Salala

營業中

休息中

用餐時間：2024年4月20日星期六中午1點半餐點：泰式雞排湯米線+熱飲 $48落單後16分鐘餐點上檯外觀：上檯一碗米線 上面鋪上一整塊煎過的雞排（ 普通尺寸）（雞排並沒有分開碟擺放亦沒有分切）除此之外整碗米線連湯皆呈白色 當中有幾塊蘿蔔加少許芽菜味道：芽菜普通 蘿蔔咬落淡而無味尾韻卻帶有微微酸味 估計是不太新鮮湯底味道非常淡雞排普通米線質地太軟 近乎軟爛 估計是煮的時間過長感想：完全感受不到此餐點中的“泰式”更加感受不到這碗麵的誠意湯淡如水 麵質亦軟爛如泥 毫無誠意之作未到不能吃的地步 但$48的價格 實在有太多更好的選擇

在付近住,時常經過,在下午茶餐牌上看見兩牛魔王焗飯只是45元,都不會把太太期望,但來桌上到的時候,即時落單即焗非常熱,飯裏面雖然有牛扒牛腩牛脷加黑椒醬汁非常惹味,而且份量十足,食完真係十分飽

放晏就想去新翠商場食，譚仔米線和香港達人實在太普通，於是去了茶餐廳食涼瓜班腩炒河，雖然河粉濕濕地，但涼瓜和班腩好夾，都好有鍋氣，但燶燶地😊其實我食過4次了，覺得小店都唔係太差，而且$48都幾合理啊！

年初四輕鬆行山，由新翠邨落山走到商場搵食遇上下午茶時間下午茶好多選擇輕型的，飯的，面的，任選公司三文治🥪不錯不錯面包烘底香脆但青瓜比午餐肉厚🙈整體可以的，茶記味道海鮮炒烏冬繼續茶記的味道海鮮，細細粒，有蝦，有墨魚仔，蟹柳但奇怪在烏冬之間見到幼幼的公仔面味道還好的，可是........西多好味雞髀🍗香口，overcooked雞皮都炸開了年初四每餐加$2。非常合理！⭕️進店前量度體溫 ⭕️全店職員戴上口罩 ⭕️提供酒精搓手液

依家在家工作，屋企附近餐廳都食勻晒就返嚟再試下salala~兩個人叫咗一個梅菜扣肉飯（$48）一個鹹蛋肉片湯飯（$45）；梅菜扣肉飯與區內其他餐廳的比較相對冇咁油膩，而且扣肉都煮得夠腍，可以再改善嘅就係味道可以濃啲同埋可以俾多啲梅菜；另外鹹蛋肉片湯都算係正常水準而且足料。不過令人奇怪嘅係唔知點解熱檸水同埋湯入邊都會有啲好短嘅黑色野，不過以屋村餐廳嘅衛生程度來講算係可以接受。

一間越泰餐廳，變左屋邨茶餐廳。食物質素一般般，牛肉炒出前一丁，一丁太硬，牛肉太淋。另外仲叫左越式豬頸肉撈檬，豬頸肉係唔錯，但個撈汁真係好酸！自問都食得幾酸，但以撈汁來講，真係over左。食物份量方面都ok，唔會特別多/特別少，正常啦！至於餐廳方面，衞生一般般，啲枱唔太乾淨，點餐要等幾分鐘先有人回應，但當時成間餐廳只有幾個客。侍應方面，唔洗期望太多，都係點餐慢少少都西面果啲🤓整理來講，就還好啦！但質素就真係只係屋邨茶餐廳咁囉。

大圍新翠商場這間東南亞餐廳一直都有唔少捧場客…因為唔食熱氣快餐的話，商場入面根本冇乜嘢好食……呢排唔去得遠，唯有食佢…午餐$45起, 凍飲加兩蚊H. 咸菜豬肚湯飯睇埋上係唔錯的睇落都幾多餸，食落就好普通…唔知點解會有咁多雜菌…… 根本就係雜菌鹹菜豬肚湯飯… 當我一廂情願佢會有胡椒味…其實係冇………因為太多雜菌同鹹菜所以成個湯係鹹鹹甜甜，再帶啲苦味…因為原來湯入面仲有勁多苦瓜！每次我一以為食緊鹹酸菜…其實就係苦瓜… 而我係唔鍾意食苦瓜，如果我一早知道呢個飯係會有苦瓜喺入面，我一定唔會叫… 點睇個菜名都唔會覺得佢會有苦瓜……全部都係苦瓜！！！A. 椒鹽豬扒飯還好，都叫正常… 只係比較濕餐廳入面餐牌仲有的豆腐火腩河個人覺得太多汁同太杰，唔係咁鍾意，豆腐火腩都ok

星期日專登去咗大圍搵我最好姐妹食早餐，搭咗成個鐘車就費時食連鎖店麥當勞呀美心呀嗰啲，附近幾間小店都有早餐供應，姐妹話想食公仔麵，呢間餐牌大大個出前一丁樣，就揀咗呢間。環境就正常茶餐廳咁，揀咗兩個餐。一個雪菜肉絲煎雙蛋、飲餐走 $31一個沙嗲牛肉公仔麵、飲凍檸茶 $32嘢食就正正常常冇乜特別，不過要極度讚佢嘅速度，落單之後1分鐘，雪菜肉絲米就上咗，重點其實餐廳唔係冇人，上菜速度咁快，極度讚賞！我姐妹住喺附近，都話下次如果趕時間，但又想坐低食早餐，會絕對揀返呢間餐廳！最讚嘅都係佢嘅上菜快！

