San Babila

營業中

休息中

朋友介紹去試試，裝修雅緻，地方畧嫌窄。星期日的午餐時間比較靜，先來餐湯和香草麫包，湯夠熱，包是olive oil 意大利包。主菜是我要👍🏻的地方。牛舌外脆內嫩，紅酒汁的紅酒味很香，配上薯蓉，很好吃。配菜是畧炒的羽衣甘籃，也很出色。同行友人吃煎雞扒，皮脆肉嫩，主菜份量很足，已沒有位置吃甜品，甜品有一般意式，亦有churros 。午餐由$96（未+10%）至百多元的羊架。價錢加一後都很合理，整體滿意度很高👍🏻

無祈望但有驚喜。湯、主菜、甜品都吾錯。全部嘢熱辣辣新鮮上桌，呢點好重要。 阿仔話湯好好好味，阿女話risotto 飯超好味，不過海鮮薄餅個底就嫌佢太薄左D。我哋三個一致認為個churros 西班牙油炸鬼超好味，香熱的肉桂條無論獨立食、配士多啤梨雪糕定朱古力醬都各好味😋，（個朱古力醬吾太甜，略帶微苦，獨立食都好Jeng），呢個甜品配black coffee, 無得輸。呢間由文華廚師主理既餐廳，看似平凡，但都有D料到，食得到個廚師對食物既味道系有態度、有執著的。Btw, 侍應們都好nice!

新蒲崗比較多茶記，有時想食🤔吓西餐都可以試下呢間，今日 lunch 就試左呢間。間餐廳係小店形式，橙色外牆好易見到，餐廳入面都係橙色牆身，配埋土耳其吊燈，帶點中東風感覺。✨比吉打豬柳番茄汁及香草意大利飯，擺盤靚靚仔仔👍，但豬扒稍乾，係薄身豬扒，意大利飯偏濕少少。✨焗海鮮薄餅，餡料好足，但薄餅皮太薄，太軟身，唔夠餅香。✨香煎帶子墨魚麵配檸檬牛油汁，3個 lunch 呢個最有驚喜🤩，檸檬牛油汁好清新，搭配帶子墨魚麵完全唔 heavy，可以 encore 之選。

其實食咗已經一段時間，不過拖到而家先得閒寫😜 相對午餐晚餐嚟講，下午茶真係勁抵食，本來想食西多士，但睇餐牌時見到法式香橙班㦸，好似特別d，所以就點咗呢個。西多士留返去茶餐廳食啦。個 crepes 有3大塊，浸滿咗橙汁，仲有d紅花點綴，擺盤都幾靚。另外有一兜白色的，開頭我以為係cream，但原來係雲尼拿雪糕😋，餐牌好似冇寫跟雪糕，所以有d喜出望外。不過個汁對我嚟講酸咗d，但呢個質素加埋一杯咖啡都唔使$40，絶對值得一試！

今日下午一人經過景福街,看見一間名Sun  Babila西式食店,看貼在門外的餐單,一位站在門外的女士叫我入內試試它們的午餐,我便入內坐吓後,那位女士再給餐牌,但看見牆壁上貼有幾張餐單,有幾款食品,其中一款法國蠔四隻,可選生蠔或焗蠔,但我點了六隻生蠔,令點了一款海鮮南瓜意大利飯,生蠔食落肉質爽口甜美,需然不算大隻,但都可以 至於海鮮南瓜意大利飯亦不錯,結帳$348,這價錢可以接受

今日我叫咗一份煎比目魚餐$196，呢個餐只包餐飲一杯。我知道比目魚本身都唔平，但估唔到份魚得我三份一隻手掌，我食完都唔覺得飽。今次嘅體驗真係好失望，我唔會再幫襯。同埋佢話廚師係做意大利餐出身，但係我完全感受唔到意大利餐嘅風味。

餐廳由牆身天花至餐台都有土耳其燈, 午餐有成十一個選擇,包前菜沙律或者餐湯跟蒜蓉包一件亦都包熱飲, 凍飲加$3,  收加一服務費$92 川椒辣肉腸薄餅薄餅都幾大份, 應該有十吋, 一開六,似大陸串燒燒烤咁惹味! 每一片都足料,滿滿芝士辣肉腸同川椒醬汁加上煙韌餅底! $88 芝士波菜忌廉汁香焗雞絲長通粉餐廳午餐幾大份量, 幻想芝士焗長通粉會係比例乾身同焦燶既表面,結果呢個似燴意粉, 比較多汁同creamy包熱飲. 叫左杯熱奶茶, 係港式香滑奶茶既味道佢個杯係靚靚透明 lace 花邊架, 打卡一流

