SEDAP惹味馬拉 (已結業)

入黎屯門探朋友，當然要行下屯門市廣場啦，呢個商場乜都有，仲有好多野食添。行過見到惹味馬拉，地方幾闊落，入去試下先。好，睇下有咩好食先。呢度係掃曲，自己落單，幾方便。印度飛餅配吉隆坡咖喱雞腿，飛餅超大塊，係一塊過既，用手撕開，可點咖哩食，雞脾好大隻，分左上下脾。細滲肉骨茶， 好足料，雞腳，大腸，五花腩肉，仲可以添飲架！馬來西亞招牌醬蒸魚，個醬幾濃郁，有特色，不過魚仔比較多骨，要好小心食。椰漿飯配巴東牛肉，未試過椰漿飯，原來係攞米粒去浸椰漿，粒粒飯會有椰香味，都幾得意。牛肉係用牛𦟌，都好夠份量。

做左屯門友咁耐都未食過哩間馬來西亞餐廳，今日經過見到就突然好想食個肉骨茶，既然咁方便一於試下啦。餐廳位放屯門市廣場1樓，通道位置全部落地玻璃，應該未係繁忙時間所以無開放，坐唔到最靚仔既位置。我地2個人點左2個小菜2個飯海南雞飯海南雞雖然源自海南，但發揚光大就係由星馬。其實分別幾大，但我都係覺得星馬style 好食d, 除了雞比較滑外，配合3種特別醬汁更加開胃。椰醬飯配參搭蝦飯飯有淡淡椰香味，參搭蝦夠惹味又唔算太辣，淨番啲參搭醬仲可以點埋跟飯嘅印度烤餅食。肉骨茶湯底藥材味好濃郁，杞子仲有啲甜味添，最特別嘅係佢可以無限添飲。總結 ：飯餸上枱嘅時候用一個竹籃盛載,好有特色！ 食完之後雖然味道比較濃但係又唔會有口乾,證明冇落太多調味料原汁原味。

之前新開張既時候同屋企人黎食過，媽咪一直都念念不忘，話係以前喺新加坡果時既味道呢日過到黎，未夠七點已經高朋滿座，應為都係因為餐廳菜式多，價錢相宜，食物質素又唔錯怡保最出名係芽菜，果然無令我地失望口感夠爽脆，以蝦乾同蒜炒香，食起黎鹹鹹鮮鮮，雖然係熱食但都好醒胃。海南雞無骨易食，皮肉分明不帶肥膏，雞肉鮮美嫩滑，雞油香而不膩，仲有三種醬料蘸點配合返個人口味牛肉用牛肋條部位，雖然未夠軟稔，但醬汁濃郁惹味，帶些微甜甜既椰香，拌飯拌麵都合適。食馬拉菜必點串燒，沙嗲醬花生味突出，略微甜味，令肉類食落更鮮味最多人聽過既炒粿條，入口唔油唔黏，呢樣加分加入鮮蝦、魚片、韭菜、芽菜、蛋拌炒，口感豐富又香口，絲毫不寡。賣單果時仲見有人等梗位，兩個人食左咁多樣野都係$300，難怪咁多街坊幫襯

是晚和友人來到屯門惹味馬拉，餐廳馬來西亞文化文化帶進香港，讓我們感受異國風情。餐廳可以手機點餐，十分方便。點了馬來沙嗲雞串燒(兩串)$29:雞肉肉質算嫰滑，沙嗲醬夾雜著花生碎，惹味偏辣﹗馬來沙嗲羊串燒(兩串)$44:羊肉味香濃~細滲(二人份)$75:上枱已聞到香濃藥材味，但較易入口，而內裡湯料充足，有2隻雞腳、2件肉骨、豬腩肉、一字排、豬肚和杞子。肉骨雖已作熬湯，但仍舊有肉味，肉質還頗為腍身。重點是肉骨茶可以無限添飲，職員不時拿著熱壺詢問客人是否需要加添，而非常愛喝湯的我們忍不住已添飲了兩回。馬來風光(馬拉棧炒通菜)$62:通菜炒得好嫰綠，伴以紫洋蔥絲，再用馬拉棧來炒香，惹味香口，食落頗有辣味。鮮蝦炒粿條$66:份量十足，感覺似河粉，但較粗身彈牙，當中更伴有蝦魚餅配料，味道一流，不會有油膩的感覺。餐廳環境闊落舒適，有充足冷氣，裝修光鮮簡約，價錢合理。

屯門餐廳多到花多眼亂, 唯獨商場角落有一間食馬拉菜, 我發現香港比較少依類型既餐廳, 當然我同老公見到就要入去試下啦！當晚我地七點去到, 餐廳都full左半成, 位置非常闊落舒服！落order方法好先進, 掃qr code 慢慢自己簡！我地分別叫地海南雞飯同埋巴東牛肉, 雞塊比較少但好彩每舊好大大舊同埋去左骨, 我地比較欣賞個巴東牛肉, 咖哩好香口, 唔算好辣, 岩哂好多人胃口！仲叫左個 馬拉盞炒通菜，依個有少少過油偏淡但份量十足, 最後我地叫左個薄餅配咖哩汁, 薄餅煙銀, 配埋咖哩簡直絕配, 估唔到依間餐廳比到咁意外既一餐！

