Sawadee Chef

營業中

休息中

餐廳好大好闊落，非常舒適，佈置得好grand 🥰 可以坐梳化椅，或靠窗有落地玻璃可以曬下太陽啱晒喺到同朋友傾下偈relax下😍😍😍 泰式船麵船麵微辣好惹味， 扎肉非常爽口彈牙👍🏻有牙菜， 豬肉丸及豬潤， 仲有脆脆魚皮係面😍 虎蝦炒金邊粉面層係蛋網，好特別！ 另外配有花生碎同辣椒😋 大蝦 有兩隻好入味啖啖肉🍤， 金邊粉炒得好香味道鹹甜適中，又唔會太油膩！ 仲有青檸汁配，酸酸地另味道更出色！  松阪肉 豬頸肉有好多片， 炭燒味非常香濃， 另上辣汁酸酸辣辣非常特別！    雞肉串燒雞肉比較厚實，辣汁另上 , 有麻辣味🥰 Dessert  椰汁西米糕陳係好香嘅椰汁糕 ，下層綠色嘅佈滿西米😍，入面有爽脆甜甜嘅粟米，同細細粒芋頭粒！ 共有四件椰汁西米糕，幾抵食😋😋😋

難得和同事一齊食lunch，今日諗住試新餐廳，不幸中伏。Set lunch 揀咗船麵加青檸梳打，梳打是正常梳打，但係嗰碗船麵似兒童歺，我知係泰國食船麵係细細碗嘅，但係人哋唔係收140蚊囉，個碗咁細，金邊粉份量多極有限，配料少，只有兩粒手指甲咁細嘅牛/豬肉丸?（sorry 太細食唔出係豬定牛），加兩塊豬潤?（sorry 未試過食船麵有豬潤），兩小塊扎肉（係真係小塊，應該係一塊半圓形再開雙），最騎呢係上面加左三塊食潮洲粉麵至有嘅炸魚皮，食完當然唔飽，成件事最後悔係冇影相記錄低呢個$140連加一嘅「豐富午餐」⋯呢間歺廳唯一嘅一個優點係夠大坐得很闊落⋯⋯但我應該不會再去了。

Sawadee Chef (大角咀)🌶冬蔭功湯 $108充滿椰奶香味，入面有一大隻蝦🦐，再加了草菇、車厘茄等材料，剛好2人可各飲1碗～🌶海南雞半隻 $188擺碟精緻，雞肉嫩滑😍 有3款醬油提供，小編偏愛蘸上橙橙紅紅的酸辣醬汁～🌶泰式牛肉炒河 $198炒得好有鑊氣，而且份量好大，可以供2-3人食用😝 河粉唔會炒到好碎，亦唔會太油膩，而且再加左雞蛋🥚、泰式香料，好惹味😋 牛肉片亦好足料，每啖都食到牛肉😋🌶椰青 $58椰青大大個，椰青水清甜解渴，仲可以食埋果肉🥥*需加一服務費地址：大角咀海庭道18號奧海城二期地下G21-G23, G25-G27號舖

奧海城新開的泰國餐廳，店內裝修十分豪華，更有落地大玻璃一覽商場內外的景觀。餐具設計好精美，環境衛生。侍應數目很多，能即時服侍食客。外賣自取更享八五折優惠。虎蝦炒金邊粉 - $198兩隻虎蝦去殼去腸超新鮮彈牙，整個炒金邊粉被煎得精美的蛋花包裹著，旁邊有花生粉、辣椒粉和青檸自行控制份量；炒香的金邊粉集甜酸鹹一身，有茄汁、魚露和羅望子醬味道，層次好豐富，更有些蝦米、青瓜絲、芽菜、豆腐乾等增添口感。曼谷豬手飯 - $138一片片的豬手瘦肉又夾著一點肥肉和豬皮，整塊超軟嫩，肥肉位置更入口即化，有著熱騰騰的滷汁，超惹味。泰式炸蝦餅 - $88三塊即叫即炸的蝦餅酥脆而不油膩，厚厚的肉餅充滿蝦蓉及原隻蝦肉，好彈牙鮮味。椰汁西米糕 - $68/4件兩層顏色分明，奶白色的椰汁充滿椰香又紮實，下面的西米糕軟糯多汁，整件帶點冰涼好清新。

泰國餐喺香港，無論你喺商場食，街邊食，九龍城食，也不會太差。但呢間野真係冇心做，我叫咗一個燒魷魚，仲要係時價，我問時價即幾多錢？佢話198元，嚟到條燒魷魚根本就係白灼魷魚，完全冇味道，亦同佢餐牌張相不符。只要佢花少少時間就可以燒到條魷魚，但冇。有見及此，我問佢攞醬，佢同我講佢已經落咗調味，沒有醬可以供應，真係好差，食物完全冇水準。你試想想要泰國嘅燒魷魚仲要係時價，在碟上嘅係一條白灼魷魚，煮法求其就算。

海南雞飯啲雞又少又凍 飯又少 咁嘅價錢去食 食多一次簡直侮辱自己智慧 如果唔係見佢第一日開 我都唔會去食 絕對唔會再食下一次 價錢極貴 兩個main course+ 一杯嘢飲 四百幾蚊埋單 真係你食埋我嗰份環境來講呢係一流嘅 始終新餐廳個環境都唔會差得去邊 但係對住出面嗰個係地盤所以出面個景觀就一般 不過內裏嘅裝修還可以員工服務態度就非常好好及時關注客人需要我想要斟杯水佢好快已經留意到 我都未搵 佢就已經留意到我想要人幫手斟水而且好有禮貌

老婆見到新開泰國餐廳同我講想去試試,我見到個價錢覺得偏貴,不想去,無奈最高領導人決定一切,硬著頭皮一試,一試之下,覺得味道還好,尤其冇骨鳳爪,夠酸又夠辣,正呀,炒金邊粉同海南雞飯味道還好不過價錢偏貴,值得一提豆腐湯挺好喝重點,想飲可樂一定要走冰,我忘記了說走冰成杯飲品都是冰