Sam’s Kitchen (已結業)

Sam’s Kitchen 📍尖沙咀個scone好似拳頭咁大😱 外脆內軟 而且好重牛油香😆 另外仲有一盒clotted cream同passion fruit jam😛 熱情果醬就咁食會有啲酸🤭 配埋clotted cream就啱啱好 clotted cream好幼滑 唔會太膩 成個配搭都好夾🤤唔錯💓

建議：周末會有更多甜品選擇，例如：Egg Custard Tart 👍位置有啲難搵，係B2 Level Food Court 兜左兩個圈，終於發現舖頭原來係近 Market Place 既短短扶手電梯位置🤭 之前碌ig 見到會有唔同款式既甜品，不過店員話平日主要係serve Scone，所以今日同撻無緣，下次再黎試 ❤️1點左右去到，店員話要等多陣因為鬆餅係運送途中。大概等左15分左右，終於有得食，店員好好甘先幫忙解凍盒 Clotted Cream #肥係有原因今次試左：原味鬆餅+ Clotted Cream ($25+$10)可能係新鮮送到既關係，暖笠笠好香牛油味。Clotted Cream 搽落中間，真係好正(食既時候唔好諗肥唔肥既問題❤️) 雖然唔係心目中最好味既Scone，不過係香港食到甘既質素已經好好👍 舖頭仲有幾個味道既果醬揀，仲有隻好特別既口味係豆豉陳皮醬😯 幻想唔到係咩味，不過應該會幾得意 (唔係搽Scone 食架🤣 係搽餅干，多士)

行開K11 Musea, 經過呢間野，上網睇下comments 先，見到都多好評，決定買黎試下。買左兩日Original Scones, 另加百香果jam 及Clotted cream, 共$70,價錢合理。上返酒店，即食，冇得整熱。口感ok, 但味道就失望，完全冇牛油香，只有麵粉味，失望。不過個cream同jam就ok。

最近鍾意左食英式鬆餅，openrice search 到呢間野，所以去開K11既時候就順便搵下佢。間野喺B2最埋邊，有d難搵，但係佢其實喺地鐵站入口附近有個扶手電梯可以直落去到。我買左一個cranberry scone 同一份蛋撻。返到屋企用微波爐翻熱少少食，外脆內軟，有d牛油香有d麵粉香，加埋clotted cream係超級正！個蛋撻有d 好似食薑餅會食到既香料味，味道同港式蛋撻差好遠，始終哩個喺凍食，個皮係偏淋既皮，裡面係實既餡，唔同食開嘅曲奇蛋撻皮脆蛋滑。我個人覺得普普通通。 推介鬆餅！（蛋撻食到一半先記得影相…）

位於尖沙咀的Sam’s Kitchen，是一間主打英式鬆餅的小店。大家都知道我很愛吃英式下午茶，而當中必定會有鬆餅供應，這就是我愛吃下午茶的原因啦! 鬆餅是我的日常早餐，我在香港常常四處發掘美味的鬆餅店，希望可以介紹給大家! 店主兼老闆Sam是英國華僑，在英國出生，從小品嚐各種英式美食。長大後決定把當地的美食帶回香港，所以在K11 Musea開店，與港人分享正宗英式滋味。 小店除了英式鬆餅，同時也有手工果醬、燕麥烙餅、一口花生酥、英式蛋撻等出售。客人更可訂購生日蛋糕、散水餅和百日宴甜品哦。手工鬆餅 $25 招牌的手工鬆餅，味道果然不錯呢! 當天光顧，有原味和檸檬雲尼拿味選擇，我一口氣品嚐兩款，各有特色，同樣美味。鬆餅焗至漂亮的金黄色，外層香酥，內裡軟熟且濕潤，不喝水也不會口乾。抹上自家製熱情果果醬和奶油，更加好吃哦。 英式蛋撻 $38 蛋撻可單件和原個出售，蛋撻撻皮結實，不易鬆散，配方不錯哦。蛋餡彈軟，有吉士醬的味道，跟香港的蛋撻完全不一樣，大家可以試試道地口味唷!

