SAMA Curry & Cafe (已結業)

🍪【#中環】SAMA Curry & Cafe💥偏酸札幌湯咖喱💥.🍪 SAMA主打札幌的湯咖喱，湯底選擇有🍅蕃茄、🥥椰子、🦐蝦，配🍚白飯。湯🌶️辣度可以揀1-30度。~~~~~~~~~~~~~🍽 湯咖喱— 極上豚肉 Soup Curry— Oink Oink $93（3.5/5）Openrice外賣自取(75折) Takeaway offer (25% off) .原本諗住椰子湯會甜啲，但咖喱偏酸🥺。四件大豬腩肉好軟熟😆，不過買外賣好易凍晒，堂食會好味啲😆。雜菜種類豐富，有🥦西蘭花、🍆茄子、🎃南瓜、🥔薯仔、🪷蓮藕、紅椒，輕輕炸過下，幾惹味😋。再加一隻🥚半熟蛋，不過不失。~~~~~~~~~~~~~味道 Taste：🍪🍪🍪/5💸消費 Spending：$93 /人 Person🔥推介度 Recommendation：3.5/5.📍 SAMA Curry & Cafe@samacurryhk.Follow me on instagram: hungrycookie15

這間位於上環蘇杭街的餐廳Sama 以咖喱為主打，有不同辣度可選。賣相吸引，白咖喱汁有好多調味料，有層次感，的確是非一般的咖喱，配菜亦多，有西蘭花，茄子，薯仔紅椒又有流心蛋，營養均衡，雞髀肉質嫩滑。整體是水準之上。但不過，咖哩湯底唔夠熱，比較失色。這道是素菜咖喱飯。除了咖喱，亦有拉麵🍜可選，味道不過不失。湯底鮮甜，叉燒肉質亦冧，易入口。

🧾🍛馬拉松雞🥥椰子湯底 辣度3🌶 $118 +🍜湯咖喱拉麵🍅蕃茄湯底 辣度3🌶 $98對於去譚仔都係食10小辣既我地，辣度3就啱啱好🤣🙈椰子湯底既咖喱好出色，椰汁既香甜令咖喱既口感同味道更加豐富，比起蕃茄湯底更夾✨✨雞脾同配菜都煮到好淋，而且食到咖喱入面有啲煮到溶晒既洋蔥碎，非常滿足🤩相比之下拉麵就普普通通，除左蕃茄湯底既咖哩冇乜特別，拉麵係平時連鎖拉麵店食到嗰款，而配菜都係大路野，叉燒就偏瘦，所以拉麵就唔推薦🫠如果經過上環附近，都推薦去試下個湯咖喱～🤤🤤🤤

又到左食lunch嘅時間.今日係遠d睇吓有咩好嘢食.都幾耐冇食過咖喱.整體感覺都唔錯.所以就決定今日試吓呢間咖哩.我就叫咗咖喱雞烏冬.同事就食咖喱拉麵-馬拉松雞 （+$15轉烏冬）我揀咗蕃茄湯底因為未食過所以問店員有咩推介.店員極力推介我試吓馬拉松雞.即係咖喱雞髀.今次想試下配烏冬.個咖喱食得出用左好多唔同嘅香料去整.都幾香都有少少蕃茄味.配烏冬唔算好好食.因為個汁都比較稀.唔夠杰唔夠濃.雞髀都唔夠滑.旁邊嘅配料都好少好普通.-湯咖喱拉麵個汁仍然都係比較稀.只有兩片豚肉正常發揮冇咩特別總結：餐廳都幾舒服.叫咗野之後都好快就到.個烏冬唔入味有啲失望.拉麵都係普普通通.但係定價都好高.因為仲要+10%服務費.而家平均一人要$130.如果每一餐都食咁貴唔係幾掂.想食唔怕貴既咖喱可以一試🙌🏻

