Running 燒 (已結業)

韓燒放題平日夜晚$268 9點後入座$198 限時110分鐘用QR CODE自助落單 出面亦有buffet bar 可以自己拎飲品、甜品、前菜同埋醬料放題嚟講提供嘅選擇算幾多肉類有雞、牛、豬、羊唔同部位款款都有齊海鮮主要有蝦同帶子、蜆等等嘅貝殻類除左要自己燒嘅野食之外 仲有唔少熟食選擇D野食都好快嚟到 燒緊肉等食嘅時候食熟食就perfect match啦炸物好好食！！柚子味炸雞、泡菜/韭菜餃😋😋個溫泉蛋香蔥紫菜飯落足紫菜 好香好好食！！每一份都係一件計 飯同冷麪個d都係細細碗 唔會話多到食唔哂 哂野食 食完真係唔夠先再叫

每樣食物算高質素😋 食完飽飽 都諗住下次再約嚟食個個員工都好細心、又有禮貌👍又會介紹邊隻肉好食啦👍見我小朋友吾多食野，又會比紙筆佢畫下畫👍老人家食雪糕用木匙吾夠力、又會轉鐵匙羹比佢👍真係食得開心愉快嘅一晚😊

110分鐘韓燒任飲任食，平日晚市269蚊加一，價位正常，用QR Code電話落單，豬、牛、雞、羊、海鮮樣樣齊，另有韓色小食同市食，外面仲有自助區，有多款蔬菜、熟食、甜品任拎。除咗汽水同其他罐裝、樽裝飲品外，仲有自然咖啡機同果汁機。之前食過旺角店，整體質素相當唔錯，而今次將軍澳店亦無令我失望，唯一唔同就係旺角店用燒烤板另加抽氣喉，而將軍澳店則用燒烤網，爐邊自設抽氣位，抽氣效果更理想。有幾款肉類特別鍾意，厚切豬腩肉、辣味五花肉夠軟腍，油香爆棚，點少少醬汁，放上生菜再加少少泡菜，包住一啖咬落去，味道同口感極之豐富。醬醃春雞髀肉亦相當軟嫩多汁，好入味。除咗燒肉，仲叫咗幾款小食，分別係炸雞、炸魷魚鬚、炸餃子（泡菜），全部即叫即炸，香脆乾身，炸雞揀咗噴火辣味，真係好鬼辣。燒到尾段，叫咗兩款主食，水冷麵透心涼，溫泉蛋香蔥紫菜飯熱辣辣香噴噴，呢餐夠晒滿足。📍Running燒將軍澳唐賢街9號Popcorn商場2樓PopFood 4號舖

係將軍澳生日食咩好，係網上見到哩間評價唔錯既韓燒餐廳，食物款式都多種類，岩哂唔知食咩好既朋友，一邊燒，一邊等之餘又可以傾到計，約左晚上7：30，餐廳位處戲院轉角，搭lift上一層行兩步就到。入座後店員提醒用餐時間為110分鐘，出面有熟既食物，生既食物就需要Scan QR Code落單。我隨便揀選左些食物後就出去拎飲品同食物，熟食都幾多選擇，餐廳有埋食物名稱標示，非常清晰，餐廳仲提供兩款湯同多款甜品比客人選擇，見到有養生雞湯，畢碗黎補補身先，朋友就揀左另一款菜乾蘿蔔湯。飲品方面有盒裝、支裝及罐裝選擇，款式都多元化。至於甜品就有豆腐花、雪糕、雪條、糖水、布丁、泡芙等，當中法式忌廉撻賣相精緻吸晴。拎左返埋位品嚐，朋友就拎左些蔬菜同湯就返埋位，預備開始燒肉類，餐廳將我們所點既肉類每款都分隔地擺放，雖然都係唔記得點左D咩，但全部望落都新鮮海鮮方面以帶子、虎蝦、生蠔及魷魚最吸引同美味，帶子都幾厚肉，燒落唔會乾憎憎，生蠔我地揀左配搭蒜蓉芝士燒，燒到雖然有點乾，但仍保留住一點creamy口感。自助區還配備6款醬汁比客人添加，甜酸烤肉醬配邊種肉類都夾。限時時間到之前店員會早半小時提醒客人把握時間, 所以