叫了app外賣 蜜椒牛柳粒 上面顯示要餐具了 結果外賣到家居然沒餐具 叫我怎麼吃呢 很過分 不看客人的備註信息 然後有一次下樓買個瑤柱炒飯 然後問短頭髮收銀的中年婦女說可以給點辣椒醬嗎 她回答我好 結果沒什麼反應 也沒叫同事留意 就這樣忽悠我 我很生氣 然後回到家一把火 你可以跟我說沒有辣椒醬 但是你答應客人的事情居然不守承諾 服務極差 如果想要服務優質的不建議吃這間 覺得顧客就是上帝 而salala這樣的服務就是讓客人下次不要來光顧！

係屋企附近搵間餐廳開飯，平時食開連鎖茶記，今次諗住幫襯下小店， 不過咁就出事。。。1.加單叫杯野飲，揮手叫個無野做緊既阿姐A，佢指住另外個阿姐叫我搵佢，另外個阿姐做緊野，邊得閒理我...轉頭個阿姐A見無人理我，走反黎大大聲咁問要咩， 我講左3次要既野佢都聽唔到，仲擺出好不耐煩既樣。。2.食物都整得幾差，無味又多油，平時我都食得清淡，但今次呢碟我都接受唔到，真係一點味道都無。。3. 野食難食都算，最慘係佢既態度令人好唔舒服， 除左落單比面色個客睇， 我未食完就執枱，開到個冷氣勁凍，明明成間餐廳一半都坐唔滿，出面又無人等位。。咁都要趕客走？總括黎講，間餐廳好似唔想做生意咁，自問食野速度快同對食物味道無咩要求既人，可以一試。 間餐廳唯一可取的地方就是晚飯時間不用等位。

之前試過早餐都還可以，價錢味道都ok，諗住晚餐應該都無咩問題，所以今次食晚飯叫左個鮮茄牛肉飯食，加杯熱咖啡，點知就出事啦。啲茄牛得個咸字，食到條脷都痹埋，個咖啡仲恐怖，聞已經無咖啡香，飲落得個苦字，仲以為自己飲緊苦茶，因為真係無咖啡味，比麥當勞果啲咖啡更差，幾啖之後頂唔順無飲。個飯$46+餐茶$4，咁就無左$50，真係貼錢買難受。

今日係清明節，掃完墓就去左我親戚家附近既餐廳食番個下午茶☕！ 我叫左脆魚柳配沙律🥗$32，飲凍華田（少甜）加$2，個脆魚柳炸到熱辣辣，好鬆脆，炸粉不太厚，魚肉很滑！配埋沙律一齊食唔錯，而華田又真係唔太甜！ 而親戚就叫左個豬扒包，飲熱檸水$27，豬扒都炸得好腍身仲有蕃茄青瓜做配菜，都幾大個，超值抵食！😋😋好多街坊都黎食！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

一碗撈檬未煮熟就抬左出泥，食一餐飯見倒落錯兩次單👎🏼又唔好食又貴，🤮🤮🤮🤮唔值得試，奶茶味道好貴，九唔搭八👎🏼👎🏼👎🏼👎🏼👎🏼👎🏼

路過屋邨看見麥記最後一日特賣，腍住慳慳地食過十蚊雞嘅芝蛋雞漢堡當午餐，點知人龍好長，雖然有螢幕顯示屏自助式購買餐，但係我要走芝士，咁對著螢幕顯示屏點講呢？？？惟有唔幫趁，轉向茶屋邨茶記，屋邨茶記有個英文Salala名稱，揀咗一個特選午餐嘢，冇骨海南雞飯，雞肉腍滑但係冇乜雞味，冇配菜，我向侍應亞姐問有冇薑蓉，亞姐指著小碟醬汁說：「裏面有薑蓉架！」，我心裏諗.......我唔係要呢的薑蓉，咀巴只能回應「哦！」！不過油飯就鹹鹹地幾好味，食完喇！要飲番杯熱檸檬蜜平衡番嗰份油淋淋嘅感覺。熱檸蜜要加兩蚊，$51的冇骨海南雞飯。

淨個早餐都幾用心，招呼好nice,好貼心，話用出丁，餐廳識自動另比味粉你，証明堅用一丁，選擇多，種類夠，簡單講淨係食個早餐，就感覺到呢間餐廳用心為食客切想，個人感覺呀下，而且間餐廳感覺比我平靚正!另外沙田新翠呢間招呼好親善，孖寶原先入去坐第一行，侍應生好nice咁問我哋，冷氣壞壞地嘅驚唔驚熱？ 可以坐入啲有冷氣， 當“孖寶“食緊嘢嘅時間，又聽到佢好nice咁問另一枱新入嚟嘅客戶，夠唔夠涼要唔要開多部冷氣， 依家啲食肆淨係識慳，又難食 ，招呼又差，真係好難得搵到一間咁Nice嘅餐廳真係想搬去沙田住 💖總知就好親民