附近返工未食過呢間，今日lunch 試吓，本身冇諗住寫食評所以冇影相。雖然知道咖喱先係主打，不過唔係好肚餓加上天氣熱冇乜胃口，所以叫咗個北海道拉麵，麵豉湯底味道ok, 仲有一少舊牛油撈湯，size都正常。但係配料真係唔多掂：麵條未煮熟仲有啲痴埋一齊，好難先夾到，而且比較硬身，溫泉蛋overcooked差啲變烚蛋，日式叉燒肉質又厚又鞋，好似食隔夜叉燒咁。連埋加一要$119，感覺唔值，下次會試埋主打咖喱，希望會好啲

Marathon ChickenSpice Level 5蕃茄湯底$118+10%第一次試揀normal range辣度，食唔到譚仔3小以上唔好食更辣嘅level(譚仔係戰鬥力標準，btw隔離嗰位客食level 30好勁)。揀左classic嘅蕃茄湯底同雞肉呢個組合，感覺上蝦湯底會夾海鮮多d？雞肉唔係煮到淋晒嗰種，所以肉質比較硬，唔可以用匙羹就分開，但又唔係煎香/炭燒嗰種香口，夾響中間唔上唔落咁，呢方面有待加強。但既然賣相望落比較似香口嘅話，煎香番/用炭火燒脆個皮，相信會好食好多。蔬菜有紅椒、西蘭花、蓮藕、茄子、南瓜同薯仔，整體份量唔多，味道算係不過不失。溏心蛋仲保持到蛋黃黏稠，冇醃製過唔同拉麵嘅蛋，比較食得出原味。但食咖哩，個汁先係主角，肉眼可以唔少煮到好甜嘅洋蔥碎、現蕃茄湯底相當夠味，甜味辣味平衡，相當唔錯。本身睇落以為份量好少，但食完都好飽肚。不過餐盤偏扁平闊身，食到一半比較難畢起湯汁(以傳統食法嘅話，將飯放響匙羹再浸落湯咖哩)，尾段食起上黎比較狼狽(但見有其他食客係用比較深嘅碗，有d係呢種碟，唔知係咪用揀邊隻肉有關？)。但總之算係響香港都可以食到水準合格嘅湯咖哩，以呢個價錢同地

蘇杭街有好多cafe，其中今日介紹嘅日式餐廳，主打咖哩飯，但唔係甜咖喱，係賣札幌既辣湯咖喱，啱曬一班鍾意食辣嘅朋友！極尚豚肉 $124第一次食唔係好識簡，就簡左最正宗嘅豚肉！豚肉有大概四塊，非常厚身，肉質嫰滑！配菜方面，有茄子蓮藕西蘭花蕃茄同半熟蛋，非常豐富。而辣度方面，好似譚仔咁可以自選辣度，今次試左3度辣，覺得啱啱好，唔太食得辣嘅朋友都可以參考吓！飯就係最surprised，只要同店員講就可以refill，份量係絕對好夠又好食！

中午時分，搵吓office 附近有咩好嘢食同事介紹蘇杭街嗰邊Sama餐單望落好吸引❤️外賣自取仲有85折不過喺舖頭坐吓，離開工作環境休息吓，我哋都打算堂食舖頭唔算好大，午膳時間好快已經可以入座，可能比較多人攞外賣啦打開menu, 裡面相當豐富，分別有麵類/沙律/小食同鐵板/甜品既然嚟得，當然要試吓舖頭推介嘅咖喱拉麵同烏冬啦湯底方面，有得mix椰子/蕃茄/蝦，辣度仲可以選擇normal to very hot雖然，自己好食得辣，都有少怕個辣度挑戰唔嚟，揀咗個15辣（hot同very hot之間）上餐都幾快，賣相非常吸引馬拉松雞係一隻大雞髀，配上一啲薯仔茄子同西蘭花喺旁邊，烏冬係另上嘅成個有種食沾麵嘅感覺，湯底係5辣配蕃茄底，味道酸酸甜甜加埋咖喱，少少辣度都幾fresh ，雞髀食落幾嫩滑，配菜都好食而我叫咗最普通嘅湯咖喱拉麵，入面有叉燒，蛋，荀等等拉麵嘅配料，Mix 椰子湯底，15辣，好好味呀！！椰子嘅香滑同咖喱好夾好夾，15辣係剛剛好，既刺激又食得舒服（我係食得好辣，建議各位參考吓就好喇）會再去幫襯呢間好食嘅餐廳🥰🥰用餐好愉快，食到飽飽返去繼續辦公

