School Food Blooming Mari (新都城中心) (已結業)

話說自從上次知道school food係香港重新插旗之後。已經去過旺角嗰間分店度食過。水準繼續保持以前嘅味道。咁啱今日行開將軍澳喎，上家姐屋企食飯。而佢都鍾意食韓國嘢，又咁啱見到呢度有schoolfood嘅分店。咁就決定開心sharing。最後點咗炸雞餃子，魚糕，紫菜包飯叫咗辣炒泡菜，同韓式烤豬肉。味道一如既往咁出色，我真係好鍾意食school food,希望佢之後可以繼續開多啲分店。繼續帶起一陣韓風潮。

洗衣機水喉湧水已有一段日子，趁着假期便搵師傅上門修理。一人在家點都有些擔心，所以找嗰朋友陪下，安心啲! 朋友果然好有義氣，足足陪了三小時，唔請食飯都唔得啦!朋友揀了這間韓式連鎖店，皆因一段時間無食過，想回味下。開放式的門面，後方是一個小用膳區，設有幾張二至四枱，整齊企理。前方放了幾塊大餐牌，還有部份菜式的樣板。細看各塊餐牌，套餐有麵套餐、飯套餐、飯卷套餐和年糕套餐，而單點就是紫菜包飯、雞蛋包飯、年糕、輕食、飯和麵，還有新登場的沙律醬蓋飯系列。我們就揀了一客麵套餐、一款雞蛋包飯和兩款輕食。********************韓式炒粉絲配一款紫菜包飯 Japchae & Mari ($70)份量都幾足。炒粉絲烹調入味，稍稍煙韌彈牙，挺有嚼勁，配上紅蘿蔔絲、洋蔥絲、雞蛋絲、菇菌和肉絲，再灑上甘香的芝麻，味道美味。紫菜包飯有五款選擇，我們揀了飛魚籽口味 Flying Fish Roe Mari。紫菜捲上米飯，配了爽脆的醃菜和脆卜卜的飛魚籽，吃起來有點鹹鮮。*******************在五款雞蛋包飯中揀了脆蝦芝士口味 Mozzarella Whole Shrimp ($38)，已預

嚟到將軍澳，有個萬年難題，就係老是連鎖店，大胃都認命喇，唯有喺芸芸餐廳中揀一間啦，要經濟當然揀food court啦卡邦尼年糕加粉絲，呢個配搭夠新意，粉絲同醬汁唔算違和跟餐有魚糕湯送，唔使加錢不過嘢飲就要加錢，大胃會推薦蜜桃汁豬扒飯都幾夠汁，薯角幾大舊，只係同飯分返開擺會好啲炸紫菜卷幾令人有驚喜，炸得超脆，裡面係粉絲上次去TOP食紫菜包飯，想嗌墨汁魷魚味，偏偏就賣晒，今次去將軍澳嘅food court，居然見到仲有貨，即刻入手雙拼餐仲可以揀多款味，炸蝦都幾實在三個人食都算飽，food court萬歲

大概6-7年前好鍾意食school food，超鍾意食個墨汁魷魚飯卷。直至來將軍澳睇樓先知原來新都城有food court 形式的school food，今日就回味下當年的味道。可能係food court形式的關係，野食好似比以前school food餐廳的平，以前最鍾意食紫菜飯卷，今日叫左好多款😝墨汁魷魚墨汁魷魚好香，真係必點，佢仍是我心目中的第一位，不過要小心可能牙齒變左黑色😂飛魚子以為飛魚子好普通，但味道都唔錯蜜糖芥末炸雞 呢個飯卷我唔係好食到蜜糖味韓式烤豬肉個豬肉好食，如果有多啲豬肉就更好四款紫菜飯卷，我喜歡的次序係：墨汁魷魚>魷魚韓式烤豬肉>飛魚子>蜜糖芥末炸雞跟餐附送了魚糕湯，估唔到都幾好飲。仲點左份韓式炒粉絲，鍾意呢個粉絲熱辣辣，好彈牙，啲豬肉腌得好好味，好有驚喜。食school food除左懷念以前的味道，仲幫我止一止旅行癮，希望快啲有得去旅行，好想飛轉韓國shopping+食野🤩

