SENSU (太古城中心)

營業中

休息中

疫情下多數留家用膳，今天難得去shopping，咁就揀間新餐廳去食晚餐，平日夜晚都好多人，不過空間感好大，木系裝修，坐得好舒服。餐廳露營主題，仲有好多個大大既世界地圖，令人好回味旅行既感覺。太古店期間限定，Open rice 訂座指定menu 有75折。我地揀左脆脆吉列豬扒芝士歐姆蛋包飯、吉列豬扒炸得好鬆脆，豬扒好厚身但又唔硬，好吃！蛋包飯，賣相不錯，只是蛋偏熟；飯係珍珠米，粒粒分明。仲有叫左個和風照燒安格斯牛肉奶油多士，個多士配左奶油好香，邪惡既味道，牛肉醬汁都好配，味道100分，可惜牛肉偏乾。見到杯靚靚紫色既靛，有不同層次，首先飲到係檸檬啫喱同埋蝶豆花既味道，之後有一陣泰國既氣息，應該係椰青水，總括黎講係酸酸甜甜，幾清新。另外仲叫左杯栗子焙茶鮮奶，平時多數飲焙茶，好少遇到有粟子，淡淡的栗子同焙茶味都飲到，最重的是奶的味道！最後仲叫左甜品蔚藍星球，都係啲gimmick 野，之前自己都整過呢啲敲敲蛋糕，真係好巧功夫，不過好開心，又可以玩又可以食。

大熱天時放假最好搵個商場hea番一個下晝，太古係港島區我最鍾意行嘅商場，商場店鋪多不勝數，食店種類選擇又多，今日就黎個悠閑午餐😋，係太古中心二期Apita地下樓層，見倒SENSU有間新分店係呢度，餐廳以露營為主題，主打fusion日式、西式菜，地方闊落，坐位舒適，店員非常有禮，令我整個悠閑午餐旅程都好舒適😃。🍝黑松露卡邦尼意粉 - 嘩😃黑松露唔係一般餐廳用松露粉果亭，呢個係用松露片，令本來平平無奇嘅意粉即時升格。意粉係我鍾意果種扁意粉，口感有些少煙韌，個汁略略扁淡，但連埋一啲碎煙肉一齊入口，味道剛好balance番，卡邦尼汁杰度剛好，非常掛汁。🥪和風照燒安格斯牛肉奶油多士 - 賣相吸引，即時要打卡😄，麵包外脆內軟，非常好嘅口感😋，安格斯牛非常大件，每咬一啖都可以享受倒和牛嘅味道，和牛非常鬆軟，同照燒汁嘅味道亦非常夾配；側邊嘅伴菜亦成餐後嘅亮點，沙律菜不但新鮮，亦有洗擦味蕾嘅神奇效果。🍮抹茶tiramisu - 上面果層芝士奶蓋好似火山溶岩咁慢慢瀉下包住整個蛋糕，中間一層厚厚芝士夾心，綿滑鬆軟；頂層有幾粒小丸子🍡煙煙韌韌，令整個甜品多左一層口感。