呢間位於新蒲崗嘅民族風西餐館，係由退休文華廚師主理，食物質素絕對有保證🤩！店員非常之熱情好客，I人要做好心理準備🤣🤣🔥🔥 當初都係因為呢位熱情嘅姐姐介紹，令路經嘅我地想試下，先俾我地發掘到呢間隱世小餐館〜香烤肉眼配虎蝦米多 $218肉眼含有豐富嘅油脂，煎出嚟特別香🥺 而且非常鮮嫩🥩 再配上意大利菜虎蝦米多，虎蝦肉質鮮美彈牙，龍蝦汁亦有濃郁海鮮風味。🙌🏻香烤紐西蘭西冷牛扒伴時令雜菜 $268呢份牛扒係主角，份量都大啲〜 師傅煎得啱啱，好肉質緊實多汁，但係又唔會鞋，亦都仲有濃郁嘅牛肉香味🙂‍↕️脆皮德國豬手配蜜糖芥茉醬 $258好大份的豬手👍🏻 豬手的確外皮烤得好香脆，好似薯片咁🤣 兩個人食晒都唔會好膩，不過比較冇咁驚艷〜下次試佢地嘅招牌乳豬！呢間餐廳俾我地嘅感覺係好一絲不苟，就連配菜嘅薯仔球都做得好香口🥰 呢個價錢絕對值得❤️❤️ 性價比很高🥳

牆身顏色鮮豔 ，門口好細，原本以為係冇乜裝修嘅店舖， 點知一入到去，勁有反差，佢地裝修好靚，由其啲燈可惜我係lunch time食，如果係夜晚食嘅話，應該係一個好浪漫又有氣氛嘅地方。香煎帶子墨魚意粉配蒜蓉檸檬牛油汁佢嗰啲醬汁比例超好，完全係食到佢帶子同墨魚嘅味道，而且淡淡嘅檸檬汁係非常開胃嘅意粉，忍唔住連原本唔飽嘅我都食曬成碟，佢嘅帶子煎得好好味啱啱好，仲有三大粒，雖然要等得耐但依個美道再耐我都會等。香草煎封紐西蘭羊架羊架煎到岩岩好，唔太騷味，肉質鮮嫩,配菜好夾又新鮮題外話老闆娘好熱情，不停畀啲酒我哋試飲，仲要好好笑，可惜仲要返工，如果唔係真係想即接飲返幾杯

家人介紹，知道是文華酒店廚師。餐廳老闆是亦經營酒樓，對飲食有要求，食物出品質素高，餐廳員工有禮。當日點了生蠔，西班牙乳豬，雞扒牛肝菌汁意粉，心太軟。雞扒外觀不太特別，但當切下，便知有不同，肉質細嫩；最令我驚喜是乳豬，肉嫩，皮薄，不油膩，加上沙沙醬（酸酸的），正好。擺碟旁的沙律菜放了黑醋（酸中帶香甜）和橄欖油（帶香草味）。甜品-心太軟，擺碟漂亮，朱古力蛋糕上有朵薄脆花，旁邊有小球雪糕，上面放了一片粉紅葉子形薄片。還有店內cozy氣氛，店內天花吊燈／壁燈漂亮，環境舒適。後悔沒有拍照。。。。甜品真的物超所值。今次點的都帶給我驚喜，喜歡，一定會再來。