School food以前食好貴㗎，但係最近竟然向左平民化，係food court開，今日得閒就去試吓究竟同餐廳有咩唔同叫咗一個BBQ醬豬扒飯配薯角同埋兩款蛋包壽司，再加野飲，都唔洗150蚊😍以前一個人都要150蚊啦！叫套餐有湯送，中意魚糕湯多啲，有咬口😃BBQ醬豬扒飯配薯角豬扒切得簿得呢又有口感，我覺得佢個BBQ醬好好味喎，用黎撈飯又正既，重點係！佢個薯角好脆，我完全抵抗唔到煎炸嘅佢！想食得健康啲都唔得🤣🤣🤣雞蛋包飯佢有兩款選擇，我叫左脆蝦芝士同墨汁魷魚芝士雞蛋包飯脆蝦芝士好吸引！脆口既蝦，配芝士再撈埋飯！好正！至於墨汁魷魚芝士大大舊，一定夠飽！野飲就加7蚊飲汽水🤣

真係好難食，唔知食緊咩。韓式拉麵超淋，辣麵有加笳汁豆？年糕好淋，而且冇味，不掛汁魚糕實到成舊粉總之全部味道都十分混濁，school food 而加變成咁桇咩。。。唉，以前都不錯的

之前開張時買過紫菜包覺得太細粒，好耐冇幫襯 ，韓國男職員好禮貌。今日睇到佢出左好多輕食和套餐，散買左醬油蒜香炸雞，好好食，雞肉又汁有入味，醬油遍甜，裡面仲有年糕及粗薯條。之前睇評估講女店員冇禮貌，我求先買時，落單個位，她根本就吾識聽中文，英文都好似吾識聽，叫餐都係指張圖就咁，應該係韓妹。煮野個位才識講中文，所以講佢冇禮貌，我覺得我又冇喎，溝通吾到，她都好少講野，整體黎講，食物好食的，外賣走時盒很細，但份量好飽肚。會再買其他試下

今次經過將軍澳新都城 突然好想食韓國菜 所以就坐低試下平價既School Food餐廳係商場2樓既Open Area 四周圍會好多人經過但因為係快餐 所以都易啲接受 餐單食物不算太多 價錢中等 唔算太平亦唔算太貴我今次叫韓式粉絲 辛辣麵 同兩份飯卷 韓式粉絲有點失望 上菜時不是太熱 味道亦不足 而辛辣麵就不過不失 可以接受至於飯卷 價錢不是非常實惠 但味道選擇十分多 我哋叫左墨汁飯卷 飯卷的墨魚好有咬口 唔會有腥味而紅菜頭芝士飯卷就唔太有紅菜頭味 只係顏色上覺得特別

好掛住啲韓國嘢，依日喺將軍澳lunch有少少時間🎉去咗食個快捷韓餐，估唔到都幾OK喎。見到餐牌選擇都算多，我地唔算太肚餓，散叫咗少少試一下。用餐區唔算好大，大約有十張、八張枱，不過都算坐得舒服。叫咗「火焰卡邦尼年糕 」（＄48）😋又幾好食喎🎉韓式年糕厚實煙韌，入面仲有Q彈粉絲🤤配上了濃郁的卡邦尼醬汁，質地好creamy，整個配搭好滋味！雖然說是「火焰」，但只是微微辣，絕對不會辣到噴火，啱晒我呢啲唔係幾食得好辣嘅人。而「脆蝦🍤咖喱烏冬」（＄48）烏冬都幾滑，咖喱湯底濃郁得嚟唔算辣，$50有找👍🏼都幾經濟實惠。

做完野去買個野食醫肚行過見到呢度無人等就去望下有咩食諗住有碗湯麵加個飯卷做lunch點知行去叫野食有個收銀嘅女職員極無禮貌全程手指指個餐牌問多句都唔想答你咁算啦 諗住野食到就快趣走人就算點知等左起碼十分鐘個收銀女職員放低左個外賣完全無叫過號碼放低左就同其他職員係度傾計好彩我突然回頭望下如果唔係 唔知要等幾耐先有！！！講下野食魚糕湯麵+餐肉卷碗麵似幾蚊嘅出前一丁個卷好硬 似整左好耐呢$65真心唔值態度又差 野食又差sorry No next time

