碗紫菜溫泉蛋飯🍚 好多紫菜好香雪條最正係有mega👇🏻

用家感受，不是打手！🍚經OpenRice訂座(待餐廳確認出席)9️⃣0️⃣CP值，平日早鳥時段17:00-19:00內任食任飲110分鐘，5人埋單$1144(已加一)，平均每人$229，環境乾淨舒服，服務友善，算多嘢食，全程食唔停，媽咪超喜歡，必再去。7️⃣0️⃣位置，將軍澳站C出口，Popcorn商場2樓，唔係住這邊，都要揾下。8️⃣0️⃣環境，坐位舒服，感覺乾淨企理，燒烤全程完全冇大陣味，通風很好。9️⃣0️⃣招呼，會回電confirm留位，很貼心，各服務員都很友善有禮，尤其2位年輕服務員，舉手速回，收碟又快，手機落單，送餐又快，十分好。8️⃣0️⃣燒肉種類算多，如果有多啲厚切就更加好， 大部分醃得好好味。8️⃣0️⃣海鮮類算多及新鮮，食唔停。 9️⃣0️⃣炸雞及魷魚鬚好正，噴火辣雞真係會嘖火。6️⃣0️⃣甜品較少，有Dreyers雪條。5️⃣0️⃣熱盤就較少，可能早鳥不供應。7️⃣0️⃣凉菜、紫菜飯、冷麵、沙律、調味架，碗碟，乾淨好味。