太古為sᴇɴsᴜ新分店，以露營為主題⛺ 原本為咗奶油多士同甜品特登過海去食點知當日2樣都冇好可惜🥹 .📍脆脆吉列豬扒芝士歐姆蛋包飯($𝟷𝟺𝟾) ᴄʀɪsᴘʏ ᴘᴏʀᴋ ᴄᴜᴛʟᴇᴛ. ᴄʜᴇᴇsᴇ sᴀᴜᴄᴇ. ᴏᴍᴇʟᴇᴛᴛᴇ ʀɪᴄᴇ 佢哋有幾款唔同嘅蛋包飯，應該係餐廳嘅sɪɢɴᴀᴛᴜʀᴇ 豬扒太瘦食落偏乾，應該係選材問題🐖 不過好彩炸皮薄脆而且唔油膩 蛋都幾滑而且有一定厚度，唔係得一片薄薄蛋皮🐣蛋香味重💛，中間包住用甜豉油炒過嘅飯 食落軟綿綿，甜甜地味道都唔錯 旁邊嘅芝士汁唔夠惹味，唔加都唔可惜 .📍黑松露溫泉蛋卡邦尼扁意粉（$𝟷𝟷𝟾） ʙʟᴀᴄᴋ ᴛʀᴜғғʟᴇ, ᴘᴀɴᴄᴇᴛᴛᴀ, ᴏɴsᴇɴ ᴇɢɢ, ᴄᴀʀʙᴏɴᴀʀᴀ sᴀᴜᴄᴇ, ʟɪɴɢᴜɪɴᴇ 賣相好靚仔，有黑松露片同晶瑩剔透嘅溫泉蛋❣️ 隻蛋整得啱啱好，超流心食落仲有蛋香🐣 扁意粉唔會太腍，野菌亦好香 醬汁ᴄʀᴇᴀᴍʏ不過味道實在係太淡味 加咗煙肉🥓都唔夠鹹，另外亦食唔到黑松露味 呢款真係有啲失望 .📍靛 ɪɴᴅɪɢᴏ ($𝟼𝟾) 以椰子水做底🧉，加入梨味糖漿、西瓜果肉🍉、檸檬同藍蝶花啫喱，顏色好夢幻，而且夠晒大

話說之前食過銅鑼灣分店，今日同閨密試下太古新分店，仲要係至愛嘅camping主題添🥰餐廳係木系、camping主題，俾人一種放假嘅vibe🥰🏕<脆脆吉列豬扒芝士歐姆蛋包飯>推介！！！吉列豬扒係超大塊，而且個外層係好脆，豬扒好厚身，但係咬落好juicy，配超滑、好重蛋味嘅蛋包飯，加埋芝士醬，100分！<黑松露卡邦尼意粉>我呢個黑松露怪表示好滿足🥰配料好豐富，而且有好多芝士，芝士fans一定中意💖意粉軟硬程度剛剛好❤️<抹茶tiramisu>不得了，好邪惡😈好濃芝士味嘅sauce，同抹茶tiramisu好match，中意芝士嘅朋友仔一定好中意。份量好大份，適合同朋友一齊share😗😗

新開的西日式餐廳在Apita! 係OpenRice search見環境同食物都唔錯便去試下。我地lunch time 大約12.45到都已經要排長期，排左大約30分鐘便被安排入座。叫左一個鰻魚飯同吉列豬扒蛋包飯。兩碟既賣相都非常靚好吸引，鰻魚飯同事話好食。但我個吉列豬扒就唔得…個豬肉粉粉地色望落去好似唔熟咁但心諗可能我唔識野隻靚豬肉係咁粉粉地色😅。但咬落口係咬唔到，我要吐左出黎切個時都已經好難切。我都唔知究竟我食左生豬肉定咩事，之後個下午都好頭痛…可讚是個炸粉好脆口同蛋白飯個味道good。

最近聽聞同事分享開開飯好去處，從中無意中發現到呢間Sensu新開係太古的既fusion 西餐廳，而且睇落都幾高質下咁，於是就趁今日可以早小小收工閃人就黎食下佢~利申我係九龍個邊收工既，所以我係好有誠意黎嫁~哈哈講返主題，餐廳既裝修係露營風，都係用主木色配上簡約既線條令我置身其中都感到好自在，而且侍應既反應和服務都非常唔錯，能夠係太古佔一席位係需要方方面面既~食物質素我覺得係有驚喜既，味道適合我之餘仲適合埋我朋友~ 味道唔會太濃味，保留到食物原本的鮮味。揀左吉利豬扒歐姆蛋包飯，豬扒都幾大份同juicy。另外，仲有和風照燒安格斯牛肉奶油多士，主要用燒的方法，帶出牛肉的原味。飲品係靛 Indigo & 抹茶鮮奶。另外再叫一個抹茶提拉米蘇，唔會太甜，食完都唔會滯😆