天氣開始涼涼地，最適合當然係食燒肉😄好耐之前食過旺角分店，覺得水準幾好，今次就埋住喺將軍澳嘅朋友黎食，平日110分鐘燒肉放題就每位$268呢到掃QR CODE用手機落單之外，出面仲有自助BAR區可以拎其他食物同飲品蔬菜區：款式非常之多，當然少不了夾住燒肉減油膩感嘅生菜啦😄沙律區：唔使淨係食肉，可以食D沙律FRESH下口味醬料區：任你選擇醬汁黎陣間點燒肉食甜品區連軟糖都有得夾黎食😜飲品區：選擇眾多，汽水茶類應有盡有，呢到仲有果汁機可以斟黎飲先夾左D泡菜同芽菜，作為餐前小食開開胃😉食物陸續送上，出菜都算幾快，一開始樣樣都點下，有 醬醃春雞脾肉、青陽辣雞腎 、豬大腸、牛脷、薄切西冷牛扒、雪花牛仔肉、西施牛肉片。雞腎幾好咬口，豬大腸味道濃郁😋趁個爐未放滿，先黎燒大大塊嘅牛五花肉，夠薄身所以好快熟、肥瘦適中，入口即溶😋西施牛肉片、牛肋骨肉味香濃，咬落唔會韌厚切豬腩肉、辣味五花肉：肉厚之餘唔會鞋口，超讚嘅五花肉，肉質好嫩滑又JUICY，辣味五花肉夾埋生菜黎食仲要幾惹味🤤大蝦、帶子：口感彈牙鮮甜，食落唔會有雪藏味😋第二ROUND食物：除左追加肉類之外，仲叫左咖哩魷魚鬚、扇貝、芝士生蠔、大蝦等海鮮😍第

餐廳環境好大 四個人坐到大枱 非常舒服 😌一坐低已經有人放好網 用qr code落左單等食物到就可以燒啦 ~ 等緊食物個陣可以出去攞熟食、蔬菜、軟糖、飲品、豆腐花同醬，有燒肉汁 鹽醬等等肉類方面選擇都好多 豬肉牛肉羊肉雞肉全部都齊！ 有烤肥牛超薄一片 好快就可以燒熟 牛肉味濃👍🏼 另外牛肋骨都好好食😋 本身醃得幾入味😋 同埋推介雞翼 燒完之後雞皮脆卜卜 雞肉好Juicy！ 仲有海鮮可以揀食蠔 仲有芝士焗蠔！ 個人覺得芝士焗蠔好食d😆 仲有扇貝、帶子等等～ 溫泉蛋香蔥紫菜飯都幾驚喜 因為個醬汁好香 飯粒分明 撈埋溫泉蛋同埋紫菜 味道超夾🥰 不過好飽肚 兩個人share剛剛好！ 炸嘢都唔錯 最緊要係新鮮熱辣剛剛炸好 所有嘢都脆卜卜！尤其係有柚子炸雞 最後都有encore！最後當然唔少得甜品 有啲普通雪糕同埋dreyer‘s 乳酪雪糕任食 完美結束今餐飯～ 出邊仲有泡芙 入邊個吉士唔錯😋

之前食過旺角分店 原來將軍澳都開咗 近屋企多啲所以就嚟食 😆 性價比好高 如果早啲喺OpenRice book 晚市都係$208 （星期1-5）同埋好記得途中餐廳幫手慶祝生日 有個機械人播住生日快樂行到生日張枱前面慶祝 幾得意😂最夜都係食到10點就清場～ 海鮮方面 主要有大蝦、帶子、扇貝、蠔、芝士焗蠔～ 個人覺得最新鮮就係大蝦 肉質厚實而且好鮮甜！另外帶子都好鮮甜 值得叫多次👍🏻牛肉方面 推介牛肋骨同埋牛柳片 最後都有encore！整體牛肉都醃得非常入味 基本上唔使點醬料 👍🏻 另外都一定要食雞翼！ 不過要俾啲耐性 因為雞難熟啲 但肉質鮮嫩 燒完超級好食👍🏻炸物方面 估唔到呢度嘅炸嘢非常出色 上枱熱辣辣 應該係即炸！ 一定要試炸韭菜餃 好多韭菜餡 餃子皮炸得非常香脆！同埋柚子炸雞都係一定要食 拍得住出面嘅韓國餐廳😋仲有椰汁紫米露做甜品 食完咁多嘢 仲可以飲返碗中式糖水 好暖胃😚 而且唔稀 好足料淡淡椰汁味同埋食到粒粒紫米露😍 最後仲有dreyer’s 雪條 奇異果味估唔到好fresh 好食 唔伏👍🏻👍🏻

