SENSU (太古城中心)

營業中

休息中

平日夜晚冇乜人食，就算冇book位都唔使等。舖頭主打露營風格⛺️，周圍都放滿左露營嘅飾品。牆上都掛左幅手繪風嘅畫。我嗌左黑松露溫泉蛋卡邦尼扁意粉🍽️同So Strong🍹。我自己就覺得整體麻麻地。個麵賣相都唔錯，但可惜份量比較少，同埋冇乜黑松露味，好似淨係食緊卡邦尼意粉咁。仲有可能係我食唔慣扁意粉，我覺得有啲硬得滯😿。呢杯嘢飲我會比滿分💯。打卡又得，飲又得。佢應該係柚子梳打黎。我一開頭未攪勻飲第一啖覺得有啲怪怪地苦苦地，有啲似冇味嘅汽水，仲以為自己中左伏🤣，但攪勻左再飲之後就好飲好多！甜度方面又唔會話好甜，下次嚟到都會再嗌呢杯嘢飲！🍹

上星期和亞女第二次光顧，她想嘗試這間新開食肆於是帶她去試試，我們叫左個凱撒沙律，來到都嚇了一跳，所有菜莖都是变了啡色，菜葉又殘又舊，於是叫waiter换左佢，但個女經理行來說未有貨番，叫我可以再order 其它。這樣經驗我已經不會再試，其實一望下去D菜已有問题但仲可以拿出來給客人吃。

自己QR code 點餐，總是error, 經理話佢部iPad得，咁唔該直接落單不需要講咁多。我地點咗龍蝦湯，嚟咗個有啲海鮮味同重胡椒的南瓜湯，越飲越唔對路，問個經理，點知原來無晒龍蝦湯，自己上個南瓜湯，我地選擇退貨。跟住200蚊（連加一）點咗個煎雞排brunch，兩塊雞排賣相感覺係大家樂早餐咁，食落幾嫩，梗係啦，因為未煮熟，個中心位鮮紅色，咁橋個經理又走過來，我又即刻問，呢個係咪未熟，佢即刻話幫我換一份（個刻我都已經想走）；未幾，經理返嚟，話煮熟了，我心唸what?! 睇真新上的雞排就係剛剛我切開唔熟個塊...（又話換一份），仲要再煮都係唔熟...徹底崩潰，退餐。老婆份松露意粉賣相其實OK, 不過奶油濃到好難頂。咖啡餐茶只提供AMERICANO我（或其它茶類）,唔知點解唔OFFER加錢升級其它咖啡。餐廳飲品MENU好似好FANCY,不過好似有啲唔MATCH 太古城人口，ANYHOW, 永遠懷念以前隔離個間Pokka Cafe, great food, great environment, nice coffee。初次點評，不吐不快。

太古城Apita自從翻新之後成個形象young咗好多，modern得黎又有種日系嘅感覺😚 而Apita裏面都有間以露營為主題嘅日式洋食 Sensu🏕️ Sensu喺其他地方都有分店，不過唔係間間分店都以露營做主題，一於就試吓啦😋🌃 環境 (4/5)Sensu喺太古城中心Apita裏面，位置非常方便😚 餐廳採用開放式設計，餐廳四周圍無同商場area隔絕，感覺幾開揚🤩 話明係露營主題，餐廳門口已經擺放住營凳同露營用品，好有feel⛺️😚 餐廳裏面以木色為主調，枱與枱之間唔會太逼，有啲枱嘅枱面仲放咗露營燈，真係好有camping嘅感覺😆 😋 食物 (4/5)🍗 明太子單骨雞翼 (8件) $78🍳 脆吉列豬扒芝士歐姆蛋包飯 $148🍝 黑松露溫泉蛋卡邦尼扁意粉 $118作為食飯唔鍾意整污糟對手嘅人，單骨雞翼就啱晒我🤩 雞翼都幾大隻，即使斬半都幾有肉地🍗 而雞翼都炸得好香脆，配埋明太子醬嘅話味道更有層次😛嚟到當然要試吓Sensu嘅signature omelette蛋包飯啦🍳 蛋包飯賣相勁靚，奄列形狀好完美❤️ 佢哋嘅奄列雖然唔係流心，但切開都幾厚身，而且整得唔會過老🥚 美中不足嘅係裏面嘅飯只係用日式

