Sammi Kitchen (已結業)

I came to this restaurant had dinner with my husband, that's while today is my birthday, this place was very dark and suit for the couple or lover.They have some cheap beers and the food was very delicious, we can park the car in front of the restaurant, we were so enjoy that night

今日相約朋友午餐, 隨便選了這間。平日經過總會把餐廳與Jimmy's Kitchen聯繫起來, 覺得餐得應該不平宜及氣氛不錯。一進餐廳, 陳舊的裝修沒有被四周墻上的黑布掩飾到, 已經有點嚇親。我點了一個香辣煙肉蕃茄長通粉。西湯ok的, 麵包都可以食得下, 但長通粉的樣子真有點令人消不下, 除了橙紅色的茄汁以、幾顆小小的煙肉及通粉, 沒有看到其他了~ 幸而吃下去都味道其實ok, 份量亦剛剛好。但那兩位阿姐的服務態度真的不可要, 每次上菜都很大力, 湯放下檯後還會有一點左搖右擺, 倒瀉了不少。身型大份一點的阿姐感覺上態度好一點, 但都不會是$68一個午餐應有的態度。坦白說, $30一個餐的茶餐廳的服務態度都比她們好!

四人來到這間「秀文餐廳」，人客寥寥無幾，裝飾滲透八九十年代的味道，而牆壁流露了殘舊感覺。過了歡樂時光也不要緊，先點杯曼徹斯特城出品的啤酒，友人要的是比利時啤酒、芒果疏打，啤酒冰凍無比，最適合邊喝邊談。兩位友人點了晚餐，蒜泥包香脆，味道還可；菠菜忌廉湯的味道不濃郁，未嚐也不會可惜的水準；晚餐的主菜千層肉醬配薯菜，份量較多，醬汁較稀釋，味道只屬中庸以下水準；煎雞排配薯菜，醬汁同樣稀釋，雞排是冷藏食品，中庸水準。近月來出現的爭吵，到後期的某團體突變，都令在座人士嘖嘖稱奇。我想起 Storm of the Century by Stephen King，男主角堅決反對，但眾人投票接受惡魔的要求，並說這是為大家著想之策。戲如人生，不如笑笑算了吧？繼續喝完第二杯、第三杯，直至打烊。

今日中午食lunch.....首先鬧你不可以調位......我無出聲, 呆左...... 等了15分鐘才有餐湯, 蒜蓉飽, 餐湯甜左D, 蒜蓉飽不錯! 等了45分鐘先話你知飯賣晒......唔洗返工咩.......同佢理論, 仲好惡地取收你每位20蚊餐湯, 蒜蓉飽錢....佩服! 最惡是那2位帶眼鏡女人.....今時今日仲有咁既服務態度......好野! 見到隔離好多枱都走左.......總括而言, 食物應該OK, 不過lunch趕返工就唔好黎, dinner可能會好D~

八月初十‧有雨有事相談，想找個地方靜靜的喝一杯，上環一帶的喝酒地方，都不適宜。反而這個晚上是劈場的地方，放工時間是不太旺的，就來了這裡。地方一般，不少食客也手揸一支煙的。酒牌也乏善可陳，還原基本步，要回生啤。歡樂時光，三時至九時，Becks買一送一，不用想其他了。要生啤至少穩陣，夠凍又順喉，作為一晚活動的熱身，正好。還有兜花生下酒，算是這樣子。買一送一，一定要一人喝，幾奇怪。

平安夜的lunch相約朋友們來呢度聚下，皆因有人放早有人唔洗返工，難得的約會﹗友人帶左支紅酒來開，收費$50支﹗呢道環境比較有懷舊味道，典型的舊式扒房格局﹗睇餐牌是日全部都係聖誕餐，西餐廳唔聖誕食你一筆，都真係唔洗發到市﹗點左個燒白牛仔肶肉，配田園沙律及火雞卷﹗可能人多關係，呢度0的待應唔多理人，主菜來了個前菜沙律都仲未0黎，叫佢俾紅酒杯又十問九唔應，都唔知搞咩野﹗沙律真的很田園，簡單的幾片菜上面放兩粒蕃茄，食左都唔知自己食過野﹗火雞卷是火雞肉夾著磨菇及似火腿的物體，都好耐無食火雞喇﹗感覺佢做得很好味，肉質嫩而厚一點也不o鞋口，這個很不錯﹗主菜牛仔肶肉沒有什麼牛味，友人說吃牛脾肉是取其嫩滑，呢度食就一般般啦﹗不過不失﹗反而想說的是伴碟的青瓜、茄子等，燒過的味道很鮮很風味﹗甜品是芝士蛋糕，芝士味很淡我也吃得下﹗3:00後原來呢度會變身做酒吧，可以吸煙，大家可以留意下﹗