🔴係香港少有嘅湯咖哩呀°ʚ♡ɞ°本身其實係想食隔離泰國嘢😛不過又係有人排緊所以就食咗呢間外表都幾靚靚嘅SAMA✨🟠入面有好多款餸揀(o🪄'▽')o🪄我哋就揀咗BEEF RIBS同VEGGIE BEAR✨湯底有得揀蕃茄🍅，椰子🥥，蝦🦐而且有0-30嘅辣度揀🌶牛肋嗰個揀咗蝦🦐7度辣野菜嗰個就揀咗蕃茄🍅3度辣另外仲嗌咗元氣餃子🥟即係豚+雞肉🐷🐔🟡講下湯咖哩先🍛湯底好食唔油！一啲都唔膩👍🏻蝦湯嘅帶有鮮味🦐蕃茄湯就明顯比蝦湯酸好多但惹味✨我覺得好食😍會想狂食飯🍚啲餸都好食😛冇話特別出眾但係配埋個湯咖哩會覺得好食😋而且份量好足👍🏻純粹係啲菜可能有走油但又因為係西蘭花嘅關係比較吸油所以有少少油味🤔🟢元氣餃子都好食🥟👍🏻雖然細細粒得幾粒不過皮薄餡都幾靚😛

🎎吉列豬扒湯咖哩 💰138💫評分: 7.9/10📝每一款北海道湯咖哩湯底有得揀蕃茄🍅/椰子🥥/蝦🦐，辣度🌶就有30級，我就揀咗蕃茄5級辣，茄味幾濃酸酸地更開胃，5級都還好（我食開三哥麻辣10小🤣) ，撈飯一流，飯上面仲有飯素😋，每款湯咖哩有半隻溏心蛋，同好多蔬菜，有茄子🍆、蓮藕、紅椒、南瓜🎃、薯仔🥔、西蘭花🥦，新出嘅餸試咗邪惡嘅吉列豬扒鬆脆無得輸😋，招牌牛肋肉/馬拉雞都好多人食！🎎牛油果蟹籽沙律 💰68💫評分: 8/10📝有蟹柳絲青瓜絲、粒粒牛油果、生菜、蟹籽同蕃茄，加BB沙律醬好fresh，呢個combination無得輸！🎎北海道炸雞💰78💫評分: 8.2/10📝熱辣辣新鮮炸起🥰，簡單嘅調味，再加檸檬汁🍋！🎎豚肉餃子🥟 💰58💫評分: 7.8/10📝脆卜卜，煎得啱啱好微焦！𝕊𝔸𝕄𝔸 ℂ𝕦𝕣𝕣𝕪 & ℂ𝕒𝕗𝕖📍中環蘇杭街19-25號永昌商業大廈地下B號舖(上環🚇A2出口行3分鐘就到)💫評分: 8/10💬店嘅設計都係以橙色為主調好搶眼，環境都坐得舒服，好過唔想食飯，可以揀拉麵，仲有得叫小食，配啤酒好正🍻，店員好nice服務都好好，想試北海道湯咖哩可以嚟試！❣️再訪？🄼🄰🅈🄱🄴#samac

未食過呢類型嘅日式咖喱，一直以為日式咖喱係偏甜偏清淡，原來呢間咖喱嘅味道好印度，search之下先知係嚟自扎幌，真係失禮晒！🥢上等牛肋蝦湯咖喱配烏冬(辣度1 )⭐️⭐️⭐️⭐️個餐除咗有肉，仲有7款蔬菜，感覺非常豐富，牛肋肉眼見好乾以為好硬，原來入口超腍無黐牙，至於蝦湯咖喱就食到淡淡蝦味，仲非常掛湯，好味！🥢極尚豚肉椰子湯咖喱配白飯 (辣度1)⭐️⭐️⭐️⭐️極尚豚肉果然名不虛傳，入味之外仲入口即化，即係超腍嘅五花腩，而椰子湯咖喱幾椰香，我比較鍾意呢個咖喱。二人共消費：$159