最近又hit 翻scone 越黎越多網店賣scone我其實極少食scone 因為怕乾🙊今次食翻 又真係另一個層次喎🤣.🇬🇧主打傳統英式鬆餅 果醬 甜點純手工製作 當日仲食到岩岩運到嘅scone 暖粒粒之餘 但外殼仲好香脆🥰🧡原味 有非常濃郁牛油香內裏好鬆軟 又唔乾配上幼滑clotted cream 份量都幾大舊 所以食半個都好滋味🤤.💛新推出嘅香草檸檬鬆餅🍋帶檸檬芳香 同自家製嘅熱情果醬一流呀

/𝑆𝑎𝑚’𝑠 𝑘𝑖𝑡𝑐ℎ𝑒𝑛 🇭🇰/➖➖➖<純手工製scone 同果醬🥰>➖➖➖早排真係幾鍾意食scone 每次食Tea 必食所以都會試下😛K11 musea 除咗有牛角包 仲有其他野食架今次去到Sam’s kitchen 佢哋主打嘅係手工scone 同果醬 包括有濟州柑果、韓國草莓等等嘅當造水果 佢哋嘅店舖其實有啲隱蔽好容易miss 左🙈！今次揀左熱情果x clotted cream 嘅配搭除咗可以買scones 仲可以一set 連茶葉同埋果醬買！➖➖➖1️⃣original scone $25 🌟其實佢個size 都算幾大個 外酥內軟都夠濕潤 氣孔均勻 唔會焗得太乾身/未熟 點埋兩種醬食 無咁乾 而且更有口感➖➖➖2️⃣lemon scone $30 (特價$25) 整體上其實同1️⃣差唔多😆如果可以再多啲檸檬皮就更好覺得檸檬味唔夠突出因為如果搽咗百香果醬同埋clotted cream 就會蓋過咗檸檬味➖➖➖3️⃣熱情果醬 🌟入面有粒粒熱情果核 甜度適中唔會過甜或者過酸 比較適合配搭原味scone 明白有啲人唔鍾意食熱情果嘅核都可以試吓其他jammm 🤤➖➖➖📍Sam’s kit

【瘋癲試食】| 英式傳統小食 🇬🇧話說早排同林小姐不約而同地同時間係手機都睇緊尼一間舖 咁就注定我地一定要去幫襯下佢啦❤️咁岩早排經過K11就順便入去買黎食😊英國小食系列又點可以無Scone既存在呢！係尼到賣既Scone 我唔知可唔可以用『蔗渣價錢 燒鵝味道』黎形容佢。因為尼間小店係可以做得出酒店/高級餐廳水準！食Scone最怕就遇到咬落去乾淨淨咁 但SAM’s Kitchen 既鬆餅咬到落去係非常鬆軟 唔會一咬就散開哂👍🏻另外佢地仲有好多自家製既果醬系列 但我都係偏愛傳統用Clotted Cream去配搭番❤️

於網上發現這間好評如潮的小店，本人十分喜歡吃這一類的scone，而日常也經常會去嘗試不同酒店的afternoon tea。知道有這間小店，當然要去試一試。這天到達後，找了一些時間才找到此店。因為鋪位的位置極不起眼，亦不在出入必經之路。12:15到達此店，店員説鬆餅15分鐘左右才送到。所以不建議太早到達，否則可能要等好耐。鬆餅每一個$25，外賣了4個回家吃。店員說，如果唔係即時食，最好加熱後才吃，加熱方法如下圖。另外亦買咗該店的clotted cream 及果jam。這店的鬆餅非常美味，有牛油香味，外皮鬆脆，加上clotted cream及果jam非常美味。相比係一些酒店的鬆餅還好吃。我下次應該會試一試此店的手工果jam。

我係即買即食 店員話全部都翻熱左 但食時發覺已經係攤涼左啲🤣質地外層有點酥脆 但又未到GC嗰種好L酥脆 所以食過更脆嘅又無話好驚豔🧐內層有啲cakey 偏實身少少 moist嘅 唔痴牙但我中意鬆軟啲多啲～有牛油香 但未去到話好出 反而我覺得一路食一路有浸童年回憶嘅蛋黃餅味😂 （出賣年齡之有無人食過)不過clotted cream呢佢做到有面頭層薄膜 食落唔夠MO嘅smooth 但就奶油味好出！而個醬我幾中意 酸酸尾仲有果核 幾開胃不過暫時心目中scone嘅第一位仲係GC🤤

星期天早上要返工，放下午與老公在K11 Musea 吃飯，飯後在商場逛逛，找復活蛋影相，時間飛逝，已接近5點，準備起程回家。諗起已沒有時間焗早餐麵包，突然想吃Scone，自己焗又不夠時間，知道B層有一間Sam’s kitchen ，專買鬆餅，而且評價都不錯，便前往購買，店是一架小型的車子，不留神好難察覺它，買了四個Sones，$25一個，自己覺得貴，但用錢買時間，冇計！第二日早餐用焗爐翻熱Scone，高高的鬆餅，充滿牛油香，內裏鬆軟度適中，口感味道很不錯！當天遇上店主Mr. Sam，傾了幾句，他是一位年青人，欣賞他做食物的態度，要向他學習，加油💪🏽！個人評分（5💙為滿分）食物💙💙💙💙服務💙💙💙環境💙💙💙衛生💙💙💙抵食💙💙💙回頭率💙💙💙