又係出動食早餐時間，本來想去靠得住米芝蓮早餐，次次去度都一堆自由行，又國語又把閉咁!算啦！行行下見到呢間餐廳開左門，仲要無咩人!伏唔伏試過就知!墨醬油魚片炒麵，唔太咸又唔太硬，味道剛剛好，魚片彈牙，最後是食唔出墨醬味道。雞扒茄汁豆有驚喜 ，雞扒是用馬拉醬做醃料串燒做法見到有香矛，再配 沙嗲汁，超有馬拉風味。晚市二串雞收廿幾蚊架!多數餐廳整雞扒都係一樣味道，無血水就算賺左，今次咁串燒整法 2個字"無伏味"。拉茶唔錯啦！練奶底就是香甜囖!迷你雞絲湯河及 迷你魚片喇沙麵要加15蚊才有，ok la 唔咸唔口渴 水準中上啦！以中伏心態行入去，避開大陸拉喼黨 再以滿意分數行出來!今朝賺左了。

記得之前呢個鋪位係食中菜，因為位於角落位，令人成日都忘記呢度有間餐廳幾個月前見佢轉左做星馬菜，本人唔算太鍾意食星馬菜，於是更加忘記左相信大家都知屯門逢周末都淪陷, 搵個位食飯都難，不過難得呢度人唔多喎，咁就揀左黎呢度食喇環境都ok, 唔迫夾鮮蝦炒粿條，確係幾惹味，除了蝦，還有啲魚片之類但係份量有點細，唔係好夠喉所以加多兩串沙嗲串燒沙嗲都夠辣夠惹味整體不過不失，環境好坐，但不會有太大驚喜

假日又去屯門市廣場揾野食，見到緊杯渡輕鐵站有間新馬來西亞餐廳幾靚，就一於試試！由於係假日關係，所以無下午茶餐，只有散叫～食品種類都有好多選擇，睇落幾吸引！我地叫咗個招牌麵食：怡保咖喱海鮮叻沙$60賣相還不錯，比較細碗，但椰香味同咖喱味道都不濃。麵食有兩種不同混合，包括油麵同米粉，個人覺得油麵比較好味。雖然湯底味道濃，但米粉食落好淡味，完全吸唔到湯。另一個吉隆坡辣湯板麵有附送魚蛋湯，魚蛋好彈牙，板麵類似河粉，湯底好鹹，食完比較口乾。

媽咪係馬來西亞人，母親節同佢試下呢間新開無耐的餐廳。餐廳不可以留座，假期中午12點黎到，仲有不少位置。餐牌菜式不少，我地4個人，叫左雲吞撈麵，巴東牛肉椰漿飯，咖喱雞喇沙，雞肉沙嗲，馬拉盞炒通菜。上菜時間都快，但侍應服務一般。每張枱上有一壺熱水，我地嗰壺冇水了，個侍應只係話「你地拎隔離嗰壺咪得囉！」隔離未有人坐，但咁樣嘅回覆，只係令我覺得你偷懶。馬拉盞炒通菜，冇咩蝦醬味，麻煩侍應通知廚房，要求加醬後，先叫做合格。呢間餐廳價錢不太貴，雖然只係試過幾款菜式, 但味道不太正宗，部分食物有點太淡，位置有少少難找，服務尚待改善。

之前同朋友去屯門諗食乜無意中經過見到呢間食馬來西亞既餐廳咁岩又無乜人等位 就決定食呢間啦同朋友嗌左一杯熱既馬拉茶味道不過不失 不過有小小甜得制另外仲嗌左個豆腐 唔記得叫咩名 但我同朋友都覺得唔係話特別好食唔係特別鍾意食豆腐既朋友可以唔洗嗌個老鼠粉同我地之前食個d都好唔同呢個係有埋粒蛋比你撈一撈味道一般 唔係特別好食 我同朋友就覺得個汁結得制最後個炒飯就又係普通料啦無話食完會繼續想食囉或者可能送上黎既時候唔熱掛

係屯門市廣場搵食，多數都係食連鎖集團為主，今日見到有間喺呢區好少有嘅馬拉菜，有幾多人排隊喎，就入去試吓啦！地方很大，坐得舒服！先來一份沙嗲雞串燒$29平均先$14一串，和街邊檔的售價差不多，但乾淨衛生程度好上百倍，雞肉串鋪滿惹味沙嗲醬，加上青瓜和洋蔥薄餅等配料，風味不比馬拉吃到的差！足料怡寶咖喱海鮮喇沙份量十足的咖喱喇沙，咖喱味香濃，海鮮份量十足，蝦肉爽口，配上鴛鴦麵，和湯底很夾！嫩滑海南雞 例牌$83雞皮很滑，吃落不會有油膩感，而且雞肉亦很鮮嫩，配上特製醬汁很惹味！鮮蝦炒粿條蝦肉很大隻，亦很彈牙，鑊氣十足，不比大排檔輸蝕！紅豆冰沙冰，甜度剛剛好，紅豆很綿，正！人均消費百多元，喺屯門市廣場能夠舒舒服服吃到飽實在很難得了！