2022.11.09 lunch呢日放半日過咗太古城，揀咗呢間，其實女友之前係沙田分店食過話好味，又又張會員開新APP嘅$100 coupon，但可惜係散叫先可以用🤪 因為午餐價真係抵食啲，有前菜+飲品麻，除非午餐餐牌揀唔到嘢食，先會散叫😝揀咗吉列魚柳多士配日式芥末醬，蒜香蟹肉扁意粉，有兩款前菜揀，當然一樣一款啦，橫掂都share食 😁兩個前菜分係芝麻醬豆腐沙律、黑菘露薯條。 豆腐沙律好正常，個黑菘露醬都算夠味，一時唔夠心水清，叫咗兩樣炸嘢，都幾熱氣🫢 我個多士到了，賣相唔錯，但感覺收$128貴咗少少，但食落都值嘅，唔係用普通雪藏魚柳是但炸，都仲食到魚嘅嫩滑，食完晒先發覺唔多覺芥末醬嘅存在🧐 可能太少又冇乜味。女友個蟹肉意粉好味喎！又多蟹肉，個種蒜香味又夠，成個意粉好好味😋 餐飲要熱咖啡，估唔到佢麻麻地，太濃又唔香個隻😮‍💨

下午一點打八號波, 作為普通社畜的我只有一個想法: 這是白痴的嗎? 只是在午飯時間回家, 倒不如在Office附近吃完就好. Sensu是一家走和式西餐的連鎖食肆, 在太古城的分店裝修以露營風格為主, 但打風和露營應該是風馬牛不相及的事情, 還是只看它的食物質素就成.頭盤的沙律沒什麼好說的, 就是一般蔬菜加上柚子汁, 相當基本. 另外單點的Buffalo Wings是單骨版, 吃起來方便但將醬汁分開當沾醬, 而沒有伴在一起處理就有點失去原本之風味, 不如說這是炸雞翼伴酸辣醬就好. 主菜是蒜香櫻花蝦扁意粉, 略嫌底部較多水份, 令蒜香味道不夠濃郁, 蝦和意粉的口感正常, 表現不能說是出色, 但上菜速度夠快, 吃完回到家剛好掛八號波.Sensu is a chained restaurant with western and Japanese fusion cuisine. The food quality is so so but the serving is fast enough for me to escape from Typhoon No. 8. The buffalo win

一人午餐，太古城食物花多眼亂最後揀咗呢間和洋式cafe。位置有少少偏僻，唔係特登去搵應該未必知。叫咗個黑松露野菌扁意粉同蝶豆花香芋latte先嚟咗個蝶豆花香芋latte拉花不算漂亮但飲落口好重香芋味，鍾意香芋嘅人應該大愛。但我純粹係俾佢嘅藍色吸引所以感覺就一般。之後就嚟埋個黑松露野菌扁意粉，一上枱已經勁香黑松露味，食落口啖啖係野菌嘅香味。好香好好味扁意粉煮得剛剛好，帶點煙韌但又唔好過火～食完都滿口黑松露嘅香味～

請左半日假 同朋友去食下午茶 食完lunch 無耐 所以想搵個簡單d 既下午茶set 餐廳環境簡單舒服，可以同朋友靜靜地傾偈聚舊叫左呢個afternoon tea set由鹹食到甜食物質素一般，但飲品質素唔錯，賣相又靚下次可以同朋友嚟呢度飲嘢傾偈😊

這家餐廳，有點特別。又賣日式洋食 - 沙律、意粉、蛋包飯等等的 - 又有奶蓋茶。經過店門口，發現飲品有第二杯半價的「外帶限定」優惠。今天我們剛在上一層的台食店吃飽了，就試試這裡的飲料吧！點餐後，等得也頗久的，接近十五分鐘才有取。並非專賣茶飲的食肆，這點要有些心理準備。(話說回來，在近期紅火的「數字」茶飲店買茶，等候時間隨時超過十五分鐘！)在附近的開放式桌椅坐下，歇息一下，好好嚐嚐這一杯。打開上蓋，吸一口奶蓋⋯⋯第一個驚喜，綿滑羶香中，有著濃烈的抹茶甘澀味，非常配合而且平衡。下一層是綠中帶藍，想必是茶中加了蝶豆花萃取液的緣故；然而蝶豆花喝不出甚麼味，只能欣賞顏色的變化。這層嚐到清新的茉莉花茶味，為這杯茶提供了輕快的感覺。刻意的嚐第三層、淺啡色的一層 (應該是玄米茶吧？) 是甚麼味道，卻無所穫，反倒是覺著芋泥的質感。把整杯飲料拌匀再喝，最明顯的仍是茉莉香、芋泥的口感和源源入口的寒天。我真切感受到喝進了一整杯東西，很有「存在感」，與平時喝的稀薄很不一樣。一個出乎意料的美好體驗，我倆會改天再來，試其他款式的飲料。