老闆Sam係英國土生土長嘅華人🇬🇧回流返港後，主力售賣英式鬆餅同不同口味嘅自家製果醬，仲會根據季節或當造水果更新。為咗控制鬆餅品質，每日只做30至50個鬆餅，真係早起的鳥兒有蟲吃☀️💗原味英式鬆餅($25/1件)表層焗至金黃微脆，中間口感鬆化濕潤，唔會過軟章口同時，亦唔會好粉一咬就散哂🧁食落好香蛋味，牛油味適中，唔覺得太油膩🥚💗Clotted Cream ($10/1盒)質感好似牛油咁軟滑，食落奶味濃郁，富忌廉香🧈💗草莓果醬($10/30g)選用韓國嘅梅香士多啤梨🍓加入自製果膠平衡甜味。果香自然開胃，果粒嘅比例仲多過果醬，比平時食開果醬較甜但唔會膩。💗柚子果醬($10/30g)選用韓國嘅濟洲島柚子🍊強調冇落防腐劑同增稠劑，非常天然健康。味道酸甜平均，真係食到一舊舊果肉好足料，悲傷小姐最鐘意呢款💗熱情果果醬($10/30g)選用泰國嘅熱情果🍍雖然濃稠度相對較稀，但係食得出係新鮮果肉味，帶脆卜卜嘅籽。味道偏酸，悲傷小姐都打咗個冷陣。

聽說，這間小店老闆是個有心人，為了製作出水準不亞於酒店出品的英式鬆餅，所以在這個尖沙咀新地標商場中聚集了多間餐廳食肆的樓層內的一個不起眼的角落裡開了這間名為 Sam's Kitchen的小店，售賣英式鬆餅和數款不同口味的自家手工製天然無添加果醬。老婆仔十分喜歡吃英式鬆餅，每次我與她吃英式下午茶的時候，她最喜歡的總是英式提子鬆餅，要是下午茶中其他鹹甜美點水準不俗，但英式鬆餅不好吃的話，她也會感到失望。我喜歡英式鬆餅的程度雖不及她，可也相當喜歡，要是碰到做得好的英式鬆餅的話，亦會感到喜悅。這一天，我因事來到 K11 Musea，想起這間一早已記在心裡的小店，便在辦妥事情之後，來到小店所在的樓層尋覓它的影踪，終於在某個不起眼的角落找到了它。因為疫情關係，這小店就連唯一可坐下堂食的座位都已不再開放，幸好我一心打算買外賣回家，就沒有影響。不過當我向小店中唯一的一位年輕女店員提出想外賣鬆餅回家的時候，那位女店員就對我說鬆餅暫時沒有現貨，要到三點後才會由工場送來。那時才不過下午一時多，我豈不是還要多等個多小時才可以拿到新鮮送來的鬆餅？既然還有個多小時，那不如就先吃個午餐吧，於是我便和之後前來與我會合

=======📍K11 Musea傳統英式鬆餅 -- Sam's Kitchen👨小編平時都幾鍾意喺k11 musea行街🙈嗰度真係好多特色食物😆今日就發現一間售賣傳統英式鬆餅嘅小店😁店員非常熱情招待同介紹產品，傾傾下計先知道原來老闆Sam自細喺英國長大，幾年前回流返嚟香港開設呢間小店，主打售賣自家製手工鬆餅同果醬💕老闆同店員仲會親自採摘水果同埋煮製，真係誠意滿分👍😍--------⭐Citrus Fruit Scone（$40）嚟到緊係要一嚐佢地嘅signature水果鬆餅啦😋內餡夾咗clotted cream同埋柚子醬😍鬆餅表層呈金黃色，食落口感非常鬆軟同濕潤，完全唔會有乾嘅感覺👍clotted cream味道濃郁，口感幼滑😋而柚子醬略帶酸甜，仲有果肉，好足料👍兩者配搭好match，味道清新仲唔會有膩滯嘅感覺😍--------⭐English egg custard tart ($30)除咗鬆餅之外，仲試咗英式嘅蛋撻😋內餡嘅蛋口感非常軟滑，不過蛋香稍為欠奉🙈蛋撻皮微脆，富牛油香😙--------⭐Flapjack ($15)Flapjack中文叫烙餅，店員介紹係英國好popular

讚1. 鬆餅好味，甜香鬆軟，仲有啲奶香，唔係英國原版既乾爭爭果種，好明顯係改良左既，好食過好多酒店，Clotted Cream比左成盒，唔手鬆，鋪頭自己整嘅果醬好味道！係真係有果香而唔死甜，相當出色彈1. 無茶可以配黎飲，總係爭咁D野