聽朋友講左好多次屯門有一間食馬拉菜，今日終於可以黎試吓，裝修非常簡潔清晰乾淨企理服務生態度非常熱情講解每一款食物。因為有太多種類，我們兩個人叫了四樣菜式及2杯飲品，上菜速度非常快菜式擺碟精緻美觀，睇得出廚師用心製作海南雞飯雞味重口感嫩滑，配上一杯冰凍嘅紅豆沙冰成個人即時醒神服務員介紹我們吃的紙巾飛餅非常特別，飛餅下面是鋪了一層阿華田粉加煉奶，我們可以沾着食，感覺很新奇又好玩沙嗲豬頸肉烤得香香脆脆蘭花椰漿飯咖喱雞混合一起吃的話有另一番感覺椰糖白咖啡是招牌飲品一定要試，口感比較淡適合怕甜的人士品嚐😄整體來說間餐廳食物質素很有驚喜服務態度也良好衛生程度一流👍🏻

今日天陰陰，只好留係商場到shopping。晚飯時間路過一間食馬拉菜既餐廳。因為本人一家食慣東南亞菜式，由小食到大，貪佢地夠惹味又開胃。仲有以前婆婆和工人姐姐都係東南亞菜既廚藝高手，所以對東南亞菜式略有些少研究。入座人數：6人（5大1小）巴東牛肉肉質唔夠𣺉，乾身，又唔入味，汁少，無落甜椰絲炒香。怡保芽菜ok ～無咩味又無咩特別既冷盤。咖哩海鮮喇沙喇沙湯底還可以，叫做嘗得出係喇沙既味。蝦都算大隻。四大天王(青豆角，茄子，青葵，臭豆）本人係臭豆愛好者，但食依味菜既臭豆很失望。臭豆唔太新鮮食唔出哥種獨特既「臭」味。愛他愛她小食愛他愛她，味道比較複雜。入面係黃色類似魚肉混粉既東東，但味道有帶有蕃薯既香味同口感，但有點太甜。吉隆坡甲洞清湯板麵ok ,不過不失的湯麵馬拉少爺豆腐炸豆腐，個炸皮有點厚仲有好多粒粒，相信係釀生粉釀得唔好。入面豆腐好似炒蛋咁黃黃地既口感尚算有點特別。肉骨茶依道菜真係特別失望，完全同正宗既肉骨茶簡直係風馬牛不相及。肉骨茶係特別注重濃郁既茶香同排骨既香味，。這湯無茶味不登止，仲無排骨既香味。似係中式煲湯多個係肉骨茶，而且很咸。蘭花椰漿飯配吉隆坡咖喱雞蘭花椰漿飯幾特別，有點甜甜

我從來好少食馬來西亞風味嘅餐廳menu 選擇好多唔係朋友建議試下新嘢，都未必留意到呢個位置有間環境不錯，很感受到馬來西亞的風格嘅馬拉菜餐廳裝潢設計及風格都幾有馬拉餐廳feel這次我們叫了馬來盞炒通菜，海南雞飯，印度薄餅加咖喱雞腿，黃金飯炸雞髀，以及上湯花甲。馬拉盞炒通菜，雖然我沒有食過正宗的馬拉盞炒通菜，但這道菜給我的印象就是辣同幾惹味雖然我接受到，但不太能吃辣的人就不了。海南雞飯，海南雞雞味濃，米飯略嫌乾啲，如果能濕一點會比較好，但有幾塊炸過嘅蒜片令個米飯大大提升印度薄餅加咖喱雞腿，薄餅不錯，咖喱雞腿亦非常入味，肉質嫩滑。黃金飯炸雞髀，雖然講係炸，但又唔會係炸到肉質好乾上湯花甲，花甲新鮮又夠大隻，配上湯一流，整體來說，主菜及小食不錯，價錢都幾實惠,值得一試

放工同朋友喺屯門市中心搵食，見到有間香港少有既馬拉菜爆曬場，今晚就試下啦！座位夠寬敞，坐得幾舒服！我地叫左幾個小食share： 雞肉串燒 － 燒得剛剛好，仲有肉汁，好味！胡椒雞翼 － 食落有好香既胡椒味，醤汁味道濃郁～海南雞（例牌）－ 份量好多，2個人share絕對夠食，肉質嫩滑，仲好貼心一人有一碟醤，抵讚！另叫左個鮮蝦炒粿條，都幾大碟，炒得好有鑊氣，蝦既份量都唔吝嗇，唔錯～另外寶怡喇沙湯麵亦好有當地麵檔風味！呢度既侍應都好有禮貌，價錢相宜又食到街頭小食既味道，正😋😋！