天氣凍想食啲暖笠笠既野，見到有人參雞湯，即刻想買嚟試試。當我落order嘅時候，收銀姐姐已經話要等十分鐘㗎喎。佢畀我嘅感覺係唔想我買呢一個餐。當然我冇理佢啦，我話唔緊要冇問題。十分鐘之後我就企喺門口等，眼見同一位收銀姐姐將袋外賣放喺枱上，又冇叫外賣號碼㗎喎。我唯有自己上前詢問，呢一份餐係咪我㗎，我可以拎未呀，然後佢就點點頭示意我拎得。我未見過一個員工個態度係差成咁，我又冇額外嘅要求，唔知做咗啲咩令佢個心不滿意呢。個服務非常差，跟住我再望望袋外賣，係一碗好似平時你叫例湯咁大，味道就一般。68蚊應該喺同一個商場有好多其他更好嘅選擇。大家可以去試下就明點樣貼錢買難受。雖然只係68蚊，但係你都唔好畀$16.8嘅服務同食物我呀。

《回憶嘅韓式味道😚》———————————————-#Schoolfood 🇰🇷中學時代超鍾意食呢間韓式料理，但係香港已經執咗好多間，執剩其中一間就喺將軍澳。早幾日就叫咗外賣，試返呢份久違懷念嘅韓式味道😆-嗌咗一個精選套餐，都幾豐富，有佢招牌嘅餐肉芝士及泡菜芝士紫菜包飯各一份，主食方面就有辣炒年糕配拉麵、芝士韓式烤豬肉炒飯同韓式炒粉絲，另外仲包飲品兩罐🥤🧃-整體上都算唔錯，尤其紫菜包飯keep到水準，但好可惜其他食物嘅味道就比較一般，冇乜驚喜。但叫做份量都算足，都幾飽肚😊-⭐ 參考價錢︰精選套餐：$215-🍌抵deal指數：6/10💰人均消費：$70

之前喺吾同分店食過幾次school food都覺得好好食(仲要間間都要等位等好耐😢)但係呢間就第一次食同埋吾會再有下一次韓式炒粉絲——————每次經過都想叫呢個黎食，今次終於有朋友陪我黎食，吾知係咪我期望太高呢！啲粉絲好吾掂😥碗野係一啲都吾熱，好彩牛肉同洋蔥係ok咋，吾係真係成碗都吾使食醬牛肉牛油拌飯🍚————————蛋好滑，啲醬菜好爽好脆，牛肉味道係可以，不過牛肉就少得可憐，吾知以為係食緊蛋飯

韓國菜餐廳「School Food」雖然曾經在九龍灣「德福廣場」裡面開過分店，不過九龍灣分店現在已經宣告結業，而且「School Food」給我的印象，始終沒有其他韓國菜餐廳那麼印象深刻。因為「School Food」沒有製作，提供我近年比較喜歡的韓式鹹味熟食食品例如「韓國烤雞」，也沒有近年在韓國咖啡甜品店裡面流行的牛奶刨冰甜品「雪奶冰」。所以即使「School Food」已經把所有的堂食門市都已經關閉，我也對「School Food」的食品，沒有太大的留戀和依依不捨，直至後來在將軍澳「新都城中心」遇到「School Food」轉營的外賣自取店為止。「School Food」的外賣自取分店名稱，叫做「School Food Blooming Mari」，主打不同口味，和不同餡料的外賣自取韓式「紫菜包飯」飯卷食品。恰巧我剛剛在「新都城中心」商場裡面，光顧完一間沒有提供白飯的車仔麵餐廳，所以我在「School Food Blooming Mari」裡面，購買了一個獨立包裝，加入吉烈炸蝦在裡面的紫菜飯卷食品「吉烈脆蝦紫菜包飯」。「School Food Blooming Mari」以預先製作

以前新開嘅時候都幫襯過幾次，覺得佢嘅水冷麵同埋韓國壽司都好食，但而家有其他選擇情況之下再食佢就覺得好唔抵食了。超過$100一碟嘅韓國壽司但份量又唔係多（每一舊都好細），味道仲越嚟越差，相信呢一次係我最後一次幫襯。