高質人氣cafe果然名不虛傳😎 夜晚餐廳外已經有人龍🫢 聽聞太古城係SENSU既新分店，已經吸引左咁多人黎試🤤亦吸引左我…要入去試一試！餐廳風格以露營為主題🏕點左餐廳招牌嘅食物，包括和風照燒安格斯牛肉奶油多士🐂黑松露卡邦尼意粉🍝甜品就叫左抹茶提拉米蘇😍🍵仲有兩杯非常有特色嘅飲品，靛Indigo 同埋竹炭焦糖鮮奶咖啡配寒天🥛首先講吓個安格斯牛肉奶油多士，牛肉唔會靭，牛味突出，大塊之餘，脂肪亦唔多🐂 配上洋蔥🧅好開胃，質素唔錯👍多士軟熟又有陣陣奶油香味☺️好好食！（必試）黑松露卡邦尼意粉有啲驚喜，餐廳採用切片黑松露，意粉好creamy🤤忌廉好濃郁，意粉唔會好淋👍有口感，流心蛋亦整得好靚🥚整體都好滿意！抹茶提拉米蘇份量好大舊😳中間係芝士蛋糕，上下層係抹茶蛋糕🍵🤤 有飽肚感，濃濃的芝士蛋糕味，好多cream好creamy👍仲配有三粒丸子🥰令整體口感更豐富👍最後兩杯嘢飲🍸其中一杯係餐廳招牌✨靛-好多款水果混合而成😎包括檸檬啫喱，西瓜汁，梨及椰子水🥥 好健康嘅感覺🤓 而另一杯竹炭焦糖鮮奶咖啡，焦糖咖啡突出👍寒天又有口感☺️好好飲（必試）整體餐廳食物環境都好唔錯👍值得去試一試呀🤤

已經唔記得左上次嚟太古係幾多年前嘅事了，今次都係探朋友所以先會山長水遠過嚟，成個商場都唔同晒，多左好多野行，我同朋友講唔敢亂入啲鋪，怕一時腦波弱亂咁跌錢錢(笑)。朋友話商場裝修後多左個神秘角落，入面有間日式西餐好吸引，明明我地諗住少啲人一開門就去，點知大家係排隊等開門，好彩我地都捉緊尾果幾個入到第一輪，差啲就嚇到吃手手！原來sensu好多地方都有，太古呢間係最新嘅分店，同埋以露營為主題比較特別。-脆脆吉列豬扒芝士歐姆蛋包飯 $148口味heavy 如我晨早流流就揀左「脆脆吉列豬扒芝士歐姆蛋包飯」。其實我好少喺外面食吉列豬扒，因為炸得唔好就好易變石頭咁硬，但我俾個芝士汁吸引左，所以二話不說就揀左呢個。嚟到和大份真係嚇一嚇，而且吉列豬扒很得好好，炸粉唔會太厚，而且肉都仲好爽彈，冇牙婆如我都輕易handle得到，點埋芝士汁就真係更加惹味！另一重點係個歐姆蛋包飯，味道有日本嘅感覺，值得一提嘅係飯本人好好食，煮得彈牙又濕潤！-黑松露溫泉蛋卡邦尼扁意粉 $108朋友因為想食少啲肉，所以就揀左「黑松露溫泉蛋卡邦尼扁意粉」，嚟到時聞到真黑松露嘅香味，而且仲有幾片現刨黑松露喺面，而且仲有一隻好靚嘅溫泉蛋