最近咁凍最啱就係食暖笠笠既咖哩🥘 呢間北海道湯咖哩湯底有蕃茄🍅、椰子🥥、蝦🦐 連辣度都有30 級 🌶 每款湯咖哩都有半隻溏心蛋🥚同大量蔬菜~有茄子🍆，蓮藕，紅椒，南瓜🎃，薯仔🥔同西蘭花🥦馬拉松雞揀左13級辣蕃茄湯，加蕃茄既酸甜中和，雖然有啲太辣，不過係屬於令人上癮既辣🤤 雖然隻雞髀好大隻，不過肉質有啲鞋🙈上等牛肋揀左3級辣蝦湯，少少辣度加添左層次，不過就食唔出蝦味🤔 牛肋比起雞脾入味好多，同咖哩好夾❣️ 如果你最近減緊澱粉就唔好黎食🙈 因為真係超級送飯😆😆

「有辣有唔辣，任均選擇，SAMA curry&cafe 」📍中環誤打誤撞下求其入咗間環境幾適舒嘅cafe,本身見晚飯時段入面都冇乜人，都幾驚中伏，點知又幾好食，✨好似譚仔咁有得揀辣度，由0度🌶去到30度🌶🌶🌶湯咖喱又有3款湯底揀：1. 番茄2. 椰子 3. 蝦大肚婆最後食咗：🌗馬拉松雞蝦湯5度辣（類似譚仔10小勒）💰118讚：湯咖喱好出色好濃，入面有大量嘅洋蔥粒，入哂咖喱味，蝦味又夠濃，仲有大量蔬菜吸哂啲汁🤤彈：隻雞髀雖然大隻，但都幾鞋幾un下😥評分：6/10🌗輕炸生蠔番茄湯10度辣（類似譚仔5小勒）💰128讚：湯底番茄味又係好出，酸酸甜甜唔覺唔覺就清哂成碟彈：炸蠔塊皮可以薄啲😂評分：6.5/10🌒元氣餃子💰58冇特別，可以唔洗試👋🏻總結：為咗個湯底同啲蔬菜可以encore🙌🏻

未試過入去試吓，點咗個係咪招牌菜呢：咖喱雞飯，揀咗椰汁咖喱。食唔到有椰汁味 😅 揀咗中辣但係都幾辣 wor，要不斷飲水 🤣 仲有一片蓮藕、半隻蛋、南瓜、OK啦！ 個飯係好食嘅 🙌🏻 但係嗰個雞個皮有少少失望，我感覺好似浸左一段短時間咁 ～～～ 成碟嘢再熱d就好喇。

睇ig foodie先知有呢間湯咖哩，香港好似好少湯咖哩餐廳🤔準備入門口已經有staff迎接，態度好好，主動問我同男朋友想揀梳化位定木櫈位。可能因為唔忙，入到去都係得2,3台客🤔牛肋.蕃茄湯.7分辣牛肋肉數量都合理，但係唔夠淋🥺 茄味都幾濃，酸酸地嘅感覺令人好開胃，不過7分辣都有啲辣🤣 (本人食開三哥麻辣5小) 個湯茄味豐富，唔覺唔覺就食哂啲飯🤣 大食熊.蝦湯.10分辣 (另加茄子)大食熊係每一樣配料都有，海陸空齊哂🤣雞髀都係成隻上，不過唔知有冇細左🤔 蝦湯好重蝦味，同茄湯比略嫌單調左啲。揀左加茄子，但係好似都唔係係比得多🙈 雞髀都容易拆肉，雞皮睇落有香料，但係食唔到香味🤔元氣餃子好普通5隻餃子，細細隻煎到脆卜卜員工態度冇其他食評講得咁差，我會用態度好黎形容👍自動自覺加水，起身去廁所都主動指埋條路比我睇👍 餃子同茄子係落單之後一陣先決定加單，佢又冇一副覺得我地麻煩嘅嘴臉🙈