太古Apita裝修後，其中一間新進駐既餐廳就係Sensu，之前係荃灣食過佢既tea set，真係覺得麻麻，今次見咁近就卑多次機會佢太古店以camping 作主題，全店以木系為主調，簡約設計，座位都算多So Good個顏色好夢幻，入面有Greek yorgurt，椰子水，荔枝糖漿，青檸汁，同埋令到成杯變左藍色既Blue Curaro，杯邊撒左d紅色酸粉，整杯酸酸甜甜，椰子水味道亦都好出，出乎意料地好飲雜錦海鮮旋風蛋包飯配忌廉汁個賣相不錯，但個旋風蛋我就覺得唔夠滑，比較實，入面係有味既炒飯，略嫌咸左少少，忌廉汁我覺得杰左d, 整體一般焗黑松露野菌薄餅麵包多士上面加上大量芝士，仲有野菌，真係好似食緊pizza咁，味道不錯蔚藍星球星球以白朱古力製成，有個🔨卑你扑爛佢，入面有d抹茶曲奇碎、cream、寒天、藍莓和士多啤梨，又係出乎意料幾好食喎食物比想像中好，環境亦都算不錯，上餐速度都好快，排一陣就有位，想食個快飯都係唔錯既選擇

一到餐廳有店員打招呼禮貌不錯👍🏻環境都好夠大夠整潔乾淨行日本木系簡約風 唔會有太多裝飾品客人自助用QR code落單所以唔係好覺得有被serve店員只係負責上餐 但收加一服務費好無理同另一位朋友一齊食叫咗個燒雞沙律🥗&黑松露醬薯條🍟&燒雞茄汁蛋包飯沙律都叫多菜但唔係好多燒雞 適合細食健康人士自己食黑松露醬薯條普通冇特別蛋包飯幾好食 包係蛋入面嘅飯都有用照燒雞汁煮過再包蛋再用茄汁伴碟唯一可能都係因為係太古開店？價錢都偏貴 2個人食飯冇叫飲料加埋一要$250 個人嚟講覺得CP值唔高

明太子雑錦海鮮歐姆蛋包飯 $148上面鋪滿木魚片，隨風搖曳，加上餐廳四周有露營主題佈置，想起日本動畫《搖曳露營》😂明太子醬幾鹹，好彩係另上，自己鍾意幾多就落幾多。蛋包飯目測最少有四隻蛋，超厚身，食到最後有少少滯。入面嘅海鮮炒飯有濃厚醬油味，食到帶子、魷魚、蜆肉等。脆脆吉列豬扒芝士歐姆蛋包飯 $148吉列豬扒厚身，味道正常，沒有太大驚喜，反而個芝士汁好香濃，正！栗子培茶奶茶配寒天 $48見到咁多飲品可以選擇，受唔住誘惑叫咗杯嘢飲，呢杯嘢其實無咩奶茶味，栗子味就好突出，仲飲到栗泥，真材實料。面有阿華田脆脆，底有細細粒寒天，口感豐富。題外話：隻杯嘅形狀好得意😆餐牌好靚，多圖，多選擇，影俾大家參考吓。另外有個太古店限定 dinner set，篇幅所限貼唔到上黎，店門口有展示出黎~整體上食物質素不錯，飲品更加出色，環境舒服，店員服務都幾好，黎太古城行街食飯又多一個選擇。

太古城APITA新開嘅日式西餐廳，主打蛋包飯。lunch set由$108+, 有前菜，有嘢飲，選擇都幾多。我哋叫咗黑松露溫泉蛋carbonara set, 前菜我哋揀咗松露薯條，加錢要左龍蝦湯。Carbonara超級Creamy，味道非常濃郁，仲有好香嘅黑松露味，超級好。龍蝦湯都冇揸流攤，味道偏濃。由於我想食蛋包飯，但係lunch set冇我想食嘅蛋包飯，所以我決定散叫雞肉蛋包飯。一想到枱賣相已經非常好，雞蛋入邊係炒飯再加雞肉粒，配上蕃茄汁，味道非常好，小朋友都一定會好鍾意食。餐廳，食物質素唔錯，蛋包飯做得幾抵，性價比唔錯👍🏻

滿心期待想試下有牛油果既菜式，但係雞肉牛油果多士係由頭到尾連個碟都係冰凍！真係嚇死人，個嘴掂一掂已經係凍到縮開！我馬上唔食。由於掂過，都唔方有得退，朋友幫我食埋。佢身為男人都話「真係好凍下喎」多士唔係應該熱辣辣架咩？最少唔會連碟都雪凍啦呀嘛⋯⋯相反朋友叫果個豬排蛋包飯就正常好多，係熱既。味道普普通通啦，冇咩特別，同其他豬排蛋包飯食到既質素差唔多。如果多啲汁會更好。野飲方面，叫咗熱既水果茶，甜甜地幾好飲，可以refill，幾好。

叫咗和風照燒雞肉旋風蛋包飯蛋算ok, 唔算太滑。雞肉係切碎炒咗落啲飯裏面。好多都燶咗啲。飯食落似係用蠔油炒 (應該唔係嘅, 聞落幾香)。係蕃茄汁有啲惹味。overall 正常。