為慶祝生日，book左呢間好美味嘅餐廳。早排食過沙田店相當不錯，今次黎到太古呢間新店。野外露營做主題，門口就有打卡位。十二點開門原來已排緊隊，人氣甚高，好彩一早book左位，否則實有排等。黑松露薯條 $48新鮮熱辣辣，沾上黑松露沙律醬，帶少少酸味，不錯。焗章魚燒風味薄餅麵包 $98賣相吸引，麵包好鬆化牛油味香濃，加上海鮮配料，估唔到配上日式風味係咁夾。脆脆吉列豬扒芝士歐姆蛋包飯 $148豐富嘅飯，豬扒大大塊，外皮脆脆的，肉質鬆軟仲好Juicy。滑蛋脹卜卜，切開中間仍保留蛋汁，好嫩滑。據聞採用日本蛋，所以蛋味濃郁，包住中間嘅有味飯，非常適合小朋友。黑松露野菌扁意粉 $108意粉上面大大單黑松露，香氣十足。意粉軟硬適中，配上黑松露忌廉汁，仲有好多雜菌。靛Indigo $68期間限定嘅清爽飲品，大愛紫紅色，相當夢幻。有檸檬啫喱，藍色啫喱，西瓜，酸酸甜甜，爽爽口感豐富。朱古力咖啡 $48拉花非常靚，咖啡味濃郁，帶朱古力味，味道平衡。滿意!抹茶提拉米蘇 $88甜品方面特別出色，呢個提拉米蘇真係非常好味。蛋糕上面有三粒麻糬波波，淋上芝士奶蓋同灑上抹茶粉。切開後見到明顯三層，抹茶、忌廉芝士。入口即溶

經過見到呢到有間新開既餐廳，環境幾靚，有少少露營既元素。見到佢呢到好似出名蛋包飯，所以叫左個脆脆吉列豬扒芝士蛋包飯，佢側邊仲有個芝士醬，可以沾炸豬扒。炸豬扒個皮好脆，就算上左菜左一陣未食，都保持都脆既口感，配埋芝士醬真係好邪惡。蛋包飯個蛋都幾嫩滑，入面係炒飯底，好夠味。另外，叫左黑松露溫泉蛋卡邦尼扁意粉，有幾塊黑松露係面架! 個意粉份量都幾多，好足料，隻蛋仲好靚TIM。野飲叫左最打卡able既靛indigo ，入面主要係椰子水，有西瓜肉，仲有D jelly，其實飲完都幾飽，成杯好fresh! 甜品就叫左Matcha tiramisu ，上面個層似芝士奶蓋，中間每一個分層都好好食，又唔會太甜!!

點解露營必須酒？因為要做最好的馴獸師？定係要攻要守不顫抖？太膚淺啦，等我話你知，近排「Sensu」就係太古城開左間新店以露營為主題，裝潢夠modern之餘，空間亦相當寬敞，主打西日fusion菜，朋友！進化和蛻變吧！👇📌太古店の期間限定 - ▪️ Crispy Pork · Cutler Cheese Sauce · Omelette Rice - $148▫️ 話明期間限定，執輸行頭慘過敗家，一定要試試呢個「脆脆吉列豬扒·芝士歐姆·蛋包飯」，就咁睇賣相都知吸引，一切開裡面飯底非常鬆軟，外層蛋香十足，加埋芝士鹹香到位，旁邊既吉列豬扒炸得亦夠出色，粉漿極薄，入口熱辣辣肉質又有彈性，仲保持到肉汁，非常好食！📌P A S T A -▪️ Black Truffle · Wild Mushroom · Cream Soup · Linguine - $108▫️ 呢個「黑松露野菌·扁意粉」亦有驚喜，上枱果陣已經聞到黑松露香，扁意粉食落係Al dente果種，好有咬口；加上松露大大塊，配搭野菌一齊食，香濃惹味，個cream sauce唔會太膩，但又刺激到食慾，整體唔錯。📌D E S S E R T -▪️