朋友介紹popcorn有間抵食韓燒，晚上一放工就專程過黎將軍澳試一試佢舖頭門面闊落，坐得都好舒服，店員都熱情helpful，一坐低就會主動過黎介紹店鋪嘅設施同食物望一望menu，品種都幾多下，豬牛羊雞海鮮熟食，出面自助區提供嘅飲料小食雪糕質素都唔差。我地就每樣都嗌左啲，淨係牛肉都有好多品種，肥牛，雪花牛，西施牛，牛仔骨等等，放上烤爐燒一陣就食得，唔使點醬料已經好夠味，每一塊都嫩滑多汁海鮮方面都有大蝦同生蠔，每款質素都對得住價錢，蝦肉爽口冇雪味。最盞鬼嘅係，呢間鋪頭會用機械人送餐，我地嗌左啲熟食都係由呢部貓仔機械人送黎，一路行過黎一路播住ansonlo嘅歌，認真過癮最後用美味泡芙作收尾埋單兩百幾蚊一位，性價比一流，值得推介！

韓燒間唔中都有去食，但Running燒之前未食過，甘岩黎開將軍澳探朋友，朋友帶左我黎食。平日夜晚係$258蚊一位再加一，呢個價錢算係幾平，而且野食并唔求其。呢間餐廳係採用手機落單，方便快捷，肉款選擇好多，有牛類、豬類、雞類同埋羊類，每一個類別都有唔同款式，但我就比較中意食牛仔雞同埋辣雞件。另外，海鮮方面有蝦、生蠔、扇貝、同埋帶子；蝦好新鮮，而且好大隻，真係重複叫左三次，唔係誇張；蠔都好大隻，好肥美。整體來講食物質素真係屬於中上。野飲方面，選擇就同其他任食餐廳一樣，正正常常，唔可以講有特色。甜品方面，有吉士泡芙、木糠布甸、忌廉撻、楓糖忌廉曲奇杯、雪糕同埋豆腐花。其中泡芙好好食，食左唔知幾多個😹熟食方面，炸雞好好食，同出邊炸雞專門店嘅有得揮🤭🤭🤭仲有佢有一個出餐猫，其實係一部送餐機械人。甘岩在場有人過生日，佢就唱住生日歌送餐到果枱，如果生日黎呢求個食都可以向店員提出要求。最後，好想讚下呢度既店員，佢地係我見過甘多間餐廳少有服務態度甘好既一間，佢哋真係好親切，見到你剝蝦殼隻手污糟咗，即刻送上消毒濕紙巾，收碟速度好快，開頭燒金針菇唔知道有錫紙碗，佢哋即刻幫我拎一個錫紙碗黎，感覺真係好warm，

朋友話好想食放題，於是過去將軍澳就陪佢食下啦，依間餐廳係位於將軍澳商場嘅韓式燒烤，本身唔抱有太大期望，但估唔到放題嘅質素都咁好，而且食物好多元化，算係我食過數一數二最好味嘅放題餐廳💕😘👍🏻首先一嚟到餐廳地理位置好方便，喺將軍澳地鐵站行一陣就到，而且餐廳乾淨好其利，食得安心又放心🌟😋呢度嘅嘢食好多種類，好多唔同種類嘅嘢食，驚多元化，我最鍾意係甜品，尤其是係朱古力慕絲同埋雪糕，我食咗勁多👍🏻😚另外依度嘅燒烤都好正，特別係肥牛、羊肉、豬肉，所有肉都好高質，睇得出餐廳落重本，另外海鮮都幾鮮甜👅🌟我朋友嗌左一個手打烏冬，超級讚啦，依間餐廳真係好抵食，以後都會繼續過嚟，推介俾各位💕

最近天氣涼涼地， 特別想食啲熱嘅即食， 突發其想今晚就去食韓燒啦 ，依間喺將軍澳嘅popcorn有間叫running燒嘅任食韓燒。 入到去充滿韓國嘅氣氛 ，電視不停播住kpop或者係本地hit嘅音樂MV. 店員服務都好好，介紹完坐位之後，就教電子咁落單， 而且上碟都好快，仲好少漏單。 除左可以落單，不要忘記仲有自助區，有甜品糖水前菜等，仲有牛油菜菇等等。雪糕雪條同野飲種類都多，好正！！講返燒肉，我真心覺得樣樣都吾錯，牛肉同雞都好食！海鮮都好新鮮，蝦好大隻又彈牙，尤魚都好食，我都試過佢d醃製食物，都覺得吾錯！整體感覺好好，最主要服務食物都好，令人食得好開心！

