School Food Blooming Mari (新都城中心) (已結業)

暑假帶女兒去游水, 係附近新都城搵食見footcourt門口有 School Food, 地方乾淨整潔,企理，而且快餐方便我哋趕去游水，又唔洗加一。食韓國野必食, 我地點左韓式午餐肉飯卷同，仲送埋魚糕湯，佢地自家既飯卷比較細，小朋友可以一啖一舊, 大讚美味, 連平時唔鍾意食飯嘅阿女都將一碟7舊食晒。韓國午餐肉較有特色，豬肉飯卷味道不錯炒粉絲煙韌彈牙，有蛋絲, 味道調配剛好, 唔油膩炒得乾身值得一讚跟餐飲只需 $7有罐裝韓國飲品， 整體好食仲好抵

School Food 係我大學時候既回憶，果時韓國菜好hit，周圍都係仲記得果時好中意食烏卒卒同卡邦尼年糕但幾年後突然間執晒，然後最近又轉型變左好似快餐店咁既形式，價錢亦都親民左好多而家既鋪頭位置亦都選擇左係food court入面太耐冇食決定試一試佢，點知中晒伏比起以前水準大跌，大失所望🍙飯卷套餐 送魚糕湯 ($54)套餐可以自由配搭兩款飯卷今次揀左墨汁魷魚同韓式烤豬肉本身期望都高，畢竟幾年前食過都好有水準點知飯卷放入口係凍既，飯好黏，紫菜都好林完全同我想像既係兩樣野，不合格🍡年糕套餐 送魚糕串及紫菜卷 ($69)我揀左火焰卡邦尼年糕，入面有年糕同薯粉但同樣地，都係冇以前咁好食醬太多，但年糕同薯粉分量太小，薯粉亦唔煙韌魚糕湯太咸 (而家先醒起原來俾小左個魚糕湯我地)，愈飲愈口渴紫菜卷係唯一幾好食既野，炸得香脆，入面係粉絲*堂食/外賣滿$100有9折

•芝士韓式烤肉炒飯 (配餃子)• $52 lunch set諗住放lunch都叫做平平地 食下韓國菜啦咁咪叫左呢碟要有既野都有！啲料係足既 大碗既例如有好多嘅芝士、紫菜唯一不足嘅就係啲飯比較痴烤肉可以再多啲 香啲有埋泡菜就會好好多因為呢個餐包埋餃子所以會見到有2舊餃子咁佢地係炸嘅 都幾好食既呢個餐一個人食都算幾飽架喇因為有芝士、紫菜、雞蛋、大大碗烤肉炒飯食埋個餃子就真係好飽啦Ps 我都食唔曬！！！平平地食韓式快餐都可以既 只要要求唔高！

不是甚麼食評可言 因為根本食唔到好意思要我揹住個BB企係度等 算明知你忙緊唔阻你地兩個人做野諗住反正睇到我係度 轉頭會黎招呼我㗎啦...好 等左十分鐘啦 望都唔望我一眼 等等都無聲忍唔住出口 好聲好氣「叫餐啊唔該」再一句望都唔望 無黎禮貌既「等陴」好耶呀下 仲等 等幾耐呀小姐忙啲咩 忙foodpanda deliveroo忙步兵車手接單咁不如直接出聲表明拒接街客啦大大隻字貼出黎話做唔切 暫停落單呀麻唔洗要人白等呀等都算 等幾耐呀？ 嬲到爆...

以前媽媽係Time Square返工，有時我特意去Time Square等媽媽收工，之後一齊食晚飯🥰，其中食得最多既餐廳就係School Food，餐廳既卷物同芝士年糕係我最鍾意嘅兩款食物。今日同女友係寶琳重遇School Food。雖然今非昔比，不過最後決定食School Food懷念一下。寶琳分店既School Food以外賣為主，所以餐廳堂食嘅位置比較少，大約五至六枱左右。- 飯卷套餐飯卷方面可以選擇兩款味道，我地揀左吉列脆蝦同韓式烤豬肉。前者既吉烈蝦好脆口，後者豬肉調味啱啱好，整體飯粒分明，口感煙韌，唔會變成糊狀。另外仲附送咗一個魚糕湯，魚糕令我諗起韓國旅行時食街頭小食既溫暖時刻，不過嗰湯既味道太鹹🤣- 年糕套餐廚師卡邦尼年糕入面除咗年糕仲有粉絲，卡邦尼質感較稀，只有粉絲比較掛汁，入面仲有啲煙肉碎。至於炸紫菜卷出奇地好食😝School Food係我心中嘅地位依然未有改變，情懷未變。