新蒲崗一向臥虎藏龍, 有好多隱世西餐廳, 琴晚同daddy喺呢頭發掘咗一間高質又親民嘅餐館～一入到去就被餐廳嘅裝修吸引咗🤩！環境裝潢別緻, 燈光昏暗, 牆身掛上土耳其馬賽克燈, 天花板亦有一盞土耳奇民族風吊燈, 充滿異國風情🇹🇷, 環境幾有情調的～ 好適合周末小型聚會, 飲杯sparkling wine輕鬆下, 成個氛圍好chill🥂～🦪法國生蠔 法國新鮮空運到港🇫🇷✈️, 蠔肉鮮甜肥美, 蠔味細膩有層次, 非常新鮮！ 🥗牛油果三文魚凱撒沙律煙三文魚厚身又肥美, 而且份量好多！牛油果熟度剛好🥑, 搭配新鮮沙律菜, 係清新又開胃嘅前菜！🍟黑松露薯條即叫即炸, 一上枱已經聞到陣陣黑松露香氣～🥩香烤肉眼配虎蝦米多推介👍🏻 賣相好掂！牛扒煎得啱啱好, 肉質鮮嫩, 肉味香濃; 虎蝦大大隻, 肉質厚實有彈性🐟香煎比目魚配紅花忌廉汁伴時令雜菜魚皮煎至金黃焦脆, 好香口, 魚肉嫩滑, 搭配紅花忌廉醬汁, 調味剛好～ 旁邊伴上薯蓉同雜菜, 薯蓉入口綿滑, 帶香草香🌿🍮法式焦糖燉蛋 Crème brûlée上面有一層薄薄嘅焦糖面, 焦糖外殼脆口, 一敲即碎, 燉蛋口感軟滑, 充滿細膩蛋香, 又有淡淡雲呢拿

Lunch time 到訪新蒲崗特色橙色🟠小Cafe San Babila！餐廳裝潢以地中海風情為主，給人一種舒適休閒的感覺！今天品嚐了 set lunch menu 的芝士菠菜忌廉汁雞絲長通粉🍝～ 味道可以，但不是會留下深刻印象的那種House coffee☕️ ~ 咖啡的濃郁香氣和奶的柔和口感帶來了一份溫暖和滿足感，不錯🌟食評指數：7.5/10💁🏻‍♀️人均消費 lunch～HKD100🗺️ 地址：新蒲崗景福街59號

趁屋企人幫手湊BB緊係同老公去撐下枱腳唔兩公婆好耐冇据扒上網搵到一間新蒲崗既小店估唔到呢間小店有驚喜…我叫左一個香烤肉眼配虎蝦米多（3成熟）老公見到個慢煮四十八小時香烤西班牙乳豬伴意式橄欖莎莎話好似好吸引想試下肉眼扒食落去好冧有好濃厚既肉汁唔駛點醬已經好好食👍🏻虎蝦好彈牙佢既配菜係羽衣甘藍用蝦油去炒真係好好味另外佢哋既烤乳豬皮脆肉嫩有種入口即溶既感覺好令人回味😋😋連平時唔太鍾意食豬既老公都讚不絕口

一個隱藏在新蒲小店如果你想嘗試一些不同於傳統的西餐，那麼San babila可能是你的不二之選。這家位於新蒲崗的西餐小店，以其獨特的異國風味和溫馨的氣氛吸引了不少食客。店內掛著色彩繽紛的土耳其馬賽克燈，營造出一種歐陸感覺，讓人彷彿置身於地中海的某個角落。這裡的菜式也是充滿驚喜我點了一份香煎紐西蘭西冷配時令雜菜，一份什菌牛柳絲炒意粉，和一杯意大利白酒。香煎紐西蘭西冷是店裡的招牌菜之一，肉質鮮嫩多汁，外皮微焦香脆，搭配了一碟時令雜菜，增添了清新的口感。什菌牛柳絲炒意粉則是一道別具一格的菜式，將牛柳絲和什菌以高溫快炒，保留了食材的原汁原味，再拌入鋪滿芝士的意粉，平衡了鹹香的味道。San babila是一個適合與三五知己聚會談天的地方，服務態度親切，價格合理，食物質量高，氣氛溫馨，是一個值得一試的西餐小店。

香煎紐西蘭西冷配時令雜菜，$168💰香煎紐西蘭西冷肉質鮮嫩多汁，外皮煎得金黃酥脆，肉質鮮美與煎得恰到好處的外皮相得益彰，搭配的時令雜菜清脆爽口，仲有薯仔球及蕃茄扒，提供了豐富口感和讓整道菜式多樣化🥩什菌牛柳絲炒意粉，$48💰炒意粉豐富色彩，擺盤精緻，意粉炒得好有嚼勁，牛柳絲的口感嫩滑，什菌的香氣完美融合細膩的味覺體驗🍝意大利白酒，$68💰白酒尤其適合女士飲用，白酒帶有一絲甜味，風味相得益彰🥂整體環境舒適充滿著歐陸浪漫情調😍服務貼心有禮😊食物廚師們對食材匠心獨具精心烹飪，值得一試的餐廳😍