我記得之前食過RUNNING燒!!不過係MK果間, 果間就算多人得黎!!服務都唔差, 但係TKO呢間新鋪!!人少左, 反而服務無我地想像中咁好!!首先一入到去我同佢講唔想坐門口位!!之後佢安排返門口右邊既吉枱俾我坐...其實果下真係嬲左, 覺得佢玩野!!明明入面有咁多吉枱,點解你係要安排我坐唔係門口左邊就係右邊呢!!你係唔係玩野呢??! 不過唔緊要!! 食野要緊!!不過其實咁食法都唔會太享受!!首先佢係食100分鐘,之後係完場30分鐘前LAST ORDER!!之後就立即叫你埋單走人!!講真我地不嬲都唔想大SHIN鬼!!但係呢間鋪真係逼你咁做!!我好後愧無喺臨LAST ORDER之前瘋狂落單!!所以基本上我係食唔飽!!因為我地三個人實在太仁慈!!逐碟逐碟叫, 唔好諗住浪費!!所以係會食唔飽!! 應該係一早十碟十碟咁叫!!因為佢好快LAST ORDER左, 用APPS落唔到單!!感覺真係差到爆炸!!本身燒野已經要用時間, 尤其係燒貝殼類!!所以用呢個價錢燒呢個時間,性價比係非常非常差!!!有種俾人搵笨感覺!!我記得上次食MK果間都唔係咁!!如果下次係咁我一定十碟十碟咁ORDER!!

自從疫情發生咗之後，我都好少出街食飯啦。原因而他，都係怕中招。今次去咗將軍澳pop corn商場，難得見到間燒肉放題無太多人等位，就決定試佢一試。🤔希望唔會有咩問題啦。入到去好快就有位坐，店員幫我哋開着咗個爐，在介紹落單嘅方法：用手機scan QR code，出邊亦有自助餐吧。同朋友每人點樣少少有興趣嘅食物，之後就出咗去睇吓有咩食，選擇都比想像中多：有沙律、前菜、熟食、仲有唔同嘅蔬菜。當然唔少得，重有女士們最鍾意食嘅甜品——朋友特別推介呢度嘅焦糖燉蛋，佢話係非常好食㗎！🤪咁返到為啲肉都黎齊，冇拖單冇漏單，值得一讚。另外我哋仲叫咗少少炸嘢食，呢度嘅炸雞炸魷魚鬚同炸餃子，應該都係即叫即炸，新鮮滾熱辣，香脆可口。肉類方面，個人最鍾意食嘅係牛五花，油脂分泌十足，入口即溶，唯一缺憾可能係本身冇調味，所以要點上唔同醬汁，對於我呢啲重口味嘅人，其實完全唔算係缺點，不過可能有啲人未必咁鍾意。總括而言，呢間餐廳10分高質，價錢又唔算貴，其實唔係好想推介，因為怕多人知道，大家都爭住過嚟食，我就會食唔到啦哈哈🤧

隔一段時間就想食燒肉，食晏揀咗呢間午巿可以食三個鐘嘅燒肉放題，book咗12點，但係lunch放遲咗，差唔多一點先到，大概12:30左右職員都好有禮貌咁打嚟問我仲需唔需要留位。呢度嘅油煙味唔算焗，座位都好寬敞，食物質素真係唔錯，仲要食三個鐘，真係幾抵。好大張枱，四邊仲有好多卡座。自助調味料區。自助燒物區：有丸類，腸仔，蔬菜等。任食雪糕。任食軟糖。熟食：豬手及牛𦟌，都幾淋。雞類。豬肉類，豬梅肉好嫩。牛肉類都好多款。海鮮類，不過不失。咖哩魷魚鬚，香草西冷羊。溫泉蛋香蔥紫菜飯，真係飽都要食，好好味。炸餃子。飲品都有好多款，奶茶機嘅奶茶好好味。甜品。

好耐冇食燒肉，前晚約朋友試下依間燒肉放題，職員服務幾好，會詳細講解點落單，其他野飲甜品前菜小食就自助，食物質素幾好同選擇算多。肉類要掃QR code落單，有牛羊豬雞海鮮。 選擇困難嘅我決定每款肉嗌一樣試吓邊樣好食。 落單後好快啲野食就上枱，個人覺得羊肉幾好食，有羊味得來冇咩羶味。牛肉都幾嫩，豬頸肉就厚身，食落口感唔錯但有啲難燒。海鮮類方面，蝦都算大隻爽口。另外有炸雞件可以order，我哋試咗柚子味都唔錯。水冷麵都幾好食，夠冰，配燒肉可以中和下油膩感。前菜同小食都有七八款左右、我覺得甜品大細剛剛好。每款有兩三啖，賣相唔錯。味道都還好。飲品都係任飲，各款紙包純茶、可樂果汁茶都有。果然燒肉配有氣嘅野飲好正。最後當然要食返支雪條埋尾，見有Dreyer’s桃味雪條拎枝試下，呢隻牌子其他雪條都好食。喺忙碌得來幾開心嘅一餐燒肉。