有一日, 朋友話同我去上環試下一間西餐廳...咁本身對上環冇咩特別印象 亦都唔會覺得D野特別好食...一去到個陣, 見到個門口有點兒舊舊地..但係一入到去見到唔係好多人 (夜晚) 但係入面都幾有氣氛, 同埋又就黎聖誕 佢地好有心咁佈置個christmas tree! 一坐低, 得老闆娘一個 但係好好笑容 同埋好親切 我地叫左一個$68蚊既焗豬扒飯 同埋一個 $75 既雞扒! 因為我個frd話豬扒同雞扒都係呢間鋪頭既招牌。 岩岩order完, 等左一陣 黎左個羅宋湯同埋新鮮熱辣辣既蒜蓉包, 個湯好足料同埋個味好正, 酸酸地又甜甜地 完全唔同扒王之王個D餐廳...仲有個蒜蓉包!!好食!!好香!! 值得一試。飲完之後, 焗豬飯同雞扒都到....個焗豬扒飯完完全全係無得頂! 不過有點兒唔夠汁但係個汁唔係就咁茄汁, 而係師傅用唔同既材料整, 個味道係岩岩好 唔會覺得太多或者太小。 而個雞扒, 都好食! 因為師傅將佢煎到D皮係脆嫁, 但係因為有汁一齊上 會有D"淋"..我會因為呢間餐廳 而去多幾次上環*U*對於係上環既餐廳, 已經係好嫁啦!大家可以去試下, 試下會有D驚喜

今日看到sammi kitchen 的食評後很想去看看是否轉了手,小妹大半年前吃過還是很好吃的,介紹不少朋友仔去,所以有見及此特別由屯門開車去看看,小妹未試過lunch,但晚餐相信絕對不會令我失望,今晚有幸試到法國鵝肝,外層香脆入口即融,鵝肝甘香配特製醬汁和紅洒提子令味道發揮得更有層次,因為老闆sammi話佢地一定用法國鵝肝入貨少,常常欠奉,真想吃的朋友最好打電話問下先,免白走,而男友不愛吃鵝肝,他的至愛係燒三文魚,他一定 要double,不要以為三文魚剌生才好吃,燒一定好鞋,此家的燒三文魚不同彼家外皮脆入面很多汁很滑,一d都唔猩,絕冇誇口,甜品tiramisu保持水準不太甜,另外啤洒可以一試德國hoegaarden生啤好易入口,小妹亦同老闆了解過可能lunch太忙人手好難就,因為晚上這區很冷清,經營比較困難,不過老闆做食物真的很有誠意,希望多多包涵,價錢方面很便宜我吃一客鵝肝,男友吃一客double份量燒三文魚,飲一杯大hoegaarden生啤,一杯可樂,都係$390結脹,上環區食鵝肝真係超值,大家去試試

今日同三個同事一行四人黎到食lunch，去到唔駛等位總算ok，亦好快有人幫我地落單，但之後等左好耐先有一個西湯，再過30分鐘先至有3個餐到，叫左兩次先有餐具，再過15分鐘後我叫的set lunch什菌菠菜麵先到，但我見到都唔想食，睇落去都知道"淋"晒，食落口淋晒之餘仲要無味。在三催四請之下先至有其餘的3個湯。環境、食物同服務都唔得，我唔會再試。另外隔離有一枱等得唔耐煩走左。有一枱d野黎左一半都走埋。

今日跟同事去試一試呢間見到好耐, 但始終未食過的地方食我們的lunch! 我只係比其他同事遲了5分鐘左右點菜, <但另一方面有3位同事比我更遲到的> 我的食物竟然可以響各人<係11個人喎>都食晒時才到!!! 服務, 差到不得之了!!!除了服務外... 其實這裏的食物係ok的... 我叫的只鮮什菌磨菇意大利蛋麵, 味夠濃, 麵夠熱, 份量剛剛好! 雖則等得耐, 但係食物的質素亦可以一解我當時的氣結!!! set lunch為$60... 加一服務費~ 價錢合理! 環境亦唔錯, 可以好舒服咁去傾計~ 當然, 我會再給它多一次機會, 希望下次唔好這樣的"厚待"我!!!