My Korean Fast Food Choice❤️🍱🥢💫..有時返到將軍澳附近，想快快醫肚，見到韓式快餐代表School Food，一間簡單方便抵食既韓式料理店。種類都唔少：飯類、麵類、炸雞、小食、紫菜包飯，都好吸引呢。ll $54Special Mari Set🦑墨魚魷魚紫菜包飯 (Squid Ink)🐽韓式烤豬肉紫菜包飯 Bulgogi (Pork)今次點選左2款味道紫菜包飯，每次食韓國野都必點💕。佢地家既飯卷比較細小，一口一粒，味道簡單但就是喜歡吃。ll $52ll $54另外主食唔少得Japchae & Ramen 吧，都係韓國野人氣主打。炒粉絲夠煙韌彈牙，味道調配剛好夠惹味，拉麵帶粗同樣煙韌，加上餐肉類帶微辣，都係方便之選。..最後當然要飲埋 ll，跟餐只需 $7 好抵，細細個就鐘意飲架啦👻。呢間分店不錯吃。..×××××ש將軍澳貿易路8號新都城中心2期2樓2037號舖..

以前最鍾意睇韓劇同埋食韓國嘢，所以School food都係我嘅青春回憶之一，School food冇咗堂食餐廳之後竟然重新用另一種形式營運，依家佢會插旗喺food court入邊，變成以一個小攤檔嘅形式營運，因為租金及人手成本大大減低，食物價錢變相更貼地，以前我最鍾意食嘅卷物係烏卒卒同埋卡邦尼韓式年糕，依家佢就唔再叫烏卒卒改叫做墨汁魷魚，我印象中以前一份都要差唔多$80 ，而家只需要$30就可以有一條烏卒卒，真係好抵！ ！平咗嘅錢我仲可以買多兩款唔同嘅口味添，今次我仲叫埋辣泡菜卷同埋韓式烤豬肉卷，三款嘅卷都好好食，不過我仲係最愛烏卒卒嘅墨魚爽口彈牙，當然我會叫埋卡邦尼韓式年糕試吓啦，佢嘅年糕醬汁味道有少少甜，除咗年糕仲有薯粉係入邊，仲有好多煙肉同埋洋蔥，個汁夠杰身完全可以掛喺個薯粉度，質素依然能夠保持，下次我要試下佢嘅夏日期間限定既水冷麵先

難得入去將軍澳，吃個下午茶再走，學生餐仲好抵食芝士韓式烤豬肉炒飯烤豬肉惹味，加上韓式醬汁鹹中帶甜味，頂層加上半溶芝士，伴上韓式紫菜，太陽蛋，口感更豐富。芝士泡菜煙肉炒飯炒飯俾韓式辣醬味煮成鮮燈紅色，伴有大量泡菜，越食越刺激，煙肉夾著拉絲芝士食更濃味，拌勻半生熟蛋口感更香滑。套餐配炸餃子和韓式飲品，餃子大隻又多饀，外層香脆，柚子蜜、檸檬紅茶冰凍解渴俾櫃內雞蛋包飯模型吸引，像真度高，點個脆蝦芝士口味，香滑蛋皮包著香脆炸蝦，食落有芝士香。座位不多，但價錢抵，是平價之選。

韓國過江龍School Food係香港愈來愈多分店，主打韓式創意料理。最近都進駐咗唔少商場Food court，價錢比較平民化，大約$60-$70一個餐。😋-今次嚟到將軍澳工作，就去咗新都城2斯Food Court試吓，叫咗一個飯套餐，芝士韓式烤豬肉炒飯加魚糕串湯，同一個飯卷套餐，兩款紫菜包飯加魚糕串湯。炒飯有好多芝士，啱晒我依個芝士控。魚糕串湯好驚喜，有幾款魚糕，份量好足，味精較平時韓國食嘅街邊檔更為濃郁，食得出落咗蒜頭，啱哂我依個重口味。😆-紫菜包飯都有好多味道可以揀，試咗墨汁魷魚同原味餐肉，墨汁魷魚味道唔錯，甜甜地，餐肉就偏淡，但都唔錯！套餐無飲品，但係可以加配韓式飲品。☕️-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ School Food Blooming Mari (新都城中心) (將軍澳)📍 將軍澳貿易路8號新都城中心2期2樓2037號舖-

第一次食school food 見到有韓式年糕 唔知份量有幾多 所以就問店員 店員話會有外賣碗的三分之二滿 所以就落單叫了一個拎到返屋企一打開 份量極少 只有 外賣碗的 的三分之一極失望，想打電話問清楚，打咗幾次都冇人聽分量有幾多，如實報道 就可以啦 呢個年代仲喺度呃呃氹氹如圖所見 插支牙籤入去 牙籤長度一半都冇

經過見到韓國野食梗係要試下！為求方便，點左飯卷，有炸蝦飯卷同豬肉飯卷，仲送埋魚糕湯🤤剪開哂比你相當貼心🤩豬肉既燒肉汁都好夾，炸蝦都夠脆口😚夾埋個魚糕湯就perfect!!!另外仲點左燒肉薯角飯，睇樣已經知道好好味！唯獨缺點係汁同芝麻粉好少，重口味既就唔夠配飯食，而燒肉方面好大舊但汁都係偏少同偏乾身，但薯角方面就好新鮮滾熱辣！勁脆！岩岩炸起咁好好味！最重要係價錢相當實惠！只係六十蚊左右，連學生都負擔得起！同時亦有學生餐提供😙