今日去咗太古城食人氣日式餐廳SENSU新分店，餐廳裝修企理，呢一間嘅主題係 : 露營，喺餐廳門口已經放滿露營有關嘅裝飾，非常有特色。以食物方面，我最想試吓佢嘅蛋包飯，每間分店都有佢限定嘅菜式。-脆脆吉列豬扒芝士歐姆蛋包飯豬扒非常勁厚切，外皮炸得超級脆，食落冇油膩感覺，歐姆蛋炒得夠滑，炒飯底味道都算唔錯。-黑松露卡邦尼意粉呢碟意粉絕對係視覺效果一流，原塊黑松露，一啲都唔吝嗇鋪晒喺意粉上面，再配上一隻溫泉蛋，加上蛋黃汁一齊食，絕對creamy得來又美妙嘅口感。-抹茶提拉米蘇忌廉芝士味道香濃，唔算有超級濃郁嘅抹茶味，不過不失嘅一道甜品。-評分 : 6/10

Good location, delicious foods, nice decoration, clean place.呢間店鋪以露營為主題，太古城都係新店開張，用左好多植物裝飾，加上佢哋獨有既藍色森林系甜品同野飲，成個環境好舒適好 relax。和風照燒安格斯牛肉奶油多士$98多士唔同於港式toast,似烘烤過後既牛奶排包，多了一份奶香味。日式和風醬汁安格斯牛肉，肉質細嫩又緊實，更添層次感。靛$68不得不提呢杯超靚既特飲，入面有檸檬啫喱、椰子水、西瓜、蝶豆花同埋薄荷。炎炎夏日梗係好想嘆杯靚靚特飲脆脆吉列豬扒芝士歐姆蛋包飯 $148要大讚佢既豬扒，油炸火候岩岩好，豬扒食落口滑嫩多汁，內裡有靚靚既粉紅色，配上歐姆蛋包飯非常美味。blue planet呢個甜品同樣超級精緻！

Sensu 假日當然就係同老婆行吓街走下shopping，原來太古城都開咗間新嘅超時代現在入去睇吓啦睇吓有咩好食啦，費事一間比較日式嘅西餐廳，當然要食一食試試和風照燒安格斯牛肉奶油多士平時食早餐午餐就見得多用多士做主食，今日見到一個比較特別嘅菜式所以就要試吓，上台都已經好吸睛，照燒汁非常之多，安格斯牛肉鋪滿成個奶油多士度牛肉玩埋多士，更加多左一層味之享受脆脆吉列豬扒芝士歐拇蛋包飯另外老婆就叫咗個蛋包飯試吓，佢哋嘅吉列豬扒炸到皮薄餡靚，配上有芝士嘅蛋包飯， 10分滿足蔚藍星球另外我就叫咗個甜品做最後嘅總結啦，今次佢哋嘅甜品都幾特別，喺平時嘅餐廳應該都搵唔到呢個甜品就係最近都好出色嘅卜卜蛋糕，打卡玩味十足靛另外依杯飲品都幾清爽，老婆飲完都覺得與別不同，尤其佢哋嘅蝶豆花同檸檬啫喱，非常之有咬口，係高身杯嘅配套下絕對係打卡,加上西瓜絕對係消暑之選估唔到都可以食多間幾特別嘅晚餐，我地整體嚟講都覺得好滿意

SENSU於太古城開設新分店，以露營為主題，裝潢簡約清雅，配合木系格調，環境舒適。和風照燒安格斯牛肉奶油多士牛肉份量豐盛，入味且味道帶微甜，奶油多士鬆軟香口，充滿奶油香；驚喜滿滿。黑松露卡邦尼意粉意粉掛汁，加上蛋黃令意粉更Creamy香滑，充滿蛋香，配合原片黑松露，帶來松露香氣，誠意十足！抹茶提拉米蘇奶蓋綿密還帶淡淡的鹹味，襯托出奶味更加濃厚，茶味突出無苦澀味，味道清香怡人，散發住清新又優雅的風味，口感層次鮮明。靛 Indigo 由檸檬果凍、藍茶果凍、梨糖漿、西瓜及椰子水製成，味道清爽透心凉，口感層次豐富且消暑。