韓式食品分唔同時期就興什麼食物，仲記得有一期興食炸雞加啤酒，雖然熱潮漸漸過去，但好多韓式食店都有提供炸雞，而且做法亦多元化，好似有用醬油、蒜香等等，務求延續食雞樂趣。呢間食店唔係第一次幫襯，因為貪佢哋方便，而且比起叫壽司又可以有多啲選擇。不過話時話，佢哋叫紫菜包飯嘅又唔係傳統壽司，而係朝鮮食品，將蒸熟的白米飯(唔係壽司米)和各種其他材料卷進紫菜中，再切成一塊塊。「韓式原味餐肉紫菜包飯」簡單啲嚟講即係餐肉包飯，不過韓式餐肉唔會好喊，反而略嫌淡啲㖭，加啲醬油會惹味啲。「泡菜紫菜包飯」呢個夠晒惹味，只因有泡菜做餡已無得輸，辣辣地味道十足。「辣炒年糕」本身年糕煙煙靭靭幾有咬口，加上辣炒提升口感層次，「醬油蒜香炸雞」跳出原味框框，蒜香令雞更入味看口，反而唔係脆雞冇咁熱氣。「魚糕」令我諗起喺韓國旅行時路邊攤檔食嘅魚糕串頗為懷念。由於外賣所以拿走竹籤，魚糕直接放在兜裏。魚糕形狀各有不同，有啲圓有啲方，味道卻沒有太大分別，我覺得如果放涼了要加熱返就會好食啲添。食韓式嘢當然飲番罐韓式飲品咁就 perfect。

School food 喺新都城有間分店，方便我有時逛完之後係呢度買外賣，撞啱今日就係呢度買啲嘢食返屋企食。原來呢度都有堂食，不過座位唔多，而且一心就係想攞返屋企食，所以都冇坐低。望住餐牌都有唔同選擇，我首選係紫菜包飯，跟手再點些炸物食。墨汁魷魚紫菜包飯~墨汁本身冇什麼味道只係整色整水令外觀較特別，反而墨魚幾乾身煙韌。吉列脆蝦紫菜包飯~呢個要趁熱食，因為炸蝦先可以維持脆口感覺，唔錯。炸物中叫了炸餃子同紫菜卷，幾乾身唔油膩，餃子size適中，大啖啲可以一口一隻。紫菜卷用炸的形式係另一番口感，唔會太鹹味道適中。正如其名school咁簡單方便，有時太趕時間可以帶走紫菜包飯，輕鬆方便又一餐。夏天有時冇乜胃口揀食呢啲都唔錯嘅選擇。

放假去新都城行街，行過school food家姐話想食紫菜包飯，所以我哋就決定叫2個套餐share！辣海鮮湯麵+吞拿魚紫菜包飯+忌廉鮮奶($82)：湯麵配料有少少海鮮同泡菜，湯底辣度溫和有鮮味不過啲麵可能因為浸住喺熱湯入面所以太淋，如果彈牙啲會更加好食！呑拿魚紫菜包飯好有小學開大食會嘅回憶🤣不過餐廳加咗爽脆嘅黃蘿蔔同生菜喺入面，所以口感豐富好多！韓式泡菜拌冷麵+韓式烤豬肉紫菜包飯+忌廉鮮奶($77)：雖然配料好簡單但味道酸酸辣辣入口透心涼好有驚喜，麵條彈牙，調味開胃好適合而家初夏悶熱嘅天氣！豬肉紫菜包飯雖然餡料唔太多但味道唔錯，而且一啖一粒好方便😋紫菜包飯細細件容易食而且外賣都好方便，下次同契女野餐前都可以考慮過嚟買外賣👍🏻

今日過嚟新都城行街，行到攰左就坐低食個lunch先，咁啱見到School food有位，又未試過就一於試吓。吸引我嘅原因係見到佢櫥窗擺放住五顏六色嘅飯卷，非常吸引。《墨汁魷魚紫菜包飯》$30細細舊啱晒我，費事食飽晒就食唔落其他嘢。墨汁味道都幾濃，而且包住魷魚，一啖過都好味。《芝士脆蝦蛋包飯》$38芝士、脆蝦、蛋我都好鍾意，估唔到三樣嘢夾埋一齊又好好夾，而且蝦都真係幾脆，有口感。《韓式泡菜拌冷麵》$52冷麵口感都幾好，唔會太林，滑劣劣，泡菜味道香濃。《原味炸雞》$43有炸雞同埋薯角，炸雞食落脆口，亦都唔會好乾身，仲有肉汁。 整體來講，想舒舒服服食個lunch可以試吓School food。